影片
以上资料只供参考，请与餐厅确认详情
工作需要 黎到黄埔食lunch 好想食茶餐厅又见佢唔太多人排队 等左3分钟就入得 茶餐厅黎讲算企理干净 👍🏻服务不错就算午饭繁忙时间 好多打工仔帮衬 店员都好声好气👍🏻环境企理干净👍🏻常餐抵食👍🏻多选择因为我好想食通粉（D餐猪扒通） 又想食蕃茄汤底（C餐鲜茄汤牛肋条米线）好彩常餐可以转面底☺️ 1️⃣通粉汤底好足料 唔只有蕃茄 仲有西芹薯仔椰菜等 系足料罗宋汤👍🏻通粉有咬口 唔烂唔淋👍🏻 牛肋条淋滑 唔鞋唔Un 👍🏻 (🫤唯独有一两片碎骨） 2️⃣多士系蒜蓉底 唔系牛油 仲要系厚切方包🤓🤓 更加好味 3️⃣炒蛋比我想像中 份量多 又滑又有蛋味 👍🏻👍🏻正4️⃣冻柠茶仲要好大杯！ 连冻饮 总数$51 整体上真系好唔错！！ 虽然上面讲嘅野好似好基本 但宜家好多垃圾茶记 都做唔到基本
继续阅读
首先，外卖等左 45 分钟，人唔算好多，出品真系好慢。不过，等耐啲都系小问题。问题系盒饭比既全部都系瘦叉 ( 非常瘦，好柴 )，比既豉油亦好少，非常dry。而且每旧都斩得好大，咬到咀嚼肌都攰。当你以为个餐够胆叫做暗然销魂饭，会有返少少质素，点知完全系冇。食神入面个暗然销魂饭有几好食，呢个就有几难食，食得出系完全冇心做。外卖自取系 $59.2 连冻饮，我会行远少少，红磡大把更好既选择。附上一张食到最后食唔哂既图。
继续阅读
【饱肚欧陆早餐✨ CP值尚高！会回头再食！】推荐程度：●●●◐○抵食程度：●●●●○——— 🍴早餐F西式｜$39平时食开佢嘅常餐，今日难得起到身可以一战佢嘅早餐！款式选择尚可，拣咗个欧陆风情嘅西式早餐——司华力肠、炒蛋）可选煎蛋）、奶油猪（可选多士）、鸡扒（可选猪/牛），配个白菌忌廉汁。食物质素整体正正常常，不过不失，冇特别惊喜，但为新一日注满能量✨ 40蚊左右嘅价钱可接受，CP值尚高；希望下次堂食+试其他饭！
继续阅读
下午茶系抵食嘅，价钱都比平时嘅茶餐厅平少少。今次嗌咗啲干炒牛河份量比之前多咗啲，炒得几好唔错。西多士正常发挥。之前食过炸鸡髀都好食。但警世，千祈唔好饮有茶嘅嘢！！！佢地个茶底涩到苦，好难饮。餐厅如果见到可唔可以搞搞佢，再系咁我嚟到都唔知饮咩好，喊出黎！
继续阅读
难食已经算，卫生唔得，俾又俾得少，分量唔足，请又请埋d老，一系就有问题嘅人，以前个厨房有个年轻人都唔错，个时日日lunch排队咁上下，但已经冇见到佢了，好彩有口罩挡一挡，唔系真系胃口冇晒，见攞我个野出黎唔系之前嘅年轻人，已经觉得间野有问题，唔识做生意，执左佢啦…难食嘅铺头又扮黄赚钱，扮又扮得唔似，垃圾
继续阅读