成都小巷米線雞煲 (和富道) (已結業)

望門面應該剛開張嘅火鍋雞煲店，原來中午會有類近車仔麵嘅四川雲南米線，當然即刻入去試試。由於古計新開鋪，所以內𥚃間隔同裝修企理乾淨，冷氣非常充足，如果夜晚食火鍋雞煲，應該合格。今次就唔係食晚飯，試過米線先。價錢方面，同老譚差唔多，不過款式相對少一點。味道方面，麻醬味比較濃，所以好唔好食就因人而異，由於個人比較喜歡重麻醬味嘅米線，對此就十分欣賞。至於辣度相對老譚就差唔多，所以落單嘅時候可以參考老譚指標。而辣味就比較香，湯底亦比較濃厚。餸菜份量方面，相對地可以話無欺場，不過對於我黎講，叫做正常足料，配菜亦新鮮，可以話成碗都可以食，而個人比較喜歡佢既秘製腩肉。至於價錢方面，連飲品每人平均50-60左右，與其他同類食店相約。