料理X空間

营业中

休息中

今日行過深水埗，發現呢間隱世新開小店。裝修唔錯，入到去幾舒服，老細非常nice，好似招呼屋企人咁親切。食物質素好，大件夾抵食，味道正。叫咗個全日早餐同煙三文魚waffle。Waffle有蛋味，唔係用蛋水，有口感。呢間可以再去！

去完深水埗買嘢看看附近有什麼嘢食，無意中發現這間喺深水埗頗特別嘅新餐廳，膽粗粗就試吓啦，點知有驚喜喎😀。睇完餐牌好多嘢都想試，但得兩個人，我哋就嗌咗三樣，都好好吃😋1. 焗芝士蟹蓋2. 手打豚肉漢堡3. 芒果pancake4. 咖啡價錢合理，食吓，chill 吓都吃了三個鐘😅。好彩無限時間，冇趕我哋走啫。總括嚟講，嘢食好食，環境舒適，廚師，侍應都好Nice，輕鬆愉快的週末，下次會再試吓其它好西。

難得有日早收工帶仔女去深水埗買玩具兼食飯，路過一間新開嘅西餐廳，於是停低望左幾眼，老闆就用好親切嘅笑容同好客嘅態度去介紹餐廳有咩食？於是我哋抱住戰戰兢兢嘅心情去聽老闆介紹。誰不知呢間餐廳係食新派西餐嘅。見小朋友話肚餓，於是抱住打大佬嘅心態去試吓？唔試由自可，一試便知龍與鳳首先老闆送咗個前菜俾我哋食前菜個名就係Wasabi黑醋支豆！第一啖食落去，味道唔知點樣形容，真係好食嘅。黑醋同Wasabi個配合同比例啱啱好！之後我哋叫咗幾個餸食，蝦膠三寶，芝麻芝士蝦多士，意大利火腿窩夫，芝士焗蟹蓋，西班牙辣肉腸鮮蝦炒通粉，黑松露野菌珍珠飯，香草慢烤原條一字牛仔骨。等我簡單介紹吓呢啲菜式，黑膠三寶係用新鮮嘅蝦來做嘅，非常有鮮味，而且蝦亦都非常之爽脆，芝麻芝士蝦多士，小朋友係最鍾意食嘅一樣主菜，佢裏面啲芝士真係可以拉到絲出嚟嘅。所以比小朋友征服左🤣。另外一樣小朋友最鍾意食嘅就係西班牙辣肉腸鮮蝦炒通粉….兩個小朋友都食唔停口，爭啲要幾多碟，😍另外意大利火腿窩夫係新鮮即製嘅，上枱嘅時候窩夫仲好熱，最喜出望外嘅就係芝士焗蟹蓋，蟹蓋內嘅蟹肉同芝士嘅味道配合得天衣無縫。最後係encore咗一次。🤣（因為爸爸想再食

店內環境：·枱與枱之間有距離。·所用既餐具睇得出老闆有心思設計。·光線充足。·開放式廚房睇住廚師烹調食物，感覺更乾淨及吸引，抽氣做得好離開時個身冇油煙味。食物方面：·Set lunch價錢吸引，午市免加一(亦係我選擇試食既其中原因)· 頭盤沙律菜(新鮮尤其係個沙律汁酸味調校適中)· 餐湯(蕃茄湯上邊透明一絲絲既係雪耳，煮得好軟身同個湯好夾)·黑椒牛柳+咖喱豚肉飯(擺碟味道一流👍🏽)· 芒果班戟(廚師話事餐牌無㗎！)🤩

店內環境：·枱與枱之間有距離坐得舒服。·所用既餐具睇得出老闆有心思設計。·光線充足。·開放式廚房睇住廚師👨🏻‍🍳烹調食物，感覺更乾淨及吸引，抽氣做得好離開時個身冇油煙味。食物方面：·Set lunch價錢吸引，午市免加一(亦係我選擇試食既其中原因)☝🏽· 頭盤沙律菜🥗(新鮮尤其係個沙律汁酸味調校適中)· 餐湯(蕃茄湯上邊透明一絲絲既係雪耳，煮得好軟身同個湯好夾)·黑椒牛柳+咖喱豚肉飯(擺碟味道一流👍🏽)· 芒果班戟(廚師話事餐牌無㗎！🤩)

深水埗開咗新餐廳🎉即刻出動嚟食lunch，本來諗住試一次先，點知好食都我連續食兩日😆餐廳氣氛好relax好舒服，仲有落地大玻璃窗，而且上菜都幾快👍🏻泰式香料䐁肉碎炒通粉(少辣) $78第一次嚟點咗通粉，通粉上枱時熱辣辣出哂煙，睇落勁吸引🤤點菜時侍應講明呢款通粉係辣的，我又想食又驚辣，咁就點咗少辣。食落唔覺得有辣，係吞咗落肚先係喉嚨感受到微微的辣，呢個辣度我勁滿意👍🏻通粉粒粒都好彈牙，味道濃郁，少少鹹，加埋肉碎勁惹味，非常好食。法式黑椒牛柳配溫室蔬菜 $88第二次嚟點咗牛柳，牛柳有3大塊，份量比想像中多。牛柳食落味道濃郁，肉質軟腍無筋，呢個價錢嚟講都幾高質。好欣賞牛柳的淡淡黑椒味，好好食，再蘸d黃芥末更正👍🏻蔬菜有翠玉瓜同紅黃椒，都好juicy好鮮甜，唔錯。跟餐沙律沙律同餐廳的擺碟好精緻，尤其係盛沙律的玻璃杯，太靚啦🤩Sauce係和風醋，唔錯。跟餐餐湯 雪燕粟米忌廉湯第一次嚟的餐湯係粟米湯，質地非常Creamy，食落有淡淡的奶香味，好正，仲有好多粟米同雪燕，勁有口感，無諗過雪燕同西湯咁夾。跟餐餐湯 雪燕周打蜆湯第二日再嚟時餐湯轉咗喎，轉咗蜆湯😮蜆的份量都幾多，粒粒都脹卜卜，味道都唔錯👍🏻