撈得喜火鍋冰室

营业中

休息中

任食火鍋嚟講性價比高人均$200鬆d環境坐得算舒適 卡位居多，仲有分室內同室外服務態度都很好食物選擇非常多 一般火鍋店配料都有仲有特色飲品雪櫃飲品選擇很多 啤酒都任飲烤魚也非常入味可以再試

💖元朗呢間嘅放題雞煲烤魚火鍋三個都有得食，而且價錢仲好平，成人一位$158起🙀，今日黎試下到底有幾抵～1⃣️任飲任食兩小時🍲 $158-178/位💖烤魚同雞煲二選一，有多款口味，我要左唔辣嘅番茄🍅烤魚，大大條而且唔腥，無咩碎骨所以好快可以食完再戰火鍋🤓，鍋底仲有好多其他配菜。💖火鍋配料有各種蔬菜🥬、丸子🍡、肉類🥩、海鮮、麵食🍜等。個人推薦蠔仔🦪、蝦🦐、響鈴🔔、海帶、各種丸子等，品質以呢個價位黎講幾好！肉類推薦佢地準備好嘅一碟碟薄切，口感比佢地其他厚切嘅好。💖飲品除左啤酒🍻、罐裝汽水🥤、紙包飲品等，仲有佢地自製嘅fruit punch🍹，幾好飲！甜品係雪糕，有曲奇🍪、紅豆🫘、朱古力🍫、雲呢拿🌱、芒果🥭等～💖佢地嘅食物質素同種類以呢個價位黎講算唔錯，幾適合一班人一齊黎gathering！

又黎放題 上次食過烤魚+火鍋今次就雞煲+火鍋😍一樣咁抵食任飲任食2小時成人只係$168-$188 (有分3個時段)可以揀多款烤魚,水煮魚,酸菜魚,椰子雞煲,麻辣雞煲~我揀左麻辣雞煲~小辣麻辣 🌶️ 上枱再加熱炒兩炒就食得每煲大約有半隻雞! 雞件都大塊同滑嫩的😍仲有薯仔,花椒,八角,洋蔥,三色椒,蒜片,薑片,豆卜...食完個雞煲就可以加湯轉火鍋🫢而且個湯底係越煮越辣 好惹味~自助飲品區有多款飲品, 餐廳自家製西瓜飲品 清涼解渴, 支裝飲品,罐裝汽水, 紙包飲品, 茶, 啤酒...自助食物區有蝦,蠔,蜆, 丸,手打丸,肥牛,牛肋條,豚肉,雞件,魚,多款蔬菜同菇....多到數唔哂~ 大推牛肋條 竟然唔會un 好香牛味 任食黎講算幾高質而且餐廳環境都坐得幾舒適~ 店員服務態度良好💓.📍撈得喜火鍋冰室 📌元朗屏昌徑14-48號聯發樓地下9-10號舖

撈得喜火鍋冰室 (元朗)元朗屏昌徑14-48號聯發樓地下9-10號舖番茄味烤魚今晚打邊爐，先來一個蕃茄味烤魚，嘩，大大方盤載着一條炸得酥脆香魚，鋪滿新鮮嘅蕃茄，香蔥，雜菇，顏色鮮艷，芳香撲鼻，胃口大開，先食條炸魚，皮脆肉滑，鮮甜多汁，帶有點微辣，食到舔舔脷，隨着鮮魚嘅湯底，攞各種唔同嘅新鮮食材，真係包羅萬有，隨君選擇，湯底嘅蘿蔔，蓮藕，薯仔，大豆芽，雜菇，非常嘢味，自己再嗰啲蝦🦐，大蜆，豬豚肉，腐竹，豆卜，淮山，青菜🥬等等，今餐真係大滿足，好食，抵食，讚讚，👍👍👍值得推介🥳🥳🥳

✨ 今次去試咗朗屏站附近嘅呢一間烤魚火鍋放題 可以任飲任食兩個鐘～佢哋都可以揀雞煲 不過我哋今次就揀咗香辣味烤鱸魚🐟八點幾去到都見到已經爆曬場 所以都等咗一陣先入座～鱸魚好快亦上咗枱 叫咗小辣小麻 不過愈食愈辣都幾過癮 條魚底下已經有蓮藕薯仔芽菜等等嘅配料 朔晒啲汁好惹味 食完就可以出去自助區再拎其他配料打邊爐🍲選擇雖然唔算多 但基本嘅都會有 見到仲有生蠔 蜆同大蝦 除咗飲品任飲 另外仲有木耳 青瓜小食 同埋雪糕任食🤭如果住附近想食雞煲/烤魚 仲想打埋邊爐🫕都可以嚟試吓～📍 撈得喜火鍋冰室🔍 元朗屏昌徑14-48號聯發樓地下9-10號舖

| Encor抵食烤魚+火鍋放題 @ 撈得喜火鍋冰室  | 講女美食團 =  =  =  =  =  =  =  =  =  =  =  =  =  = 💬 總括: Encore之選，價錢抵食，重量重質任食火鍋 環境：★★★★☆ | 味道：★★★★★ 服務：★★★★★ | 抵食：★★★★★————————————————天氣凍就好想食暖笠笠嘅野 冬天除咗打邊爐之外，食烤魚都係個暖身嘅好選擇 撈得喜都係卡咪嘅元朗心水List -因為平價、好味、又多選擇 任食火鍋超抵食CP值高 一個價錢可以選擇雞煲、酸菜魚、烤魚定水煮魚， 最後加湯再打邊爐 上次試咗酸菜魚，念念不忙 今次同親愛的再烤魚 - ▼ | 香辣味烤魚 | 烤魚有幾款口味選擇，仲可以揀辣度 即叫即燒嘅香辣味烤魚 食落湯頭香味十足，烤魚外表黃金酥香 魚肉唔多骨，肉質結實軟滑啖啖肉湯料仲有好多配菜，吸晒湯汁鮮甜惹味唔夠可以再去自助吧拎- ▼ | 自助吧 | 任食自助區嘅食物多元化，好多選擇，肉類有肥牛，豚肉片，各種丸類，鵝腸，牛栢葉，水魷，豬紅，仲有海鮮類選擇，蝦、蠔、蜆等。蠔粒食落飽滿多汁，蜆肉新鮮大粒冇沙。▼ | 飲品 | 除

住系附近既朋友話成日夜晚經過呢間餐廳都幾多人，所以帶埋為食既我去食下。雞煲同烤魚都食得多，所以見到椰子雞煲幾特別，就揀呢款，感覺健康養身啲。雞肉同個煲會分開上，等個煲火滾再放已切好既雞件落去，湯底幾清，加左紅蘿蔔、粟米、椰子肉、芫茜等配料。椰子湯好香濃椰子味，幾清甜，椰肉都好好食，煮完仍然好香椰子味。雞件算滑。食完雞件後就開始打邊爐，火鍋配料要自己出去自助區拎，款式較少選擇，有蝦、蜆、蠔等海鮮，亦有丸、豆卜、腸仔基本食材。肉同菜都系自己系出面拎。因為我地較遲入座，所以有部分野食已經清得七七八八。最後以雪糕作完結。

屯元天街坊平靚正好選擇!位於元朗屏昌徑的「撈得喜火鍋冰室」由朗屏站B出口出發行5分鐘就到，親民街坊價假期必定全場爆滿!打邊爐最緊要坐得舒服，冰室座位夠哂闊落，打開MENU有齊重慶烤魚、水煮魚、酸菜魚、椰子雞煲、麻辣雞煲等選擇，最正係兩個人已經可以揀一款煲，四個人以上更可以揀兩款口味。話係任食預左無咩服務，但店員都唔HEA咁有介紹下店內點餐同提醒留意火喉，抵讚。🥳重慶麻辣雞煲 $178/each推介:⭐️⭐️⭐️⭐️⭐️重慶麻辣雞煲偏麻，所以叫左小辣試試，雞煲配料十分豐富吹料，所有配料有哂紫洋蔥、紅椒指天椒、花椒八角、蒜片、薑片、豆卜等，味道香濃吸引，雞煲滾起後再將稍為雞件炒一炒吸收醬汁，份量有驚喜，雞件肉質嫩滑，惹味食唔停口。😋接住就係加湯打邊爐時間，湯底選擇多達十款，加左豬骨湯底，等佢滾起時候最岩出去攞野飲同火鍋配料，汽水、啤酒、自家製冷泡烏龍茶、自家製水果茶等，兩個大雪櫃自助取，有餐前小食、炸魚皮、響鈐、公仔麵及烏冬等。任食火鍋配料有好多選擇，海鮮、丸類、手打丸、肥牛、豚肉、黃油雞件、蔬菜及菇類等而海鮮有埋蠔仔、蜆、蝦，就連鵝腸，牛栢葉，水魷及豬紅都有!🦐蜆肉大粒鮮甜，蝦肉爽彈，見到有風琴豆

冬天就每日都想打邊爐😛😛😛想打邊爐又清淡少少，所以我地選左椰子雞避開了高峰晚市時段，18:00入座，店員安排卡位坐得舒服d😘元朗搵到間平靚正食完椰子雞之後仲可以放題打邊爐一個價錢不到$200，重可以任飲任食，性價比高半隻雞嘅份量，2人食就剛剛好！雞肉白白嫩嫩，脂肪比例平均，吾似我地平時食既黃油雞咁肥，雞肉經椰子水煮過之後，面層油份亦都唔多🐥肉質爽彈不肥，而且完全沒有雪藏味因用上新鮮的椰青水🥥所以感覺很新鮮很清甜，吃到底，湯底比起最初更鮮甜食完雞之後，就可以開始打邊爐，外面有2個大雪櫃可以自取配菜及肉類種類亦都繁多，而且對得住呢個價錢當中亦有桶蠔為性價比高之選菜類更吸收了椰青湯的精華，食落更鮮甜最後我同朋友都忍不住都飲曬個椰青湯底飲品嘅選擇都有很多，更有自家調製嘅特飲同埋啤酒

Badboy約咗住附近嘅朋友嚟食平民價任食火鍋，8:30pm先嚟都爆場，好彩咁啱有枱食完走唔洗等位。百幾蚊一位任食2小時😋首先揀咗要雞煲/烤魚/酸菜魚定水煮魚先，其中雞煲同烤魚都有唔同味揀，食完之後就可以加湯打邊爐喇，食物飲品就自助區任拎。🐟麻辣烤魚姐姐話多數客人都揀佢哋招牌嘅雞煲/烤魚食，烤魚唔係度度都有得食，所以badboy揀咗烤魚。烤魚係鱸魚，唔多骨，肉質結實。如果鍾意食再滑啲嘅魚可以+$38轉多寶魚。魚皮煎得金黃脆口，鍾意食魚嘅話，兩個人食啱啱好。麻辣湯底badboy只係揀咗小辣，所以唔算辣，但就惹味啲。任食自助區嘅食物都好多元化，基本嘅腸仔、丸類都好多，仲有唔同海鮮、肉類、菇類同好多款新鮮蔬菜。朋友夾咗好多粒蠔食話飽滿多汁好好食，可惜badboy早兩日先腸胃炎完，所以唔敢食咁多海鮮住😂如果唔係都想烚啲蜆食🥲拎醬料嘅隔離仲有打邊爐必食嘅響鈴同超大兜炸魚皮，大大塊勁吸引，夾咗一兜好好食😋唔夠飽都有公仔麵、烏冬可以拎😊自助飲品區都有幾種類可選擇，有紙包茶飲、罐裝飲品、啤酒、自家製水果茶等等。值得一讚係呢度啲姐姐都好helpful，有耐性同你講解之餘，佢哋執緊枱，我哋示意想加湯就即刻

之前講過一定會返嚟encore，趁住呢排天氣涼涼地，去元朗打邊爐！估唔到隔咗一段時間，呢度超多人！大家都發現咗呢個好地方！今次嚟到叫咗麻辣雞煲！真係好正！啲雞入口亦嫩滑❤️最重要外面都有雞件可以拎，可以自己無限複製雞煲🤣🤣🤣麻辣鮮香！出一身汗好正🤤除咗之前有介紹過嘅多種配料選擇，今次多咗鵝腸！連鵝腸都有得任食，點會唔多人呀🤣我自己覺得呢度嘅炸魚皮非常出色，令人感到驚喜！因為大件得來脆到十足，唔係細細件魚皮真係好開心！加埋雞煲湯底真係其味無盡🫣☺️呢間火鍋真係極度推薦大家！住大西北一定要過嚟試！

忙完一天的工作以後，也要吃點飽飽的食物滿足一下自己！今次就點咗一個烤魚邊爐📍-食物選擇：麻雀雖小五臟俱全！又有豬肉牛肉海鮮蔬菜任大家揀。大家記得要煮熟晒啲食物先好食!!(不要貪快哦~)-魚類方面：今次我哋叫咗剁椒味烤魚🫶🏻自己本身都鍾意烤魚雞煲呢類食物，呢間食後感都不錯，湯底偏向麻辣，相對也會較惹味，仲有好多索湯嘅蔬菜🥬-金菇豆卜粟米必叫。魚肉鮮甜多汁且嫩滑，口裏面啖啖肉必叫必叫!!-住喺大西北嘅朋友都可以試下！

之前日頭係度試過佢個下午茶，都係大份同抵食，然後發現佢呢度有任飲任食火鍋+雞煲/烤魚，一直都想搵機會黎試，見依家天氣涼返少少就黎試下佢😻任飲任食2小時🐟🍲 $178加一我地今次見左烤魚🐟，淨係烤魚都有4款湯底揀，我地唔太食得辣就揀左番茄味🍅，一上個煲真係哇左一聲🤩條魚好大條，兩個人食嘅話真係夠晒飽😋建議浸耐d，等番茄湯滲落條魚度更加入味😛咁大條魚都冇腥味😌食完條魚就可以加豬骨湯底🐷🦴繼續打邊爐🍲配料都係自己出去拎，有多款蔬菜🥬，丸類，同埋肉類，最驚喜係有海鮮，佢嘅蝦幾爽口🦐，蜆肉都大粒，蚵仔鮮甜🦪我地都encore左好幾轉🫢另外風琴豆腐卜都好推介🤩索晒番茄湯好正～飲品方面，啤酒任飲🍺，最特別係有水果茶，出面一杯都唔平架🫣仲有枝裝飲品～另外都有紙包茶同埋汽水！最後仲有甜品，就係雪糕🍦呢個價錢食到咁對野真係好抵呀！👍🏻等再凍d再黎試下個雞煲先🐔

呢間撈得喜火鍋好近朗屏西鐵站，我見到好多單車友去食，一嚟佢門口可以拍單車，二黎又有戶外位唔駛怕臭親隔離枱，我見都有好多一家大細同叔叔去食，佢晚市有雞煲火鍋任食，好似都幾抵，百幾蚊一個人。不過我今晚自己一個人就冇叫雞煲火鍋，我叫左佢個酸菜魚。 佢既酸菜魚有一人餐，有得揀麻度同埋辣度，我揀左小麻同小辣。仲可以揀配寬粉定白飯，我揀左跟寛粉。佢碗酸菜魚黎到時都有啲大碗到得人驚，成個面盆咁大！佢啲材料十分豐富，湯底好夠酸辣味，除左勁多辣椒同酸菜之外，佢仲要有勁多魚片，荳芽，椰菜花同萵笋，超級惹味。佢個寬粉吸哂湯底，超級入味！一個人食好滿足！

今日收工收得晏,便去這家撈得喜火鍋冰室開餐,我們約8時半抵達,見到裡面幾乎爆滿,等了幾分鐘才可安排入座,餐廳是一般茶餐廳格局,主要是走平實的路線。我們由于不太能吃辣，本來想要椰子雞煲,但八時半已全部沽清，最後叫了麻辣雞煲(走麻走辣)，雞件醃得非常惹味，而且分量很多， 吃完之後飽了一大半。之後再加入湯底食火鍋，可自行到外邊大雪櫃任取火鍋食材，品種十分豐富，包括肥牛肉片，豬肉片，各類肉丸， 雞件，蝦，蠔，蜆，瓜菜，烏冬等，還提供了雪糕及免費飲品任取任飲，飲品方面個人最欣賞就是冰凍自家製果茶， 甜度適中，而且啖啖果肉粒，夠曬解渴，打邊爐飲就最合適， 總體來說，這店的價錢實惠，不用200元一位便可以食到惹味雞煲及任食火鍋， 絕對十分超值，難怪夜晚八時多仍座無虛席。