斗滾 (銀座38) (已搬遷) 新店位置

原先訂座西環店，就啱尖沙咀開分店，一行7人去潮聖，待應安排坐露台位置，當初有點抗拒，但之後坐低完全改觀，原來露台環境這麼優美。陣陣清風送爽，靈台有3張6人枱，我哋7人佔了其中一張枱，有兩個電磁爐。首先嚟一個雞煲，可選大中小及BB辣，侍應教每2分鐘，揭蓋一次，要炒四次先可以食得，我哋只叫BB辣，啲雞好滑，配菜好吸味，雞煲仲可以無限添食。之後就蒸海鮮拼盤，用蒜蓉蒸聖子、鮑魚、扇貝，開邊蝦、龍躉肉、蚌及勁好味烏冬，新鮮好味，蒸得剛剛熟。再嚟一個烏雞蟲草花元肉雞湯，雞湯鮮味清甜，飲完湯再打邊爐，因我哋一行7人，可以選多一個邊爐湯底，侍應極力推介，蘿蔔牛坑腩湯，真係非一般湯底，蘿蔔淋、牛坑腩爽，其他火鍋配料同一般任食火鍋差不多，有丸、菜、豆腐、有鵝腸、麵食、蟹柳、菇類，不過呢度不是食肥牛，而是食牛脊任食，質素好有牛肉味，特別推介，墨魚膠和蝦膠筒，超彈牙，簡直無得頂，👍👍👍👍👍飲品方面有幾款汽水、茶類、但唔包啤酒，要另外買，光顧當日係平日，每位$268加一，無其他收費，到最後，每位還有一碗椰汁雪燕窩甜品提供，呢個價錢真係超抵食，最重要冇時間限制，還設有貴賓房包廳服務，最低消費$4500。

高質雞煲放題你試過未。朋友西環試過呢間，諗住都去試下，竟然話tst開左分店，正!! 方便好多，西環遠對我呢d新界東北人黎講，轉車轉到傻。雞煲可以選擇辣度由bb辣到大辣，大家記住可以食多d，食完可以再加，同埋佢d雞同豆卜好入味加滑。食完雞煲放題，登登登，就會上海鮮併盤，每人有一份7種海鮮既併盤，好正！之後就開始飲烏雞火鍋湯底跟住就可以食火鍋既食物打邊爐。無限任加手切牛頸脊，有口感同牛味真係手切。所有都係任食任叫除左海鮮併盤。全部都讚除左火鍋陪料質量比較麻麻。所以建議大家要食多d雞煲同牛。