敏華冰廳 (The LOHAS康城)

营业中

休息中

呢間餐廳都有好多分店,今次黎到日出康城店見人少少就去試下,朋友話蔥油豬扒煎雙蛋飯好食,所以即管一試,我覺得豬扒的水準不過不失,價錢唔算平,所以佢再切厚點就更好啦,現在係比較薄,煎蛋蛋味濃既,蛋汁送飯幾好味,佢地落蔥油都幾孤寒,真係得好少,仲有杯奶茶用既茶杯亦都好細杯,整體來講,我會嫌貴了點囉。

其實康城真係太少茶記，先無奈幫襯呢間。康城敏華食物質素方面都叫正常，但效率實在離譜！本身11:40諗住排隊入去，點知排到11:50都仲有六七個人喺前面，於是索性叫外賣早餐！叫完好記得係11:57，一路等等咗我半個鐘頭，最後12:27先離開到餐廳！正常早餐20分鐘都食完，而家呢間只係排隊、等餐，前後都等咗近乎1個鐘！呢度香港嚟㗎，乜都要效率同快！花近1個鐘排隊等餐，實在唔能夠接受！各位食家，如果冇咁多時間等候，真係要慎選呢間餐廳！

從將軍澳的海濱公園一路沿著海邊行過康城入到商場後想搵個地方小休及下午茶飲下嘢😉🥰舖面外吸引及好大間大半落地玻璃的裝修感覺好開揚及整潔😍好多卡座位,寬敞舒適☕茶餐馬來三叔公咖吔多士 配餐茶 $34咖央醬料好味, 唔會太甜配合大大嚿的牛油入口, 好有口感😋但略嫌多士唔夠熱, 還好的是烘得夠脆口紅豆冰 $26紅豆口感夠綿身,好足料😍可能揀咗小冰, 所以飲到尾都仲有好濃香奶味👍餐茶：熱鴛鴦味道濃沃夠滑口😋好有地道茶餐廳嘅feel

平時喜歡食敏華，因為有沙嗲牛食，今次都一樣叫左個常餐，一黎食左個多士，算正常，食埋條腸，凍既，即刻感覺不好，杯凍啡咖好奇怪，好似放左好耐，唔凍得黎好淡，希望能改善

去完康城商場睇完戲，跟住之後就當然搵嘢食啦。想搵一間快靚正嘅，於是就嚟咗呢間文華冰室。見到有個特色餐：係黯然銷魂飯，於是就叫黎試吓啦，唔錯喎，個蛋煎得啱啱好仲係流心嘅添，啲叉燒嫩口鬆軟配埋個熱奶茶☕️奶茶味香濃。整體都係唔錯，環境乾淨衛生光猛。

員工無生氣，唔熟餐牌，問乜唔知乜，叫早餐又會比少左個包打電話去打成15分鐘可以唔接電話，問佢點解唔接又無解釋。員工完全唔知做乜，唔明點解買個外賣都可以搞到一肚氣

朝早打電話叫左B10外賣，一去到就有得拎，番到去發現唔係炒滑蛋，變煎蛋，仲要煎熟曬，衰在拎個時冇check﹐破壞成朝心情。所以記得一定要檢查清楚，有問題即時要佢換

間間敏華都多人都癲，多人排隊～係嘅，不得不承認佢嘅嘢食唔錯，又叫幾抵但職員service 未免太差，可能因為太多客，佢地又忙啦，佢地老闆真係要請多幾個人，因為想搵個人幫手都等好耐一坐低都聽到附近幾枱都係話啲單有問題，有食客叫staff拿野，個staff聽到又走咗，搞到枱枱都嬲咁...今日仲要等咗40分鐘都未有嘢食，係門口要等都好明白，因為多人，門口等咗20分鐘，坐低又40分鐘，早知去第二間...入到嚟叫嘢食，我都知煮要時間，但40分鐘真係難以明白，仲要本身我哋叫咸牛肉蛋治，等咗半個鐘先話冇咸牛肉，咁轉餐肉囉...飲品叫咗紅豆冰，諗住耐冇飲先試吓，not bad嘅，唔太甜我公司樓下間敏華都冇佢呢間咁癲...希望Lohas 呢間做返啲措施改改

我地兩個女人帶兩個小朋友分別3歲同8歲…我地點左兩個飯四個蛋撻…因為小朋友食唔多嘢，兩個飯四個蛋撻夠曬我地食，相信好多人都會夠食…啱上左一個飯，我地就叫服務員幫我地攞四個碗，個服務員好唔願意咁，仲大聲講「咁厲害，一個飯四個人食」專登講俾我地聽，我就同佢講，你有無睇我地張單，我地點左咩？一個飯四個人食係咩意思？就算我係點一個飯四個人食又如何啦？佢就話佢講笑，我話覺得唔好笑咯，你笑俾我睇下啦，佢竟然一句唔好意思都無，仲話我點解要笑俾你睇…從來未見過咁霸既服務員…

同朋友一同到餐廳晚餐，分左兩枱，有一枱朋友點了鐵板，隨鐵板餐應該附送中西湯，但職員把西湯送錯左去無點鐵板個枱，無點鐵板的朋友以為是隨餐有西湯飲左，後來才知道送錯了，點鐵板餐既朋友向職員反應，能否補回西湯俾佢地，因為變相佢地無左。職員只是講左句，無呀，無得補！但明明係佢地自己送錯，態度惡劣，連句唔好意思都無，唔會再食下次！！食物方面雜扒飯好乾同好油，飯係無汁得鼓油同蔥油鐵板餐貴得黎配料又少，平時冰室食鐵板都唔會淨係得塊扒！食物味道很一般，性價比低，比一般冰室貴！綜合黎講無下次！

星期日 到康城敏華冰廳食早餐，條龍真係好長，但係我都要繼續等，須然見唔應比較少，但好快有得入座，侍應都好好禮貌好親切，我啲小朋友因為唔小心倒塌水，即時有2位員工過來幫忙清理，仲好細心問我們需要轉枱呀！服務好有誠意，而食物方便亦好味，我叫咗個沙茶牛肉麵 炒蛋多士早餐 沙茶牛肉好濃好好食依家出邊好少咁濃嘅沙茶牛肉炒蛋好滑好食奶茶又好香濃滑 簡直齒頰留香我諗我下次食早餐都會諗起敏華冰廳 住日出康城真係搵唔到咁好食嘅早餐 Good.

d職員嗌極冇反應十問九唔應，都已經大聲叫左幾次，舉晒手又係正職員視線範圍內都可以完全無視左，真心覺得唔掂。而且上餐甩甩漏漏，上一半唔上一半，點完餐催埋都要等成半個鐘先上餐食物方面沙嗲牛肉幾滑幾入味，但係分量有d少，滑蛋好好食，奶茶都好好飲，總結嚟講其實都幾好食，不過就貴左d唔太抵食。

其實知道有好多分店，但一直未試過，weekend好多人為左唔洗等位所以試下呢間敏華黯然銷魂飯金鳳香米配上荷包流心🍳煎蛋😆同埋厚切焦香半肥瘦叉燒再淋上甜豉油🥳 撈埋一齊確實幾好味🤪🤪送飯一流👍🏻略嫌個樣有啲單調 招牌來講 唔算特別吸引🙊榨菜肉絲雞翼米粉原本係配公仔麵🍜轉左米粉 榨菜肉絲一定係要配米粉🤪 正正常常個湯底都ok好味😋 雞翼都炸得剛剛好😆外脆內juicy 呢個set係茶餐 不過價錢都算貴🥲性價比低🤫酥皮蛋撻熱辣辣 撻皮香酥 餡夠嫩滑都有蛋香味🤗整體味道係ok嘅🤪不過就價錢小貴🥱茶餐廳來講可以有更多其他選擇🤧

假期同小朋友去康城行下到咁上下時間就去搵食近幾年行街都有見「敏華」不過一直都未入去試過唔知食咩好咁就去試下啦職員問我地幾位之後就行左去眼見入面都有幾張吉檯但職員就好似好忙咁有個客要埋單都嗌左職員幾次都冇人睬到職員行返黎收錢時我地問入面有檯可唔可以入佢話要等等,咁等左一陣就入得其實等就真系等左唔系好耐不過系唔知點解入面有位都唔比入🤔叫左一個西冷牛扒餐一個雞扒餐一個雜扒餐問職員有咩汁可以揀因為小朋友麻麻地黑椒佢話今日只有黑椒汁咁冇得揀就算啦問佢湯有冇得揀佢話冇...唔緊要隨口問下食物質數唔錯,份量多,味道都好可以呀本身問職員有冇得揀汁佢話只得黑椒點知黎個雞扒餐時跟個汁又唔似黑椒到個牛扒餐黎一拼之下先知2個汁唔一樣咁一開始又話冇得揀，真奇怪之後叫杯餐飲我：想要杯凍奶茶少甜職員：飲咩我：凍奶茶少甜職員：哦，凍奶茶我：少甜職員：哦，凍奶茶走甜我：唔系，系凍奶茶少甜職員：哦，凍奶茶少甜終於成功落單😅奶茶黎度好飲喔食物飲品質素系完全滿意唯獨系職員有啲古怪🤷🏻‍♀️

今日經開康城，霖住買早餐外賣返調景嶺屋企食，點知中咗伏，因為等外賣要三十分鐘，但係我張單足足等左四十幾分鐘，再加上我要話取消張單，先至肯包比我，但係好多單係後過我都早我張單出，呢啲係乜嘢服務態度點樣管理，嗰班管理層唔該反省吓啦！