搵啖食 (皇后大道西) (已結業)

之前食過一次覺得一般已經冇再幫襯, 直到前幾日見到lunch time有人排隊, 唔知會唔會改善左, 諗住俾多次機會佢…點知好失望…叫左外賣, 姐姐話唔夠魷魚…問我要加啲乜, 我問有啲乜嘢可以加? 姐姐話你想食啲咩？我望下張紙…咁我話加條春卷…姐姐同廚房講要春卷點知返到屋企打開黎睇, 個麵係好多汁呀但冇味, 啲冬菇好迷你, 2塊迷你魷魚, 係2粒墨魚丸最正常, 最後揾極都唔見條春卷, 如果係唔想俾就直接話我知, 我咪轉其他野囉, 但係應承又冇俾, 感覺好似被騙…應該唔會俾第三次機會！…查看更多

今日叫左外賣， 一打開蓋， 依？ 沒餸既？ 嗌左淨麵？定係分開左盒黎裝？ 或是送漏左？ 原來唔係， 見唔到餸係因為份量真係少到隨時睇唔到！我不明白為何這個價錢的車仔麵餸的東西份量可以少到咁。慳慳埋埋真係袋得入袋？ 或是我怕食客不會再幫襯啦！經過以上既感受， 已經扣左唔少分數。 我叫左兩餸車仔河， 牛筋腩和菜。 把僅餘既牛筋腩放進口， 講得肥膏唔少， 口感一般， 瘦既部份硬硬地， 食落都無乜牛味。 本應車仔麵不應有如此高的要求， 但當沒份量既情況下， 質素又不太好，就拎人感受很差了。 其實都幫襯過不少次，但見質素一日不如一日，希望餐廳能作出改善。 …查看更多

呢間想試好耐，經過試下，先睇餐紙，好多款式，梗係揀d車仔麵必點嘅餸，豬紅、豬腸、魷魚，試埋雞翼，配油麵。餸不過不失，咖哩魷魚啱啱好，最特別係豬紅，挺身好入味，滷水雞翼大大隻，加埋個辣醬，總算穩陣之選。整體黎講呢間都係上環西營盤其中一個選擇。…查看更多

叫了外賣3餸麵等候時間極耐，超過20分鐘，原來漏了單午飯時間落單情況十分混亂，人口不夠 ， 用了紙點，最後還是用口落單講口食物很久前曾堂食，今次點了雞翼，豬紅，甜齋，齋沒有味道，又很硬，不入味米粉浸了十幾分鐘麵質還可以…查看更多

10-10-2020夜晚係上環文娛中心睇舞台劇, 趁開場前仲有時間, 係附近搵野食。蘇杭街特式cafe林立, 但係一般6pm就收舖; 反而水坑口街那邊有較多選擇。朋友推介過呢間車仔麵, 但幾個月前黎過撞啱休息, 今次唔駛摸門釘了！😁其實車仔麵店既餸菜大同小異, 所以我既策略係揀d平時少見, 而店長又推介既餸。炸魚餅+長洲魚蛋+鹵水蛋+香滑齋, 呢個組合係咪好特別呢！😏 炸魚餅爽口彈牙, 跟齋件既香滑形成強烈對比! 長洲魚蛋體形龐大係人都知, 專登跟鹵水蛋放埋一齊, 不相伯仲。加碟腐乳通菜, 自家製五花茶, 大滿足!😂ps. 之後才發現佢既秘製辣汁好馳名, 下次必定要試!ps2. 店內貼有唔少老闆跟"明星"既合照, 可知舖頭非常出名, 但Uncle對大部分"明星"沒有好感!😂😂😂😏…查看更多

車仔麵話晒都係經典香港食物，由一架架車仔賣到一間間嘅舖。而依間喺喺上環嘅搵啖食，佢嘅車仔麵係高質嘅。今次叫咗粉腸、牛筋腩同菜餃依三個餸，可以講全部高質。店家其實都提供好多唔同配料畀我哋揀。連埋凍檸茶埋單$48，依個時刻算抵喇！除咗車仔麵之外，佢都有好多小食，但可能比起出面嘅舖頭貴，相信佢哋嘅品質絕對對得住價錢。講起明星，由門口一直行入舖頭裏面都見到老細同好多明星嘅合照。好味 4.3/5環境 3.6/5性價比 3.8/5回頭率 4.0/5…查看更多

今天光顧1間好似好多明星幫襯個名又改得幾得意嘅車仔麵叫做搵啖食,除咗車仔麵佢其實都有好多野食,有腸粉,燒賣,咸肉粽,糯米雞,蒸飯,豉油皇炒麵,粥……等等,今日同同事都是選擇了食車仔麵,我當然點了幾款有手指公的餸,咖喱魷魚,牛筋腩同雞翼米粉,同事就點了咖哩魷魚,雞翼尖,生菜,豬大腸粗麵再加一杯齋啡,我地見有辣汁就加咗不過叫佢另上怕佢太辣,樣樣餸都好食好入味同事話杯齋啡都好好飲夠濃,其實好多車仔麵啲咖啡奶茶都未必好飲…查看更多

上環除左麵尊仲有另一間車仔麵架，lunchtime都幾多人來食，個日同班同事來好彩有張大枱🤤 我叫左三餸麵，有蘿蔔，豬大腸，豬頸肉同粗麵🤪 麵底都正常分量，味道正常。湯底就要左腩汁，吾記得叫辣☹️ 腩汁底幾清甜，食完吾會系口渴個隻😌 但3樣餸入面吾推介蘿蔔 因為吾入味，好淡，得佢原本的清甜味🤔 豬大腸同豬頸肉都滷得好入味，亦都好腍🥳 中意豬大腸入面啲膏去得幾乾淨，所以吾會好大異味😆 同埋吾多肥膏，吾會入口好油。豬頸肉就腍得來正常發揮🤓 整體我覺得我之前介紹過的麵尊好食啲濃味好多，啱我重口味啲。但如果怕多人就考慮下呢間啦😀…查看更多

豬紅爽 用真正豬紅 唔係鷄紅 牛筋腩入味又夠冧 唔係用碎腩 真材實料豬皮又炆到好入味 冧得尼又爽辣汁啱啱好 啱我 唔太辣 😋性價比高 餸菜種類選擇多另外仲有盅頭蒸飯 鹵水飯 早餐或下午茶仲有好多小食下次要試下煎腸粉 煎糯米雞 煎咸肉粽環境舒適 店鋪樓底高 有前後對流門 空氣好通爽 唔似一般車仔麵店咁焗促 坐得好舒服無論餐枱及餐廳內地板 都無”油冧冧’感覺 好乾淨服務員態度非常有禮 送完食物比你 仲加句慢慢享用 👍🏽👍🏽👍🏽高度推介…查看更多

今天來都這家明星車仔麵 - 「揾啖食」一嚐車仔麵的味道是否真的屬於星級推介。麵店位置在大街，不難找。門口有點窄，主店坐位以橫座為主，一班朋友去未必適合，不過行到鋪頭的後方，店員會帶你到後巷，原來放了圓枱，每張枱可坐4-5人，不過是露天的，沒有冷氣，夏天會較辛苦，主店後巷也有另一間小房，也有一、兩張圓枱，我今天與朋友就是坐在這房子，冷氣比主店弱，所以怕熱的人可能坐主店會較好。店內的裝飾主要是張貼了不同的藝人相片，有很多大家見到會認得的。今天我點的三餸油麵有咖哩魷魚、豬大腸和豬紅，另加$7可配汽水。點餐後大約要等5-10分鐘才有食物送到，賣相我覺得是不錯的，不過記得要圈「牛腩汁」，否則就只會給你清湯。味道方面還可以吧，湯味濃，大腸鹵得入味，份量正常，只是咖哩魷魚的份量偏少。不過我覺得油麵的質素是最要改善的地方，太稔了吧，沒有那種彈牙的感覺，所以只吃了幾口就沒有再吃了。至於價錢方面我覺得還可以接受，至於車仔麵的餸是傳統車仔麵店都會有的那些，沒有特別驚喜，所以在附近返工又或者是路經的想來一試的話也未嘗不可。…查看更多

我喺上環做野，知道附近有間車仔麵店，見佢貼晒D名星相出嚟，幾吸引咁，嗰日特登走去試下，結果係名過於實播!我叫的是鹵水雞翼，牛腩，通菜少腩汁粗麵配熱OT車仔麵餐，佢話D滷水雞翼自家秘製，但我地落唔覺得好味，滷水唔香，雞翼有陣雪味，又係好入味，好一般的。另外那些牛根腩，少之餘，又唔夠香，碎細的，無口感，失敗! 只有通菜OK，夠嫩口。個湯底，湯底食得出都係D味精湯，加了腩汁，好油淋，完全係好平凡，零驚喜，粗麵口感太腍，少了彈牙感，煮得過熟好弊下，但呢碗車仔麵真係無咩特別，唔值得特登去食。至於D熱0茶，D檸檬切都咁厚，沖出來滿是苦味，茶底又差，真係齋叫麵好過，基本野嚟都咁差，D人點會返轉頭呀! 呢間店我覺得唔值得試!…查看更多

放lunch跟同事去食飯，黎到傳說中既明星車仔麵，見牆上好唔少明食既合照，睇黎老闆人緣都唔錯哈哈。下次會加辣汁。今次叫個清清地既試下質素先。叫咗個三送麵，長州魚蛋、香滑齋、魚皮餃。長州魚蛋好大粒，而且個咖哩汁入香濃惹味帶點點辣。個齋滑就幾滑但略厭調味唔夠，所以無咩味。魚皮餃遲上佢上多咗兩粒，店員話送你。個湯底如果係有骨煲就好，其實無咩味。埋單收錢既時候有個疑似老闆既人，會問大家覺得食物質素如何，應該係想睇大家既反應睇下有無改進，其實幾有心…查看更多

住新界的人，難得出城，仲要係去到上環，一早已留肚去食這間「搵啖食」。成日都想食車仔麵，特別是這間，知道明星們推介它的辣，所以我一直想試。地方乾淨，牆上貼滿明星合照價錢大眾化，食物高質👍呢碗就係我嘅早午餐。咁遠黎到，所以乜都想試。牛筋腩，朱皮，尤魚，蘿蔔，朱腸，朱紅，魚旦，冬菇，魚皮餃，牛肚，配油麵，加杯凍檸茶。先試個湯底，未加「靈魂辣汁」都已經好夠味夠濃，朱皮爽脆，尤魚彈牙，蘿蔔鮮甜，朱腸乾淨，朱紅唔會一夾即散，有口感，魚旦，冬菇超入味好食，魚皮餃新鮮，牛肚夠淋。樣樣都好好味，喜歡食車仔麵的，真的不能錯過，特別推介食得辣嘅，每啖食物沾一下碟「靈魂辣汁」刺激味雷，一定要黎「搵啖食」👍誠意推介咁遠專程搵啖食靈魂辣汁係必食一路食汗一路滴出一身汗真係爽碗面超正唔多講食到淸曬飲埋湯…查看更多

今日專程行遠啲去食午飯，見到有一間個門面好似啲小食車仔麵檔咁，咪入去試下。地方淺窄，只有幾張枱。想食盅飯，但係已經賣曬!咖哩魚蛋/燒賣魚蛋個質感都幾靚，燒賣就一般般啦! 唔係魚肉燒賣，辣椒醬就好似自家製，辣辣地又帶一啲啲甜。兩餸一麵牛筋腩魚皮餃粗麵，材料都算新鮮。見到姐姐喺度包緊啲菜餃，就叫上海菜餃試下啦! 啲餃子皮就係用雲吞皮包，有少少梘水味，入面的白菜同豬肉新鮮，豬肉起碼唔係粉紅色，個湯底都有少少味道，生菜都好脆綠。豉油王炒麵芝麻好香，有洋蔥、蘿蔔、椰菜，麵質都幾靚，起碼冇鯁頸，又唔會太多油。通風要改善，食物都可以接受，下次會食盅飯。…查看更多

車仔麵車仔麵！位於民居裡嘅車仔麵，附近食肆唔多，鋪面見到一格格車仔麵餸滾下滾下。坐底店員比左張紙我地自己剔，第一次黎梗係要試下佢地嘅招牌餸 - 我揀左豬紅、齋、牛筋腩，跟河粉，要辣汁。黎到個碗係扁扁嘅，撈辣汁嘅時候比較狼狽，睇落較平時嘅車仔麵細碗。湯底自己冇乜味道，全靠辣汁，不過辣汁都幾辣架！唔食得辣可以揀牛腩汁。餸方面正常，每款都有三塊。整體OK，辣汁值得一試，注意麵量較少。除左車仔麵，亦有飯類，我地食緊嘅時候就有幾個大陸人盲中中入黎食碟頭牛腩飯！…查看更多