敍·龍閣

营业中

休息中

今日夜晚4個人去食龍蝦伊面 花膠雞湯 搖柱炒飯 炒蜆 等等 … 落單不用15分鐘所有菜已經上哂 仲快過食茶餐廳 海鮮冇味不特止 仲要好難咬 似食緊擦子膠。炒飯冇味 炒蜆有4分3都係冇肉 呢間野真係唔會再有下次 係差到請我食都唔會食 難食到極點 … 埋單居然要$1000

得閒去飲茶啦! 現在去cafe傾偈多，週末又多咗去食Brunch ，反而少咗去酒樓飲茶，但並非表示我不再鍾意飲茶，而是肯同我飲茶的朋友好似少咗咁😅， 但係同屋企人飲茶都係一個唔錯嘅選擇今日三個人少少，所以我哋都冇叫太多點心， 酒樓有點心拼盤剛剛好點心拼盤有 蝦餃 燒賣 叉燒包 粉果 薑汁椰子糕另外叫咗紅燒乳鴿籠仔蒸棗皇木耳龍躉蒸飯呢個龍躉蒸粉不得了有驚喜，荷葉清香味滲透飯粒， 而且仲係炒飯底粒粒金黃炒飯有淡淡荷葉清香🥰ps: 問姐姐攞辣椒油嘅時候，姐姐好細心幫我哋洗咗個兜，先畀辣椒油我哋值得一讚👍🏻

因父親生日所以Book 枱6點食飯，客人不多，可能因為8點後有特價，淨係響門口已經問你要飲咩茶跟手就比茶包你自己拎入枱，侍應推薦半席有龍蝦伊麵，熱石烤豬等，不用半小時所有菜連甜品都上曬檯 ，湯都未飲完就上埋甜品，燒豬唔知係咪下晝賣淨番燒，D皮燒燶曬又乾又苦，釀蟹鉗係餿嘅，同侍應講不停問你有咩問題？終於忍不住叫佢搵部長先肯拎走去換，整體上係度食飯就覺得好似餵豬咁，不停要你係咁食唔停，如果唔係就冇位放食物，總之就是冇招呼，侍應態度差，除非你係熟客，簡直係招呼周到，噓寒問暖，茶都幫你沖埋，之前下晝飲茶冇咁差，估唔到夜晚係咁，簡直離曬譜😡😡😡請都唔會再去

平時屋邨商場既酒樓會有特價孖寶，諗住百零二百蚊可以有條蒸魚加個餸。可惜係無既⋯⋯唔知係咪政府推出消費卷既關係，而家做既所謂優惠都麻麻地吸引。以下幾樣食物加一碗白飯連埋茶位加一後$365。食物味道整體好一般，性價比低。應該唔會再黎試佢地既晚市。燒鵝例牌味道黎講，同區既陳記好好多⋯古法炆班頭腩味道偏咸，份量偏少，八舊入面，有4舊無乜肉可言⋯乳鴿成餐得乳鴿係比較正常⋯沙薑雞腳無沙薑味⋯而且偏硬，有d難咬。

大部分嘅侍應態度都好差入門口知客又話自己搵枱 好辛苦搵到張枱又比侍應話做乜搵張未執嘅枱（但望哂全部枱都坐滿人） 但員工唔安排一張未執嘅枱比客人仲要係咁叫人執枱 行過隔離當透明 請問係咩態度呢？ 侍應態度簡直係趕客比錢買難受😣 呢間野 只此一次 🙂

同父母吃飯，他們始終喜歡中菜。想食得好啲，可以叫返隻四斤重嘅長腳蟹，除此之外，燒鵝也是好食，有蠟燭在下面keep住。四個人食基本上已經夠了，叫多兩個菜就飽。油麥菜通菜都好食，椒絲腐乳在家整不到。

「外賣自取食評」去到週末想過一個輕鬆嘅週末，又唔想出去同人迫見到聚龍閣竟然有OpenRice外賣自取覺得好開心，就試吓佢嘅鵝掌鮑魚同埋燒味飯。見到鵝掌鮑魚竟然只需要$68 ！心裏面當然覺得非常興奮因為係用app叫外賣自取嘅關係冇辦法睇到餐牌，亦都唔知道實物。而之前嘅相片亦都冇人提及，所以就放張相上嚟同大家分享一下。首先要一讚個服務！有禮貌，去到外賣自取之後，收銀有同我講「多謝晒」（可能大家會覺得好微不足道，但係喺香港食飯已經好耐冇聽過呢一句咁窩心嘅基本禮貌說話，頓時一刻感動）。1548落單，最後1615就喺app度通知可以攞得。以週末咁多人來講，效率都算非常快。鮑魚嘅味道尚算有一點鮮味，有咬口、彈牙。非常細隻，相中可以見到：仲短過一支普通牙籤。反而個燒味飯非常值得一讚，我叫咗一個燒鵝飯， OpenRice外賣自取價錢$58。雖然唔係比鵝脾，但係算少骨，份量鋪滿普通外賣飯盒，亦都有燒鵝嘅炭火燒香、好難得有一種齒頰留香、燒味應有質素嘅燒烤香味。肉質唔算太優質，有點「鞋口」，但係起碼冇雪藏味，亦都真係燒鵝，而唔係「燒鴨」，總括而言算係正常燒鵝嘅質感。可能因為用外賣盒裝嘅關係，皮一早已經淋左；

平時我哋都有嚟開敘龍閣飲茶，算係成日幫襯開嘅熟客仔。因為基本上成個屋邨得一間茶樓，選擇唔多。所以通常同老人家去飲茶嘅話都會揀返呢間，夠方便就腳。服務方面，可能因為母親節當日好多人，人手唔夠，個個夥記都忙到踢曬腳。嗰日我哋大約七點半左右叫服務員可以開始上菜，但係都起碼等咗半個鐘，佢哋先至陸續上菜。由於我哋親戚們都比較多人，所以包咗一間房嚟坐，分開每枱四位。最後埋單時，分枱上菜需每位加60蚊。套餐一位除開要$480，從來都未食過咁貴嘅母親節飯。🥲

敍龍閣難得去飲下午茶 點心都幾好食最好食係流沙包，次次去飲茶都一定會食嘅流沙包。腸粉都唔錯，算係幾滑，料都多點心拼盤嘅話就唔係太突出，但整體來講味道都還可以📍 敍龍閣 (將軍澳)將軍澳唐明街2號尚德村TKO Spot 1樓111號舖#點心 #中式料理 #茶樓 #蝦餃 #燒賣 #腸粉 #美食 #將軍澳美食 #香港美食 #hk #hkfoodie #foodiehk #foodie

今日同屋企人嚟試吓，但唔會有下次！皇府已經夠衰，今次見識到一山還有一山高！1. 入座前，門口知客好似喝狗咁叫安心出行啊！語氣好少少，有禮貌少少真係咁難？我係嚟飲茶食嘢，唔係嚟俾你呼喝！2. 埋到位見到執緊枱，咁等陣啦，執完枱等咗3分鐘都見唔到鋪枱放位，問啲主任可唔可以幫忙，但得到回覆係你等吓先！3. 叫咗12樣嘢，有9樣係凍或微暖，去到呢刻，已經唔想再講，只想快啲食完埋單！食肆係過去呢年幾不斷叫苦，疫情係一個好主要原因，但服務同品質都係關鍵，呢間嘢，無下次！

敍龍閣難得去飲下午茶 點心都幾好食最好食係流沙包 腸粉都唔錯 算係幾滑 料都多📍 敍龍閣 (將軍澳)將軍澳唐明街2號尚德村TKO Spot 1樓111號舖#點心 #中式料理 #茶樓 #蝦餃 #燒賣 #腸粉 #美食 #將軍澳美食 #香港美食 #hk #hkfoodie #foodiehk #foodie

生日飯食乳豬 本身幫襯開另一間兩間價錢差唔多 貪方便行小左幾步點知五百八十蚊買到 一隻微型乳豬仔 真係比起平時第二間買既細左好多。。。只可講句以後唔會幫襯 😡😡🤬🤬

今天6/3/21星期六相約朋友在將軍澳spot敍龍閣飲茶吃午餐，誰知發現香港酒樓的一大創意，值得在這裡給予超讚首先，他們改用自動冲茶設備，除了自動入水電水㷛外，客人可自己調節冲茶的濃淡，可以不用每次都要服務員拿熱水，傾倒餘下的熱水，最貼心是疫情期間可減少服務員交叉傳播病毒，工作人員的工作量也減輕不少，簡直是大家都好的超級讚的改進。敍龍閣食物質素也不差，特別是燒鵝，水準之作，推薦給喜歡吃港式中菜的朋友。總之，大家要多多支持努力工作創新自强不惜的香港企業。

最近疫情無得飲茶 見呢間茶樓有一籠籠點心放係到 選擇多過唐記就揀呢到 點知惡夢開始 原本都有同我講膠粉要等 咁我覺得都無所謂 即叫即蒸仲好 當然我有點其他食物 點知等到腸粉都整好 啲阿姨先至慢條斯理走過來睇下架點心車嘅點心 跟住先發覺原來菠菜餃同蝦餃喺架車上面冇哂 原本熱辣辣整好嘅腸粉就好無奈咁係度等到凍哂 期間我有要求退返錢比我 未準備好個三籠食物 點知阿姐話冇得退錢 迫我喺度等 我個膠粉同其他食物都等到凍哂 期間阿姐態度非常惡劣如果佢有留意下架點心車同埋我張單就唔會發生咁嘅事情 呢間茶樓完全唔識得做外賣喺哩嗰疫情試下依間餐廳如果要做外賣點心唔該佢地改善下

在將軍澳尚德廣場(敍龍閣)叫了酥炸美國桶蠔($148),到了全碟只得3隻，女經理只說每桶蠔開蓋後有幾多隻就有幾多隻，難以理解...激氣!激氣!激氣!😤😤😤一