慧食貓

营业中

休息中

慧食貓葵廣掃街試一試人氣手抓餅B.火腿雞蛋肉鬆手抓餅 $26手抓餅配合啖啖的肉鬆相當香口，肉鬆稍稍偏甜，所以會帶有小小膩口的感覺。但手抓餅加了一些生菜、火腿、雞蛋等材料令整個手抓餅口感更豐富飽滿。雖然生菜的量並不多，但亦有發揮解膩既作用。店員立即製作，等待時間大約10分鐘左右吧，拎上手還熱辣辣，值得一讚總結食物本身都不錯，值得一試。店員的態度都偏惡，見到啲後生仔囡會比店員大聲對待。服務態度方面，店舖需要有待改善。

一直以來幫襯過無數次，每一次都保持水準，而家老細唔喺度即刻難食左，而家轉咗個肥肥地嘅女人，叫我10幾分鐘之後返去拎，返到去又唔記得我叫咗啲乜嘢，又以為我未落order ，如果你做唔到好似老細咁樣咁好記性，不如你mark 低佢好過啦！跟住俾我嗰份凍嘅…淋晒一啲都唔脆口…仲要係減料…又係去到死循環，初初好好食去到開分店之後質素開始下降…點搞啊，不如專心做好一間啦⋯⋯

呢間食過最好食的手抓餅(´∇｀)好耐冇去掃街 幾時先可以出去…雖然每次去都要講彩數( ᐪ꒳ᐪ )因為有時去會撞正休息/賣曬…好彩個日去到仲有開！仲好多人等緊即刻衝去買返個！呢間手抓餅係每次都要去食( ｰ̀֊ｰ́ )咬落香脆 亦都好足料叫左F 火腿雞蛋芝士豬柳手抓餅芝士食完邪惡得黎又好滿足～(˶'ᵕ'˶)甚麼減肥計劃都拋諸腦後ꉂ( °ᴗ° )雖然個陣人多 要等15分鐘左右 但食完覺得係值得等！希望下次去到會有開( ´^`° )👅味道：4/5💰性價比：4/5👀回頭率：4/5

第一次來葵芳掃街，看到這間舖人流10分多，而且大排長龍，想必一定是很受歡迎及好味。於是便走到櫃面，看到兩位女士都做得身水身汗，便點了豬柳蛋火腿手抓餅。由於是晚飯時間，很多年青人到來，等了差不多20分鐘才輪到我們，熱辣辣的手抓餅真的10分好吃，如果下次和朋友來葵芳掃街。這個是必點的。

呢間手抓餅係平靚正，但係就唔係賣服務，所以唔好諗住會好好態度😂😂因為佢地好多人排隊叫，佢哋亦都人手不足，所以無論係員工or啲客都會好燥底🔥🥹1. B餐 火腿雞蛋肉鬆手抓餅 ($26)個手抓餅好多料😍😍個皮好脆又唔會太油，個沙律醬好甜，啲蛋係仲要流心，啲肉鬆多到爆曬出嚟，好好食🤤💥評分:10/10👍🏻我去買個日超多人，total等左45分鐘🥹個員工預先叫我半個鐘後返嚟，返嚟先俾錢拎餅，而我返嚟拎餅都等咗15分鐘左右😮‍💨不過想食好西都要付出啲時間😎所以大家都要預翻時間

嚟到葵廣掃街 每一次都必食呢間嘅手抓餅🤩🤩係充滿回憶嘅味道❤️最鍾意嘅配搭一定係火腿雞蛋肉鬆！！手抓餅熱辣辣脆卜卜😚入面包滿餡料 再配埋酸酸甜甜嘅醬汁 食落口感味道都好豐富😍

香港真正嘅美食天堂🥳其實就係葵廣😍！平！🤓靚！🤩正！🥳無論系中學定大學每次食好西都係去尼到😆🌮火腿雞蛋肉鬆手抓餅我正式宣布今次嘅mvp就係慧食貓嘅手抓餅😆🤩本身以為會勁飽 🥴但係佢個外皮完全唔厚🫶🏻而且唔係落似麵粉🥹小小脆得黎又幾惹味😝😝有種令人想不停食落去嘅感覺😋而入面嘅餡料雖然係普通材料☺️但都同個餅皮好夾😍用咁底價錢就買到咁好食嘅嘢😆唔怪得咁多人排隊😗上次小編等左差唔多半粒鐘🫢所以大家記得黎食好西都要有排隊嘅心理準備啊🫡💸價錢：$26✨好味·到指數：4/5🤍🤍🤍🤍📍地址：慧食貓

黎葵廣掃街，聽人講一定要試吓，去到咁岩lunchtime時間多人都理解，但員工啲態度真係差過澳牛，未落單已經預咗俾人話左先，排乜嘢隊要乜快啲講啦，你等4個字啦，幾點叫架，找錢自己找啦無人找架etc…以上都係個店員對我前一個女仔講既野，到我嘅時候，就要醒醒目目拿拿林叫叫左個最多人揀嘅火腿雞蛋肉鬆手抓餅，$26又唔係話真係好平，因為啲餡料都係普通野，以為等20分鐘好好食，點知，都唔係熱嘅，只係暖暖地，鬆脆？🧐不過肉鬆料就真係多既，但$26買啖啖肉鬆🙄見仁見智

慧食貓旺角開咗分店，知道老細去咗坐鎮，但葵芳店嘅質素就即刻差咗了🙈講真佢啲手抓餅啲餡料都唔係咩特別嘢，醬都係茄汁沙律醬，係食佢即叫即製嘅熱辣辣同鬆脆，所以平時要等十幾分鐘先食到但係今日(一點幾)嗌完2分鐘就拎到都覺得奇怪，一食，完全唔熱😵‍💫，係室溫，叫微暖都好勉強，擺明係每樣料同餅都整定，所以個餅都開始硬，食落口樣樣材料好似分開晒，味道唔融合，好失望另外，以前老細整嘅蛋係嫩滑，今次睇圖就知係老嘅，可能手勢問題+預先整定😓🥲明白老細分唔到身，但希望員工至少keep返即製呢樣嘢，否則真係大打折扣🙈

今日老公難得收早，就特登約我去葵廣掃街🤭專程去呢間熱爆人群既手抓餅店(慧食貓)老公早到就去落定Order叫我行陣街先join佢因為實在好好好多人，要等5個字左右🤭因為係即叫即做，所以值得等待！我地叫左個 肉鬆火腿蛋手抓餅。🤩果然無令我地失望，真心 勁正勁好食！😍即場熱辣辣食，外面脆內軟，好香口除左新鮮兼足料，d汁料都好夠味架🤩$26一個，仲要大大個！好彩有個大胃老公幫手食哂🤣決定下次掃街再食多次

個日大約下午七點鐘，去到慧食貓門口姐姐同我講仲有3分鐘截止落單，咁我同朋友就極速落咗單，原來落單係勁兒戲，就咁嗌應左你就係，姐姐同我講18分鐘後嚟攞餅，咁我行完之後，18分鐘之後返到去，其實佢根本唔記得我叫左咩餅甚至唔知道我有冇落過單，因為佢係最後攞餅嘅時候先俾錢，咁去到之後就繼續等，跟住個姐姐就會問你叫左咩餅，之後就即刻整俾你，我覺得都無可厚非，因為舖頭細只能夠容納兩個人，加上要買餅嘅客實在太多，根本就消化唔到。我見到兩個姐姐已經冇停手咁係咁做，所以大家都冇崔姐姐快啲整佢個餅，我覺得只係我第一次黎唔識落單規矩。火腿肉鬆雞蛋手抓餅 $26火腿雞蛋煙肉手抓餅 $27我同朋友叫咗呢兩個手抓餅，食落去個餅皮煎得好脆，加上佢餡料都多又有沙律醬，如果廿零蚊，食到咁多料又咁好食既手抓餅，真係完全冇投訴。我覺得暫時喺香港食過最好食嘅手抓餅就係呢一間。

嚟葵廣掃街 當然一定要嚟慧食貓到食手抓餅！價錢真係好平好抵食🤑全部即叫即整 熱辣辣 脆卜卜😍最正就係火腿+肉鬆+芝士 內餡嘅份量真係俾得超級大方 再加埋甜甜地嘅沙律醬 食落真係相當之惹味🤩

從幾方面分析一下，點解佢地個手抓餅咁好食！😉 首先, 配料勝在好多款俾你揀, 標準野有: 雞蛋、煙肉、火腿、芝士、肉鬆等等; 特別野: 漢堡扒、生菜、蟹柳. 🤓 然後, 佢個餅煎得外皮好脆, 內里就淋淋地, 口感非常之好, 而且好大塊, 以致佢可以包到好多配料入去.🫡 我地揀左一款”火腿雞蛋芝士豬柳手抓餅加肉鬆”, 好食到痴左線！🤭佢要煎既配料，都煎到熱辣辣，令芝士可以溶溶地🫠；配料質素正常，特別正既係佢有漢堡扒同埋放左勁多肉鬆; 加上, 佢放左生菜🥬, 可以令咸既配料入面, 俾到少少水份同埋淡味既食材, 令到每淡都唔會太咸太膩. 😼

#慧食貓 #sorriso_葵青區-慧食貓呢間手抓餅，相信有去開葵廣嘅都唔陌生，一直都係平靚正、足料，好多人買，個老闆長期都勁忙整緊餅、會同客傾計，之前仲貼張poster叫人「真係想食先好買，唔好哂無謂錢」，落完order之後叫人行住街先10分鐘後再返嚟比錢攞餅，有客話你唔驚我唔返嚟咩？佢居然答咁我都冇辦法，返嚟攞餅啲錢放哂喺枱面叫客自己找錢😯，佢又真係認得客個樣同埋叫左啲咩先勁，咁好記性手抓餅最好預返早少少嚟，因為賣哂就冇，之前見過好多手抓餅都係逐樣材料計，一樣材料都起碼$30起🥙【A蟹柳手抓餅】 $23 (8.6/10)有蕃茄、生菜、沙律醬、蟹柳，蟹柳佢都真係比得幾多，我攞到返屋企生菜都仲做到爽脆嘅口感😙，啖啖都食餡，勁足料、夠哂fresh🥙【B火腿雞蛋肉鬆手抓餅】 $26 (9.3/10)有生菜、蕃茄、火腿、煎蛋、沙律醬，仲有大量肉鬆，我勁鍾意佢啲肉鬆，成個手抓餅食落唔油，食完仲好想食😋😋🥙【G火腿雞蛋煙肉手抓餅】 $27 (9.1/10)有蕃茄、生菜、火腿、煎蛋、沙律醬、大大塊煙肉，呢個就勁多料，鍾意煙肉嘅朋友一定係揀呢個#sorriso_葵芳 #sorriso_新界-📍【慧食

嚟葵廣掃街 如果冇食過呢一間手抓餅 真係唔好意思同人哋講嚟過🤣手抓餅全部都即叫即整 食落暖笠笠 仲超級酥脆！每次都揀火腿、雞蛋、肉鬆餡 超多餡 再配埋生菜同蕃茄 簡單得嚟 已經十分好食😋