文華饕記 (已結業)

工作需要 黎到黃埔食lunch 好想食茶餐廳又見佢唔太多人排隊 等左3分鐘就入得 茶餐廳黎講算企理乾淨 👍🏻服務不錯就算午飯繁忙時間 好多打工仔幫襯 店員都好聲好氣👍🏻環境企理乾淨👍🏻常餐抵食👍🏻多選擇因為我好想食通粉（D餐豬扒通） 又想食蕃茄湯底（C餐鮮茄湯牛肋條米線）好彩常餐可以轉麵底☺️ 1️⃣通粉湯底好足料 唔只有蕃茄 仲有西芹薯仔椰菜等 係足料羅宋湯👍🏻通粉有咬口 唔爛唔淋👍🏻 牛肋條淋滑 唔鞋唔Un 👍🏻 (🫤唯獨有一兩片碎骨） 2️⃣多士係蒜蓉底 唔係牛油 仲要係厚切方包🤓🤓 更加好味 3️⃣炒蛋比我想像中 份量多 又滑又有蛋味 👍🏻👍🏻正4️⃣凍檸茶仲要好大杯！ 連凍飲 總數$51 整體上真係好唔錯！！ 雖然上面講嘅野好似好基本 但宜家好多垃圾茶記 都做唔到基本

首先，外賣等左 45 分鐘，人唔算好多，出品真係好慢。不過，等耐啲都係小問題。問題係盒飯比既全部都係瘦叉 ( 非常瘦，好柴 )，比既豉油亦好少，非常dry。而且每舊都斬得好大，咬到咀嚼肌都攰。當你以為個餐夠膽叫做暗然銷魂飯，會有返少少質素，點知完全係冇。食神入面個暗然銷魂飯有幾好食，呢個就有幾難食，食得出係完全冇心做。外賣自取係 $59.2 連凍飲，我會行遠少少，紅磡大把更好既選擇。附上一張食到最後食唔哂既圖。

【飽肚歐陸早餐✨ CP值尚高！會回頭再食！】推薦程度：●●●◐○抵食程度：●●●●○——— 🍴早餐F西式｜$39平時食開佢嘅常餐，今日難得起到身可以一戰佢嘅早餐！款式選擇尚可，揀咗個歐陸風情嘅西式早餐——司華力腸、炒蛋）可選煎蛋）、奶油豬（可選多士）、雞扒（可選豬/牛），配個白菌忌廉汁。食物質素整體正正常常，不過不失，冇特別驚喜，但為新一日注滿能量✨ 40蚊左右嘅價錢可接受，CP值尚高；希望下次堂食+試其他飯！

下午茶係抵食嘅，價錢都比平時嘅茶餐廳平少少。今次嗌咗啲乾炒牛河份量比之前多咗啲，炒得幾好唔錯。西多士正常發揮。之前食過炸雞髀都好食。但警世，千祈唔好飲有茶嘅嘢！！！佢地個茶底澀到苦，好難飲。餐廳如果見到可唔可以搞搞佢，再係咁我嚟到都唔知飲咩好，喊出黎！

難食已經算，衛生唔得，俾又俾得少，分量唔足，請又請埋d老，一系就有問題嘅人，以前個廚房有個年輕人都唔錯，個時日日lunch排隊咁上下，但已經冇見到佢了，好彩有口罩擋一擋，唔系真系胃口冇曬，見攞我個野出黎唔系之前嘅年輕人，已經覺得間野有問題，唔識做生意，執左佢啦…難食嘅鋪頭又扮黃賺錢，扮又扮得唔似，垃圾

呢間野完全係飲食界中既下層，疫情下水吧員工口罩只帶在口下面，暗檔都話，但佢係明檔食物質素絕對下等，雖然只係食左個早餐，但係一間茶餐廳，早餐都做吾好，之後都做吾到啦以現時冰室或茶記質素，炒個滑蛋應該正常，呢間餐廳早餐個炒蛋，個底係熟晒，面係生既，都幾高難度，吾知個師傅要幾求其先做得到，湯底，好難形容，淡而有小小味，賣相差到一個點（吾記得影相），諗住呢間野係灣仔有分店，華星對面，成日都想試下，點知一試就出事我地2個人食3個餐，叫左一杯飲品先，之後遲啲叫，所有食物皆以劣質形容，我諗現時任何一間茶記都比呢度好，只能以冇心經營來形容，都算，叫第二杯飲品時，等左十分鐘，未有，咪叫個樓面追下囉，點知個水吧師傅話，落單吾一次過落係要等下架啦，要教下佢下次落單一次過落丫麻哇，呆一呆，來食個早餐，飲杯野遲啲叫要受你氣？真係好好食，都話抵丫，起碼有口福，但你吾係呢，差不凸止仲要串，又吾係旺，得幾枱客都可以做到甘，不如吾好做啦不過都好，百來蚊一次，冇下次，祝佢生意興隆啦😆

💛良心小店·小菜編💛💭就喺上一篇介紹完嘅良心食店💛雄記美食💛嘅對面又有另一間良心食店。試完雄記順便試埋對面呢一間，不過今次唔係堂食，試吓夜晚外賣自取。外賣質素一定會有下降但係冇辦法🤷🏻‍♀️，小炒王略嫌韭菜花有啲老有少少起楂，其他配料算係多， 有菜脯腰果蝦干蝦米鮮尤全部唔孤寒，菜脯肉碎煎蛋煎得好香口，勁大份好抵食。最特別係一份順德蓮藕餅，以為係蓮藕同豬肉剁碎再煎香，原來係兩塊蓮藕再張塊肉餅夾中間😅，成個漢堡包咁，好香口，口感特別又好食😋▫️▪️🥢順德蓮藕餅 💬⭐️⭐️⭐️⭐️▫️🥢菜甫肉碎煎蛋 💬⭐️⭐️⭐️▫️🥢文華小炒王

話說自從文華冇開一個月之後，睇返啲食評先知原來佢哋已經開返，自問都算係熟客仔，為求之前差評真相，我決定再去文華一次一入門口見到有個高大靚仔企左係收銀枱，聽佢同其他員工嘅對話相信佢應該係老闆，老闆仲親自送咗碗野食黎我枱面！牛肋條通粉，味道仲好過之前，蕃茄味濃郁，而且牛肋條仲好林，老人家小朋友都啱食。塊多士趁熱食咗影唔切😂。熱奶茶一般，不過不失😋總括今次旅程，見到換晒樓面做後生仔，雖然落order時有甩漏落錯左，但後尾都換返啱，仲幾好禮貌，食物都同之前差唔多水準，$38埋單，每日早餐又有餐好嘅食lu😉

只此一次…個蒜蓉餐包好似食緊方包，完全無味，牛油味都無。沙爹牛麵d麵白色無味，個蛋算最正常。奶茶好似似緊廿四味，就算難飲既奶茶我都未試過飲兩啖飲唔落，比朋友試個味，一樣飲完面有難色，茶餐廳連奶茶麵沖唔好…食左一半完全唔想食…人生未食過咁難食既野，開闊左我眼界…黃店好心就做好d啦，見佢新開打算試下，點知奶晒野，唉，未試既極度建議唔好試。食左一半已經掉左…好差既經歷，仲要唔係特別平…衰過我屋企自己煮。

文華1個月後，終於開返，轉哂後生仔班底，但完全做唔到order，1421 pm 等大半個鐘連基本常餐做唔到, 高瘦男仔仲話都無辦法，叫我去第度，可以black list， 初諗住支持返，咁耐無開，仲差過當初只係得阿姐座鎮。

一個好的早餐可以影響一整天的心情，我最近對茶餐廳的早餐/常餐要求越來越高，希望找到質素好和性價比高的，而這間茶餐廳的早餐好高質。鮮茄湯牛肋條米線（$38）配炒蛋或煎蛋配蒜茸多士或奶油豬仔包鮮茄湯底即是羅宋湯底，有非常入味的新鮮番茄、紅蘿蔔、洋蔥和其他雜菜，非常足料，牛肋份量多，好軟腍。炒蛋炒得生熟度剛好，仲有半熟蛋漿。最鍾意配奶油豬仔包，烘得夠脆，亦可以選擇厚多士（好多茶餐廳都配薄多士，但我認為厚多士才會滿足！）亦有試過這裏的下午茶餐，西多士炸得金黃香脆，裏面有花生醬（個人認為西多士必須有花生醬！），如果花生醬再搽多點就好啦！🙋🏽‍♀️想知更多飲食資訊, Follow Instagram: misslittlebigeater 🙆🏽‍♀️

見耐冇食再叫，點知都係賴嘢，廚房和樓面做嘢極不小心！第一次幫襯啲嘢又嚟得慢，家人食完我自己嗰個都未嚟！到第二次幫襯，有試過漏單，食物冇晒樓面唔知道，照比客囉，叫兩樣嘢兩樣嘢都冇嘅！離晒譜！今次foodpanda叫個早餐外賣，兩碗叫沙嗲牛肉通同埋雞扒通粉，點知都係嚟咗公仔麵！完全未瞓醒，煮嗰個冇睇清，樓面亦都冇對清楚！簡直不知所謂！唔好因為恃着間餐廳立場就一定有人幫襯，黃藍好，間餐廳質素同服務垃圾嘅話，一樣等執笠！三次幫襯三次都有不快經驗！而且唔止我一個！唔知捱到幾耐！

#文華饕記 #sorriso_九龍城區-豚道樂隔離多左間茶餐廳，冷氣有啲凍，lunchtime有好多碟頭飯揀，有少少似，最正係學生有8折🍛椒鹽豬扒飯 $55 (8.1/10)豬扒唔算太多，但唔會太鹹，幾好食，份量都夠食哂成個飯🥘蔥油燒雞扒飯 $55 (7.9/10)蔥油比勁多，雞扒大塊😌，唔錯🧋凍奶茶 走甜 (+$3) (7.2/10)大大杯，但茶味唔夠🍋凍檸茶 少甜少冰 (+$3) (7/10)好大杯，但飲落好似陽光檸檬茶，茶味唔夠#sorriso_九龍 #sorriso_黃埔 #sorriso_港島 #sorriso_灣仔-📍 文華饕記紅磡德豐街8號黃埔天地百合苑商場(第9期)九號水產地下3號舖灣仔克街1-5號展鴻大廈地下D-E號舖🕑Mon to Sun 7:00~22:00-#黃埔黃店 #foodie #foodiehk #hkeats #黃店 #黃色經濟圈 #黃店推介 #不專業食評 #九龍黃店 #打卡 #相機食先 #黃店地圖 #食好西 #食評#852foodie #吃貨 #吃貨人生 #yellowshop #foodstagram #foodphotography #灣仔黃店

隱藏在紅磡九號水產內的一家良心冰室💛由於甚少到訪紅磡，一直以為九號水產是和台北上引水產差不多的美食中心，以各類日式水產即撈即製為主題🌊想不到現在比較像是一個商場或者是美食廣場，有本土風味的選擇。 門面的宣傳很精美😍一眼就看出有本土情懷，內裏用木傢俬，比較平實的風格，坐位頗寬敞。 📄下午茶餐有四類選擇，例如是炸物配沙律薯條、西多士、豬扒飽和即炒粉麵飯，價錢大約$2x-3x。由於沒吃中午就來試一下楊州炒飯🔥 配料簡單，有火腿、叉燒粒和三色雜豆🌽不過味道很香不重油，下午茶吃也不覺得很熱氣或者有罪惡感☺

早幾日食午餐俾廚房同樓面有年輕人，先入去幫襯，前日成間鋪都系同阿叔阿姐，連廚房都有阿叔，污糟不堪，形象惡劣。食物方面，我食蒸炸菜鯇魚，本身覺得佢整得乾淨同冇魚腥味，都幾好食，見年輕人都有心機，點知前日見阿叔攞我碟魚已經唔想食，污染眼球，廚房換左人？一間鋪全部阿姐阿叔真系會好食，反而好難食，唔會再黎，本人極之覺得系偽黃，黃先要請年輕人，樓面個收銀阿姐長期坐系度，同佢反映，態度仲好惡劣，唔知以為佢系老闆娘，總括而言，垃圾。