齋啡

几年前试过斋啡嘅湾仔店同糖厂街Pop up 得知佢喺长沙湾重开后专登过嚟试吓当日系平日2:30左右 计埋我有4组客 店面细细 有三张大枱 对面就摆放左几个一人坐位同细枱 好彩我嚟到𠮶阵仲有一张大枱 如果坐细枱 食主食就比较狼狈当日叫左素三文鱼竹炭bagel同一杯黑芝麻latte 由于系纯素店 latte选用燕麦奶 芝麻味够浓 微甜 同燕麦奶几夹 如果用牛奶反而有浸奶苏味 好似我呢啲唔饮得太多咖啡嘅人可以一试主角系素三文鱼竹炭Bagel 一上枱就俾佢澎湃嘅沙律份量震撼到 素三文鱼同牛油果份量非常慷慨 我最欣赏嘅系个酱汁 好似刺身嘅豉油再加少少酸酸甜甜嘅调味 非常醒胃 个竹炭bagel烘得够热 口感非常烟靭 当日只有店主一人主理楼面同厨房 服务态度亲切友善 食物高质之余份量足够 我呢d零仪式感嘅人对𠮶d净系啱打卡，但食物贵又唔饱嘅Cafe冇乜兴趣 斋啡呢类朴实无华 用心专注品质嘅小店反而吸引到我 希望店主继续加油 大家多多支持…查看更多

早前尖沙咀结咗业嘅「斋啡」，而家响长沙湾开返喇，真系戥长沙湾嘅街坊高兴呀。今日第一日试业，真汉子嚟试吓啲嘢食同咖啡先。☺️其实呢度前身都系 cafe 嚟嘅，叫做「白千层」，佢哋装修有个我觉得好赞嘅特色，而斋啡都有保留嘅 - 就系靠墙有几个位有张好窄嘅枱（类似上 lecture 果啲但仲细张啲），刚刚摆到一杯咖啡同一件蛋糕，啱哂 I 人毒自饮啡同静静地睇吓书。相反附近有间叫 Contrast 嘅 cafe， 个铺同装修够哂张扬同浮夸，比较啱啲 E 人打卡同 socialize。😎咁耐冇食，梗系试吓佢哋最招牌嘅 all day breakfast （$138）同红丝绒蛋糕（跟餐加 $48) 啦。另加一杯 flat white （原价 $48，跟餐减 $20）。☕佢哋嘅 all day breakfast 系少数可以食得饱嘅，我意思唔系啱啱够食，而系捧住个肚果种。我钟意佢哋生果嘅比例好多，因为我爱食生果多过沙律菜（当然沙律菜份量都唔少）。😂一般 adb 嘅面包都系细份啲，但呢次个酸种面包劲大件，而且个鹰嘴豆酱超好味，食完好满足。另外 keep 住有 impossible 猪柳配纯素芝士呢个特色。🐽🧀唔少得系又靓又好食嘅红丝绒蛋糕啦，咁耐冇食，觉得好似仲好食咗。咖啡质素当然高啦，同埋各位素友如果惯咗口叫转植物奶，呢句都可以悭返，因为呢度嘅奶一定系燕麦奶嚟嘅。🥛长沙湾区之前虽然都有素食餐厅，例如佛友源同三宝素食，但素食 cafe 自 Cafe Imagine 之后都后继无人了，所以今次真系值得庆贺。题外话呢区嘅 cafe 密度真系超高，计埋斋啡，非集团式嘅都有 6 间，唔信下次过嚟数吓。🤣…查看更多