拾伍·貳拾手作串燒 (已搬遷) 新店位置

用心製作既小店 ，食材新鮮但價廉物美 我地三個女仔叫左好多野食 樣樣都好好食 個燒鱔本身叫左一串試下先 之後仲要encore ，仲有個蝦同蟶子，燒牛都好好食！老闆同老闆娘仲好nice禁會推介唔同野俾我地試，三個人食禁多野平均每人都係三百蚊 真係抵到爛！最好係平時食串燒好易會成身都一陣味但哩間完全無哩個問題 !貼心既老闆娘都仲會係洗手間放左支熊寶貝俾客人不時之需用 好愉快既 個晚餐 其待會有更多新菜式有好多掛住食唔記得影相tim

響太子收工，約埋同事一齊黎食。好好味，絕對係誠意之作。食過好多間串燒，除左串燒既食物外，其他都麻麻地，但呢間既就好唔同！例如泰式鳳爪同醉雞翼，都超勁正！串燒方面，雞皮燒海蝦無得頂，食得出海蝦既鮮味。仲食左好多串燒：蒜蒜雞、蔥蔥雞、牛舌、茄子、黑松露金菇、蘆筍、扇貝、雞翼、拉絲芝士大啡菇、雞泡魚干⋯好滋味。一路食一路有客入黎，仲要full到要等，睇黎下次要book位先得喇真係好好味，誠意推介，會再黎幫襯

夜晚同朋友收工行過基隆街，想是但食啲野返屋企 行過見到間新開既串燒舖 個名幾得意<拾伍•貮拾>就決定入去試下！叫左幾樣野食 鳳爪個汁辣到岩岩好 超香！岩哂我呢啲想食辣又唔敢食既人👍🏻👅五花肉唔油膩 ，牛肋肉好有肉味 唔會燒得老，最出色既係牛舌👍🏻👍🏻👍🏻唔同街外一般 唔會有根咬唔開，好爽好好食 ！同朋友忍唔住一人encore 左兩次！未食過就決定試下，算幾多肉 好甜 店主個汁好清新 有啲柚子味好似。燒花甲同燒鮑魚，花甲開邊排得好靚😂好有心機 鮑魚食得出好新鮮好爽口 聽店主講所有海鮮都係每日即買 賣完就無 我地好好彩🤞🏻我最愛既雞皮蝦！❤️❤️蝦同外面唔同大隻啲！燒完仲好juicy👅一咬落去成口汁 無諗過咁滑！同面既蒜完全係perfect match!點少得最愛既芝士系列！好正燒膳亦係好意外 簡單配鹽燒 已經好鮮甜 個皮好脆！送啤酒一流！三條友食到好滿足飽飽！一路打食評一路就好想encore 牛舌啦已經🤤🤤🤤🤤

之前經過幾次都FULL哂，今日行過竟然有位，即刻唸都吾唸入去食，食完之後終於明白點解次次都甘full,因為好有人情feel吖，香港已經好難得再有呢d良心小店😋話說我地一行4人想叫4客鵝肝啦，老板娘竟然同叫我地食住2客先吖，話驚我地好滯喎，BTW,個鵝肝都出面嗰d有小小吾同，應該系先炸後烤，好特別！跟著個蟹蓋又叫我地叫2客share先啦，超好味，好有磯丸水產feel😍俾著系其他鋪頭實話知你叫幾多野食😂仲有白鱔，牛舌，雞皮蝦都好好味

上網見到，朋友推介哩間，手作串燒，就大膽一試，真係覺得好好味，環境地方乾淨，仲要老闆娘又好傾，態度又好，所以都好想推介比其他人去，覺得值得一試，雞皮蝦，第一次食，真係連殼都食埋，仲有啲海鮮好新鮮，鮑魚，聖旨，都燒得剛剛好，仲要串牛肋肉，仲有一款，豬肉串上邊加上了洋蔥，真係食落唔覺太油膩，叫左兩串試後，真係即刻要黎多兩round,基本黎講，我地一行四人去試，人人都食到有讚無彈，所以真係要為佢地嘅手作串燒推介，好野就係要大家分享。

路過太子 想食宵夜 同朋友入左呢個小店地點離太子地鐵站幾分鐘 店內位置不多 見到菜單有海鮮有肉類 唔止有串燒仲有小食 選擇都幾多 小食我地叫左鳳爪 唔算辣但好夠味好泰係店主自己教架個汁我地試左聖子 鮑魚 鱔 生蠔 全部都好新鮮聖子同鱔唔記得影相😂同店主傾計先知原來每日海鮮都係新鮮買所以唔會預好多 賣完就冇蒜蒜雞同雞翼都出色燒完出黎又脆又香雞皮包蝦好特別 岩哂又懶又想食蝦既人雞皮包蝦造功好麻煩 店主好有心一定一定要食既係牛舌 又香 又軟 又彈牙 同出哂幾百蚊既差唔多質素下次一定會再黎 宵夜首選

第一次寫食評 見到呢間小店咁有heart,食材新鮮，食物高水準， 價錢又合理，真心想支持下決定勤力一次，寫食評支持下。 前兩日 同屋企人 共五人 去呢間新開張嘅 串燒店 試下 ，ordered 左1枝葉750ml 大吟嚷，喜之次, 鮑魚， 和牛 ，白鱔 ，黑松露 蠔 ，雞皮蝦 ，蟹子蟹膏多士 ，燒豚肉 ，牛舌 ，蔥蔥雞連皮 ，芝士大啡菇， 豬頸肉， 泰式鳳爪 ，炸芝士， 醉雞翼 ，茄子， 秋葵，蘆筍。一共叫咗 18 樣嘢加一枝sake(數數下原來食左咁多嘢)，約左朋友下星期再去