捌拾胡同 (已結業)

平時常常掃街、BBQ亦會是掃街首選。但很多店舖都只會一早燒好、到賣時返熱燒多兩下就這樣交到客人手上。做生意講求速度是很正常的事。但味道往往會被忽略、但對於我這樣無聊的人大把時間亦不介意等一等。的而且確這店的BBQ的確等了很久我想大概應該等了20分鐘吧。其實為了美食等20分鐘亦無乜所謂。因為我真的不想每一餐也是快餐、做好食的食物真是需要時間。等待了20分鐘結果亦沒有令我失望、我點了的胡同小食拼盤每一件東西亦燒得很香口、而且很juicy.我一定會再幫襯。…Read More

「90後撐80後串燒小店🤘🏻」琴晚偽文青去了尖沙咀覓食，搵到呢間 #捌拾胡同 就試下個蝦子撈麵套餐$44 連兩串鹽燒牛粒串燒。牛粒串燒得剛剛好，少肥膏、少筋位，食到牛肉既😂而個蝦子麵份量都唔少，加埋個秘製醬汁，好香，略有少少咸😅但都可以接受既😆..三個90後吃貨不斷開心share美食💓 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_尖沙咀美食推介.捌拾胡同 (尖沙咀)尖沙咀厚福街9號豪華閣地下B舖…Read More

如果有睇之前食韓國野嘅負評，呢間串燒就係食完果間韓國野後，難食到嬲，再即時轉場食的。我寧願將食韓國野果餐飯嘅錢用喺呢度食，一定會滿意好多！呢間串燒店就喺cotton on對面，鋪位小小，門外得兩個位置，不過見大部分人都係外賣的。睇左餐單，首先價錢唔貴。少少地點左幾樣野試下，因為都有唔少人叫外賣，所以串燒嘅製作時間都長，都差唔多等左15分左右黎齊~椒鹽脆豆卜 $15先黎豆卜，價錢唔貴，而且豆卜燒得幾好，脆口唔濃，加左啲醬汁，幾好食。之後嘅串燒就一次過上。胡同雞中翼 $18/3隻 （3款味道可選：土匪、蜜糖、腐乳，$36/6隻三款口味）雞翼燒得唔油，不過土匪味道唔夠濃唔夠出，可能我本身鐘意重口味。麻辣雞肉串 $12雞肉燒得比較乾，有些少鞋，而且唔係好食到麻辣，個人認為一般。招牌玻璃豬 $14（優惠價 $24/2串）玻璃豬幾特別，雖然係肥豬肉，但一啲都唔油膩，仲爽爽地。鹽燒牛柳粒 $14（優惠價 $24/2串）呢個真係又平又好食！食落絕對唔係cheap cheap牛，認真食到有牛味兼肉嫩，而且一啲都唔韌！王老吉 $10/罐整體黎講，覺得呢度嘅串燒質素唔錯，以呢個位置價錢仲可以叫做平（可能因為冇乜位坐啦）經過會再黎食！食落都有些少大陸果種串燒嘅味道，不過我認為仲改良左，一來冇咁油膩，二來調味冇咁重，因為有時食大陸串燒，基本上就係食孜然粉味，呢度嘅串燒仲食到食物嘅原味~…Read More

一向都好鐘意食串燒。有日行街見到個易拉架已經心郁郁想試。今晚同朋友飲完野又好似未夠飽就決定黎試下，當食宵夜。尖沙咀租貴，一個細細既鋪位只有兩張吧凳，主力做外賣。小妹個人黎講係好鐘意地踎野，坐係街邊我覺得幾有feel. 睇完一輪，叫左個花甲，羊架，雞翼，五花腩同撈麵。當時差唔多十點，仲有宵夜優惠，十蚊一串。坐喺度等嘢食嘅時候，睇咗佢哋貼出嚟嘅新聞報道同埋簡介。呢間店由幾個年輕人夾份開，有一間鋪做到依家尖沙咀有分店。報道有提及佢哋好努力去學師，返大陸搵唔同嘅調味料，所以對佢哋都幾大期望。可能因為期望太大，最後係有少少失望。出菜嘅速度係我始料不及咁快，我心諗燒烤邊有可能會咁快攪得掂。一試就試得出係預先煮熟然後再加調味料燒兩燒。成串都孜然粉同辣味之外，咬開外面既皮就會試到入面本身好淡，冇乜點醃過，亦都唔係由生燒到熟，無乜咬口。再加上坐係到個時不斷聽到微波爐響，個心真係一沉。個撈麵我無試，但係朋友嘅評價係一般。我好欣賞年輕人有勇氣創業，但係係起步初期既儲客階段都咁取巧，將來就好難撐得住，再加上尖沙咀嘅飲食業競爭咁大，我真係唔太樂觀。…Read More

去開尖沙咀心思思想去厚福街掃街，在加連威老道去厚福街的小巷發現呢間串燒小店@捌拾胡同，創業故事很有意思，就是五個八十後好友一起開業，胡同就是北京胡同，看到店面乾淨企里，好吧支持一下。分別點了牛柳串、鷄翼和翠肉瓜，串燒灑上北方的香草，真的與平曰街邊串與別不同，很香味道又太strong,合香港人口味，牛柳串足分量肉質也不錯，雞翼香口，價錢也很合理平均$12-$20一串。值得再試，下次食串燒也不用特登去串燒店。…Read More

琴日係尖沙咀行街，行完cotton on,一出後門，就見到有兩間小食店，一間就係傳統個啲食肉蛋燒賣（我已經食到怕），咁另一間就係食串燒，門面細細但俾人感覺係乾淨。門口有兩個坐位，已經俾人坐左，所以我都係企係度食。我幾鍾意個坐位，令到成個感覺好日本feel.講番野食，我同朋友岩放工，有少少肚餓，就嗌左兩串雞串，一個麻辣味，一個燒汁味，兩個都勁香勁野味！（兩串夾埋$22）仲有個茄子！最好味係個茄子！燒出來仲係紫色！唔係黃色梅梅爛爛個樣～勁考功夫！加上個味粉，超好味！$15！其實點解菜係貴過肉類呢？我唔明。不過唔使明啦！好食就得。…Read More

休閒嘅星期六做下 facial 按下摩，中間有少少時間醫下肚。除咗食紫色雞蛋仔，我最近就鍾意黎呢間捌拾胡同 。位置近厚福街，廿蚊一兜唔知幾多粒魚蛋嗰間小食店隔離。本人十分喜歡食串燒，所以我對串燒係有丁丁要求。唔可以樣樣野都係同一個味，串燒調味唔可以太重手，唔可以蓋過本身肉嘅鮮味。捌拾胡同可謂滿足到我串燒怪嘅小小要求。我多數都係叫呢三樣。牛柳粒，細細粒都有牛味。玻璃豬，最鍾意佢岩岩燒完係脆與彈牙之間。蜜糖雞翼就係情意結。 店好細架咋，得兩個位可以坐，大部分人都係拎走或者企喺度食，所以真係只可以當佢係串燒小食店。我覺得應該係生意難做咗，平時成兩點幾先開舖，今日1點左右已經開咗。如果係求助淥下廿蚊一兜魚蛋同出一身汗燒嘅十幾蚊串誠意串燒，我希望大家可以支持下。…Read More

「胡同」有街道小巷既意思，而捌拾胡同正正札根於尖沙咀厚福街小小胡同之中。捌拾胡同雖小，只有2張櫈比客人坐，但餐牌選擇卻有唔少。今次選擇左鹽燒牛柳粒，汁燒茄子片以及椒鹽脆豆卜。鹽燒牛柳粒依然保持第一次幫襯既水平，採用香嫩既安格斯牛，肉汁頗多，牛柳粒輕輕撒上海鹽，為牛柳粒增添一份簡單美味。至於醬汁燒茄子，薄薄既茄子被濃郁甜美既醬汁完全滲透內裡，加上本身軟腍，所以醬汁更易吸收😋好快我地就食哂啲茄子。椒鹽脆豆卜炸得金黃酥脆，一啲都唔乾身油膩，好似台灣一種豆卜小食，非常香口，保持其豆卜原有風味。…Read More

我是十分喜歡食串燒的，因為一燒完立刻放入口，每一口都熱辣辣香噴噴，真的無得頂😋這間位於厚福街地下的捌拾胡同，所提供的串燒都幾唔錯👍🏻剛好經過有啲肚餓，串燒的味道撲鼻而來，好香呀…二話不說立即買了黃金花枝丸，川燒豬頸肉和招牌玻璃豬，花枝丸用料精良入口彈牙丸味濃，豬頸肉肉質爽脆油香濃而且厚薄適中好有咬口招牌玻璃豬真的冇改錯名，件件閃令令入口嫩滑同豬頸肉的爽脆完全唔同架…Read More

紫薯貴為港女至愛，我也當然來要試試這紫薯片！點了一客三色薯片$18！有薯仔、黃薯和紫薯三種薯片，還有避風塘、川椒或紫菜三種味粉。因為新鮮即炸的關係要等候一會，可惜座位不多，只好外賣自取。我選了避風塘味，非常惹味！薯片香脆，略油，鹽多了一點點，薯片份量又少了一點。總括來說味道不俗，建議可以增添其他配料如芝士、蜜糖芥茉醬等等。其實串燒才是這店的主打，不過我趕時間只點了薯片，下次再吃！…Read More

厚福街尾與加連威老道間的橫街，有不少小食選擇如雪糕、重慶粉等。今回的生力軍是串燒！幾年前曾經在坑口店食過，覺得質素不錯。現在選址尖沙咀捲土重來～店舖主力做外賣，但亦設有兩個座位作堂食之用。選擇有十多款，如牛柳粒、玻璃豬、雞翼、雞軟骨、丸類及蝦子撈麵等，價錢經濟之外種類亦尚算全面化。牛柳粒 - 水準依舊保持得到！用上安格斯牛肉，肉味濃且嫩而不韌，撒上海鹽以作調味～三兩下已經征服整串。玻璃豬 - 肉味雖沒有牛咁濃，但食落軟稔爽口。醬汁很惹味，甜甜的很開胃～黃金花枝丸 - 食落軟身彈牙，丸的面層掃上蜜糖，而且燒得帶點微焦，幾脆脆甜甜！:)胡同真薯片 - 即叫即炸，上手熱辣辣！有三種口味避風塘、川椒及海苔選擇～薯片切得厚身，食落十分香脆之餘亦不會太口渴。紫薯片相反切成十分細，與原味相比情況下較為油膩及偏鹹，實在一般～:(…Read More

Taiwan's famous for their scrumptious street snacks, so you can hardly imagine my excitement when I found out this shop was serving Taiwanese snacks in Tsim Sha Tsui!  Located in a rather hidden alley, it may be a little hard to find, but let's be real - that's where all the best food are!!! POTATO CHIPS!!! 😊 But these aren't your ordinary box of potato chips. Made to order, these deep fried goodies will simply steal your heart.  Not only do they have potato chips, they also include sweet potato chips!!! Now, I'm not a huge fan of sweet potato, but I do think they're more delicious compared to the potato ones. 😋👍🏻 These chips also come in different flavours, such as spicy, garlic, and seaweed. A good mix dare I say, and it will satisfy your savoury palate if you're into salty food like me. Pork skewers - they don't sound very Taiwanese but it tasted pretty good! 👅 Incredibly tender and juicy, these babies will leave your mouth salivating even when you've downed them completely. 😂😂 Apparently, BBQ sauce was slathered on but I couldn't really taste it... CUTTLEFISH BALLS ARE MY ABSOLUTE FAVE I KID YOU NOT. 😳👌🏻 Bouncy with a good chew, these cuttlefish balls are no exception on my you-should-eat list at this restaurant/snack bar.  It was rather sticky overall because of the honey sauce 🍯, but gosh, try this! Normally, I prefer pepper and salt cuttlefish balls, but these honey-coated balls took my tastebuds on a sweet and salty journey - pretty cool if you ask me. Overall, I was really satisfied with the service, taste, and quality of this restaurant.  Definitely coming back as the price is reasonable, and I'll probably bring some of my friends and family members. 👯In case you ever get lost, just find Cotton On, and it's along that narrow alley right next to it! …Read More

前兩日行過見到放係門口既餐牌幾吸引，今日等朋友放工食飯有啲肚餓就去買d野食，最後叫左個胡同真·薯片（川椒味）。佢係有薯仔同紫蕃薯，新鮮即炸，薯片炸得好鬆脆，真係好似卡bb咁，蕃薯片就比較硬少少，有少少似係taste買果啲英國手製薯片咁。川椒味粉愈食愈辣好過癮～行過肚餓可以試下～…Read More

呢間以前細個入將軍澳果頭同fd飲酒果時都間唔中食過，而家原來搬左出黎，睇番佢舖頭貼既訪問我先confirm到。舖頭係正cotton on對面，唔難搵。薯片即炸，而且有紫薯 最緊要係炸得夠脆身。可以揀要咩味既調味粉，揀左海苔，發現普通薯片係比較易上粘粉，相反紫薯就唔係點痴到海苔味啦；而兩者既薯仔&紫著味都夠濃，令人一啖接一啖。食完唔夠喉，整多兩串串燒食。牛柳粒雖然做到$10串，但貨色完全唔係行貨之流。食落唔韌之餘仲要好易咬得開，當日食仲要燒到有肉汁添。玻璃豬呢個名唔係第一次聽，印象中識呢個食材就係呢間飲完酒食番串學識既，口感會係爽爽地咁，似係脆身既五花腩，而且無咁油的。唔記得叫咩部位啦，之前買餸問過豬肉佬。而個醬汁調味重口味人士未必覺得夠味，個人覺得岩岩好。…Read More