文華廳

营业中

休息中

上月來這裡飲囍酒，飲罷喝醉後(其實沒有醉)，對是次囍宴有以下評語。服務︰真是頂級，周到的服侍有感自己在吃殘廢餐。食物︰自己一直對酒店的中菜廳不敢抱太大的期望，不過想一想文華貴為城中頂級的酒店，質素該會有一定的保證，但看來也不外如是。普遍來說，每道菜的味道太濃，而且茨汁很杰，如一道竹笙鮮菇燴鮑魚，感覺像蠔油浸鮑魚，很鹹、很濃：清蒸大紅星斑則過火了，肉質柴柴的、那些甚麼紅燒翅，可能我不太懂欣賞，我覺得街邊的碗仔翅好味，只不過不是吃粉絲而已，本來鮑汁蛋白炒飯也挺好味的，但很油，高湯蟹粉宮麵則非常好，是我最滿意的一道菜。不知是否婚宴的菜式才會造出這樣的水準，平時晚飯則不會便不得而知，我相信在酒店擺酒，一席的價錢也不菲，可惜我卻覺得除了服務，食物質素真的不值。

七月頭同屋企人去文華食自助晚餐食物一般好食款式太少肉類太多甜品好食環境幾好，適合幾個朋友去傾計多ｄ

有朋友在這裡請飲，一到會場發覺地方比預期略差，可能始終酒店年資有番咁上下，樓底不高而光線較暗，感覺唔夠金碧輝煌。宴會廳窄長形，擺20圍後面要望好遠至見倒主家席，一來一回敬酒都要搞一輪，感覺上唔係一個理想的擺酒地方。一坐低發現唔知點解檯上無轉盤，結果成晚都要俾長隻手去點醬，唔係太方便。菜色不算差，食味還可以。乳豬皮唔夠脆；蝦球大大隻，但無咩鮮味，唔敢話一定係鮮蝦；炸蟹"kim" 幾好味，都幾多蟹肉；個翅就認真乏善可陳，唔係太搵倒翅；北菇菜膽鮑OK，但就真正體會到廚房的刀工，因為都片得幾薄；條東星蒸過左火，肉幾韌；雞、飯及菜遠雲吞俱一般；糖水是楊枝金露，味道唔錯，起碼有新意過食紅豆沙或芝麻糊；果盤是一大盤鮮果，有西瓜、哈蜜瓜、士多啤梨等，幾好。侍應招呼一般；領班們服務很好，反應很快，要飲什麼第一時間找來；但一般侍應就幾唔掂，可能係part time的關係。Overall人手亦唔太夠，似乎係三個人serve兩張檯，所以有點手忙腳亂之餘，亦要搞到十一點九至食得生果，有4成人都走左。總的來說都叫唔錯，但掛住文華個五星大招牌就有點兒未及水準，個人覺得比怡東、港麗、香格里拉、麗嘉等同類型酒店遜色。

又係0個句:想唔駛同人迫就千祈唔好下畫去,中環所有五星級酒店中菜廳午飯時間都異常迫人,好嘈下添.夜晚0黎就好好多,不過俾我揀我會prefer 去文華扒房多D,因為文華廳水準不及從前

兩年前去過一次.. 兩個人去~ 先講環境. 華麗堂皇 果種無形的逼力~ 令你難於出聲講野~ 話晒都係高級食肆丫~ 溝通要用紙同筆. 哈哈~ 去到必叫豉汁龍琍球~ 無骨淡淡肉正!! 其他都係叫左d 普通小菜~ 咁就成千銀~ 真係貴左少少.. 不過大時大節無謂刻薄自己啦~ 偶一為之, 亦無不可