搞餃鎮

营业中

休息中

舖頭入邊中年女人態度極度惡劣 全間舖冇乜客 呼喝客人唔可以四人枱兩個打橫坐 只可以二人枱對住坐 話自己繁忙時間 餃子又唔熟 廚房出餐好耐淨係掛住整外賣 刻意扮睇唔到 食個餃子好似欠咗佢咁

之前都有幫襯過，但今次經驗之後唔會再幫襯喇，反正石門附近大把食店，費時貼錢買難受。今日見到餐廳提供的下午茶餐包，小食加飲品五十蚊以內，價錢算合理。叫咗湯餃，味道中規中矩；小食叫咗豬耳，食咗一半先發現有三至四塊明顯發黑，因為落咗大量麻油調味，好難分得出究竟係唔係變壞，但總之食落去心大心細🤢。最大問題係服務質素極差。埋單時我已經企喺櫃枱前面，櫃枱個呀姐都係到，交咗張單畀收銀呀姐，點知佢突然無聲無息走咗去做第二啲嘢，等咗一大輪先番黎。最離譜係，番黎後竟然唔記得已經收過我張單，仲反問我坐邊張枱，我俾錢佢仲要擰哂頭、西哂面，態度惡劣。打開門做生意埋單收錢都收到咁悔氣，真係令人火滾。睇番間鋪d comments都大開眼界，清一色劣評服務態度差，呢間我都唔會再幫襯，亦都建議大家慎選🙄。

我係17號嘅中午時段去該鋪頭用膳，講真體驗真係唔好我嗌咗六隻嘅韭菜煎餃 、八隻嘅帆立貝萵筍鮮蝦湯餃加咗個米線 同埋一杯百香果蜜 韭菜煎餃煎到個餃子皮燶晒 係有明顯嘅黑色黑到咁真係食唔落 另外嗰個帆立貝萵筍鮮蝦餃 ，有兩三粒都係爆開晒應該係煮嘅時間太耐 控制唔好而嗰個百香果蜜就成浸糖漿味 飲咗幾啖就飲唔落除咗嘢食方面 店員嘅態度都唔係咁好出餐嘅時候冇講低呢個係咩餃 放低啲餃子就走咗我啱啱開始食嗰陣時已經同個店員講咗好熱佢就話個冷氣壞咗，我話唔緊要 咁開風扇得啦啩佢又話壞咗，成間舖頭風扇又壞冷氣又壞，熱得好誇張，出晒汗。今次體驗真係唔好，係朋友推薦先去呢間嘢度食但係一去就遇上咁嘅服務態度同埋用餐體驗大家真係要慎重考慮吓去唔去好

係影片分享平台見到有人介紹，於是過嚟一試。 點左個芫荽馬蹄豬肉湯餃+元貝萵筍蝦餃（煎餃）。 芫荽湯餃先上，湯還可以，但略為淡，湯餃勁易爛，啲餡跌晒出嚟，不過芫荽係多既、馬蹄亦幾甜但好少豬肉，所以啲餡好散。 之後到煎餃，每隻餃都有元貝同蝦，係豐富的，不過就有點咸。。總括來說，餃子是足料的，亦夠大粒，以這個價錢來講算係咁，可以一試。 但不要對味道及服務有期望，這間店無論後生定有點年紀的店員都很隨意，態度似唔憂做。 另外，如果有試過荃灣那間出名的餃子店，這間無論是湯底、餡料、味道真是完全無得比。

今次係第一次試呢間餐廳，食完有啲失望，最尾都無食曬(´Ａ｀。)#### 1. 雙拼湯餃（粟米蘿蔔豬骨湯）- **價格**：$76芫茜馬蹄豬肉餃- **評價**：呢個芫茜馬蹄豬肉餃味道一般，無鮮甜味，馬蹄感覺都好平淡，餃子皮好厚( ´•̥̥̥ω•̥̥̥` )紫菜粟米豬肉餃- **評價**：紫菜粟米豬肉餃更加失望，紫菜味過於濃烈，成個餃子好似食緊素餃( ˘•ω•˘ )### 總結搞餃鎮嘅餃子味道普通，好失望，唯一好飲嘅係嗰碗湯，好鮮甜，料都好足，煎餃應該會好食啲，希望未來可以改善下餃子的質素( ´•̥ו̥` )

第一次見咁足料大隻嘅餃子🥟最豪華嘅就係有三拼既款式，每款有三隻，一份合共九隻煎餃同埋湯餃都有😇😇😙🤍養生三拼 紫菜粟米豬肉餃/帆立貝高筍鮮蝦餃/准山野菌鷄肉餃🥬呢個我揀咗湯餃 粟米蘿蔔豬骨湯好清甜飲得好滋潤🍜餃子每一粒都好大粒 一個人食9隻非常飽啲湯餃烚完之後 個皮好腍餃子入邊嘅餡都係好細碎既 一啖已經會食咗好多🤣🤍蝦餃三拼 🦐黑松露蟹籽鮮蝦餃/帆立貝萵筍鮮蝦餃/松茸蟹籽鮮蝦呢個我就揀咗煎餃 煎咗之後啲皮又薄又脆而且唔會太油膩 黑松露餃最香😎帆立貝就最多料食餃子，最重要就係配返個醬汁呢度嘅辣椒同埋菜莆都係自家製嘅🌶️之後我仲嗌咗兩個小食麻辣辣椒魚皮、麻辣皮蛋🌶️魚皮好彈牙 颯颯聲嘅皮蛋就好濃烈 配番杯嘢飲就啱啦羅漢果茶有益健康、蜂蜜亞麻籽茶滋陰、黑芝麻豆漿養生❤️

有好多唔同口味餃子食，好有新意，餡好足料，食得出係新鮮，湯餃，煎餃都好正，超like ，中午食人氣好旺，送餐啲姐姐都好客氣，笑笑口，主動問要唔要醬汁，下次帶屋企人過嚟食！

今日又黎食餃係媽媽主動話要再黎食嘅餐廳星期六11點幾到都已經半滿今日食二人餐 $132兩碗自選餃6隻免費加麵/菜底再包兩個豆漿/可樂*自選可以揀貴價蝦餃無再額外加錢 抵！1個黑松露+帆立貝煎餃1個准山野菌+椰菜煎餃黑松露唔算好重味，裡而好多雞髀菇，仲有蝦帆立貝有1-2粒細，麵有蝦，個底係椰菜餡呢兩款都非常好食准山野菌都好食，粒粒准山好粉椰菜木耳都唔錯整體四個口味都好食不過今日啲餃質素一般，煎到爛皮，個餡好鬆散無上一次食咁好同埋煎餃要花多啲時間由落單到上台等左20分鐘菜脯/醋/豆瓣醬都要叫先會有其實可以一早問定個客/一早放低我估大部分客都需要菜底 麵底係分開上有搭返一兩舊蘿蔔/粟米黑豆漿成枝上白豆漿有無糖如果兩個人，叫套餐就相等於送飲品抵食！

如果不是朋友推薦，我絕對不會發現香港有這麼一間偏僻又好食的餃子店。 估唔到li間搞餃鎮的餃子店又比到驚喜我喎～餃子的口味相當獨特又夠紮紮實實，內餡美味，價格又親民。餐廳提供左辣醬+菜脯，辣醬有分辣油+豆瓣醬，如果唔吃辣的可以選擇點醬油。菜脯雖然脆口，但味道比較淡。我點左帆立貝萵筍鮮蝦餃 - 湯頭喝起來醇厚又不膩口，越喝越順口～ 很多水餃店的水餃皮會比較厚，但他們家的水餃皮算薄，而內餡相當紮實，有帆立貝跟鮮蝦襯托，嘴裡鮮甜可口。

𖤐ˊ˗在十二味旁邊，門面是落地玻璃門，以藍色為主題，有吧枱和藍色的梳發杏枱，面積不大，座位安排較緊密。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼芝士粟米鮮蝦餃 $668隻湯餃，湯底是豬骨湯，有粟米和蘿蔔塊，粟米十分清甜，芝士味也顯出，有完整的蝦肉，整體鮮味突出。✎ ̼風味雙併 $588隻，泡椒餃和椰菜餃，泡椒味道很濃郁，但不會嗆辣，而椰菜也很爽口。✎ ̼經典雙併 $466隻，白菜餃和椰菜餃，白菜的比例很多，味道則較淡身。

keeta叫完兩碗湯餃外賣，一開始同客服反映完。店家完全無提供任何解決方案，最後講完一輪退一碗的錢。但是這隻蟲有無機會出現在一大鍋的湯裡？是不是整鍋湯都應該污染了？一開始睇唔到食左兩粒，當晚即刻肚痾。

餃子非常够飽滿 大大粒 每份都非常大碗最驚奇喺可以食到甜嘅泰式鳳爪 小小酸味辣味都無未試過充滿粟米甜味嘅豬骨湯 基本上同粟米水冇分別辣湯方面 辛辣麵嘅味精湯，應該都好飲過佢兩個餐加一個小食只係試咗兩隻狗一隻鳳爪就已經唔想再放入口就咁就無咗$170 仲要去其他地方食嘢醫肚

餃子比預期大粒三角形摺法同價位雙拼/煎餃無額外加錢要有蝦嘅餃最低 $56/6粒其他菜肉款$46/6粒 or $50/6粒*叫左芫茜馬蹄餃拼西洋菜餃 $50/6粒芫茜好多，連芫茜莖都保留爽脆馬蹄爽口西洋菜餃個調味同外面有啲唔同唔係好食到西洋菜嘅清甜+$10 有上海麵松茸鮮蝦豬肉餃 $56/6粒外皮煎得脆口，蝦彈牙，但食唔到松茸味豬骨湯非常普通，飲唔到係老火湯底無配搭送菜鋪餐單係有一樽樽菜鋪賣*服務係無嘅無加一QR code 落單4點幾到，啲員工都開始食飯，但廚房仲有人出餐

呢排都經常幫襯呢家店而今晚嘅經驗極差😠😠😠今晚點左兩碗相同口味嘅餃子，係我地至愛嘅----帆立貝餃+黑松露餃當我食到第3隻餃時一咬開發現俾錯左韮菜餃🤔，於是自然同身旁嘅女收銀職員反映，點知佢好不屑咁望左一眼就叫我「你睇下有無蝦先啦！」 嘩，呢個係咩回應？！？！🫣🫣🫣大佬！我叫嘅係帆立貝餃+黑松露餃，但呢粒一眼睇都知唔係啦，唔關有蝦定無蝦事，但個女職員嘅表情好似以為我呃佢咁。講真，都食左咁多次，熟客啦，呃你做乜呢？！然後一句「唔好意思」都無，仍然係一副不屑嘅樣。至於我同行嘅家人果碗，就俾錯左5隻帆立貝餃+3隻黑松露餃，而當中5隻帆立貝餃入面有4隻都係爆開左嘅🤨😨🫣，d材料漏晒喺d湯入面.....🫣🫣🫣🫣講真，我之前真心覺得呢間舖嘅餃子做得唔錯，仲不時推介親友去試，連打邊爐都會去果度買生餃返屋企整。但經過今晚呢餐，我真係會認真考慮以後都唔再幫襯，原因唔係因為d餃子難食，而係個別女職員嘅服務態度有好大改善空間（我唔知果位係咪老闆，最好唔係，果位女職員都唔係第一次黑口黑面，但今次真係踩晒我嘅底線！！！😠😠😠），令客人食完都一吐氣！🤢🤢🤢🤢🤢

The dumplings were large in size and the price was pretty fair , however the taste was decent . The service was extremely poor , I have called the waitresses for a few times but they only came to me after a while . The most disappointing part was when I asked for a glass of water , they said they have no water . What type of restaurant does not have water ?? Absolutely ridiculous. This is the worst dumpling restaurant I've ever been to and I will not come again . Another thing is that I think th