斯慕奇 (已結業)

呢間小店經常大排長龍😮今日就買左一條原味泡芙棒試下，由於新鮮出爐都需要等一陣，等待期間陸續有人排隊👏🏻熱辣辣好新鮮，cream好smooth，都不錯，但值唔值得排隊等就見仁見智了🙈

平時路過都見這間店子滿滿客人，今晚可能下雨，見到不用排隊，就落單買了一條試試。店員服務態度 普通，好快 D 已將食品交給我，可能放了很久，外面是冷的，內裡甜甜的凍凍的，總括黎講很普通

食過翻尋味啊真係！睇下的吉士醬爆到流出黎！不得了！每次幾過都試下佢既新味！今次食可可香芋味奶脆！新味道仲有榴蓮！我麻麻地榴蓮所以無試下～可可香芋奶脆$25 /條可可泡芙脆條，有少許可可味，外層勁脆，好有口感！今次既香芋味就無咁重味，淡淡既香芋味道，冷凍既吉士醬，外脆內軟！真係食過一次都忘記唔到，每次經過都要食一條！重點係唔會食到周身都係，一路行一路食都勁方便！排得整整齊齊既泡芙棒，真係好治癒～透明既玻璃窗，可以睇到入面既製作過程，見住佢支啲吉士醬入去，真係好過癮！

每次行旺角呢條路都會聞到好香嘅泡芙味，每次都勁想食！果晚食完飯見到冇乜人排隊就買黎試下，佢有幾種味，例如朱古力啊抹茶等等，不過第一次食都係想食原味，咁先知道佢係咩料呀嘛！😉🔻原味泡芙▫️呢個條狀泡芙都幾長下，個皮幾脆▫️食到第二啖啲cream開始咇出嚟，都足料可能因為佢太香，令人期望好高，但係後尾發現食落都冇乜特別，好似聞落仲正d。不過都幾好食嘅，但係$22來講冇乜驚喜，應該唔會再有下次lu！😗

Smuki·斯慕奇係旺角行人專用區內，一條橫行入面，細細間既舖頭，外面排曬隊，八卦心一起，睇下賣什麼既！原來係賣杏仁脆脆泡芙棒，舖頭有個大玻璃窗，入面睇到排得整齊既泡芙棒，又可以睇住店加的吉士餡入去，好治癒～佢有好多隻味：原味，抹茶同士多啤梨外面既泡芙棒可以選擇經典or可可味！我簡左經典抹茶斯慕奇$22個皮脆卜卜，一咬入口就食到抹茶吉士餡💯凍冰冰～好正！夠凍，好似食緊雪糕咁！條狀既泡芙，食得方便又唔會整到周圍都係🥰好邪惡既零食，食完一條好想食多條啊！

從前有一天，食完晚餐，已經很飽很飽，但去巴士站途經西洋菜南街，突然飄來陣陣香味，順著香味尋找，終於找出源頭，是來自一間有趣的餅店。今晚放工後，由於要去銀城維修手機，維修前當然要先醫一醫肚，想起當日香味的源頭，就在附近，決定去試一下。店名叫SMUKI，中文名是斯慕奇。店鋪門口擺放了一條條，SMUKI的主角，泡芙條。據聞，選用了法國北部地區的小麥，及新西蘭牛油製作。泡芙條的酥皮上，鋪滿不少杏仁粒，內則注滿吉士餡，外脆內滑，外熱內凍。以且有多種味道選擇，這次我選了原味及可可香芋，前者味道經典，後者可可及香芋味明顯，有趣。可惜由於影相的原因，酥皮的脆度不足，不夠熱。下次可以再試其他味道。兩條共47元，原味22元，可可香芋25元，性價比不低，值得推介。另外記得，即買即食，先可以感受到外熱內凍的感覺。Smuki 扺玩指數 2/3地址:旺角西洋菜南街60號地下3號舖

行開旺角，見到有間新嘢，門外有人排緊隊，走埋去湊個熱鬧🙆🏻行到附近已經聞到好香，好似泡芙咁嘅味，行近啲仲感受到嗰陣熱力，不知覺咁跟住排隊😂唔洗等好耐就到我order，第一次食，穩穩陣叫咗個經典原味奶脆。落完單轉個頭就有得食😋一拎上手，點解一啲都唔熱嘅😂明明喺鋪外好感受到嗰股焗爐嘅熱力㗎。可能驚辣親客人嘅手，唔會出咁熱嘅smuki啦，始終包裝只有薄薄一層紙。入面嘅cream，凍凍地，好滑好creamy，甜度啱啱好，淡淡地唔會好漏。外層好酥脆，但如果熱啲同裡面凍凍地嘅cream形成較大嘅反差會好好多。

今日同男朋友喺旺角百老匯睇完戲周圍行突然 睇到有一間嘢， 好熟口味之前好似上網介紹過於是 就買咗一條試下啦佢有幾隻口味一個係原味， 我諗應該係吉士 $22另外嗰啲都係有分經典香芋或者 可可香芋其餘嗰啲就唔記得 ~，~我今次就揀咗 經典香芋味 $25蚊諗住揀可可香芋味 ， 不過買曬仲諗住 外邊係好脆卜卜原來唔係，有少少淋不過都有口感嘅個香芋味真係估佢唔到呀食落去有啲似 平時食開嗰隻雀巢雪糕味嘅香芋不過就唔太凍， 如果內面嘅 香芋 cream 夠凍的話會更加正

旺角真係一個神奇既地方🤟 每次黎到都總係有食肆消失👻 亦都有新食物登場🎉真係可拍番套怪獸與他們的產地下集，食物與它們的墓地，仲有小食與食得唔好晒之罪行（唔明我講乜就自己問harry potter)係旺角中央，銀行中心同旺角電腦中心之間既Smuki, 斯慕奇吸引到我注意力，主要係你晚飯又無食飽🤭，又唔想開多餐既原力軀使下👿你尋找小食既能力伐令你瞳孔放大咗十倍😎望落去舖頭已經一大排脆脆棒 （佢正名係乜？請指教😛）埋到去其實只係揀個饀同科水，晚頭人唔太多，等咗5分鐘唔駛就有🤗 其實都係等佢之啲饀入中間同放入紙袋😄食小食最怕整污糟自己，但脆脆棒抽出黎係無汁漏😯 長條外型應該係麵包製品，但佢仲脆過鮮炸起油炸鬼🤤 入面個汁其實就偏流質液體，但就唔會滲漏出黎，講真，特色只係佢夠脆，說穿咗佢都係一個puff我揀既係芋香味，可能亦因為咁偏液體啲一條22蚊，口大既我4啖咬晒😄 食一次半次IG 下都可以，但應該無下次🙄

同朋友喺旺角行街時見到呢間甜品店排晒長龍，基於好奇心就同朋友買左兩條奶脆試試。試左經典原味奶脆（$22）同可可抹茶奶脆（$25）。所謂奶脆其實即係條狀泡芙，食落冇食泡芙咁messy。脆皮有兩種選擇，經典味脆皮即係原味，而可可味脆皮食落可可味唔突出，基本上同經典味差唔多，只不過外皮有灑上果仁。至於餡料，原味吉士醬甜而不膩，而抹茶味吉士醬，抹茶味都算突出，表現中上！所有脆皮都剛剛出爐，暖而脆身，而餡料就帶點冰感，外熱內凍，相比起泡芙店只可以買到凍的泡芺，呢間嘅條狀泡芙更加好食！

成日經過旺角行人專用區都會聞到一陣好香嘅曲奇味喺遠處漂過嚟💨但係今次就唔係賣曲奇或者puff而係賣法國臻品奶脆條，簡稱churros，究竟係咪同佢香味一樣咁正咁好食呢😉========================🥢經典香芋斯慕奇🥨 $22即席烘焗嘅泡芙條長條形攞上手熱辣辣嘅，非常燙手‼️泡芙條嘅外層脆皮非常酥脆，而入邊嘅凍冰冰嘅香芋吉士醬同外層嘅酥皮一冷一熱，互相對比之下口感幾獨特，吉士醬唔算係食落好Creamy好漏嗰種，當係飯前小食或者飯後甜品食絕對可以😝可惜吉士醬比較杰身，而且香芋🍠嘅味道較淡唔夠濃郁，反而偏向奶味較重，比我感覺嘅係甜味多過芋頭味🤨如果可以加重一下香芋味道會更好～

旺角呢一間賣呢款泡芙條的專門店「SMUKI」，以藍白色設計為主。真係經過都聞到一陣陣香味呀😍😍😍櫥窗放滿一條條脆卜卜又和噴噴ge泡芙條，令我忍不住停下腳步欣賞。最後忍不住買咗一條黎食。泡芙條的酥皮上有杏仁粒粒，咬落脆卜卜🥳🥳🥳裏面有滿滿的吉士餡，奶味頗濃，入口微凍，有點兒似雪糕。今次我就試咗可可味$25，因為新鮮出爐關係，外層非常鬆脆，裏面香滑。提提大家要快D食，否則外層容易變腍，會影響口感。

係旺角等位食晚飯前，太肚餓就買左條法國Churro醫肚，即係法國臻品奶脆，又名泡芙條，呢款小食係香港人唔常見，我嗌咗經典抹茶味($22)，即場出爐熱辣辣，個泡芙條幾香口幾脆，而凍嘅抹茶醬有吉士質感，幾creamy，當然唔會期望佢有好重抹茶味，不過味道都ok~

行行下mk，見到有間新野，望望下見到開始有人排隊，過去望到原來係呢條野，之前過澳門玩順便去珠海睇下，都見過有間咁既野，賣$14幾好食。見到呢間賣$22，心已經覺得有點貴唔太值，但因為之前珠海食過好好食既關係，諗住行一個轉後，如果無咩人排隊先買黎試下，結果行完返黎見到無人排隊就即買左件試食。結果比想像中差，唔夠脆，個心都算ok既，係個外面唔夠脆，林左d，出面食泡芙都會硬少少，但呢隻就似泡芙由雪櫃擺咗出嚟好耐咁，林左既感覺。如果未食過珠海果件，可能會覺得好味哇。。。。

旺角特別多夜市，到10點鐘街依然都好多人，突然傳來一陣嘅香味，忙一忙就係旁邊呢間小商店，呢條棒入面有非常多嘅吉士cream，好好味！又唔太甜，皮又夠鬆脆下次我再去旺角嘅時候都一定會再食