手拉麵小廚

营业中

休息中

新蒲崗呢間餐廳專做上海料理，係我其中一間飯堂。佢最出名係手拉麵，故名思義，就係師傅即叫即拉，全部拉麵係人手拉出黎，企係舖頭出面已經可以欣賞師傅嘅手藝👏🏻人手拉嘅面真係愈黎愈少，所以一定要試，因為真係會一試愛上😍我每次都會點酸辣湯拉麵，份量超大！每次食完都超飽超滿足❤️❤️非常足料，有竹筍、冬菇𢇁、木耳𢇁、蛋花等等，食落酸酸辣辣，拉麵煙煙韌韌，口感十足。除左酸辣湯拉麵，我地亦都叫左回鍋肉炒拉麵，份量適中，用左青椒、豆腐、回鍋肉等料理去炒，咸淡適中，非常有穫氣，拉麵非常入味，每條都沾滿醬汁，令人回味無窮。想食手拉麵就記得要預早少少拎飛，由於係小店既關係，座位數目唔多，一到食飯時間就好多人係出面等位。

幾年前朋友介紹嚟新蒲崗必食舖之一。舖仔細細，枱椅十張，所以未算頻密嚟食。今日見5點幾，剛好有張4人卡位吉咗，就重溫吓。嗌咗個2人餐，揀左醉雞翼、小籠包、回鍋牛肉。小籠包好豐滿，灌湯到爆開咁滯，筷子夾頂部落自己碗冇穿，咬開似迷你灌湯包。蝦米津白係家常便餸味道。回鍋牛肉幾夠鑊氣不過豆乾略嫌唔夠。叫咗2支熱豆漿，係膠樽裝、揦手嗰種熱！之後食完未飲哂拎埋走可以當暖蛋，牌子係壹品。再外加羊肉客飯，好矛盾，想食羊味，但又點都有羶味。

突然黎到新蒲崗又想食下上海嘢，就入左呢間小店，雖然環境較迫，仲有機會同人搭枱，不過價錢真係極吸引，將會成為我糧尾慳錢好選擇。🍜主食🍜🥟 招牌小籠包 （4.5/5）去食上海野點少得小籠包。呢到小籠包一籠有五隻，size 大過翡翠拉麵小籠包同鼎泰豐。外皮薄得黎又唔會穿，每隻都有差唔多成3/4湯匙嘅汁。加少少醋同薑絲，肉汁鮮甜而不膩，而且每隻平均都唔使十蚊，超高cp😋。🐏羊肉湯拉麵（2.5/5）因為見到店面有人喺到拉拉麵同埋openrice 嘅推介，我地專登叫個麵試試。呢個麵面頭有菜同羊肉片，都唔錯。麵底較有韌性，但我覺得羊有少少羶同埋個湯太重胡椒味，所以就唔算特別鐘意🤣。

朋友發現我鐘意食小籠包，專情帶我過黎試佢係香港食過最好食既小籠包！我試完，敢講出名既店舖都無呢間咁好食！首先，大大隻嚇親小妹，事關佢價錢好平，一籠4隻逼到個籠滿咗，皮薄得黎，個頂用筷子夾到唔會穿~咬咗個頂~D汁唔會流晒出黎，因為湯汁係包既一半超平均比例！我怕熱，吹左幾下先敢啜下D汁，超級鮮甜！有點尷尬，因為我好想食又好怕熱，口水差D流出黎，唔係講笑！！！暫時！係香港我食過最抵又最好味既小籠包「 隱店」另外嗌左個羊肉辣炒麵，朋友話食過晒佢個餐牌，繼小籠包後，呢個炒麵火係第二好食，我完全無影個炒麵，食完個小籠包好滿足小妹係正常食量，下午茶食兩個都飽飽了。

新蒲崗呢個地方，其實收埋好多超正嘅餐廳，等我搵日再篩選幾間介紹俾大家，今日就講住我嘅最愛手拉麵小廚先🤤呢間餐廳真係不得了，佢係屬於冇食一段時間會心思思返去嗰一種……餐廳出面永遠都有一堆食客等位，餐廳外仲有個玻璃可以睇到師傅即場手拉麵👏🏻👅豬頸肉擔擔湯拉麵 呢個豬頸肉真係非常之邪惡，佢每條辮都燒到好香脆，每一舊豬頸肉咬落去外邊都係脆卜卜，入面軟林林，甘香juicy，絕對唔會燒到變乾柴🤤而且豬頸肉嘅份量都唔少👏🏻至於個湯底，好香花生再有啲麻香，麵底係師傅手拉，麵條有粗有幼，係手造嘅證明👏🏻絕對係我念念不忘嘅一碗擔擔麵🍜💯👅招牌小籠包 呢個小籠包全部新鮮上枱，每一粒滾熱辣，如果一上枱就食，你會200%機會辣親個口🥲絕對係要攤凍一陣先可以食，事關佢個小籠包入面嘅湯係超級超級多！！！湯鮮甜熱辣辣，肉既比例亦啱啱好，呢個價錢絕對抵食！👅雞絲粉皮 青瓜，雞絲同埋粉皮嘅份量好啱，麻醬都唔吝嗇👏🏻麻醬好滑食完唔會鞋口，粉皮亦都好彈牙，非常推介用黎做餐前小食😈

在網上看到介紹這間手打拉麵，羊肉湯好惹味，就約朋友去試，這店門面小，找了一段時間才找到，是一間老店，環境舊了些，傳統卡位。當然點了招牌小籠包和羊肉湯麵，小籠包是皮厚那款，但内裡很多肉汁，咬下去好满足，拌上陳醋非常好食。另外，羊肉湯麵的羊肉，一點也不羶，好有嚼勁，雖然不是嫩滑那種，但感覺湯暖和和的，加上很足料，盛載滿碗，食落好暖肚，也是很好食。還有，麵也好味，不像機器打製，麵質是不同的。老板娘招乎也很好，我覺得不枉此行，食飽後，再去了另一間附近有米芝蓮的甜品店，稍后有機會再介绍。

一講起小籠包不得不提及呢間小店舖仔細細但出品十分出色特別係一企喺門口就會見到師傅係咁做麵條同包小籠包功架十足，果然係高水準之作 必試產品當然係小籠包皮薄得黎唔會一夾就穿肉湯汁豐富仲好鮮甜肉同皮比例好平衡，大大隻食落去好滿足 就係咁樣同個朋友黎食一籠都覺得唔係好夠喉所以就叫多一籠咁先可以大滿足因為平時我自己一個食一籠架嘛 期間仲要左蔥爆羊肉呢個好有驚喜因為個汁好鬼惹味羊肉又要炒到好乾身真係唔會俾個汁搶晒仲完全點綴到個羊肉超級 幫襯左5-6年一直都係咁優秀製作小籠包係嗰種一段時間冇食就會掛住要特登去食嘅滋味誠意推介

🇭🇰手拉麵小廚·呢個我第二次食啦 佢係超級老師傅feel 而且嘢食唔錯😌😌·招牌小籠包$48 l 豬扒擔擔湯拉麵$58 l 雞絲粉皮$48佢個小籠包真係超大粒 入面超多湯 而且唔會話好膩 之後佢個皮薄得黎唔會好易爛 正😍😍佢個豬扒擔擔麵都好出色 個豬扒調味同肉質都好好 之後個湯底超濃郁 不過佢個麵就偏糊 可惜😢😢最後佢個雞絲粉皮都唔錯既 個粉皮好煙韌😎··📍新蒲崗衍慶街48號衍慶大廈地下

見到好多人推薦小籠包，決定黎試吓！見到meun樣樣都想食😵‍💫1）醉雞翼- 一開始以為係雞中翼，黎到發現份量都多- 食落唔算太入味2）招牌小籠包-鋪頭門口隔住玻璃，見師傅冇停手一路包-新鮮熱辣，每粒都好多汁、皮簿-食緊既時候，好似飲緊湯咁，味道唔錯3）豬扒擔擔麵- 湯底濃😋豬扒夠滑-呢間既手工麵係師傅自己拉👍🏻4）雲吞酸辣湯-個湯好足料，而且飲完唔會好口渴-雲吞唔會太細粒，餡料足如果再食會想試炒拉麵，見隔離枱果碟好吸引

食物品質比現時一般好，但也不致於不少食評所說的那麼優秀。小籠包有點過譽。(也許我已是花甲之年，有幾十年前的比較…）麵身絕對不成。豆沙窩餅也不合格，甚至難吃。最好的竟是雞絲粉皮。酸辣湯頗可以。整體評分…70分吧⋯⋯（寬鬆標準而言）

讀書時期成日嚟食 今日同朋友放假突然想食小籠包 特登過嚟試吓佢有冇退步/進步😛依舊叫左小籠包4隻  四川擔擔湯拉麵  手撕雞冷麵  豆漿。小籠包保持一貫水準，大大隻、皮超簿，打卡一流👍🏻。食個陣要小心佢啲汁會好熱。擔擔面同埋手撕雞都係調味都係above average，仲有佢哋啲面係自己手打 口感好好😋，我好少會介紹人去食 因為我唔想成日去到要排隊 😂 整體我覺得味道好 價錢合理 份量都足👍🏻 美中不足係係環境唔會好靚 坐得迫少少 不過小店就係咁 8/10😋

間鋪係門口玻璃窗可以見到師傅做小籠包同拉麵。証明全部手做真材實料，冇花冇假！我地2個人下午茶時間點咗一籠小籠包同一碗手打拉麵。小籠包皮又軟又薄。既叫即蒸。夾起身仲見到入邊啲湯汁。一咬落去啲汁漂晒出黎。可以先咬一個小洞，仲吹一吹等佢冇咁熱，再成隻放係口一邊。 咁食法先可以感受到個小籠包既精粹！😉手打拉麵就花生醬味軟重，未必人人鐘意。個拉麵煮咗起身冇糊到，條條分明。呢個係要手拉同新鮮冇入雪櫃先有既效果。整體黎講包點比麵食出色。 性價比都一流！

呢一間位於新蒲崗的小店每次經過都係要排長龍，其實成日都想試一試不過又真係好怕等位，今日機會黎喇飛雲早上11:30經過啱啱開門唔洗等位於是諗都唔諗就衛入去。身為一個小籠包怪，梗係要試佢嘅小籠包啦。佢嘅小籠包size比一般香港其他地方嘅大，佢嘅皮真係薄，不過就唔易穿，因為我為咗想影下面幅相搞到個小籠包跌咗落枱，再夾返上黎再影都無穿到，而且入面嘅湯好多，咬開個小籠包時真係有澎湃嘅感覺。整體味道唔錯，唔怪得成日都人山人海排長龍啦。

手拉麵依間店已經食左超過5年有多，但係最近先開始寫食評，又點會唔寫佢呢～由第一次食到超級小籠包，到5年左右嘅今日，佢嘅味道都冇變，好食程度係最高記錄試過連續3晚都去食佢環境，疫情下大家都好關心依個問題，佢空間唔大，4個4人卡位，2張圓枱，1張2人座（門口位，本身用於放外賣嘅枱），一伸手一定掂到對面枱，可以話空間好細，但係太好味，所以我地照去，最多自己再衛生dd登登登登！！！佢就係超級小籠包啦～佢d湯有兩湯匙咁多，而且味道濃郁，皮又薄，記得要對佢溫柔喔，佢d肉唔多，但係小籠包主要就係湯呀嗎～我約過好多人黎撐枱腳，每一次都要encore多一籠，依個就係佢嘅魅力啦！炸豬扒，第一次食，係好食，都夠脆，但係睇過我其他食評就知道我搵到心中嘅排骨王，所以將佢放第2啦炸雞扒，本人覺得好食過豬扒，佢味道係偏甜，一樣都係脆身，今次有小小失準，過左火，d邊位有燒焦，男朋友中意豬扒多d，因為冇咁甜配餐嘅手拉麵同生菜，生菜偏咸，拉麵一樣QQ，當然，小籠包依然最好食，冇之一雞絲粉皮，麻醬一如既往非常濃郁，但係記得要攪勻先好食

呢間「手拉麵」，並唔係食拉麵，而家食上海野，美味程度爆燈💡💡💡💡咁多年既支持真係唔講得笑👍🏻👍🏻👍🏻————————————————————————俾個餐牌大家睇下先❤️————————————————————————即刻俾大家睇下佢地最出名既小籠包🔥超！級！無！敵！好！食！🤤皮簿！多汁！熱辣辣！點埋醋同夾多少少薑絲，唔洗講野，簡直係食幾多都唔夠🥰🥰————————————————————————酸辣湯👍🏻大大碗，又足料，味道唔會太重，酸辣程度啱啱好————————————————————————豆沙鍋餅又係熱辣辣，睇相都見到啲紅豆沙好足，好好味👍🏻不過略嫌外面唔夠脆，但係都好值得食👏🏻————————————————————————最後叫多個醉雞翼，酒味重左少少，不過啲雞夠哂嫩口，瞬間就食到得返啲骨😂😂————————————————————————呢間「手拉麵」，真係值得食完翻食無限loop!價錢親民，質素極高，超級推介👍🏻👍🏻👍🏻👍🏻