拍崑崙

营业中

休息中

改咗新餐牌，又有西餐，又有泰國菜，唔借好似以前，之後叫咗個海南雞飯，雞好滑，香茅豬扒油拼雞扒加沙嗲汁，都唔錯，同埋佢個湯好有屋企嘅味道，冇落味精。食材新鮮。可以一試。

收工，七點幾多啲，約咗去食泰國嘢，點知原先諗住去嗰間好多人，隔離鋪條龍長到癲，就過咗嚟依間試一試，唔係話冇人，係咁啱有位即刻入咗去🤣同時間都即刻上OpenRice睇一睇個食評，以為係新餐廳，問吓店員先知，佢哋已經喺呢條街做咗好多年～只不過重新裝修過呢一區嘅位置都幾難泊車，都係隨意泊咗喺門口，不過店員都幾好同埋老闆娘都幾好，會幫手睇一睇，都好慶幸成餐飯食晒都冇抄到牌🤣💖食泰國嘢梗係要食馬拉盞通菜幾惹味～我下次都想試埋椰菜苗💖唔錯唔錯！串燒都唔差，個魷魚仔最得意同埋佢個沙嗲醬都好出色，可以用嚟撈飯🤣海鮮冬陰功金邊粉呢個我好鍾意，夠酸夠甜～同埋有好多菇～個湯都真係好好味好香熱辣辣飲落去好舒服💖有意外驚喜嘅係呢一隻燒雞，百令蚊，原隻，燒得非常之出色，只不過等得好耐，問問店員先知原來入座嘅客人同一時間叫燒雞，所以成個爐一次過燒晒咁多隻燒雞😂而我哋入座之後叫嗰隻原來係最後一隻，煥然之我諗餐廳呢個菜式係好熱賣嘅～所以好期待好味嘅嘢食係唔怕等嘅，呢個真係好好味，醃得隻雞超好味，有一啲都唔嚡口～喺等依個雞嘅同時已經定下一道菜，因為好肚餓，點知食晒燒雞，下一道菜， （拼盤） 都係等咗好耐🤣眼闊肚窄嘅我哋食

兩個人各叫左兩個1人餐，食完第一個餐再過10分鍾後第二個餐先到，如果唔係share，同兩個人各自食冇分別。第一個餐嘅味道還算正常，食左3串串燒，馬拉盞炒芥蘭苗同埋炒金邊炒，味道正常但不算出色。第二個餐嘅味道重鹽，都係三串串燒（冇錯，都係三串串燒，同一時間叫但食完第一個餐再隔10分鐘先到，即係兩碟相隔30分鐘），蒜蓉炒通菜（面個啲都仲入到口，底個啲加埋個汁咸到苦），海南雞飯（雞肉唔滑，某啲部位仲好鞋好柴，個有味飯又係咸到跳個隻）。食完回家係超想食水，因為實在太重手，好咸者可以一試。

今日同屋企人食晚餐，去左文英樓附近兜下，睇下有咩食，行下行下就見到「拍崑崙」，咦！咪 BTS 站😂 咁就入左去食，一坐低侍應問要唔要隻燒雞？因為要整20分鐘，都好吖，咪試下囉，另外叫左芒果沙律、冬陰功炒貴刁、菠蘿炒飯。先來芒果沙律，爽脆小酸開胃、貴刁及炒飯正常水準，有鑊氣、燒雞意外地好味，不單止嫩滑，而且雞肉好入味，外皮燒到脆脆的，無介紹錯，最後送上雪米糍，完美的一餐，離開時侍應比左卡片我，叫我下次打個電話來，叫左烤雞先，黎到就有得食啦👍🏻

We tried two Indonesian local food option here. The tastes were authentic and the portions were great. The Indonesian Fried rice was a bit sweeter than what it should be. But the fried Kale with balacan was goood. The owner can also speak good English good, and the menus are english friendly.Totally recommend if you want to try authentic taste food

最鍾意食蒜蓉包，蒜蓉包一定要食，我覺得佢嘅味道係好入！龍眼冰好好飲，唔會太甜！燒春雞好好食！入邊肉汁好多！冬陰功湯好好飲！咖喱牛腩好好食！雖然裝修過，但係味道同以前食嘅差唔多！

落完order，等成半個鐘先上第一個菜，食曬先到第二個菜上，好似食緊法國菜咁，一味味菜咁上，價錢仲唔平。野食質素係唔錯，但黎到只係暖，已經唔熱。 環境都坐得舒服。

同埋屋企人去完M+行翻去佐敦搵食，睇到有泰國嘢食又即刻流晒口水。舖頭唔係好大應該最多坐20-25人咁上下，但係坐位闊舒服，環境乾淨。可以拼枱，人多都唔怕。泰式烤雞🐓烤雞好好食，小朋友搶著食。雞肉滑而且多汁入味，唔使點醬汁食都得！不過製作要d時間，早d落單泰式黃咖喱雞咖喱味香偏甜，椰汁味濃，用嚟送飯一流！蒜蓉包包焗到金香鬆脆，就咁食都已經好味，不過都係主要嚟送咖哩汁！最後叫咗兩客泰國無骨鳳爪酸酸甜甜，夠晒開胃小食拼盤三種食品三種醬，口味自己撘。炒椰菜苗少油炒，健康整體來講係好好食，不過因為係小店人手唔多上菜有少少慢，不過值得等待