影片
电话号码
64097650
营业时间
今日营业
11:00 - 14:00
17:00 - 21:00
星期一至二
11:00 - 14:00
17:00 - 21:00
星期三
全日休息
星期四至日
11:00 - 14:00
17:00 - 21:00
以上资料只供参考，请与餐厅确认详情
一家三口入成记食中秋饭：点咗：油盐奄仔蟹清蒸红钉鱼盐焗东风螺上汤花竹虾炒饭底条红钉鱼又叫做红玫瑰，非常有惊喜，好好食肉质鲜嫩鲜味一流，清甜绝对有惊喜，我仔12岁平时唔多食鱼都食咗半条！平时出去食海鲜好少叫蒸鱼，觉得屋企食仲好啦，但老公见到条鱼咁新鲜咁生猛，就点嚟试吓，点知咁大惊喜！下次一定会再试！酒楼仲送咗免费豆腐，海鲜汤好好饮！非常满意嘅一餐！因为中秋节由九龙揸车入去，足足塞咗个半钟头车，但都系值得嘅！
继续阅读
我哋啲经常行山又钟意食好西嘅山友们，想食靓海鲜，话要去流浮山。山长水远，唔会净系搭车入嚟食，睇吓地图，附近有咩山可以行。消耗卡路里后就大拆一餐啰😉锁定邻近流浮山好冷门嘅淋坑山，搭屯马线到天水围站转轻铁，天恒站落车，过去天泽商场𠮶边，揾条路行上只有75米高嘅淋坑山，去埋旁边稍高82米嘅山（有人话叫天水围山）都系望深圳景。落山经沙江围，由流浮山道一直行出去流浮山，都系4.3公里左右，慢慢行两个钟内行完，其实消耗唔多😜到神话屋打卡后，就入去揾成记，先拣海鲜。我哋其实对海鲜冇乜知识，惟有请教店员，佢哋都好耐心回答。人少少只有三个人食，叫咗四样：1. 豉油皇海大虾——超赞！话系野生捕获，够多肉够大只，仲有虾膏😮点煮都系店员提议，豉油皇好夹，食到舔舔脷😋2. 蒜蓉粉丝蒸贵妃蚌——蒜蓉份量啱啱好，唔会太多，多会盖过蚌嘅鲜味㗎。蒸嘅火喉时间控制得宜，食到蚌嘅鲜甜；只系粉丝索味太好食，我贪心啲想加多啲粉丝啫⋯⋯😛3. 豉椒炒蛏子——本来想食炒蚬，店员提示，蚬壳较重称，蛏子壳会轻啲。真系替顾客荷包著想！亦温馨提示豉椒煮点都会辣。我哋当中有人唔食得辣，叫佢轻手啲微辣，厨师做得好好，个微辣我哋食到☺️之前𠮶两碟海鲜太出色，呢个都合格嘅，正常水准啦。4. 金蚝——最后上枱嘅一碟，好大只！厚肉juicy煎香咗边有少少脆，惊喜！唔使点砂糖都够甜。5. 送嘅芥菜豆腐鱼汤——咸咗啲，豆腐太碎。不过系免费嘅，我冇要求。1-4每人两只，一度食一度倾偈，坐收银枱嘅店员都很健谈，即使我哋系生客，都问我哋行山呀咁，我哋山友们倾开话估吓总共几钱埋单，佢又同我哋倾吓笑吓，好亲切友善☺️我哋食到中途，都有店员主动帮我哋收碟和倒清碟上嘅壳。服务态度真系要赞👍🏻埋单开估啦，共$1030三人摊分，价钱实惠。第一次嚟流浮山食海鲜，印象良好，有宾至如归嘅感觉。推介成记，下次会再帮衬👍🏻食饱行出海边影相打卡，买吓海味、蚝油，行程丰富😬
继续阅读
去到流浮山食海鲜是常识吧🤤入到去有咁多间，食边间好呢？今日去咗成记💫入去之前先拣海鲜，事头婆有好多好介绍，眼见全部海鲜都好新鲜😍即叫即整，仲用电子磅计埋价钱💰我哋叫咗海虾同埋蛏子两样最后加多个炒通菜🤤🤤豉椒炒蛏子皇配粘米饼蛏子王好味，唔会切得得好细，原汁原味！熟到啱啱好，唔会好韧，粘米饼底有少部份浸咗喺汁度，仲有一半系脆嘅😍🤤豉油王海虾每人两只海虾，份量啱啱好海虾配上蒜蓉同爆香嘅葱调味熟度都💯🥰🤤椒丝腐乳炒通菜份量味道都足够，椒丝炒得够香两样海鲜一个菜，合共：$660💰都算唔错，下次有机会再嚟食😋
继续阅读
流浮山有好多间餐厅都可以食海鲜嘅，呢一间系比较牛肉面但系性价比不错！当日叫咗蒜蓉开边虾，蒜蓉粉丝蒸扇贝，酥炸生蚝同盐焗蟹。每一样食物都系整得好好食的，店员态度都系很好！个人觉得唔一定净系食外边𠮶两间可以行入啲食呢一间🥰
继续阅读
本身以为喺流浮山呢啲游客区，海鲜应该唔会平，点知叫咗四个海鲜加一碟菜竟然系$1200左右😳真心比预期抵好多！而且每一碟海鲜都系好食嘅同埋好新鲜！特别系酥炸生蚝整得好脆，皮唔会好厚，每一只蚝都系大大只的。
继续阅读