影片
已经帮衬左好几次，真系忍唔住想帮佢写个食评等多啲人识👍🏻招牌烧鸡，肉嫩多汁、即叫即整，外卖自取返屋企路程大约20分钟时间、全程隔住个包装都闻到烧鸡嘅味、香到爆！次次返到屋企食嘅时候都会俾啲鸡汁烫到手😂超级热辣辣，仲要成只鸡都系$60！唯一要弹嘅系希望除左泰式辣酱之外，可以试吓有其他酱汁选择用嚟点鸡食🤣题外话个芝心牛肉汉堡排都好正，劲多芝士、劲流心，都系一流！跟埋意粉都系$39，抵到爆👍🏻
继续阅读
揸开车过黎天水围，醒起之前有人提过呢间新开嘅小店，咁就顺便买一个试下，先试炸髀白汁捞丁，但我转咗意粉，鸡髀即炸，我见人地买汉堡，搅到我心大心细想买埋，但我食唔哂会，下次先试，佢鸡髀帮我起咗骨，个汁分开上的，图只系我倒咗落去先影，估唔到个意粉都几多，食哂我好饱，个汁似金宝果只忌廉汤味，炸髀我拎到返屋企都仲有啲脆，仲要包埋野饮郁系$39，真系好抵，下次再试其他
继续阅读
店舖位于1楼刘振强医生医务所斜对面，不太难揾。店舖为外卖店，不设堂食。烧卖自己整，好大粒，大粒过戏院卖既好多，有4种馅，仲有少见既虾味烧卖，20蚊已有8粒记得试埋特辣辣椒油，不过如果第一次去就试少少，惊顶唔顺。奶茶系店主自己调配，有惊喜，好好饮，下次先试埋椰果梨茶及椰果葡萄茶。烤鸡以58蚊只嚟讲算几大只，仲大过一只手掌。去𠮶阵薯格同薯条遇啱刚刚炸好，买埋，真系好鬼热👍👍👍，一个餐48蚊有面、小食、饮品，加多样小食已够两个人食。必定会再帮衬，不过如果多人买时最好排队时谂定买乜
继续阅读
您可能会有兴趣的...