文哥廚房

最近天气虽然热但都想食啲热腾腾嘅小炒，果日就去左长沙湾保安道市政大厦熟食中心～文哥厨房，高质又特色嘅小炒同粉面饭，感受下香港地道风味美食。店内环境阔落洁净，就算多人去都够位座。午市有特价套餐，多款粉面饭选择，晚饭有出名各款小炒、生猛海鲜、特式小菜、煲仔菜等，样样吸引。首先送来每人一碗汤，瓜果新鲜，肉骨一咬即化，汤底清甜，足料例汤。红烧豆腐小炒镬气够，依碟有齐多种食材，份量都唔少，豆腐非常软滑，豆味浓郁，菜心翠绿鲜爽，菇菌煮得好入味，鲜甜可口。福建炒饭           炒饭都好大碟，炒至粒粒分明，材料种类多，有大大只虾，肉质鲜爽弹牙，酱汁混合炒饭食，口感好丰富，惹味无比。干炒牛肉河           炒至镬气十足嘅牛肉河，牛肉都几大片，香浓嫩滑，牛肉有足够嘅调味，河粉炒得干身，条条分明，牛河好好味。星洲炒米粉          呢碟望落去都好吸引，米粉炒得油亮均匀，金黄咖喱与特调香料浓香扑鼻，混合叉烧、虾仁、火腿、洋葱和蛋花等，入口香辣有镬气，刺激味蕾。炎热天气最好点冰冻可乐、冻柠檬茶及冻柠檬水，柠檬清香，口感清爽解渴。…查看更多

白饭鱼菜脯煎蛋首先，我哋叫咗个白饭鱼菜脯煎蛋，煎蛋煎得金黄香脆，白饭鱼同菜脯嘅咸香同蛋嘅香味好夹，简单嘅菜式，但系好有镬气！猪肺汤跟住就系猪肺汤，汤底好清甜，冇乜味精味，饮落好舒服！猪肺都处理得好好，冇腥味，而且好足料！蒜蓉炒油麦菜蔬菜方面，我哋叫咗个蒜蓉炒油麦菜，油麦菜炒得爽脆，蒜蓉香味十足，好惹味！姜汁黄鳝饭最后，就系今日嘅主角——姜汁黄鳝饭！黄鳝饭用煲仔上，一打开盖，姜汁嘅香味扑鼻而来！黄鳝份量都几多，而且好新鲜，冇泥味！饭粒吸收晒姜汁同黄鳝嘅精华，好香！…查看更多

长沙湾保安道街市享负其名性价比高街坊小厨「文哥厨房」早已是街坊至爱餐馆，丰俭由人的菜单，想吃奢华的新鲜海鲜或是街坊平民小炒都能大快朵颐。餐厅面积大，设有大小圆桌，绝对适合同朋友聚会，啤一啤吹水一流。豉椒炒蚬米粉底：豆豉经过煸炒后，其独特的发酵豆香和咸味被充分释放出来，这种咸香不是死咸，而是非常醇厚、有深度的咸鲜味。蚬肉质肥嫩，自带一种清甜的海水鲜味。这种鲜味是任何调味料都无法替代的。蚬的鲜甜恰好可以中和豆豉的咸度，并吸收豉椒的香气。粒粒饱满。啫啫猪杂煲：高温砂锅焗制，香气扑鼻，味道浓郁。鲍鱼口感Q弹，带有猪杂的鲜甜味，高温啫制后更显爽脆。猪杂腌制后鲜嫩多汁，吸收酱汁的咸香。 砂锅烧至极热，食材快速焗熟，底部微焦，散发出焦香。韭菜猪红：猪红口感滑嫩如豆腐，带有淡淡的金属味，经过酱料烹制后，会吸收汤汁的咸鲜，形成饱满的底层味道。韭菜的独特辛香气能中和猪血的腥味，同时提供清脆口感和鲜甜回甘，尤其韭菜段炒至半熟时，香气最浓。猪红处理得好好，无腥味，而且咸咸辣辣，好味。总结：价钱合宜 聚会一流经济实惠镬气小炒…查看更多

天气终于冇咁热事关今晚话会打八号风球所以今日终于都有啲风喺呢个时候就最啱去大排档食嘢第一次去文哥厨房问职员有咩推介佢哋话笼仔饭同埋蒸鱼饭套餐最抵食红衫鱼饭，我哋转左蕃茄汁真系超级鲜甜$55呢个价钱真系平过两𩠌饭 （两𩠌饭𠮶啲餐厅如果你拣蒸鱼嘅话，可以去到成$80）笼仔饭我哋就拣咗惹味田鸡饭实在太特别啦已经记唔到有几多年系冇食过田鸡仲要系用笼仔蒸好有心思全程听到师傅劲有镬气咁样炒𩠌真系好正冬天可以再嚟过…查看更多

今日喺长沙湾睇完中医就同朋友去保安道街市大排档试文哥厨房试下，坐得舒服嘅大排档，唔错！唔错！1.Lee个笼仔黄鳝饭真系正！鳝肉滑嫩够味，饭粒吸满酱香，一口落肚超惹味！2.回锅爽肉煲够镬气！肉片爽嫩唔鞋口，配菜吸晒汁，惹味到舐舐脷，食得好过瘾！3.通菜炒牛肉镬气超足！通菜脆嫩冇渣，牛肉滑溜入味！4.红烧乳鸽皮脆到脆卜卜！肉嫩多汁超入味，咬落满口脂香，食完一只仲想食多只！有好多𩠌都想试，下次再同多啲朋友嚟！…查看更多