批&撻專門店 (已結業)

今天行過 , 見到有羊肉批好奇心又驅使我買個嚟試吓 羊肉批外表沒有雞批 & 駝鳥肉批咁靚size 比雞批 & 駝鳥肉批都細 , 不過係厚d外層不及雞批的脆 & 好味 , 但都 ok 好食裡面有洋蔥 , 有羊肉 , 唔覺得有辣味羊肉的味道普通 , 羊味淡 總括 , 都係雞批 & 駝鳥肉批好食d By the way , 這家批&撻專門店真係有好多種類的批和撻 , 每種試吓都有排吓 !

又係胃食既時間. 本身唔肚餓又想買d 野食.見個叉燒批都幾靚, 只售$7, 另外選擇就係蘋果批. 不過問過之後得知入面有提子乾, 所以唔駛諗, 要叉燒批啦.真係焗得幾靚第一啖食落去, 個皮好鬆脆!!!! 比茶餐廳o個d 出名既雞批還要鬆脆! 仲好夠厚! 唯一失敗既係冇乜牛油味.另外都塗上好多蜜糖, 所以啖啖餅皮都係甜既, 好味!叉燒咸好多好滿, 啖啖食都有叉燒肉, 絕對冇用好多杰撻撻既叉燒汁黎充撐. 而且d 叉燒好甜, 簡直係蜜汁叉燒咁!甜既餅皮+甜既叉燒, 都好絕配!

七月三十日(星期四)同老公番屋企,經過pie & tart,買了個薄餅批試試!很多洋蔥呢!還有火腿,磨菇,底是麵包!吃起來不錯,而且很多cheese,很開胃呢!我買了個apple pie番屋企吃!很香很脆!不錯!

七月廿一日(星期二)這星期比較忙,所以叫了家人不用留我飯!今晚比較早收,同老公番觀塘!我就買了個丹麥海鮮批做晚餐了!見到$12,又大件!新出的買來試試面是酥皮,雖然有反式脂肪,不過偶爾吃一次,算吧!一向pie & tart做酥皮都不錯的!這不叫我失望!相反失望的是海鮮!只得幾粒細小的墨魚,和栗米以及稔了的長通粉!一個難吃的晚餐!

胃食真係好慘, 不過$10 個pie 就豪比佢啦買左個駝鳥肉pie. 見大大個嘛. 同好耐冇食過, 其實都唔記得佢係咩味講真駝鳥肉同其他肉有咩分別我都唔係好清楚.所以我覺得個pie 其實同喱牛批都差唔多.駝鳥肉批入面有d 薯仔同洋蒽有少少辣味, 源自批既內層一點點既黑淑.d 汁有d 似啫喱狀既腩汁. 甜甜地.同喱牛批分別真係唔係好大....不過味道仲好好味!!

回家探父母, 每次經過觀塘地鐵站總會被批&撻的牛油香味所吸引, 上次爸爸買來的酥角很不錯, 今次再encore, 我揀了三件迷你咖哩牛肉和一件迷你Tuna 角酥($12/4pcs), 另再多買一個鮮奶撻給小姪女和一件雞批給不愛甜吃的阿哥。上次媽媽有焗熱, 酥皮幾款都比今次好吃得多, 上次吃過的叉燒酥亦很好吃, 叉燒汁好甜, 今次竟然忘記買了, 下次緊記要買埋叉燒酥和一定要焗熱才會很好吃。鮮奶撻比預期失望, 水準不及蛋撻王系列的香和滑, 曲奇皮又不夠蛋撻王香脆鬆化, 小姪女吃了幾口也不吃了, 原來她兩三歲人仔小小年紀很懂得吃, 也是個小食家呢。雞批味道幾好, 尤其整個曲奇皮, 好重牛油, 又香又厚又夠香脆鬆化, 加上雞肉、火腿、磨菇、洋蔥和白汁, 吃時不會感覺很乾同非常漏, 但size 都幾大個, 如果一個人吃完整個,應該都幾飽。但心目中最好吃的雞批, 還是首選金鳳。此店的服務態度就麻麻, 店員硬要我買多一個說會有盒子裝, 我當時又想不起來要買多樣什麼,所以婉拒了, 沒想到店員姨姨即時黑臉, 不用這樣嘛, 買得開心自然下次會再來幫襯, 店員待客的態度還需改進!!!

叫左朋友去food court食飯.我本身想食pepper lunch, 但佢話要等成半粒鐘最後都係買個tart食算3款奶撻仲有朱古力味未試過, 今次就試下啦總括我認為朱古力係3款入面最好食幾強既朱古力奶味, 而且入面仲有d 朱古力碎, 都只係賣貴$0.5撻邊鬆脆, 正!

期待左好耐既海鮮批, 今日終於有得試買到返學校先食, 15min 之後都仲係微暖外表係酥皮, 非常吸引, 睇個賣相+份量的確係值$12酥皮其實係賣點黎, 食落有d 牛油味. 又鬆化, 同酥皮湯差唔多不過食到入面, 竟然係白汁火腿粟米長通粉?我冇expect過哩個批入面會有通粉, 因為個名冇寫. 以為得"海鮮"添幸好比我發現3隻仲細過周打蜆湯既蜆o係度. 如果唔係都唔知邊忽有"海鮮"味道一般, 都係酥皮正, 睇個名o個陣太高期望估唔到半個魷魚圈半條蟹柳都冇都可以叫丹麥海鮮批... 唔通丹麥就係食d 咁既野

一月廿一日(星期三)是日早餐是pie&tart的蛋糕卷,我要了原味,老公要了朱古力味可能快到期,所以比較軟,而且我覺得有點奇怪的味道!..下次都是不要試撻以外的食物了~!上次的scone都叫人"難忘"!

其實自己唔係好餓, 但經過就吸引左埋去...次次去pie and tart 都揀好耐, 因為好多樣都未試過, 都唔知試邊隻好今次買左個芝士鮮奶tart 返屋企食其實只係個面有d 芝士粉, 咁就賣貴$1一推個鍚紙兜個tart 竟然黐住個兜, 搞到個tart 爛左平時鍾意成個拎住食, 都要搵個匙食左爛o個part 先另外芝士都唔夠味, 不如食個奶tart 好過啦.買o個時已經唔熱, 一食塊膜就成層扯左出黎...下次試第二個, 哩個唔係咁推介

平時都 okay 0既 service, 多得有兩個嬸嬸, 攪到 D 服務質數低晒!!!!! 多謝嬸嬸!!!!!!!Sept. 20, 2008 @ 3:15pm當時有三個員工, serve 緊我同媽咪0個個無咩問題, 只不過發下白日夢姐~~話說我媽咪話要四個迷你酥皮咖哩牛肉($12/4個), 我話不如換兩個吞拿魚, 所以同serve 緊我0地個嬸嬸講換兩個吞拿魚啦, 點知個可愛嬸嬸攞0左叉燒, 唉!!!! 咁正常你都會同嬸嬸講 "唔係叉燒係吞拿魚喎~~ " (呢個嬸嬸雖然發白日夢, 但係佢一句怨言都無更加無不滿眼神!!!相反另外0個兩個嬸嬸竟然有不滿眼神, 並望住我, 那時佢應該 serve 其他 customers...我唔明所以我話: "咁我係叫吞拿魚喎!!!" 之後企係後面個嬸嬸即刻話 "我都無講0野!!!" (佢講得好啱, 佢無講0野但係如果你做 service, 你都應該話真係唔好意思, 而唔係佢仲要怒示我!!!) 如果我咁樣怒示我 D customers, 我諗我好難唔收 complain letter or warning letter 囉!!!我真係好失望, 今時今日

如果肚餓 ... 唔想食麵包但又想食得飽肚 ... pie 同 tart 係唔錯既選擇!! 而且方便快脆又容易食....今次只係買左pie ... ( 叉燒批、咖哩牛肉批、駝鳥肉批)因為要山長水遠坐車帶返屋企...pie 係最佳選擇!!叉燒批 : 又唔錯喎... 不過個汁可以濃些少... 熱熱地食...個批面好香脆。咖哩牛肉批 : 因為唔係新鮮食...已經"林"左... 而個咖喱味就唔多吸引...唔再試呢個喇...

因為之前試過佢既薯蓉螺絲粉批覺得唔錯 (除卻茄醬太甜外!) 所以就想事試試佢其他野!蘑菰批($8.5): 個曲奇批底帶甜香都幾鬆化~ 餡料包括: 甘筍﹑粟米粒﹑洋蔥絲﹑蘑菰。用上白汁再配上芝士焗成! 學肥媽個句: 「你話呀﹐咁點會唔好食架!」因為真係好香但係香味係來自洋蔥﹑芝士和牛油而並非蘑菰~ 真的﹐它好像不是主角...披薩($8.5): 這個嘛...茄醬不算太甜(對我來說) 餡料包括: 粟米粒﹑洋蔥片﹑青椒和腸仔。我不太會欣賞這個因為洋蔥和腸仔份量不成正比的!! 腸仔只又4小薄片但洋蔥用上行多啊芝士亦不夠多...但係價錢不貴因為都幾飽肚啊!!只花了$17再喝多個豆漿後就由朝早飽到午餐都不大吃得下! 我想男士可能會覺不夠喉但正常食量既女仔黎講都幾夠份量囉! 等多陣再去食個茶餐就差唔多囉~~

話明係Peak Season, 星期六(即6月21日)當然都要返工la...放左工六點幾去到觀塘, 見到好鐘意食既Pie and Tart, 當然要補一補我地食左蘋果撻同埋鮮奶撻...仍然都係好好味, 可能呢度人流快, d野都新鮮d...好喇...跟住我地各自返屋企, 準備明日星期日既大戰!!!

六月十二日(星期四)番屋企路經此地,又再食下其他新野!今次我試既就失敗喇blueberry muffin,佢有陣其他撻既味道,因為佢地放埋o係個櫃度><又冇blueberry 味!同超群差得遠lor><而老公既葡汁海鮮批,好食呀!!!好香呀!!都幾有料!唔錯!!可以再試!