影片
继续找寻拉面之自肥计划，铜锣湾横行中的，今次叫了豚骨和赤骨。汤底是一样的，浓厚猪骨味，配上好夹嘅幼细拉面，非常夹，而且好多葱同木耳，每一啖都有，好满足。叉烧够大块，厚薄适中，肥瘦适中。另一个系辣味的，加了辣油，同有辣酱的猪肉碎。叫了3级辣，好鬼辣，食到头顶出汗，但开头食落其实又唔觉好劲，有啲呛，食食下就出晒。豚骨教有叫一级辣，但就正常咁啰。佢最劲系10级，有能力同兴趣嘅朋友可以挑战。侍应同厨师系同日文落单，好有feel。
继续阅读
嚟到呢间拉面店，先讲下环境，真系挺朴实，咁正好，因为我哋黎就系为咗食得开心兼满足。点菜时个服务员笑容可掬，耐心指点，即使你唔识拣都会悉心推介。食咗「黑骨」拉面，一试正中红心！汤底滑溜溜又香郁，炸蒜加墨鱼汁黑蒜油夹杂嘅香气又提提味，够晒劲！猪肉碎嘅肉球用嘴尝，简直太匠心！虽然叉烧想再厚啲，但质素都算上乘，咬落去有嚼劲，好过瘾。「赤骨」拉面嘅味道就更加出彩，汤底甜中带辣，真系惹味到不得了，辣得嚟又唔会盖过原汁原味。面条弹牙，每一啖都叹为观止。啱哋啱哋嘅辣激起哂食欲，食完一碗仲想再点！仲有，佢哋家嘅秘制辣酱，一加就转普通拉面变身食神必争嘅味道冠军，真系令人回味无穷。而且啲服务员嘅态度好有心，连小插曲都马上解决！如果想尝鲜揾真材实料嘅拉面味道，嚟呢度就啱晒！🍜🔥👍
继续阅读
📍拉面凪 @ramennagihk 第二次到访嘅拉面店🍜铜锣湾站行几分钟就到，好方便😆两次去店员都好nice好有礼貌😌今次试咗豚骨拉面，汤底可以拣咸度(🙋🏻♀️普通)、浓厚度(🙋🏻♀️浓厚)，拉面可以拣软硬度(🙋🏻♀️硬)～拉面比出面食嘅幼身，但依然保留口感🫶🏻汤底香浓，唔会过咸/油✨配料有叉烧同椰菜，叉烧够淋，椰菜吸埋汤汁好好食🥹总括嚟讲系高质嘅拉面，大家经过铜锣湾都可以试下🫶🏻✨🍜 豚骨拉面 $91 食物 🌟🌟🌟🌟价钱 🌟🌟🌟环境 🌟🌟🌟服务 🌟🌟🌟🌟推介 🌟🌟🌟🌟(+10% Service Charge)···铜锣湾渣甸坊48号采怡阁地下5号舖#foodie #hkfoodie #hkig #香港 #香港美食 #hongkong #hkig #foodblog #blogger #foodblogger #香港餐厅 #cafe #hkcafe #日本菜 #causewaybay #铜锣湾 #铜锣湾美食 #lazfoodycausewaybay 跟住我地揾食◉‿◉ @lazfoody_ 💛
继续阅读
位于铜锣湾既拉面凪，位置好隔涉，要入到渣甸街街市后面先会见到，见到铺头门口挂住一个白色既纸灯笼就会定位到餐厅位置了！不过最大遗珠系溏心蛋居然卖晒😔食拉面无蛋就好似食榴连唔饮可乐咁！🍜豚骨拣左大厨推介，汤头净住一层背脂，以为会好滞，点知竟然相反。入口好重豚骨味，好浓稠香醇，单饮都觉得唔重口味，浓同油腻度适中！幼身拉面好索汤，不过都要尽快食，如果唔系好快会变软身🙈叉烧，葱花同木耳丝就一般拉面店水准。总体黎讲同一兰有几分相似，不论系汤头，拉面种类同价钱定位都令我地觉得好有一兰既影子！🥢凪牛肉拌面睇ig见到有人推荐已经流晒口水🤤中太面非常之烟韧又弹牙，挂汁力极佳，配上铺头自家制既酱汁，惹味可口，再搭配上新鲜蛋黄，洋葱碎同辣粉，味道出乎意料之夹，仲要无系第二度食过既口味，不过唔食辣既朋友可能会觉得辣。美国牛小排🐮轻轻灸烧过，逼晒啲油脂出黎，肉质软嫩，同爽口既粗面一齐食好match！📍 拉面凪铜锣湾渣甸坊48号采怡阁地下5号舖
继续阅读
隐世拉面店过江龙之一，一直以来都好想试。总体感想我只能够话一试难忘。大家嚟食到时记得要避开繁忙时间，因为店入边真系位唔多。好彩系一个冇咁忙嘅时候入到去，侍应哥哥片我哋多嘢特登俾咗个大啲嘅位我地，非常之有礼貌同有心。睇到个餐牌有当年豚王嘅感觉。叫咗一个豚骨同埋一个绿骨。豚骨汤底非常之浓厚，食落去唔但系又唔会太咸，唔会觉得口干。面系幼面质地，入口感觉非常之爽，随着拉面有少少黑木耳。至于绿骨就比较重芝士味。最后都赞一赞店喺边服务讲说话非常之有礼貌，我觉得喺香港难得一见。
继续阅读