拉麵Jo (已結業)

這間拉麵店在銅鑼灣的分店有米芝蓮的推介，今曰路經圓方，發現他們設有分店。今曰就一於試試看。餐廳是半開放式設計，裝修簡潔企理，但座位數量唔多，分別設有吧座及枱座既然是拉麵Jo, 主食主打各款拉麵、沾麵，除此以外，還有丼飯、小食同日系料理，價錢由$58-$130。而拉麵的湯底分幾款，有豚骨、味噌、辛味、麵豉同蝦味。特製博多豚骨拉麵$128這拉麵的湯味道唔係最濃郁，有陣陣豚骨的味道，感覺比較輕盈不油膩，味道細膩而不膩口。軟滑的麵條，掛湯力不錯，但稍欠煙韌口感。配料有叉燒三片、半只半熟旦、醃菜、木耳和迷你春蛋。叉燒是薄切半肥瘦，肉質軟腍，加埋半流心半熟旦同爽口木耳，雖然味道不至驚為天人的，但味道直接又樸實，平易近人又討好。配迷你叉燒飯+$15這叉燒飯味道唔錯。叉燒是日式方丁切法，表面微微焦香，口感爽彈又帶點油份，入口甘香，配上白飯又幾好口。今晚晚餐有麵又有飯，味道唔錯，十分稱心又滿足。

本人喜歡吃沾麵，難得九龍站有一家沾麵/拉麵店。店子小小，都算多位。鹿兒島拉麵都算辣，一直有飲辣油的感覺。有豬肉碎和豬腩肉，味道香香的。招牌沾麵沾汁濃郁，不算太油，味道很好。麵條都沒有太粗，適中，只是不算太掛汁。餃子皮薄有汁。

每次到訪 Elements 的目的都是～看電影，因為泊車方便、裡面嘅戲院又大又舒適、真係不二之選，不過係呢到搵食就。。。大都又貴又普通。。。今次係第二次試呢到嘅 拉麵 Jo 。。。～滑蛋豬扒丼套餐定食加餃子 ～ 滑蛋夠滑、黑豚豚扒炸得剛好唔會太乾、合格、驚喜嘅係碗麵豉湯、熱辣辣夠哂味。餃子係冷藏貨式～ 無驚喜。。。～特製博多豚骨拉麵套餐加炸雞2 件湯底合格、配料比預期多、五花腩部份嘅义燒有3 片、加上半隻嘅流心蛋交足功課無嘢㗕。炸雞係冷藏貨式～ 又係無驚喜。。。要挑剔嘅話就係有一個貌似經理嘅服務員可能當日心情不佳，目無表情、叫聲”唔該加茶” 、望住我無聲無氣、過咗幾分鐘之後攞住個茶壼回來斟完茶就行咗去，成個過程一句聲都無。。。真係”耐人尋味”。而且每人平均 港幣$150 嘅價錢以呢個出品嘅品質，真心講係有D貴。。。相信大部分都用咗係舖租和人工。。。

I ordered a special tsukemen at around 2.45pm on a Wednesday, and it was so salty I couldn’t taste anything but the saltiness. Extremely disappointed. Too pricy for what it offers as well. Would not recommend it at all, if you want some good tsukemen, go somewhere else.

有時食拉麵，為求一刻想像自己去咗日本一趟，不過今次完全無呢個感覺。有時行elements都會經過呢度，想試見到「期間限定」，就決定叫呢個，唔駛諗，又應該好食嘅。朋友叫呢個，麵好一般，湯亦普通，唔係好掛到麵，呢個價錢係有啲多。溏心蛋還好，豚肉有點過肥，無乜肉味。沾麵都唔係好沾到咁，麵普通，唔算好食。肉得一片，成件事都幾貴同唔係值呢個價錢。無咩評論，係幾失望，完全無去日本嘅感覺。

可能對拉麵既期望一向比較大，所以覺得這間拉麵店比較普通，沒什麼特別。小炒比拉麵更為出色叫左個麵豉拉麵，豚肉過肥過林，一夾就散，我個人比較喜歡有口感的肉類，所以對此有點失落。湯底正常，麵的份量比想像中多，如果只是想吃飽肚，這店也是一個選擇。另外叫左一碟炒菇，感覺上比較中式，但係炒得幾好味，火喉夠，夠熱，味道適中，青菜夠爽口，總無煮過火所以在香港食拉麵還是要走進大街小巷，商場的拉麵店還是比較集團式經營，失去了拉麵店之特式。

只有一個胃，但每次食拉面都面對一個難題: 到底食沾面好定湯拉面好？？？午市等咗一陣位，見好多人食沾面(可能只係咁啱我則邊全都係沾面) 就要沾面吧！午市有set, 但有2種，特制沾面同沾面....到底點特制？？？落單位職員話特制多隻蛋哦咁....但貴$20...最後都係食普通(無蛋) 辣沾面。等等等...等咗差不多20分鐘先到我食 如果要返工，lunch hour 真係唔好試....明明見吧枱前面位哥哥無停過手咁起勢煮面，同整嘢，何解遲遲未見我碗面？終終等到，面條係粗少少偏身，但沾面最釔就係面條唔會浸到發脹晒，食到尾都保持口感係煙韌 個人好鍾意呢種口感，有咬口唔會太淋。沾面濃湯亦好香，夠辣亦有少量配菜。而且濃湯上菜時夠熱，唔怕沾完個啖面都涷埋。同沾面食非常配合，好食！叉燒(豬肉) 片份量亦唔少，好淋身入口即溶。唔沾湯亦夠味。 午市仲有餃子跟餐，餃子即起，好熱好熱,唔錯！整體感覺唔錯，只係lunch hour 迫咗少少....仲要無位放手袋...但食物係一讚

拉麵JO唔知可能以為只係食拉麵,其實餐廳分開了兩部份。有一半為和食主題區。是日晚餐叫上一個燒肉定食+生啤一杯以$250的價錢,再看看燒魚的size老實說有小許失望。下次如果再來還是食拉麵比較保障。

We saw Ramen Jo at Elements in Kowloon and thought it would be the same as the one at Causeway Bay. We were so very wrong... The menu is different, the taste was different and overall a disappointment in comparison to the CWB store.The noodles we over cooked, too soft and extremely cold. The charsiu was dry and flavour-less. The tsukemen soup was served in a normal soup bowl, rather than a stone pot/bowl - meaning it was luke-warm making the whole experience of eating tsukemen very unenjoyable.

這間以沾麵菜式見稱的日本拉麵店「拉麵Jo」，「拉麵Jo」尖沙咀的分店選址其實跟我預期是有點出入的。因為尖沙咀「拉麵Jo」店舖所處的「圓方」商場，位處跟尖沙咀距離頗遠的港鐵「九龍站」。就算途人想不經過港鐵前往「九龍站」，從油麻地、佐敦出發，沿着「柯士甸道」，前往位於「九龍站」的「圓方」，途中也要經過層層歷練，踏過崎嶇不平的工程地盤，最後才能成功進入「圓方」商場。就算進入到「圓方」商場，食客也要在「圓方」沒有商場地圖指示之下，盲摸摸地「盲人摸象」摸索前進，最後我才成功尖沙咀分店的「拉麵Jo」。「九龍站」分店的「拉麵Jo」，店舖面積尚可，但是店舖被強行劃分成為兩個用餐區域，有一邊區域的座位明明還有很多座位，但是因為座位遠離廚房，所以實際願坐下那邊用膳的食客不多，包括我在內。但是「拉麵Jo」剩餘的座位又不多，於是食客被迫在「拉麵Jo」店外排隊苦苦等候，直至有空位多出為止。我看着「拉麵Jo」店內食客眾多，而且中外食客什麼國籍都有。我再審視一下「拉麵Jo」，我終於知道為什麼尖沙咀「拉麵Jo」會這麽多中外食客幫襯試食了。原因就是「拉麵Jo」「沾麵」價錢偏貴之餘，偏偏又能投其所好，看中港鐵「九龍站」附

自從大阪返黎，一直對沾麵念念不忘，所以四出打聽香港邊度有好食嘅沾麵。響朋友介紹下，去左尖沙嘴呢間。本身打算食好出名嘅海膽沾麵的，點知夜左冇曬，咁唯有點左客龍蝦沾麵啦。老實講...塊叉燒係唔差嘅，不過麵同湯就一般啦。

是日外勤，路經圓方，便走去試米🐷蓮拉麵。見有期間限定 - 特製博多豚肉拉麵$106，即試。單外觀，跟圖好似有點亂。食物份量與圖乎合圖。味也不錯，湯底吾會油淋淋， 配上大量芝麻，份外香口，2片豚肉，厚度適中。 這裏不像其他的拉麵店，沒有任何選項 (面嘅軟硬度， 配料多寡，等)。 整體來說，衹是一般。正當我慢慢品嚐的時候， 店內突然停電， 但其他商店電力正常。。 tough luck。。 食完碗拉麵後，出了一身汗😓。好彩我碗麵已上，否則一係要等15分鐘，一係要取消order。 連埋單也只能收現金!

今晚特意同女友黎圓方食飯，只因呢度既食肆質素好似有保證啲，奈何好多間既價錢都比較貴，正當思考緊好唔好搭車去第二區搵野食之際，有一間拉麵店引起左我地注意喎點解會特別留意到拉麵Jo係因為佢喺銅鑼灣有分店，而且都多人排隊入去食，咁就不如趁今次機會試下啦，反正呢度條龍無咁長，女友亦都同意左haha先講下女友叫既沾麵。最吸晴既當然係隻果半隻半熟流心蛋啦🤩蛋黃真係好滑溜丫！另外，由於呢個係特製沾麵既關係，份量上比較多，分別有三塊叉燒同三塊紫菜；麵條粗身有咬口，而粗幼度係無得簡既；豬骨湯底好濃厚又夠哂熱，飲落唔油膩，配上蔥花同野菜相當之夾而我就叫左黑豚豬扒飯，滑蛋真係煮得岩岩好，半固體既狀態下用黎拌飯認真惹味，豬扒同飯既份量好多，岩哂餓左好耐既我😍呢餐飯咁豐富咁好味，埋單都係每人百三蚊，喺圓方黎講真係算抵架喇~

上次星期六晏就黎圓方見呢間餐廳都幾多人排隊，感覺應該唔錯。weekdays夜晚過黎食飯，身為拉麵控🍜嘅我，見當時冇人排隊之餘仲有空位，是以就決定好要食呢間😼。 我叫左一碗味噌拉麵，未講味道之前，先講講presentation，一般拉麵店都會用黑色嘅碗黎載住啲麵，但呢間卻用白色嘅碗，拉麵一上檯我已經對佢嘅印象分打曬折扣😥。喺味道方面，比起過往食過嘅拉麵，我覺得真係幾一般，難聽啲係唔好食😰...一般到我唔知點形容好。湯底就好似平時屋企煮即食拉麵嗰隻味，唔係難食嘅，但即食拉麵一碗先幾蚊，呢到賣$8x-9x，性比價低左啲wor🤔 食完之後我有啲跌眼鏡👓，上次見咁多人排隊仲以為會好好食，原來麻麻地㗎咋，唔會有take 2😪🙇🏻

琴日同男朋友去elements睇戲，諗住去到食個晚餐，就岩岩好入場睇戲，行黎行去，elements入面無咩野食，去到水區既food village, 見到有間拉麵店，有d人係門口排隊，加上我諗住係elements開得，質素都有返咁上下啦，就一於試下！呢度可能比有錢人食野，最普通既豚肉拉麵都要78蚊一碗，得2樣配料加2塊肉，粟米都無粒，算啦，個湯底飲落去，淡過水咁，d麵煮得難食過我煮既公仔麵，得返豚肉好少少有d肉味，真係唔想嘥野先夾硬食哂去！ 以後都唔會再食！