敏華冰廳 (屯門市廣場1期)

营业中

休息中

本人是經常去的顧客，食物可以，我是推介五香肉丁出前一丁，太陽蛋次次俾我都係穿，蛋黃漏晒咗出來。主要問題是店員態度極度惡劣或沒有禮貌，食個早餐好似要經常受氣，每次都聽到佢哋店員互相鬧交，作為屯門市中心旺區的餐廳，應提高員工服務水平。不會在光顧此店，如門店管理層看到這意見，希望可以重視。同佢的餐廳其實很多，既然食物水平不錯，為何不好好培訓員工的服務態度，這樣我們才有機會幫襯，現在看到他們都不敢入門店。

生存咗咁耐都未食過咁鹹既豬膶米 ，經理好有禮貌幫換過一碗，好可惜都係又鹹又辣又唔新鮮既豬膶米。第一碗，試咗一啖湯頭，好鹹，特登剩係食米粉，個米粉掛住d鹹湯，叫同行友人試一啖，都覺得鹹，最後叫經理換一碗，經任好有禮貌表示「緊係冇問題啦！」第二碗，個湯比起第一碗更辣，薑味好出，好可惜蓋唔過浸鹹味，食一舊豬膶，唔新鮮，個米粉掛住鹹湯，心諗再換過碗都一x樣。今次廢事浪費硬住頭皮食哂，下次再來應該唔會再叫豬膶米，食完呢餐我應該去check下個腎。

今早(12/3/2021)和丈夫往屯門市廣場1期分店吃早餐，因丈夫稍後9:00要趕往上課堂，在餐牌上常餐一欄下看見双拼三文治＋熱奶茶，價格是＄36, 於是便匆匆向一名女侍應落單一份早餐B5 ＄38及一份常餐 $36（鹹牛肉炒旦三文治＋ 熱奶），女侍應用手上的儀器久久都落唔到單. 說是 WiFi 有問題，擾攘了一陣子，终於能成功落咗單，豈料由8:29 落單至8:45分都未見份三文治。其後更發現單上鹹牛肉炒旦三文治＄28＋ 熱奶茶＄20 而不是常餐上寫的＄36, 於是便向收銀的一名男員工查詢，得到的竟是一個極不禮貌的回應，他說: 這是常餐要下午才有供應（為何當時女侍應於落單時未有向客人提示），你睇唔見咩！唉！這般的服務態度及質素，難怪近日門口經常不見排隊人龍喇！

不知那位是不是經理，態度真要檢討！本來諗住嗱嗱聲食個茶餐就返工，叫左個常餐，肉丁公仔麵啲麵淋晒，杯熱奶茶就係暖的，飲到反胃。茶餐最基本的都做唔到，連快餐店都比不上。不會再幫襯！

量體溫後進入餐廳，佢話有人填緊資料叫我地出返門口某，一路講一路兩隻手做出驅趕手勢，十分之無禮貌。跟著被安排坐喺同隔離枱好近嘅位置，坐得好唔安心。跟著叫野食，問佢沙爹牛肉麵個歺雙腸可唔可以轉火腿，佢好大粗魯好無禮貌大大聲咁答我，我開始火火地，之後只係公仔麵餐，都等左好耐，食物只係普通茶餐廳質素，食物選擇小，成餐飯食得好唔開心，完全諗唔到再去嘅理由，冇下次

之前喺屯門碼頭海趣坊食過文華嘅沙嗲牛肉米粉，一試難忘終於等到屯門市廣場開分店啦！唔使排隊就黎試吓啦都係叫返同樣嘅早餐質素就有啲參差啦😞😞沙嗲好鹹好稠，米粉就冇乜大分別，就連個炒蛋都唔夠嗰邊滑嘅奶茶味又好似冇咁濃，服務同環境就OK嘅間間分店唔同質素有啲失望，食返隔離太興😛

屯門近排新開好多餐廳，依間係長期人龍小店，難得經過見到冇人排隊就叫過外賣試吓價錢坦白來講都叫做正常，$39有個麵再加包同蛋仲有嘢飲，價錢來講真係OK嘅可惜嘅係明明人流唔算太多，但係等拎外賣都等咗多個30分鐘，中間真係好想放棄，但又俾咗錢經過左漫長嘅等待之後終於都有外賣拎要值得一讚嘅係，雖然有啲唔環保，不過疫情嘅關係，我盡量都會叫外賣食嘅，餐廳近排都會將面同埋個湯底分開，咁就冇咁容易林晒啦早餐入面個包正正常常冇乜特別，沙嗲牛肉係幾好食嘅，個沙嗲醬都幾濃郁，唔錯， 不過熱奶茶就冇乜特別茶底唔夠香濃個人認為奶茶非常之一般等外賣等到蛋撻出咗新一輪，坦白講，個人認為冇咩特別酥皮唔夠多層數，唔會非常之鬆脆，表現一半總括嚟講，如果唔趕時間又冇咩做嘅話又有好耐性嘅話可以試吓，個人認為排隊就唔需要特別去嘗試啦

食個早餐都咁難🌚打左超過15分鐘電話叫外賣 條線都係busy打唔通死死氣行去門市叫外賣 見到多人都明白點解打唔通 同外賣等左差唔多20分鐘先有明明落左沙茶牛肉米粉 煎雙太陽蛋 茶走奶另上👉🏿返到屋企發現幾樣野：-麵底：米粉變返公仔麵 -牛肉：冇沙茶味 鞋十十-茶走：冇奶另上 仲要多多奶-湯底：味精多多都有最後杯茶冇飲 自己煮米粉😡😡😡原價40蚊 加埋自己煮個份45蚊啦如無意外 唔會再食 因為價錢同食物質素唔成正比🤡🤡🤡🤡🤡

因為打風既原故，餐廳無乜客人。但外賣還要等超過15分鐘！買完外賣返到家發覺其中一個餐無俾多士。麵又煮得太林，湯底很淡。這是第二次光顧，感到失望！！以後不會再幫襯！

睇完2個半鐘既燒腦戲「TENET」，真係開始有啲肚餓，諗住食個下午茶，屯門市中心茶餐廳好多，但好味既真心諗唔到邊間，知道敏華新開咗一段時間，又唔使等位就試吓啦。入去望下餐牌，先醒起其實係太興集團既餐廳，所以又有港版Ironman 係餐牌。見到啲餐既價錢，仲貴過太興，希望真係物有所值啦。下午茶餐唔吸引，多數都係炸物拼沙律，所以最後選了常餐。本來想叫個豬膶牛肉麵餐，噢，賣晒，咁唯有試個沙茶牛肉麵餐轉通粉，跟餐有軟多士、腸仔炒蛋及飲品。份量：大份版既港式早餐囉味道：軟多士同炒蛋有驚喜，係好味既，片多士外脆內軟，同其他茶餐廳有啲分別，個炒蛋夠香滑，其他就正常啦。價錢：$55，確實唔平，好彩唔難食。呢間有下次嘅，要試吓豬膶牛肉麵餐。

因為趕時間本身想吃黯然銷魂飯（店員話至少等30分鐘）改成吃煎蛋免治牛肉飯。免治牛肉飯分量我覺得大，雖然有啲鹹，但是還是挺好吃的，單點51蚊有點貴，建議分量小點，價錢下調小小，唔至於可憐的我為了唔浪費食物食嗮佢而飽到一個點