收工后路过见到挂左个远睇写住2蚊串鱼蛋既牌,就走埋去要左串,然后放底两蚊,点知个阿姐劲大力拍个两蚊系台面,"十蚊啊小姐" 我问"唔系两蚊串咩?"佢话你睇清洁个牌先啦!我话"睇唔到细字写乜,讲我知" 个阿姐就走左去。另一个阿姐话要买其他野再买鱼蛋先有优惠,咁就要多左串墨丸。收左30蚊。贵又态度差,鱼蛋系粉团,墨丸丽咸一d都唔好食,反而激到一肚气。建议各位先询价后买。…查看更多
商户专区
以上资料只供参考,请与餐厅确认详情。
食记 (14)
首篇食记作者
LI-睇钱食饭

由左边旧舖搬去右边新舖,地方似乎细左,但干净左好多,而且依家卖埋牛杂添!系真唔系呀,$2 蚊串鱼蛋?𪠳,揾笨!其实系 2 串 $12 蚊,个牌好有问题啰!咖哩鱼蛋,居然有大中小辣拣?又几好㖞,我梗系要大辣啦。但如何调出来呢?都系同一盘咖哩汁,揾我笨吗?鱼蛋无鱼味无鲜味,好采有咖哩味又够辣而无腥味。口感硬实,都总好过索索声似发泡胶。炸鸡髀,卖相睇落就大大件,点知一咬落去得层皮既?里面空心架㖞﹗鸡肉缩到只剩低一半唔,其他去左边呀?比班阿姐偷食左?搞错呀﹗鸡髀无腌过淡如水,廿成熟再翻炸,肉质干争争。只系鸡皮洒椒盐,最难顶系炸到油淋淋啰﹗炸巨形牛丸,要 $16 蚊串,食到个饭架喇﹗大粒到我个口都只可以容纳到一粒,系劲既。牛味浓郁,炸得香口,外皮略脆,丸肉不弹但有嚼劲。淋上蜜糖、洒上七味粉,调味有创意而且真心几好食,系有点油腻啫。大陆阿姐一开口就想劈我细碗 $30、大碗 $50,吓?无一串买架?有,多谢 $15 蚊啦!萝卜牛杂走肺,大陆阿姐超柔既动作,十分优雅,不慌不忙,串针线一样,精雕细琢。睇到我个心卜卜跳,滴晒汗添啦!即刻帮佢计时,足足四分钟,您系利害既。好采无客买牛杂啫,多一个都霖档。味道重口味,好咸㖞!牛肚少点牙力都唔掂,硬韧极致,牛肠薄衣衣得块皮,质地最好系牛膀喇!三旧生萝卜,掉去垃圾桶!如果我唔系楼上打泰拳,我谂无咩机会帮衬依间小食店。已经两年,只系食过巨形牛丸、巨形墨鱼丸、咖哩鱼蛋、炸大肠及炸鸡髀。全线女人服务员都系大陆婆,老板惊死被落格唔比职员同现金有任何接触,学足大陆要买现金卷真系麻鬼烦啰,您不如学快餐店比钱买飞先再去攞食物!依家要排两次队讲两次,又混乱又打尖!非常十分完全大陆 feel,依为返左深圳东门!…查看更多






以上食记乃用户个人意见 , 并不代表OpenRice之观点。
1
今日路经旺角,被一间小食店内的食客抬上的车仔面所吸引。反正接近午饭时间,就选择了这间食肆。店子很小,相信最多都是可以坐十多个客人。小店没有餐牌,主要都是小食,包括车仔面、肠粉和生菜鱼肉汤之类,还有几款饭写在墙上的 poster 上。反正一心想吃车仔面,都没有细心看那些饭类,就点了油面,再加了猪红和猪皮。车仔面的卖相很好,份量亦可以。味道方面亦处理得相当好,猪皮有口感,而猪红所带的微微咸味,亦相当可口。估唔到这样的一间小食店,竟然有这样水准的车仔面。唯一美中不足的是没有主动帮我加辣,或问我要不要加辣,而我竟然在差不多吃完后才想起,怪不得在吃的时候总是好像差了点什么。吃完车仔面,并未十分饱,就加了一碟肠粉和一杯豆浆。很喜欢吃混酱肠粉,这里的肠粉都是高水准制作,肠粉软滑,端出来的时候热辣辣,再加上份量适宜的酱料,好味!豆浆亦是冰冻,不过甜,ok。这间小店完全不起眼,但食物的水准比很多舖头还要好,而且价钱公道,三样食物总数三十二元,希望佢地能长期维持食物水准,继续努力吧!…查看更多



以上食记乃用户个人意见 , 并不代表OpenRice之观点。
赞好
今日黎左旺角买电话,买完谂住去先达买埋个case,途经呢间文记小食,因为刚才食o个包捞捞小食真系少得可怜 ,所以o系度再睇下有 d 咩野好食 , 呢度除左一般煎酿三宝之外仲有好多特别o既煎炸野 , 好似炸虾 , 紫菜卷 , 粟米鱼蛋等而我地就比 d 一块块o既煎饼吸引左,查问之下阿姐话系银丝鱼蓉饼,$ 9 两件 , $ 14 有四件 , 咁紧系四件抵食 d 啦,我地就系咁卜锤左喇呢间舖有个特别之处,就系要先向一位阿叔落单 , 比钱后佢会俾d 飞仔你,系一张张写住价钱既纸仔,到你拎野食既时候就要出示反纸仔先得 ~我地睇住个阿姐将本身叠系旁边既鱼饼 , 放o系煎皮上先翻热再俾我地食,到手时热辣辣 , 鱼肉好弹牙,而且食落去唔觉腥 , 外皮略脆 , 里面有少量萝白丝同葱花 , 味道咸淡适宜,不过就有少少多余o既油,原因系阿翻热既时候系不停地将 d 滚油淋上鱼饼度,所以其实似炸多过煎好在个纸袋都索减 d 油,如果唔系入口可能会觉得好肥腻 ~## 呢个转角位生意都唔错 , 成日都有一堆人围住 , 可能因为食物选择够晒多 , 不过其实大部份野定价都偏贵 ,相信都系因为地方问题 , 租贵物价贵 , 自然要卖得贵 , 唯有将就下啦 …查看更多






以上食记乃用户个人意见 , 并不代表OpenRice之观点。
赞好
今日收工实在太肚饿,随便系街边买几串小食填住肚,就发现左文记!!我叫左煎酿三宝,煎韮菜饺!!煎酿三宝样样都超好食,特别要赞系个豆腐,炸到外面好厚身好有口感,而入面就好滑,我唔太钟意食豆腐都想食多件!!而煎韮菜饺就煎得好香口,不过要留意好鬼热,必食推介之一!!一定会再返黎帮亲!!…查看更多
以上食记乃用户个人意见 , 并不代表OpenRice之观点。
赞好