慧食貓

营业中

休息中

呢間手抓餅我喺IG俾佢吸引咗好耐 好想試落單嘅時候同老闆講要咩餐然後佢會同你講幾耐可以拎得 咁客人就唔需要喺門口齋企老闆整完拎得嘅時候先至俾錢佢仲好信得過啲客人叫啲客人自己擺低錢同找錢就得 完全唔怕啲客人會唔俾錢走數 我諗香港你真係冇邊幾間餐館訂會係咁我叫咗個B餐 火腿雞蛋肉鬆手抓餅肉鬆真係勁多 手抓餅入面會有生菜同蕃茄加埋雞蛋真係好好食下次會想試A餐 蟹柳手抓餅😍題外話佢隔離仲有一間食芝士好出名嘅大家都一定要去試

每次一到葵廣掃街就一定要食為食貓嘅手抓餅！而我每次一定食火腿雞蛋煙肉手抓餅每份都即叫即整所以老闆會同你講要等10至15分鐘。手抓餅好酥脆，入面除咗有雞蛋煙肉同火腿之外，仲有啲配菜例如生菜同蕃茄仲有少少沙律醬夾埋一齊味道啱啱好。另外都推介蟹子吞拿魚味，入面嘅吞拿魚醬勁大份淡淡都食到蟹子同吞拿魚！

🌸葵芳美食🌸慧食貓😻手抓餅👍🏻手抓餅價錢非常親民❗️基本手抓餅：$13唔同種類既自選配料（每款）：$4-$7今次我就點左2餸手抓餅，分別係肉鬆及蟹柳🦀❗️薄餅香脆，加上配有新鮮蔬菜，感覺非常清新美味❗️份量十足，都幾飽肚👍🏻十分推介❗️❗️美味指數：⭕️⭕️⭕️⭕️⭕️賣相指數：⭕️⭕️⭕️⭕️❌抵食指數：⭕️⭕️⭕️⭕️⭕️注意⚠️：此食店設自助找續❗️各位顧客請做個誠實既寶寶❗️找續時千祈唔好貪心攞多左錢呀☺️

好日都唔嚟一次葵廣，今次嚟到，朋友帶咗我去食一間喺OpenRice好出名嘅手抓餅店😋 去到已經有唔少人喺度等，佢有好多唔同嘅配搭可以揀，可以揀佢set好哂嗰啲餐，又可以自己揀配料🤪 我哋揀咗三種配料：芝士肉鬆雞蛋！ 等咗唔使5分鐘左右就已經有！佢個雞蛋煎到水汪汪咁，一啲都唔會過老🤤 再配埋佢滿滿嘅肉鬆同溶溶地嘅芝士😍 呢個配搭真係一流👍🏻 手抓餅仲配左生菜同蕃茄，食起上嚟冇咁漏添！食完勁飽肚，咁樣加埋只需要$26，真係好抵呀！

行咗幾個圈，落返一樓見慧食貓終於開門，門口已經有唔少人喺度等外賣。咁多年個哥哥仔都係唔使用筆落單，只要照時間行埋去佢就會遞上你點嘅食物，記憶力實在驚人！火腿肉鬆蛋手抓餅 $24手抓餅配料可自選，或者有幾個已配搭好嘅選擇。手抓餅煎得香脆唔油膩，火腿、肉鬆、煎蛋加上沙律醬同生菜，充份表現出簡單就是美依個道理，食得滿足。食咗三樣飽肚食物，戰鬥力下降至零，是日掃黃行動告終，期待下次再同好友過嚟再試下啲新嘢食。

終於有機會可以去掃街啦🥳今次去左一間喺葵涌廣場入面必食嘅手抓餅😏相信有去過葵涌廣場嘅都有食過!!!因為呢間手抓餅真係好好味 即叫即整(⁎⁍̴̛ᴗ⁍̴̛⁎)熱辣辣拎上手🤤入面啲肉鬆同埋蛋份量都好多 唔會偷工減料👍🏻仲有大大片火腿 另外入面仲有生菜同埋番茄🍅入面仲會有啲沙律醬( ´▽｀)我呢就推介一定要加芝士$4 加咗芝士真係仲好味🤤✨✨✨✨塊手抓餅真係整到好酥脆(˶‾᷄ ⁻̫ ‾᷅˵)咬落去口感好正 有黎過間舖頭食過嘅都知道有時排隊真係等好耐㗎😫😫不過真係好值得等大份又足料老闆又好nice😆服務態度一流✨✨每次去台灣我都會好鍾意食手抓餅 今次我就揀咗必食推介”火腿雞蛋肉鬆手抓餅” 價錢$24 唔算太貴 以呢個份量黎講都幾抵(≧▽≦)

我朋友同我講慧食貓嘅手抓餅好出名,因為疫情好耐冇去過台灣既我 都好想食下今次我地兩個人 一個人叫左火腿雞蛋肉鬆手抓餅  另一個叫左蟹籽吞拿魚手抓餅人都幾多 所以我地落左order都等左15-20分鐘先有得拎火腿雞蛋肉鬆手抓餅=生菜、番茄、火腿、雞蛋同肉鬆蟹籽吞拿魚手抓餅=生菜、番茄、呑拿魚同蟹籽老實講呢個手抓餅既蛋餅好油 ,極之咁油,我會用TISSUE索一索佢先食,仲要用2張除左個蛋餅好油,其他材料都好新鮮好味,都好有係台北早餐店食到既味道,yummy餡料好豐富，每一啖都咬到唔同嘅餡料,好充實呀

呢間人氣手抓餅食店坐落葵芳一樓都很多年 我一直都冇食過因為太多人。放工去到7點半左右就已經冇哂其他口味試了。只可點火腿芝士蛋，由於未食飽情況下都想試吓 ，終於食到了，佢個醬汁才是靈魂，其他配料都感覺新鮮，值得一試。

【慧食貓】📍葵芳葵富路7號葵涌廣場1樓B01C號舖 ⏰ 星期一至日 13:00 - 20:30🌮 蟹籽吞拿魚手抓餅 $25無論係老闆嘅運作模式、待人態度、又或者係佢嘅手抓餅都係無得輸🥲成個新鮮熱辣出爐，手抓餅皮仲好脆薄，勁香！入面有生菜🥬、番茄🍅、爆多呑拿魚同蟹籽！因為有啲菜，起碼唔會太油膩，感覺無咁熱氣😂呑拿魚真係勁多，就算食到底都唔會無餡😳整體食完都幾滿足，又好味！(🔥怒食指數：8.5/10)

每次黎親葵芳一定去慧食貓食返個手抓餅，因為佢個手抓餅真係好好食，而且價錢仲好抵。手抓餅都有好幾款，不過我最鍾意食嘅都係B餐火腿肉鬆雞蛋手抓餅，同老公一人一個，唔使爭食。外皮煎得很酥脆，而且餡料份量亦都好多，中間仲有啲蕃茄同菜中和下，減低油膩感之餘，感覺上又冇咁熱氣。每一啖都充滿住餸，食完一個都已經好飽。而且老闆重好好人，仲勁好記性，講完食咩唔使Mark低，轉頭返來攞又記得你叫咗啲咩，真係好勁。呢一間真係好推薦，食極都唔會厭。

慧食貓嘅手抓餅一向都好出名，絕對係去葵廣一定要食嘅小食！😋🌮火腿雞蛋肉鬆手抓餅呢款手抓餅係老闆推薦，每次都見到有好多人嗌，今次試完之後覺得果然係名不虛傳！手抓餅嘅餅皮係黃金色，食落好香脆。而裡面嘅餡有好多，除咗火腿、雞蛋同肉鬆，仲有生菜同番茄，可以解膩😋成個手抓餅最正係粒蛋，有少少燶邊至於蛋黃又有少少流心，非常好味😋手抓餅大份之餘又好食，果然係葵廣必食嘅小食😍

葵涌廣場越開越多食店，但每次嚟到一定食慧食猫！一定叫🅱️餐！最好食的手抓餅店歸慧食猫莫屬！💮性價比勁高！💯手抓餅出名好食之外，呢到嘅老闆都好出名🤣成日都好佩服佢記性點解可以咁好😎，唔洗寫籌，記得哂所有客人嘅order~ 🤩找錢亦都喺客人自助式，依家已經好少呢種咁講信任的店舖。由於喺即叫即整，所以只要落咗order後，老闆就會同你講大約幾耐再返嚟拎，咁就可以趁呢段時間喺附近兜吓買埋其他小食同嘢飲~😽👍🏻🔸B. 火腿雞蛋肉鬆手抓餅 ($24)  8.5/10平時喺選擇困難症的我，嚟到一定例牌叫B餐😋，總覺得手抓餅一定要有雞蛋🍳同肉鬆👅。外皮煎得十分酥脆，夾埋豐富的餡料，中間仲有生菜🥬同蕃茄🍅中和一下，每一啖都勁滿足！😍😍老闆仲會好貼心咁俾個膠袋你拎走，提你「小心，好熱嫁！」嚟開葵廣真喺要大大力支持！💕

行過路過都唔會錯過既手抓餅專門店..每次嚟到葵涌廣場每次都食..邪惡級數去到極致😍識食一定食B餐：蛋🥚+肉鬆🥓+生菜🥬+蕃茄🍅+另加芝士🧀=🥙➡️🤤👍🏻即叫即做熱辣辣..酥脆香口嘅外皮..夾上一啲都唔孤寒嘅豐富餡料..真的真的啖啖滿足我挑剔的味蕾👅食完一個都覺得真係唔夠喉..想叫多個黎食🤫老闆服務一流；一啲都唔孤寒..自己俾錢自己找錢..仲要驚你熱比多個膠袋你拎住..多麼的幸福🥰

講左好耐今日終於食到！老板好有禮貌好熱情！5分鐘就做到一個，超快手！有幾款配好嘅餐可以揀，又有自選配搭。我就揀左原味火腿！香脆鬆軟嘅餅皮夾住新鮮爽口生菜同蕃茄，多到爆嘅醬汁同咸咸地嘅火腿好夾！下次去葵廣一定要再幫襯！絕對係可以買爆嘅小店！

雖然因為疫情葵廣好多小食店都執咗但仍然都係有好多嘢食每次去葵廣都一定會食手抓餅！.F.火腿芝士雞蛋豬柳手抓餅 $29.鋪面細細間 唔係好大 大約有一兩個員工一去到都係同老闆講要邊一款然後老細會同你講要等幾耐可以周圍行吓再返去整好就俾錢 自己找續💰.固定款式有七款但都可以自己搭配 揀自己鍾意食嘅配料今次揀咗食F餐一如既往嘅好食😋手抓餅因為即刻煎熱辣辣又好脆配料醬汁都唔會好孤寒 份量好足夠成個配搭食落好滿足 可能因為自己真係好鍾意食手抓餅😍😍每次去葵廣都心思思想食🤩