捌哥.捌哥特色馬拉茶啡廳

营业中

休息中

放假搵早餐食。行過見到幾得意就打算試下。自從有蘇媽，就走左個捌哥出黎。馬來亞風情既早餐，款式都算多。其實去咁多次馬拉星州都完全未試過早餐食饅頭同炸雞，哈哈！閒日朝早人流絕對唔多。半熟蛋絕對係地道早餐既代表，都難啲整得唔好食既。炸雞算熱同脆。麵以價錢黎講算係份量好足。個人係超級饅頭控。炸饅頭細細地，所以每口都食到脆皮。係熱同脆不過都有啲油，會偏好饅頭大個啲，咁會食到多啲中間綿綿既包。總體呢講都算cp值不錯。

<辣死他啦☠️配咖哩雞肉(藍花飯)🐔飯>望到個名已經覺得好有趣好吸引😳 藍花飯既賣相又勁特別同吸睛👀🤩 伴住藍花飯一齊上碟既仲有咖喱🍛雞肉🐔 薯仔🥔 鹹蛋🥚半隻、蝦片🦐同好有馬來亞🇲🇾特色既參巴醬🔥🔥🔥馬拉菜式相對會用唔少醬料🍾去調味，相對上味道會較濃同惹味少少既😉 咖喱🍛雞肉(雞髀🍗)同薯仔會有少少辣🔥 仲會聞到一陣椰香味道🥥 伴菜🌱又幾清新爽口😀 至於特色參巴醬既辣度差不多介乎譚仔小辣與中辣之間🔥🔥🔥唔食得辣既點少少試下先就好了🥵 可以夾埋隻鹹蛋🥚一齊食，竟然有中和既作用😳 又或者食下塊蝦片亦得😎有機會再黎要試下咖央多士/肉骨茶先得😋 聽聞都好出名架‼️

在馬來西亞，大部分人週末的早餐都是非常豐富多元的。有不同籍貫還有不同種族的食物，豐儉由人。 來的香港，找到這家餐廳，已特地過來幾個星期，享受馬來西亞的早餐回憶。介紹1. 拉沙-味道重，再加辣椒醬就正啦。2. 生熟蛋 - 一定加黑醬油3. 咖央多士 - 千萬不要吃人造油，要牛油這家餐廳沒有晚餐，但上午人少，選擇又多，停車也方便。

今日要黎深水埗買電器，見呢間捌哥馬拉菜好似幾好味幾地道，就入黎一試 😋嗌左細滲肉骨茶，好快就幫我地上左肉骨茶飲住先，味道幾甜，唔似新加坡個隻咁重胡椒藥材味，好易上口～娘惹喇沙賣相好好，蝦夠大隻，食落娘惹味好足，嗌左滲滲面，我個人鍾意啲米粉索哂啲汁，正！招牌老鼠粉即係銀針粉，撈埋醬汁好惹味，腩肉都好好食拉茶，一個字，滑！係超滑！有質素既拉茶最後上埋細滲肉骨茶，個湯比之前上既更濃更好味，配埋豆卜等材料，夠哂滿足～ 好有馬拉風味既一餐！

記得初初佢哋都會送淨肉骨茶，服務好好，尋晚再去食已經唔再送，失望！係咪做旺咗就大枝嘢先？另一個失望係佢個鮮油架央多士，件多士凍冰冰，一啲都唔似新鮮烘，架央又小，失敗！等我專登揸車去食，冇下次，係咁！

吃得港式、中式和西式早餐多，愛嚐新的我總是心思思想久不久吃個日式、泰式或南洋星馬早餐滿足自己的饞嘴。在香港，吃南洋菜的茶室餐廳不多，有早餐吃的更是絕無僅有。香港南洋茶室始祖「蘇媽 蘇媽馬來西亞餐室」好便好了，奈何沒有早餐吃；位於大角咀的「麥金 麥金馬拉特色茶啡室 」我不知道有沒有早餐可吃，但這店子網上口碑欠佳，就讓我對它不感興趣。近日竟然給我在深水埗「新香園堅記」新店旁邊發現一間名叫「捌哥 捌哥特色馬拉茶啡廳」的南洋茶室餐廳，不但有南洋早餐吃，而且選擇不少，給我帶來意外驚喜。餐廳吃的是另類早餐，大部分香港人可能不太習慣，所以我先後兩次光顧，早餐時間大概八九點，餐室內客人一點不多，顯得餐室內的地方份外寬敝，一室明亮的餐室，點綴以多幅餐室內的食物介紹字樣與馬來亞的照片，跟「蘇媽 蘇媽」如出一轍，不過一幅黑白素描畫，就與別不同，份外搶眼，整間餐室，在簡單中流露出簡約的美感。先後兩次到來，一次只得我一個，另一次就與愛人同行，吃了數款食品，感覺相當不錯，在早餐時段可以吃到地道的南洋風味，新鮮感與滿足度都甚高。這兒的早餐，主要有六款，價錢由$28-$38不等，凍飲加 $3，特飲就加 $6，只要另加

今日特登同朋友去深水埗搵好嘢食，本身諗住食隔離，但排晒長龍，最後決定就腳去隔離呢一間特色馬來西亞餐廳。🤣🤣一入到去個裝修已經好特別，好友馬來西亞feel咁，睇過Menu有好得意嘅老鼠粉，我就叫咗個老鼠粉，朋友叫咗個海南雞飯。個老鼠粉其實係類似銀針粉，但係每條就好似手指尾咁長，都幾得意，撈埋果汁都唔錯幾好食。個海南雞飯就真係幾唔錯，個油飯配得幾好，隻雞都算滑。總體來講呢間野都算係值得推介，唔使等位來講係幾特色。👍🏻👍🏻

Lunch time同同事黎深水埗食飯試下呢間馬拉菜裝修同其他馬拉菜差唔多 都係好地道既感覺叫左兩個lunch set同一堆小食肉骨茶味道好好 料都算好多而且店員會主動幫我地加肉骨茶湯 熱辣辣好好飲老鼠粉都好夠味 豬油粒炸得好脆 又唔會太油咖咉多士實在太好食 一人一件都唔夠喉多士脆身 啲餡又岩岩好味唔會太甜食多幾件都仲得玻璃生菜同蕹菜就正常冇咩特別 但跟餐小食都算幾好仲有炸豆腐卜 好脆口 唔油 配埋個醬同花生碎 可以食到好多舊馬拉奶茶好重奶味 雖然甜但都好好飲三個人一人一百蚊有找 算係好抵食啊

自己係香港比較少試馬拉餐廳，呢間評價好似不錯咁，放咗工近近地幾適合去食。餐廳幾光猛，感覺同粥鋪有少少似，另設座位比等位嘅客人，幾貼心。設有點餐紙供客人自助落單，劃完比店員就可以了。-檳城香炸滷肉卷本身以為好似春卷，實際似腐皮卷多啲。加上以為餡料會食到滷肉，但食個陣又唔覺。餡料似係有芋頭個類餡泥蓉，入口勁熱辣辣，略嫌油份太多。-鮮牛油咖央多士見到網上好多人推薦呢款，我都專登點嚟試下。多士烘得好酥脆，入口鬆軟。牛油同咖央嘅比例岩岩好，令多士無咁乾身，起到中和作用。估唔到呢兩個醬又幾夾，甜中帶鹹香，好特別。-桔仔話梅水(熱)話梅得一粒仔，不過想潤下喉都係個選擇。-辣死你嗎(椰漿飯)配娘惹咖哩雞肉見到唔少人都選擇藍花飯，但由於顏色太特別，我都係揀返普通啲嘅椰漿飯。青綠色嘅椰漿飯，椰漿味唔算太重，飯粒亦稍嫌過硬，可取之處係食落帶點清甜。咖哩帶點辣勁，伴碟花生香脆，小魚乾就要配飯先唔會過鹹。雞肉唔算好嫩滑，肉質有少少老，有啲失望。

這就是我覺得超正的咖央多～.🔸 鮮油咖央多士就是鮮奶油＋咖央醬的烤吐司🍞這家很正的原因是因為它烤完的吐司像炸過似的，超級鬆脆～其實我沒有到很愛咖央的班蘭跟椰漿味，但因為這家的烤吐司配起來太好吃，所以幾乎來都會點這個.💲Hkd 32🏡深水埗汝州街188號地下🕐7：00 - 22：00. #香港女生 #美食 #深水埗 #推薦 #吃貨 #覓食 #深水埗美食 #美食分享 #馬來西亞菜 #咖央多士 #捌哥捌哥特色馬拉茶啡廳 #poyeefoodie

食完個馳名蛋牛治之後，一行過隔離就見到呢間裝修得好別緻嘅馬拉菜館！見唔洗點排隊，一於就試埋佢😋先上咗杯飲品，今次叫咗杯馬來亞拉茶好搞笑呀😂因為即刻拉嘅關係，一出嚟滿滿嘅泡泡！本身都擔心會唔會好甜，但又啱啱好喎👍🏻之後係咖央多士，熱辣辣又脆卜卜！超級好味🥰超級誠意推介！甜而不膩！玻璃魷魚蕹菜，不過不失啦👍🏻最後仲叫多咗個蜆，又幾惹味喎！而且份量都幾多下💕整體嚟講，呢間都算係幾出色嘅餐廳！仲有好多款菜式睇到都想試，有機會都會再嚟食😋

上次試完 今次就試吓同一區既另一間馬拉舖 又係係晚餐前去就唔洗排隊同搭枱 室內裝潢都好有馬拉風味今次叫咗個辣成他啦配仁噹牛肉藍花飯 第一次見藍花飯 好特別 食落少少甜香味 但又唔會好重味道 食果陣成個飯要攪拌均勻 食落係馬拉風味咖喱牛腩飯 又香又辣 又有鹹蛋嘅鹹香 成個飯都好豐富 牛肉又夠淋 好正玻璃魷魚蕹菜 玻璃魷魚爽口 個菜就用咗有甜味嘅醬油 加埋面頭嘅辣椒油 甜甜辣辣 幾唔錯冬瓜龍眼茶 望落好濃 無想像中禁甜 龍眼食落都好爽 食完禁辣既食飯 配冬瓜茶啱啱好

呢度最出名嘅就係任添肉骨茶。嚟到呢度當然要一試。味道唔算好濃烈，所以正常人都能接受。而且當妳想添肉骨茶嘅時候，揮手叫服務員，亦好快嚟到幫妳添。呢個叫大滲，湯底亦係肉骨茶。跟住又叫咗個招牌老鼠粉，48蚊。 我認為味道偏鹹咗少少，但炸乾嘅豆腐卜幾特別，相當脆口。分量嚟講一個就唔夠飽，但同人分享食係唔錯嘅選擇。（一轉眼大家都搶住嚟食）（ 茶杯亦相當精緻）跟住呢個就係怡保雞絲河粉， 湯底味道適中， 魚蛋幾彈口，蝦亦爽口。相對上雞絲就好似畀人搶曬focus，份量唔太多。 玻璃生菜唔會煮得太淋，爽口。怡保芽菜雞，有d鹹， 要撈白飯嚟食。雞肉偏鞋，此菜最為失望。最後多叫一個xo蘿蔔糕，未見特別。大概4人為350左右，價錢唔算貴，有機會路過可再食

搭巴士又嚟到深水埗呢頭，本身諗住再去食「摩登廚房」，忽然決定坐多個站先落車搵食。行行下見到呢間同蘇媽蘇媽有九成相似嘅捌哥捌哥，又見佢無乜人排隊，就一於入去試下啦！裡面無論個裝修隔局，餐牌，菜式都同蘇媽蘇媽極相似，曾經懷疑捌哥係蘇媽個仔 😂😂叫咗兩款＋馬來亞拉茶試試1. 辣死他啦配咖哩雞肉藍花飯睇餐牌最特別係見到呢個藍色嘅飯，就揀佢試一試！（雖然藍色嘅野食/野飲中伏機會相當高... ）送到嚟就咁試下藍花飯，好咸，味道大慨係平時海南雞飯嘅黃油飯咁。成碟野只有辣同埋咸，件雞算係嫩滑，不過會唔會太細件呢 🙄2. 砂鍋老鼠粉呢煲野嚟到嘅第一個感覺係好驚。一大個砂鍋裡面全部都係粉，而且望落比平時乾炒牛河多10倍嘅油。😖😖😖😖本來都唔期望有咩料，最起碼都多返啲肉碎、冬菇粒之類，實際裡面只有少量納米蝦乾同埋銀魚仔乾，無乜味道。食咗幾啖成口都係油，唔推介！唔推介！唔推介！就算真係鍾意食老鼠粉（銀針粉），建議揀碟上嘅，慳返幾十蚊... 馬來亞拉茶就不過不失啦，無乜野好評論。總括嚟講，呢餐飯嘅性價比係極低 😐😐😐😐😐

門面裝飾有特色，易認，可能因為大門常開，室內冷氣因此加強碼力，勁涷。調味架攞設也非常雅緻衛生餐牌圖片介绍詳盡，圖片賣相非常吸引而飯分類的顏色也非常吸引，藍色的是蝶豆花，綠色是斑蘭，黃色是黃薑飯。自助點餐紙，寫完交比侍應落單食物上枱，外觀巳使人即欲大增，而且份量勁大，勁多，一個人跟本吃不下。斑蘭飯，香脆花生，脆魚乾，印尼咖哩薯仔雞肉，再加印尼辣醬， 混合在一起 ，非常開胃選了午市套餐C $58~ 辣死你嗎配娘惹咖哩雞肉~名稱攪笑，的確味道屬於中辣，怪唔之辣死你嗎午市套餐包一杯熱飲，凍飲加$3,特色飲品加$6凍柑桔話梅水~ 大大杯