敏華冰廳 (如心廣場二期)

营业中

休息中

我好少去茶餐廳呀，冰室食飯，今次難得嚟荃灣如心廣場附近行街，撞正下晝Tea time時間，見有啲肚餓所以是但揀左一間餐廳入去食下野，亂咁行入依間敏華冰室，因為冇位所以都等左一陣。一坐低，侍應即刻遞餐牌俾我哋揀咗好耐都諗唔到食咩好，本身想揀依個黯然銷魂飯試吓㗎，但係又驚食唔晒浪費而且唔想下午茶時間就食飯咁Heavy所以最後我揀咗個～茶餐T2黎食！朋友就揀咗個～A2嘅五香肉丁公仔麵&炒滑蛋火腿&多士佢啲炒蛋真係好滑好香基本上係入口即溶，我覺得真係幾好味唔錯唔錯，食到一半我忍唔住講咗一句：「佢啲炒滑蛋真係好好味呀！」而且啲火腿又好香，一啲都唔會油膩，而且佢煎得又唔會話好燶好咸喎，因為有啲茶餐廳嘅火腿煎到油淋淋，見到都唔想食仲有佢啲歐式軟多士都好好味，我係一個對於西多士麻麻哋嘅人，因為唔鍾意食西多士，不嬲覺得好油～但係佢啲軟多士我全部食清光再搽埋佢啲牛油嚟食真係一流呀！又脆又香口，簡簡單單咁已經好好食。至於佢杯熱檸茶&凍啡就正正常常囉，冇話特別好飲或難飲咁，正常水準。下次有機會嘅話，再試埋佢嘅 新鮮出爐酥皮蛋撻&黯然銷魂飯先

今日食完午餐埋單嘅時候，收銀服務員(陳嘉欣)態度非常差，本人其實想問蛋tart幾時會出爐，但係當時已經叫左呢位服務員數次先有回應，原因係該位陳服務員當時同另一位同事閒談中，閒談之間非常雀躍，當回應我嘅時候卻面有難色及態度甚差，應該可能係我打斷左陳性服務員嘅關係，所以就換泥如此嘅對待，請貴餐廳跟進一下係咪5休做，咁樣嘅服務態度好難再吸引更多客人光顧，其實其他樓面服務員嘅態度都係一般但係都可以勉強接受，但收銀員就難以接受

三點三落樓下tea一tea先！去左如心廣場嘅敏華冰廳。叫左個茶餐「榨菜肉絲雞翼米粉」，$39包埋野飲，重大大碗，好抵食呀！米粉軟硬適中又彈牙。榨菜肉絲少少辣，口感爽脆。肉絲都幾大條，真係食到肉。雞翼係炸嘅，食入口好香。共有兩隻，兩隻都大大隻，好多肉。餐飲叫左熱檸茶。檸茶有茶嘅澀味，唔苦。檸檬好香。篤左檸檬飲，好酸呀，但係我鍾意。唔想咁酸可以唔篤或者只篤少少然後攞塊檸檬出黎。

敏華餐廳越開越多,無論去到邊到都見到佢,而且每次都好多人排隊必定有佢原因。今次已是第二次光顧仍係鍾情黯淡銷魂飯🍛,其實即係义燒蛋飯,但與傳統的有點唔同,厚切义燒,肥瘦適中唔會好燶,但又食到焦脆口感,再加上流心太陽蛋同甜醬油,撈飯真係無得頂

今日荃灣行山之前先食個豐富早餐 疫情下見到舖面每張台都隔左超過1.5米距離 員工探熱同安排入座都十分認真 抵讚！叫左五香肉丁通粉配炒蛋多士 塊多士又厚又超級鬆軟好正 蛋都炒得好香滑 通粉份量足 湯夠味 叫左凍華田飲都好濃 滿足的早餐！

門口服務主任問乜都唔想答，千奇唔好麻煩佢。佢哋唔想賣外賣蛋撻，企係度幾耐都唔理你，堂食客要外賣蛋撻就幫你登記，諗住外賣買幾個蛋，就唔理唔幫你登記。足足等左兩輪蛋撻出爐，個門口阿姐都係一句"無曬囉!"如果唔想做外賣，嫌金額細就出告示啦，唔好要人企係度大半個鐘又唔講又唔理，無人知你點安排。乜嘢時代?乜嘢服務?乜嘢管理?試過堂食D豬又成寸厚，夠硬夠曬飽，但唔好食。一個新商場，本來好有期待，但咁無心做生意，勤大家考慮清楚先好幫襯。真係估唔到經濟差左唔係應該爭取多D客戶幫襯嗎?佢'哋趕客多D，其他分店真係無咁差，管理層應該正视吓。

21/3 只係買個蛋撻食要等一個鐘⋯出爐蛋撻只會比堂食的客人優先...外賣完全沒有程序太混亂...15分鐘出爐蛋撻⋯我排第二位都要我等一個鐘⋯覆實唔到你時間幾時有⋯完全唔合邏輯⋯個男人經理⋯說有底蛋撻出唔到⋯但不是要等一個鐘⋯如果咁好生意重質不重量⋯大可以唔做外賣⋯無謂要人等候這麼久⋯你又要做成個氣氛⋯好多人爭⋯今時今日仲要搞氣氛⋯真係服咗你地⋯！呢間茶餐廳， 外賣嘅真係唔會有下次！😡😡😡😡😡😡😡😡😡😡😡😡😡😡

偷懶咗好耐出返上個月食過嘅餐廳食評先繼續喺荃灣西揾食😂呢晚兩個人都唔係好想食飯於是就入咗敏華冰廳食常餐基本上敏華個餐牌唔算好多選擇如果你期望有茶餐廳嘅晚餐小菜就真係sorry喇我同老公兩個都係叫咗叉燒一個食公仔麵一個食通心粉賣相係ok嘅啲叉燒排到洋紫荊花咁😂公仔麵係出前一丁包麻油佢已經幫你落埋麵質唔會煮得太腍 口感適中通粉就無乜特別啦 中規中矩普通通心粉嗰五片叉燒肥瘦適中唔會太乾柴 係好食嘅個湯底都唔會太味精飲一兩啖送麵都唔怕食完口乾至於個炒蛋係滑身嘅但真係好多油@@建議食返煎太陽蛋減低罪惡感多士係厚多士上檯溫度可接受嚿牛油搽上去都溶到唔係食冷麵包叫做算係咁至於杯奶茶就有驚喜我落單嗰陣叫咗少冰點知原來應該係玩冰鎮奶茶路線😂一粒冰都無奶茶飲落口感好厚身茶味又足可以一試兩個常餐一杯凍飲盛惠119蚊價錢小貴但個質素都叫做交到功課耐唔耐食吓都唔會話太奢侈嘅🙉

香港社會在疫情的困擾下，大家是必須要繼續消費，經濟才能有起色，所以我決定每天也要出外吃一個好味道和豐富的早餐，亦希望將自己的心情調節到最佳狀態。荃灣開多一間"敏華"當然是好事，他們建立的出品標準，非常合大眾的口味，包括早午晚餐，價錢適中，份量合理，環境舒服，又可以用八達通或AliPay付款，非常貼心。現時平日的早上比較少人，但我見入坐率大約有一半，好在每個食客的對面不會坐着其他食客，比較放心，全部工作人員也有戴上口罩。

荃灣兩間分店但始終係吾得。哩間分店系新咖，比較荃錦早幾個月開果間系大D同舒服D，食物質數也是比較好，但份量就真系比較小，性價比低，始終系吾得。可能位置問題，吾會太多屋苑同上班的人會來，加埋肺炎，吾使等位。基本上的防疫衛生都有。沙爹牛肉公仔麵（要爽）餐（$37）2分-沙爹牛肉小小辣，有小小鞋，公仔麵來到已經吾係爽- 炒滑蛋應該炒得太生，水汪汪，無蛋味-歐式軟包都幾軟同新鮮榨菜肉絲湯米（$30）3分-榨菜幾爽帶微微辣，吾錯，但肉絲真系小得可憐，睇得到係4幼條。

每朝去買早餐外賣，有位短頭髮收銀既分店女主任完全零服務態度，差劣的態度真是影響了每天的心情。我只不過是買外賣這短短的時間，每天也站在前台等他從不理會，她忙著也可叫我稍等一會兒，我站著不聞不問，等她處理完所有事務才問我食乜，有時真等得不耐煩，早上已經沒有人，已經沒有禮貌，我更加不會於繁忙時段試這間冰室

早已係家人朋友口中聽聞敏華冰廳有唔錯嘅水準，今日同男朋友經過如心廣場，見到有敏華冰廳，而條隊龍又唔多人，所以就決定食e間。等左 around 15分鐘廳，就有得入去餐廳坐低叫野食，餐廳雖然客流量多，但侍應嘅服務態度都唔錯，唔會黑臉，值得一讚本人超級鐘意食常餐，每次去茶餐廳食野，必定要叫常餐。今次我就叫左個豬潤牛肉湯通粉，煎蛋多士，我男朋友就叫左個本餐廳其中一樣熱門菜式，黯然銷魂飯。我最鐘意食佢個通粉，好多料，不過如果個湯底再濃d牛肉豬潤味，個濃味程度去到深水涉間維記豬潤牛肉米粉果個咁，就會有100分。同埋佢塊多士好過太興塊多士好多，同一集團，真係一分錢一分貨，常餐整體質素已經超出左我個 expectation 喇而我男朋友個黯然銷魂飯，我食左塊义燒加啖飯，好好好好味！香葱油，甜豉油蛋汁配一啖飯同埋厚切梅頭肉叉燒，好正好正好正。肉邊燒得焦脆，咬開即嘗到滿滿嘅肉汁同埋脂香，絕對對得起黯然銷魂之名。

荃灣食早餐已經冇乜選擇，發覺荃灣西嘅商場開咗好多茶餐廳，係openrice 見到呢間未食過，（真係一次都冇食過），膽粗粗就去試吓先。成個商場都好新，冇乜裝修未。門面睇落去都好乾淨，簡單我哋係例餐。凍奶茶走冰嘅，雖然凍凍地，但我都係鍾意有冰嘅感覺。佢都話可以加冰，不過都係試吓原汁原味。奶茶好濃、好滑、亦都好漿口，同我老公飲熱奶茶個杯係一樣，不過係凍嘅。公仔麵一般，煮得過淋。沙茶牛肉好好味，好有椰香味。五香牛肉冇乜特別，如常。麵包焗過，但唔硬、鬆軟不過凍嘅，牛油自己搽。炒蛋睇落去好嫩，不過食落口就唔係想像中咁滑。夥計有講有笑，好好禮貌，亦都令到你整個人都係好放鬆沒有趕客。整體服務滿意，下次要試下午茶的咖洋多士。