敏華冰廳 (MOKO新世紀廣場)

营业中

休息中

上次黎食左個麻麻地既义燒湯意粉😆今次黎食茶餐就有返啲水準😛下午茶時間2點零都好多人全餐廳都滿座，不過流量都好快等左幾分鐘就有位茶餐就唔係好多選擇🍜四川榨菜肉絲公仔麵、配脆皮雞翼2隻，連飲品（$45）公仔麵正常，榨菜份量都好多👍每啖都食到有榨菜，肉絲就得好少而且冇四川味，一啲都唔辣，不過岩我唔食得辣😛雞翼味道都正常，可惜唔係脆皮可能唔係新鮮炸起，食落去都感覺好多油😣飲品就叫返我最中意既熱奶茶😋茶餐廳奶茶最好飲😍/😋食物質素：5.5/10🍽️用餐環境：5.5/10💰性價比：6/10👣回頭率：5.5/10/📌敏華冰廳旺角太子道西193號MOKO新世紀廣場MTR層M39號舖

敏華冰廳近年愈開愈多分店，仲進駐埋各大商場旺角新世紀moko呢間就係MTR層好好生意，經常都見到門口要排隊👀好彩佢上菜速度快，所以唔洗等好耐都有位趕時間既話都可以考慮😆今日望一望餐牌先知原來敏華係太興集團旗下🍜常餐： 忌廉湯叉燒意粉配炒滑蛋、火腿及歐式軟多士（$63）🥤凍奶茶（+$3）本身意粉想轉做通粉，但落單時姐姐可能聽唔到冇轉到😣因為趕時間所以冇叫佢轉返個忌廉湯底好失望，食落去完全冇味😟令到啲意粉好齋，認真唔合格👎記得之前食過早餐既忌廉湯通粉係好食既，今日唔知係廚師失準定轉左煮法🥲下次應該唔會再叫佢地既歐式軟多士我個人就一向都好中意😋真係做到外脆內軟👍炒滑蛋亦都係好滑，係好食既😍每次黎敏華我都會叫奶茶，一黎我好中意飲茶餐廳既奶茶，二黎真係好香濃茶味同好滑🤤推介/😋食物質素：6.5/10🍽️用餐環境：7/10💰性價比：7/10👣回頭率：7/10/📌敏華冰廳旺角太子道西193號MOKO新世紀廣場MTR層M39鋪

原來敏華冰廳前身係文華冰廳，小朋友時期經常跟家姐，今日都還是第一次來敏華。旺角這家分店開了不久，裝修企理光猛潔淨。早晨之選，細心睇一輪終於清楚如何落單，相比傳統餐單這比較複雜。😅🍴忌廉雞湯火腿通心粉 $37🍴配炒滑蛋歐式軟多士☕️熱齋啡忌廉雞湯樣子很濃食落尚算可以淡淡地，通心粉軟硬適中，溫度暖暖夏天都不錯，份量適合小鳥胃女士們。炒滑蛋香滑有蛋香不太油膩👍，歐式軟多士幾特別，口感香軟好有麵香。熱啡濃度適中。服務方面服務員都算勤力快手。

樓面員工態度好懶散，客人叫好多時愛理不理，今朝一家到此店光顧，落單叫了早餐，落單時位呀姐個樣已經好唔耐煩，坐低左成10分鐘一杯水都唔比，叫佢比兩杯水就只來一杯，再叫佢要多杯水又聽到扮聽唔到，聽到我地話咁佢地D服務差，佢地就全部"歸隊"，不單止不再理你，我地枱望到bar枱出餐飲，我地杯餐飲就放着不送等佢凍，到D樓面見到你望住先慢慢送，跟住發現杯餐飲裡放左張紙，同個經理講佢重笑住講”有冇攪錯呀我同你cancel佢”，我話唔使cancel, 我照比錢，你地咁攪D食客根本係倒米同趕客，之後我要求要投訴電話，在寫緊投訴電話期間聽到個呀叔樓面同個經理講話我實影左相放（放左紙杯餐飲）上網，經理竟然答佢”咪炒晒我地囉”，之後打去佢比嘅電話梗係無人接啦，再直接打去太興集團接左我投訴，而家等佢回覆

今天傍晚六時十分於此餐廳叫外賣，一踏入該餐廳，已於收銀處遇到一名態度極度散慢的員工，我叫了四個飯(不是焗飯）就行埋一邊等，等了大概20分鐘，眼見有幾枱比我遲落單的堂食客人已在進食中，放是我就向站近㕑房的員工查詢一下，怎料那位員工不但沒有替我跟進，反而態度極度輕佻的跟我說”我都想快呀”，我繼續請她替我跟進，然後她行近㕑房，跟另一位職員朝我的方向細聲講大聲笑，於是我向她走近，她立即刻意大聲的嗌”快啲喎”，終於我等了30分鐘。時間是一個問題，該餐廳員工的工作態度亦是一個很大的問題，遇到客人跟催，不但沒有安撫客人，反而怨氣沖天、態度輕佻，如此的工作態度，食物就算有幾好食都會趕客。

今朝去買早餐外賣.見佢個收銀唔知行咗去邊，等咗一陣，見到有部外賣機，就自己篤.篤完等啫八達通嘅時候見到收銀幫個男人落緊外賣，而我已經出緊外賣單張飛佢都未落完單. 等咗15min，我去問外賣有未，佢話我12 號，仲有一張單喺我前面.繼續等. 卒之叫 11號，竟然係頭先個男人.我等多幾分鐘，再問收銀有未，佢話等多陣.我問佢點解頭先我落完單俾埋錢先，都遲過個男人. 佢完全漠視呢條問題. 無答過，扮忙 (其實無乜客，唔知忙乜). 卒之係 20 分鐘 之後 先至出到我個早餐！！！ 一句唔好意思都無！ 我只係喺商場樓上寫字樓返工，所以攞住外賣只係好短嘅路程.打開發覺隻紙杯俾碗面ang到凹晒，喺個缺口流晒啲嘢飲出嚟，成袋都係. 入面塊麵包當然報銷. 餐具，另外盒炒蛋，全部浸晒.已經因為遲出餐少咗時間食早餐，仲要抹檯，走去洗手盤搞一輪先有得食. 當然食物麻麻，個炒蛋多油多到可以再炒多碟菜. 以前試過堂食一次，都知道麻麻地. 今次貪方便，諗住俾多次機會. 以後寧願7仔買個包都唔會幫襯.

每次經過都見有不少人在內用餐或等候外賣，生意不錯。其實餐飲選擇不多，主打的黯然銷魂飯我吃的那次义燒過瘦，但奶茶是好飲的。衞生及服務態度有進步空間，尤其衞生，見廚房工作人員戴了手套拿多士又去做其他工序，其實覺得戴手套工作是最不衛生，除非只做一種工序或者是常換手套，但常換手套又不環保🙄 真是眼不見為乾淨😬

放假梗係要早啲起身享受一下美味嘅早餐，同老公出咗旺角食個敏華再行街街今次叫咗清雞湯忌廉火腿通粉，再加支牛奶，本身見到牛奶要$14都唔係咁想叫覺得唔係咁值，而原來跟餐只係加$3😍😍維記支裝奶正！真心推介鮮奶配早餐一流嘅配搭本身以為佢係一個套餐，原來自己叫錯咗淨係通粉，下次叫番佢個套餐，有得跟埋個煎蛋同埋多士，佢個清雞湯簡簡單單冇咁重味精所以我都幾鍾意，同埋用返正常C字型嘅通粉😍my favourite ~

昨天去了這間敏華發覺食物質素同之前相差很遠，榨菜肉絲雞翼湯米平時個湯底好好飲的，但是昨天的湯底淡而無味，米粉也比其他敏華相同的湯米少了一半。我敢肯定廚房師傅一定轉了人，食物質素差了很多😣服務也很差，門口排晒長龍，裏面有人走但係啲夥計都慢吞吞唔願執枱個個死下死下咁，難為喺外邊等啲人真係等鬼死😡咁多間文華呢班都算做得最差了👎👎👎最後最離譜就係好多烏蠅在舖頭裏面飛來飛去10分滋擾🤬

今日出咗花墟行下，行之前過咗嚟新世紀呢邊搵食，見到有敏華喎，就乖乖地排隊入去嘆返個暗然銷魂飯⋯同媽咪兩個人，叫咗一個黯然銷魂飯，一個西多士。佢個暗然銷魂飯真係冇得輸，濃邊半肥瘦叉燒，再加流心蛋⋯首先整穿個流心蛋，再將飯同自家調味頭抽混為一體，簡直冇得頂！厚切叉燒，咬落仲好juicy，好滿足👍🏻我哋仲叫咗個西多士，講真個西多士真係麻麻，好油，仲有少少油益味😣另外，呢度嘅奶茶亦都唔錯，香濃之餘，口感幼滑，正合我口味！整體嚟講，呢度個黯然銷魂飯同埋杯奶茶真係必叫之選！

貪方便去酒店門口間敏華食早餐，叫左個沙茶公仔麵配多士滑蛋。成個餐冇樣好食。滑蛋有腥味，難以形容，係唔應該存在於蛋的味道！公仔麵...唉唔想再形容啦。😢個多士係我唯一的救贖，普通的味道已經救返我條脷🤢呢d令人印象咁深刻的味道歡迎各位勇者去嘗試下！

去完staycation 後，諗住喺附近嘅餐廳食個靚早餐，點知叫左普通嘅早餐都好難食。首先炒蛋有鹹魚味，仲腥腥地。然後忌廉湯通粉冇忌廉味，反而有鹹魚味。🤮🤮🤮最後，冇諗過佢個腸仔只係白烚，一啲誠意都冇。真係冇諗過，一間連鎖集團嘅冰室，會有如此水準🤯

Staycation完諗住就近食個早餐，就去咗酒店商場嘅呢間茶餐廳。見住咁多人排隊諗住實冇死喇，入到去先知中伏。叫咗個最普通嘅火腿通炒蛋多士早餐，成個餐入邊全部野都好L難食🤮滑蛋有鹹魚味，腥既🤢忌廉湯通粉又係鹹魚味🤢條腸仔白烚既，仲要烚到甩晒色🤢四個人叫咗四個餐，四個餐都咁L難食🤮🤮連鎖式茶餐廳來講呢個檔都算極品🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮

茶走唔夠味，只有一小小杯的煉奶，要求多些煉奶，態度差極，不停講要加錢才可。不是錢的問題，而是態度，彷彿在騙取煉奶，當你好似賊一樣。幫襯300多元，難道貪你$1的煉奶。

早上9點49分取外賣,禮貌地向收銀阿姐720-4610,說出外賣單號k01,收銀阿姐只顧㩒手提電話,然後我再同阿姐講,阿姐再施施然望下我,我再說出單號,姐終於放低手提電話去睇下,然後問我個餐食乜,我答完佢,佢再問我單號,然後我同阿姐講,我已經講咗幾次單號,阿姐再用極差嘅態度話我講嘢细聲,㝘忍吾住問左句究竟係我講野細聲定係你根本冇聽我講嘢掛住玩電話,個阿姐大大聲喺餐廳話我好眉好貌,咁冇禮貌 ((大佬我真係黑人問號))買個早餐都要受氣,幾好食都冇用 一定冇下次 有呢啲員工公司多得佢唔少!!!