影片
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
公众假期前夕
11:30 - 22:00
以上资料只供参考，请与餐厅确认详情
探鱼烤鱼今次要介绍一间喺观塘apm商场有一间川菜餐厅叫「探鱼烤鱼」，上年已经系沙田食过，呢间最吸引之处就系任食冰粉，上年系$1一位任食冰粉，今年已经去到$9一位，夏日炎炎$9真系唔算咩野，有冰粉任食解暑，今次仲坐喺冰粉自助吧前面，我哋两个人搞到差唔多食咗5碗，哈哈！1.香辣味烤鱼一人餐$98（10/10）最近多咗一人餐，咁样可以试下唔同味道嘅烤鱼，每一个烤鱼一人餐都会跟一碗白饭，而呢个香辣味都算大辣，入面有有豆皮、娃娃菜、一条无骨嘅鱼等等，份量绝对够一个人食，正！2.酱香味烤鱼一人餐$98（10/10）最近多咗一人餐，咁样可以试下唔同味道嘅烤鱼，每一个烤鱼一人餐都会跟一碗白饭，而呢个酱香味有微少嘅甜，入面有有豆皮、娃娃菜、一条无骨嘅鱼等等，份量绝对够一个人食，正！3.棒棒麻辣口水鸡$58（9.5/10）呢碟麻辣口水鸡唔算好辣，大约有10旧鸡件，做一旧鸡肉肉质都好嫩滑，唔错！4.易燃易爆小食天团$68（9/10）呢一盘小食份量都好多，入面有炸椰菜花、炸紫苏叶、炸蟹柳、炸酥肉、炸莲藕片等等，啱哂多人一齐分享！5.嚣张巨峰葡萄桶$88（10/10）呢桶巨峰葡萄改个名真系无错，叫做「嚣张」，「嚣张」到几乎每一台都会叫，我估容量大约3L，「嚣张」入面有提子同青柠，当然唔少得巨峰葡萄果汁，上面仲插满了薄荷叶，解辣一流！6.冻低糖黑豆浆$19（10/10）呢枝黑豆浆黑豆味香浓，仲要系低糖！7.无限探索（1份）每份$9（10/10）出面有任食冰粉自助吧，有蜜桃冰粉、冰沙、寒天晶球、桃胶、红糖汁、白珍珠、桂花蜜、葡萄干、山楂片等等...夏天入嚟真系透心凉，我叫咗两份，两个人差唔多食咗5碗！**出面仲有热茶任饮，茶有两款，菊花茶同荷叶茶**2人总共价钱$492，其他有加一服务费！个人口味总评分：9.79/10 地址：观塘观塘道418号创纪之城五期(apm)3楼L3-13号舖
继续阅读
今日同阿囡、好姊妹黎到观塘食下午茶，我哋选了这间探鱼烤鱼餐厅，因为我好想食麻辣同烤鱼。门面好吸引，橙红色门口，好有型环境宽敞舒适，灯光橙红为主。服务员姐姐哥哥都好友善，好细心介绍又帮我哋影相，好用心照顾我哋我哋点了一个儿童餐、一个下午茶餐及一个小食，加3款饮料。先来一桶嚣张巨锋葡萄桶，真系大桶到吓亲。巨锋葡萄加上青柠及薄荷叶，好香甜又解渴，慢慢拎出嚟饮，好适合一班朋友分享阿囡点了香浓粟米汁，真系好浓郁粟米味道，唔会太甜，好健康又美味我点了热低糖黑豆浆，好健康唔太甜，暖身最适合我。超营养哒儿童套餐：好丰富又靓靓的卖相，阿囡好开心；有生果（葡萄）、甘荀汤、西兰花粟米粒沙律、葡汁杂豆鸡肉配鸡翼及饭饭易然易爆小吃天团：好多款式，烤炸椰菜花、烤鸡条、豆角番薯天妇罗、烤蟹柳、烤炸莲藕片，每款都好特别又好味道我最爱嘅麻辣汤烤鱼拉面：麻辣味香浓唔会太辣，辣度好适合；烤鱼好滑又无骨，好安心食；拉面软硬适中，火锅一直热住，唔怕冻了，配上吸味椰菜，好正最后更可以自己制作冰粉，有不同味道冰粉、沙冰、珍珠丸、黑糖、桂花酱、花生碎等等，可以自行加自己喜欢的价性比好高，抵食又好饱！
继续阅读
相约同事去咗APM呢间内地过江龙「探鱼」食lunch, 呢度平日午市同下午茶都有一人份量嘅烤鱼套餐供应, 岩哂人少少又或者想食返合自己心水口味嘅烤鱼。餐厅地方阔落, 红色霓虹灯令整个气氛火热。「无限探索」同埋茶水区设自助吧。每款烤鱼同埋串烧都有炉兴住滚住热辣辣上台, 可以慢慢食唔怕d野冻。Lunch-set 逢星期一至五 11:30至17:00供应, 而下午茶供应时间14:30至17:00,重叠时段, 选择更多。Lunch-set 包一个自选主食烤鱼、一碗白饭同埋一次性自助「无限探索」而下午茶set价钱平少少, 但份量比lunch更少, 而且只有一个自选小食。LUNCH【鲜青椒爽麻味烤鱼一人餐】HK$98半边鱼已被去骨, 鱼肉嫩滑, 配上豆花、娃娃菜同埋大量豆皮, 所有配料尽吸汤汁, 麻辣得刺激味蕾, 辣得过瘾, 配上白饭够哂饱肚, 仲有一碗「无限探索」冰粉, 岩哂解辣!下午茶【麻辣汤鲈鱼片拉面一人餐】HK$58汤底同样麻辣, 无骨鲈鱼片超嫩, 不过份量相对lunch-set少一d, 配料就只有大量尽吸汤汁嘅面条同埋娃娃菜。下午茶餐不包冰粉, 所以另+$9追加无限任食嘅「无限探索」冰粉。【探鱼豆花】HK$30豆花质感近乎入口即化, 豆味好出。【一把满足鱿鱼须】HK$58每条鱿鱼须串成一串串, 爽弹唔会烤得太干, 洒咗芝麻, 带点香口。【一把满足掌中宝】HK$58鸡软骨口感爽脆, 用上孜然粉调味, 香气十足!【孜然甜辣土豆仔】HK$48薯仔粒外层金黄薄脆, 内里软淋, 咸甜辣味都有齐, 超正!.【香烤花菜】HK$38椰菜花烤至金黄微脆, 略带干身, 入口惹味, 但不会太重口味。【柠檬冰桔茶】HK$38甜酸开胃, 边饮边食热辣辣又香辣嘅烤鱼, 解辣又能令口中降温。
继续阅读
而家要食正川菜吾洗返大陆，内地品牌《探鱼》进驻APM, 提供多款烤鱼、川式小食和串烧。店内装潢以橙红色霓虹灯衬托黑色墙身和枱凳，店内面积都几大，座位宽敞。设有自助茶水区 和「 无限探索」~ 即冰粉区(+$9)。✨️嚣张巨峰葡萄桶上枱时已经 Wa Wa 声，有生果点缀，非常美观。饮落仲好好味。✨️酱香味烤鱼1人前酱味令鱼香味更明显，醒胃味鲜。✨️藤椒汤烤鱼拉面1人前本担心大辣，幸好落单时发现可自选辣度，分大、中和少辣，三种辣度。藤椒香四溢，拉面够饱肚。
继续阅读
今次又嚟到观塘apm嘅探鱼烤鱼，主打一人一锅烤鱼，无论自己钟意咩味道都可以跟心情拣，成件事舒服自在！我试咗鲜青椒爽麻味烤鱼一人餐，原片鱼柳，鱼皮爽口，汤底麻中带辣，非常开胃！酱香味烤鱼一人餐就最啱怕辣嘅朋友，酱香浓郁，鱼柳够嫩滑，唔会觉得单调。小食方面，棒棒麻辣口水上枱似个波波咁几得意，入口微辣惹味。蒜泥青瓜蒜香十足，带微微陈醋味，唔辣，啱晒唔食辣嘅朋友。香烤花菜椰菜花烤得香，唔辣之余仲食到菜嘅甜味，旁边仲有辣椒粉可按自己口味加。另外脆爽鱼皮用椒丝、洋葱同芫荽拌匀，鱼皮Q弹有微辣感。鸡丝拌拌面有花生、蔬菜，酱汁甜甜地带醋香，份量唔多，做小食啱啱好。饮品方面有低糖五谷米浆（冻）同低糖紫米豆浆（热），米香浓郁，解辣一流！如果想一个人叹烤鱼，真系唔使等人，自己都可以食得好开心～
继续阅读