所以・甜

营业中

休息中

大埔墟食完飯，想食下甜品，因為選擇不多，揀左哩間試下，最終中伏。地方淺窄，六個人坐四人枱，唔緊要。食物質素一般，叫熱糖水送到尼係凍嘅。安排混亂，人手唔夠，等得耐，一次過落單叫左六個甜品，一個食完第二個都未上，眼見外賣嘅食客都cut單走人。

同女朋友經過大明里見到一間糖水鋪就入咗去，叫咗兩份甜品味道都啱啱好，唔會特別死甜，有驚喜。值得下次再嚟。1. 榴槤窩夫 $58推介指數：份窩夫一上到嚟聞到好香榴槤味，一問店員先知份榴槤肉係用咗D24所以先咁香，誠意十足！份窩夫係脆身個種，而雪糕又係分開上，所以份窩夫唔會濕保持到好脆。2. 仙草芋圓2號 $38推介指數：份仙草算係半糖，但係另一半覺得唔太夠甜就同店員講，店員都樂意去加返甜。芋泥同紫米食得岀手工打唔係機整，因為都好香同有咬口。

🎈食物：🌕🌕🌕🌕🌕依家凍冰冰，要食番d暖笠笠既野補補佢，試左海底椰蛋白熱椰都幾好食，椰味十足，蛋白都好好食，推👍🏻👍🏻👍🏻🎈環境：🌕🌕🌕🌕🌑環境都乾淨，係有d迫，無位放袋，要揸住個袋食野🫣🎈服務：🌕🌕🌕🌕🌑佢得一個呀姨係門面，要做哂落單，抹枱，收錢，出外賣，見到佢都辛苦🫡🫡🫡🎈回購：🌕🌕🌕🌕🌕係幾好食既，所以都會再幫襯😁😁😁

首先碗野完全吾甜😵‍💫似飲水多過食緊糖水🤷🏻‍♀️🤷🏻‍♀️然而芒果肉同小丸子得幾粒仲要無乜味。完全唔理解點解可以賣到$50咁貴？？仲以為唔會太難食🤮其次好似冇員工咁，我個餐放左係出餐位成5分鐘都冇人出餐？下次冇事都係唔再幫襯

我覺得可以改名做乾糖，因為啲糖水可以一啲甜味都冇。叫左個楊枝甘露小丸子，唔係因為食左甜野所以冇味，係真係第一啖就食唔出甜味，芒果粒同小丸子既數量亦都唔多。真心覺得伏女朋友叫左個芋圓西米露+奶凍she said its fine but i still think it is below average.And totally these cost me $82. I believe i wont try this again in the future.

食完飯諗住去食個甜品，入到去得2張枱可以坐，見無咩人緊係揀張舒服少少嘅卡位咗，坐咗係到睇menu 睇咗2~3分鐘之後，有個阿嬸行埋嚟同我地講話呢張係4人枱，叫我地讓返出嚟，但當時係無人等緊位嘅，你話有人等嘅我讓出嚟無問題，講咗兩句之後我地都算，轉返出去張2人枱坐，一坐低又有個後生嘅出嚟話唔坐得，R 晒頭，唔想做我地生意一開頭就唔好比我地入啦，最後我地走人無食到，千期唔好去，會趕客架

本來只是順路經過，見到以前的牛腩店變了甜點店，還是免收加一，就忍不住來試試，然後…就逝世了。我原先點了個抹茶心太軟，不過可能太早來，他們只有芒果雪糕。這也沒甚麼，問題是一般心太軟要等10-20分鐘，我等了一半時間，他們才說只有朱古力…那我改朱古力了...然後他們7，8分鐘後就上菜了...我很難不懷疑他們是不是先斬後奏。而且那心太軟……我有些無話可說。我知道實物與照片不同……但也差太多了吧。當時計上我就不到3人，廚師不能用心一點嗎，就擺得那麼隨便，還有那心太軟簡直是不做人了。味道還可以，但就跟東方田定助的替身一樣soft & wet，我真分不出自己吃的是心太軟還是泡過水的朱古力流心蛋糕，還有那黃色的是甚麼來，他們是浸在芒果汁𥚃嗎？我不知這是因為我太早來他們沒準備好還是甚麼理由，反正我不會再來這裡吃心太軟。

【食好西】大埔開咗間新嘅糖水舖喺最近，大埔墟公園仔嗰邊，即以前清湯腩嘅位置，依家搖身一變成為一間糖水舖，大埔好耐冇開糖水舖啦，於是就去試一試呢一間糖水店，店面非常乾淨，同時地方燈光非常好，因為我自己一個人去食，所以我只好揀咗一個我自己喜歡食嘅糖水，就係…⭐️仙草芋圓2號 💰$38入面有仙草，芋圓，芋泥，紫米同椰汁，都係我鍾意食嘅嘢特別係芋泥🥰，我係一個芋頭愛好者，成碗甜品最好食就係芋泥👍🏻👍🏻而我個碗嘅仙草面有一層特別比較硬，我唔係好鍾意個仙草口感🥺成碗糖水嘅椰汁都好濃郁，但紫米個份量相當之少，希望下次佢哋可以放多少少紫米，增加紫米嘅存在感😂😂最後就係佢哋嘅芋圓，如果再重啲芋頭、番薯或紫薯味咁就更加好啦🤤🤤👍🏻👍🏻啱啱開舖係需要調整一下味道，希望下一次會更加好啦😊😊😊😊

好日都唔會入大埔，咁岩踩單車入黎，就睇下有咩糖水食下啦。大埔無糖水舖都唔係新聞，今日搵琴間有人話新開喎，咁就入去試試原諒我圖都無張，因為我第一啖已經知出事，芒果西米露有芋頭味，椰汁味淡到好似水咁，西米露無咬口，唔信嘅大可自己試試講真我好難相信西米露可以整到無味出黎比人食

大埔新開糖水舖宵夜好去處😍榴槤窩夫：⭐️⭐️⭐️⭐️⭐️榴槤雪糕唔會太甜有榴槤味窩夫香脆鬆軟加埋榴槤肉混合一起吃一級棒👍🏻芒果公主：⭐️⭐️⭐️⭐️椰皇內有布甸、芒果肉、小丸子蒜香雞翼尖：⭐️⭐️⭐️⭐️⭐️調味啱啱好唔會太辣而且煮得好林比元朗X仔更好吃😋西瓜汁：⭐️⭐️⭐️⭐️⭐️冰凍清甜解渴配雞翼尖👍🏻#環境乾淨#職員有禮晚上⏰10:xx多仍有很多客人#值得推介#下次要再試其他甜品❤️

大埔墟一直都冇一間有質素嘅甜品店，前排經過清湯腩個位搖身一變成為糖水舖。之前匆匆忙忙買外賣返去食，今日終於有機會坐低慢慢食~樓面都好光猛，好少糖水舖會有卡位坐~環境都好企理乾淨，坐得都好舒服。店員都好熱情有禮貌，令我地對舖頭印象都加左分😗兩個人叫咗兩個甜品share食~🥭楊枝甘露小丸子 $43推介指數: 成碗都好足料，芒果味都好濃郁，唔似係溝芒果雪糕打落去，亦都唔會太死甜！小丸子比較淋身少少，本身自己鍾意食有咬口啲，如果可以硬返少少咁就完美！🧇 草莓窩夫 $55推介指數: 窩夫有驚喜！本身以為係平時食開嗰種窩夫，上菜之後發現原來係牛角包窩夫！食落好酥脆，配搭埋雪糕食，好有驚喜！之前係大埔區都未見到其他舖頭有呢類型嘅窩夫，好值得推介👍🏻 不過水果類窩夫剩係得一塊，如果比較肚餓或者男士們可能就未必夠食啦~整體而言，服務態度環境同甜品質素都唔錯👍🏻雖然新開業，但係甜品種類都有好多款。除咗有傳統嘅中式糖水，亦都有比較新穎嘅西式甜品~之後大埔嘅街坊又可以多一個新嘅選擇啦~

之前清湯腩個舖位轉左手，而家變咗甜品舖，同朋友今日路過去試吓。店員話呢度出名食椰皇系列甜品，但係我今日太肚餓，坐低食咗啲小食同埋麵。有機會先再試甜品🍮。1.酸辣雞翼尖 🌕🌕🌕🌕🌑（$26）酸辣味岩岩好，食到最後啲辣味後勁凌厲😂但如果蒜香再多啲就好2.蒜香雞翼芝士撈麵（走芝士汁）$42🌕🌕🌕🌗🌑我唔係好鍾意芝士汁，太濟。所以就咁食個撈麵，味道正常。我見到師傅啲雞翼唔係翻炸㗎，新鮮粉漿炸出嚟。食落好Juice，加返小小分。3.符碌水果茶（$38）🌕🌕🌕🌕🌗臨尾加單，再嗌多咗杯嘢飲。生果分量算足料，水果茶底都好味。如果可以就嗌少甜，好味好多😆同埋都好大杯，可以兩個人分總結：$106（$53/人）推介指數：🌕🌕🌕🌕🌑