影片
细个住屋邨，附近比较地踎的粉面店，还记得牛腩煮得彻底到，比汤渣还坚硬的口感，牛腩的纤维一条条，十分分明。三十年过去，昨晚终于在明记，吃回细个的这种味道，十分感动。我见都有街坊帮衬，49蚊，包野饮。
继续阅读
住系慈云山二十年，一早已经认识同帮衬过文记。不过计下都有五六年冇帮衬，今日经开毓华里，又想食下午茶，就行左入来文记。下午三点半，两大一细一行三人，入铺坐低到拣野食都正常，到𠮶个阿姐过来落单……哗………𠮶啲态度真系差到一个点，仲衰过黑社会，到野食来𠮶时就另一个年纪大啲既阿姐过来送餐，可能系事头婆啦，所以态度都一样地差，大大声咁我隔离嗌“睇住”。整间铺头就得我地一张枱有客，搅到我以为间铺好迫要我企起身让佢先摆到啲野食落枱。文记喺慈云山几十年，食物质素就冇乜点变，唔系特别好亦唔系差，不过佢啲服务态度就真系越嚟越差，入去帮衬佢好似争佢钱咁。对比对面马路荣记或者街尾天马茶餐厅嘅服务态度真系相差十万倍。可能佢喺慈云山几十年，完全唔担心冇客，可以将客人当仇人看待。只可以讲呢一世都唔会再帮衬佢。
继续阅读
深宵煲仔饭，老板12点前都会煲☺️，即煲热辣辣，绝对加分！🤩梅菜肉饼煲仔饭+腊肠，煲仔饭最紧要加豉油，再焗5分钟，打开🤩。煲仔饭饭焦好香，梅菜肉饼用半肥瘦🐷肉打成，小编最钟意整整碎捞饭！腊肠会切片，啲未入晒猪肉同返到！加分！！！冻奶茶走甜多奶，深夜茶底仍然香浓🥰。餐厅开到12:30，老板钟意同食客吹水，可以要求煲仔饭既饭硬啲/软啲，餐厅环境偏旧，属老式茶餐厅，如果对环境好有要求既朋友，可能会感到有啲失望。
继续阅读
晚餐时间到😋呢两日天气较凉，最适宜食煲仔饭，食完暖笠笠。与好友就去慈云山品尝煲仔饭😋原本谂住去荣记，再品尝金蚝虾干煲仔饭，可惜是日休息😥只好在附近另寻食店❗在对面街有间竖起有煲仔饭嘅牌，咁就过去试试，今次我们点了3个煲仔饭，分别系啫啫鸡猪润煲仔饭、窝蛋牛及爉味煲仔饭，食过后，大家都一致认为啫鸡猪润煲仔饭，鸡及猪润都调味够👍👍窝蛋牛及爉味煲仔饭，就仍有改善空间😅我们开煲盖后，发现饭未干透，尝试用煲盖再焗一焗，好少少😥因此饭焦就无咁多！豉油味较淡，焗完开盖都无豉油味！
继续阅读
因为有啲事难得嚟到慈云山，因为对面好出名嘅慈云山名店排晒长龙，咁因为要食个快饭，唯有去对面𠮶间啦。未行到埋去已经闻到好香嘅煲仔饭味，果日天气凉凉哋，望住一煲煲热辣辣嘅煲仔饭拎出嚟，所以我就二话不说咁入咗去铺头lu。叫咗个北菇滑鸡饭，仲加咗腊鸭。 等咗大概十几二十分钟个热辣辣嘅煲仔饭就拎到过嚟，店舖个阿姐仲好好咁提醒我哋要焗下先，唔好咁快打开盖。个饭份量十足，加埋豉油非常香口，重点当然系有饭焦，非常满足秋风起果然要食煲仔饭！
继续阅读