抬摃 (已結業)

今日一個人lunch, 唔覺唔覺咁行到近匯豐呢一邊。琴日已經想飲珍珠奶茶，咁啱又見到間台灣野，你就入咗嚟試吓啦！Lunch Hour 間餐廳都要等位，不過一個人就非常容易。我叫咗個lunch Set , 招牌牛肉麵＋珍珠奶茶。唔知係咪前兩日我2日係將軍澳食嘅牛肉麵太好食，相對今日呢一個就一般。其實佢唔差㗎，牛肉蚊到好淋，但又唔會散晒。湯底夠味嘅，不過可能我前兩日食嗰個湯底足料d，所以比下去了一點。麵質都OK。

招牌牛肉麵 （午餐$56）小店內能食到這種質素的牛肉麵真的令我很驚喜！麵質有咬口 粗幼適中🍜 湯底濃而不鹹 放了幾顆辣椒粒更顯惹味😋 牛肉入口即溶 十分入味 肥瘦適中-珍珠奶茶/奶綠 （跟餐+$8）奶茶比奶綠味道更濃茶味 牛奶十分足夠 十分creamy 珍珠不會太硬 正！

係大角嘴搵野食，見到新開左間台式野見menu 唔錯就一於入去試，本身想叫鹽酥雞肉燥飯，但因為太熱氣，就改叫左麻醬手撕雞拌麵。一黎到果一下已經呆左，竟然個麵係白色好似米線咁的樣，食落去完全無麻醬味，而且麵身好硬，亦有雪味....好失望 d手撕雞亦得好少，加埋杯綠茶收左我$59.....結果食左一半已經頂唔順，我重叫左我購友試下，佢都一樣食得出味道超淡，唔知係麻醬加太多水定咩事...下次唔會再去了.....

放假途經大角嘴，中午時分已飢腸轆轆，打算隨便填飽肚子了事，抬頭看見一家名字甚有意思的小店，名叫 抬槓，沒想太多就進去，店內客人不算太多，眼看店員都比較年輕，估計是創業的年輕人自開的小店。想不到吃什麼，隨便點了個香腸肉燥飯，香腸不錯，畢竟就是簡單的食材，肉燥我個人就挺喜歡的，肉燥與醬汁的比例還是掌握得不錯的，米飯軟硬程度適中，口感不錯，或許跟我本來就肚餓有關，店員服務勤快有禮，整體而言是十分滿意的。有機會會再去！

留意咗呢間台式好耐lu，之前見佢都係試業中，今日見到正式開張咗走入去試下，叫咗鹽酥雞肉燥飯加個葱肉餡餅同芒果綠茶，鹽酥雞都幾入味，係嫌細粒咗少少，不過份量還算可以，肉燥就咁食會咸咗dd，溝埋啲飯就啱啱好，而且飯用咗我最喜歡嘅珍珠米，一粒粒飽滿，唔會好似出面咁一patpat，正！葱肉餡餅有驚喜，一咬落去啲汁濺哂出嚟，嚇死我，不過可能我太心急，見到就一啖咬咗落去，滾親咗條脷，下次食真係要小心啲。芒果綠茶茶味重咗少少，淡返啲就好。總括嚟講呢間嘢都唔錯，下次會帶埋男朋友過嚟食。

叫左個滷肉飯同滷水拼飯，d肥膏多過肉，基本上咁多舊入面得一舊合格少少，d飯一舊舊，d汁又唔知想點，因為黎到都乾曬，仲有豆腐乾有沙，基本上半碗都未食夠我已經冇意欲再食落去，真係令人覺得好伏，大角咀咁多好野食，唯獨呢間真係有好大改進空間囉，如果呢間野d食物質素持續估好快做唔落去，真係揾唔到野讚試過呢間後，下一次叫外賣都揾返d大路食店⋯如果唔係openrice要打夠200字先可以岀post我真係一句都唔想講