我愛伊斯坦堡

营业中

休息中

放假入咗馬灣，去咗呢間土耳其特色餐廳，餐廳之前喺深水埗，最近一個月搬咗嚟馬灣，無論食物質素、餐廳佈置，都係💯分！全部食物充滿都好有特色，完全有去左外國既感覺，重點係全部食物都好好食！！用材好新鮮，加埋特別嘅香料，正😍😍😍特別推介小麥拉絲蛋糕，超級鍾意呢一個甜品，未食過咁既配搭，好新鮮好好食，表面有啲焦糖，啲小麥拉絲食落似椰絲味，好香，最重要係啲芝士超多，好軟綿綿好有口感，甜度唔會太甜，老闆話去配合香港人口味，所以調整咗天道，如果喺土耳其食就會甜好多好多老闆娘好好人，佢話開餐廳想俾香港人逃離鬧市，享受慢活。所以除咗食嘢之外，餐廳都安排土耳其體驗工作坊，例如整土耳其馬賽燈、土耳其蠟燭、土耳其咖啡等等。我試咗咖啡體驗，喺山上面慢煮咖啡，咖啡更香，飲落果然比一般咖啡更香，伴碟配左一粒土耳其開心果味糖，一啖咖啡，一啖糖，食到陣陣開心果味道，好享受放假放鬆慢活好地方💯💯

餐廳門口仿如外國嘅小店一樣，入邊嘅佈置非常有歐陸風味，佢另一樣嘢都非常吸引我，就係佢嘅店主貓，我本身都係一個比較怕貓嘅人，但我竟然比隻貓🐱🐱🐱吸引住，佢瞓咗喺咖啡吧枱上面，非常之嘆，個樣勁似加菲貓，再加上店員同我哋講佢係任摸唔嬲，非常痴人，同完店長玩之後，就梗係坐低非常之試吓佢啲嘢食同埋咖啡啦，我地叫左佢個土耳其招牌烤雞同埋佢個廚師特色薄餅，再加一個甜品開心果酥，當然唔少得就係試吓佢個土耳其咖啡，呢度最有趣嘅地方就係可以俾你嘗試吓自己親手調教一杯土耳其咖啡出嚟，我第一次整，原來咁有趣，店員會逐步逐步教你喺熱沙上邊整咖啡，整完咖啡出嚟之後，當然唔少得要喺咖啡吧枱前面打個靚卡同埋試吓杯咖啡，果然有好香咖啡味，飲落口亦唔會太苦，同埋店員會比一粒土耳其糖你送咖啡飲，粒糖係俾你中和返咖啡嘅苦味，整完咖啡之後就食嘢，佢個土耳其招牌烤雞，非常之正，肉質鮮嫩，雞肉醃得非常入味，下邊有啲飯墊底，拎嚟送飯一流，之後佢個薄餅更加無得頂，有土耳其嘅風味，薄薄地唔會太過厚，非常好食，食完兩個主菜，再試埋佢個甜品，雪糕加開心果酥餅，嗰開心果酥餅唔會太過甜，入邊有一粒粒嘅開心果，好好食，順帶一提如果唔飲咖啡佢都有一