摩豆

营业中

休息中

本身超鍾意食班蘭蛋糕，今日經過旺中有啲肚餓，雖然平時唔係食開呢間，但有啲想試下新嘢，就係呢間買咗一底班蘭雞蛋仔💚佢哋呢間雞蛋仔係即叫即造，所以拎到上手係新鮮出爐熱辣辣🔥 雞蛋仔外面都脆嘅，除咗頭尾蛋漿有少少唔均勻之外，大部份都係咬開見到係一半空氣一半雞蛋仔嘅結構🤪但係雞蛋仔內部入面唔知點解水氣好重，濕到好似食緊麻糬/糯米糕個種煙韌又濕濕哋嘅口感😂又唔係話唔好食，但係個人麻麻地呢種口感班蘭味都算出，但唔係好香班蘭味🙈後尾睇到原來好多排隊嘅人都係嗌流心蜂蜜雞蛋仔或者係原味，可能班蘭味唔係佢哋嘅主打，或者下次食就食下其他味啦🐥～

🍠和風紫薯雞蛋仔 $29即叫即烘 等咗大概10分鐘熱辣辣食雞蛋仔外脆內鬆軟 到食到後半就比較煙韌紫薯餡足料 每粒都有！質地綿密黏黏哋有少少似蓮蓉🤣最鍾意係甜度天然感覺啱啱好食完一底負擔都唔會好重。

我覺得應該頂左比人，以前粒粒都脹卜卜，粒粒都好分明，外脆內軟，現在根本兩個樣，對上次買格仔餅又燶底又燶邊，今日買了芝士味鷄蛋仔，成塊都係扁好似食餅咁食。以前佢地好講質素，現在根本係10-15元質素賣到20-30價錢，我應該唔會再食佢。

Book左枱晏啲喺旺角食野，未夠鐘就諗住行下旺中，但行行下又好肚餓😂，行過聞到幾香，所以就去食下呢間既雞蛋仔。🔅流心蜂蜜雞蛋仔 ($24)原味太普通，同朋友都鐘意食蜂蜜味所以就叫左😝，等左一陣就拎得。雞蛋仔都幾脆，但一咬已經覺得奇怪，好似唔係蜂蜜味。細細啖咬開一粒先發現佢既流心係有粒蜂蜜珠珠(?)喺每粒雞蛋仔到😱。所以嚴格黎講唔係流心…💬同想像中有唔同所以扣左分，價錢唔算平，不過有少少唔值☹️。不過佢有好多其他新奇既味，例如羅宋湯、斑蘭味，可能係呢個唔太啱我口味🙈。

平時無行開旺中嘅習慣🤓之前去過一次只係覺得地方好細好窄 行街都行都吾鬼舒服😬🤣但最近一次朋友生日，系旺角行到top就再次行過同佢梯下有咩咁好食（都不時見有foodie推薦）朱古力雞蛋仔 $22哇 首先個樣已經唔係好掂 輕微有小小密集恐龍症但呢個都吾系最重要同過份‼️佢d雞蛋仔個心系接近空嘅⁉️好明顯食到好拮嘴 出面脆但入麵絕對吾軟因為好明顯麵糊都未倒夠🥴😕好差令人完全吾想繼續食落去👎我吾知道呢個系基於乜原因 系巨地本身系甘左定因為個日人多麵糊吾夠???

旺中好多小食鋪，咁啱朋友見到話想食雞蛋仔，於是就去左試，叫左個斑蘭味嘅雞蛋仔，但食落去同原味無分別🤢😩😩完全係無斑蘭味，仲要咁貴，真係唔係好抵食🥲有啲失望，希望佢地可以做返好啲！

買左個金莎朱古力格仔餅，外面白色，入面就係未熟ge，食左咁耐雞蛋仔同夾餅都未食過白色，咬落去勁難食食左幾淡就食唔到，係唔識整夾餅，唔會再幫親，29蚊買件垃圾，一肚氣。

自從前幾日食過朱古力粒雞蛋仔覺得唔錯之後 就好想試下其他鋪頭既水準今次行到旺中呢間摩豆除左有大眾款式外 仲有好多特別既口味例如土鳳梨🍍流心蜂蜜、肉鬆蝦乾等等為左穩陣起見 今次都係試下原味朱古力雞蛋仔先🍫原味朱古力雞蛋仔 - $22呢間都係即叫即製 所以都係熱辣辣😻外脆內軟 每粒雞蛋仔都好飽滿同埋超多朱古力粒非常滿足🍊紅西柚綠茶 - $18 （套餐配野飲可以減$4）因為好多朱古力粒 所以整體都幾甜嗌番買杯微酸既野飲中和下 就prefect🍹綠茶澀澀 加上西柚微酸；唔會得個甜 非常夠味同樣都係無冰 唔怕飲得慢杯野飲會淡左

每次行旺中，都一定會黎呢間食會既「流心蜂蜜雞蛋仔」$24因為真係好好食！ 雞蛋仔下脆內軟入面仲有一粒好似珍珠既蜂蜜只要輕輕咬一下，蜂蜜珠就會爆開蜂蜜就會佈滿口中～而且蜂蜜珠唔會話太熱或太甜而且推介過俾身邊唔同既朋友都一致好評🤩🤩👍🏻👍🏻此外，今次仲試左「苿莉花蜜」跟雞蛋仔買+$10好解渴～唔會話好甜味道剛剛好☺️☺️

今次係第二次返食，上次食咗積及橙餅雞蛋仔今次叫咗土鳳梨雞蛋仔。即叫即整 ，今次比較多人買，等得比較耐少少， 差唔多等咗十五鐘。今次隻雞蛋仔我覺得係唔夠上次脆， 但唔知係我自己食得太心急，應該等佢再凍啲，應該會脆啲，但係因為食嗰陣好肚餓，所以冇等咁多，一整好就即刻食，每一嚿都有土鳳梨酥，土鳳梨有少少偏酸感覺好醒胃， 鍾意食甜酸嘅應該要揀呢個。兩個人食完一底，之後都唔影響食再食其他嘢個人覺得積及橙餅雞蛋仔好食少少

之前食過朱古力，今次就試紫薯$29。即整，等左5分鐘左右，無人排隊好快。門面睇落乾淨整潔👀。一攞到手，就企埋一邊即食。係好脆！入邊既紫薯蓉算足料，都幾滿。咬開熱熱，唔會過甜，味道剛剛好~口感似蓮蓉咁，甜甜黏黏滑滑，恰好甜既紫薯蓉。食到一半，開始由脆皮變軟身，食落似燒餅或者似麻糬咁~唔係話唔好食，而係另一種風味~整體呢間格仔餅同雞蛋仔都好多口味，有排先試得曬~今次紫薯係幾好食~粒粒都有滿滿餡。下次會再幫襯~

辦公室內慘白的光管整天亮著，根本察覺不到辦公室外泛黃的街燈早已亮起，天早就黑了，一月的日照，真是短呢，想著想著就下班了，孤獨的日子，幸好還有朋友和美食等待著我。好啦偽完文青，上回提到食完麻辣野，跟住落嚟就去食甜品，去左一間叫Modos、專賣雞蛋仔嘅檔仔，我哋一人食咗一個粒粒朱古力雞蛋仔，買單都要$20幾，加埋嘢飲就$30至$40，雖然唔係真係咁抵，同埋識食雞蛋仔一定去新蒲崗食，但係咁啱經過咪消費下囉，因為掃街都係想食多幾間唔同嘅餐廳、食物，所以今次就冇得食埋佢地果個雪糕雞蛋仔，見到都好想食，推薦大家個胃仲有空位就試下個雪糕雞蛋仔啦，今日嘅禁堂食掃街記～完。

Eggettes are one of my favourite traditional HK snacks growing up and the ingenious idea of putting fillings within each pieces initially did blow my mind. As a honey lover, I opted for the lava honey eggette ($24). It took no time at all for it to be made, it was crunchy with honey bits bursting in your mouth. Apparently, we could get eggettes with a drink at a minus $4 price so I added a white peach smoothie ($14) with the deal. Something just never changes, as a kid I love crunching ice while

夜晚買左底朱古力雞蛋仔$22，等大概10分鐘即叫即整拎上手熱辣辣，個外殼係脆脆的，內裡朱古力半溶，係口入邊化開暖暖又軟軟的朱古力漿。唔會過甜~~原本朱古力就係最保險既選擇，不過外脆內軟，真係無得輸見到有咁多其他口味，伯爵、抹茶、蜂蜜、芝士、班蘭、肉鬆......都幾特別，下次可以試下~呢間雞蛋仔個日夜晚都好多人等緊。款式多固然吸引人，不過我諗主要係質素keep到，先會咁多回頭食客。一到手，5分鐘就KO，果然就係要趁熱食啊！

好食…好食…好食…真係要講3次好食先。第一次買摩豆雞蛋仔，買完拎果陣，我真係以為係黑色，因為橙餅其實係黑色。個雞蛋仔係橙色，有冇色素我就唔知喇。買完旺中係勁勁勁多人，行左去top果條天橋度食，其實都好多人係果度食。雞蛋仔夠脆，食完個口仲會有成陣積及橙餅味，我覺得陣味仲勁過食直接食積及橙餅,真係好想知佢點做到。因為一個人食，食唔晒拎到返屋企就淋晒啦，但出奇地我叮完30秒D邊又脆返5成，都仲食得下既好食…會再幫趁。