慢理牆城

营业中

休息中

其實我遲左少少，但仲要等先有位，但STAFF不時好禮貌咁仲要等，令我好暖心，全程都好舒適，環境好靚，好好的地方原先睇話只可以坐個半小時，但最後都可以比我地坐好耐先走，又唔會催催要走

特色小店，用很多動物毛公仔做裝飾，店內裝修以大自然為主題，打咭愛好者必喜。店內約8~10張枱，先訂較穩妥。今回初六來3人午餐，哈，多種食材缺乏or售罄，最後叫左1) 羽衣甘籃牛油果沙律配黑醋汁$108: 沒有羽衣甘藍比其它沙律菜代替。菜，很多，正常味道，沒特別。2) 慢落豬$288👍: 即係慢煮西班牙黑毛豬3串，個汁甜甜酸酸，好惹味，除左有2嚿帶跟，難咬，整體肉質頗佳。配上地瓜條，比薯條吸引啊。食到停唔到口。3) 牛油果忌廉蟹肉意大利飯$198👍: 大大球蟹肉置頂，一層牛油果花，擺盤賣相吸晴，飯軟硬適中，味道也很滑。4) 陪你去看流星雨$128: 佢哋啲甜品名一啲都睇唔明，經服務員解說之後，哩個其實係朱古力慕士蛋糕，擺盤啲星星和珍珠，甜和硬，不吃也罷。蛋糕亦是一般。飲品叫左凍培茶拿鐵$56和熱情果芒果沙冰$72。沙冰非常大杯，而且用料十足，含大量果肉，非常清甜好味。午餐時段，做一輪，見冇返枱，所以我們坐著吹水，3個半鐘🤣。見餐牌寫每人最低消費$100及限時個半鐘啊。服務員不停為你添水 一 加左紫色的蝶豆花清水(免費)。整體食物質素頗佳😋，份量足，可惜價錢唔平🤑，選擇亦唔多。厠所，頗有改

🧧放假嘅年初四😬今日去咗一間想去咗好耐嘅打卡📸人氣餐廳，係位於砵蘭街油麻地M1酒店一樓嘅《慢理牆城》嘅一間森林系🌲cafe，中午12:00開業已經有幾台客喺度排隊等位啦！我係第一台✌🏻，等多🔟分鐘就開門啦！呢度座位唔太多大概有10張枱，如果想來食記得要book位啊😜餐廳內裝修得像森林🌳，主要有許多木系嘅裝飾，掛滿綠色嘅仿植物🍀，還有很多卡通動物🐼🐻🐰造型的公仔任客人們影相，非常多打卡位📸，有童話feel呀🥰客人可以自己選擇喜歡的座位，餐廳侍應會為每位客人奉上紫色💜的蝶豆花檸檬水🍋，還細心介紹餐牌📖上的食物：侍應禮貌地不停為客人們添水及更換碟子，招呼周到👍🏻🌿🌿🌿🌿🌿🌿🌿🌿🌿🌿🌿🌿🌿🌿🌿🌿💚明太子蟹肉🦀扁意粉🍝粉紅色嘅意粉相當吸睛🤩，成個雪糕波咁大嘅蟹肉，再加多一大球蟹籽，下層係一塊塊嘅芝士片，及明太子醬扁意粉，層次口感非常豐富💚牆城豪華All Day Breakfast 🍽芝士吞拿魚釀大啡菇、丹麥多士、可以配上煙肉炒蛋一齊食、德國豬肉腸夠惹味、煙三文魚、沙律菜、吹薯餅、茄汁焗豆、焗蕃茄…分量超多食唔晒🤪💚在森林和原野🍨好得意嘅打卡甜品，名副其實係一個森林和原野，中間扮樹嘅係咖啡雪糕加朱

-去過N次既油麻地森林餐廳😍入座後 店員會俾杯碟豆花檸檬水你 岩哂打卡📸餐廳每一位店員都好nice 好有禮貌👍🏼而Menu上全部菜式都好吸引選擇困難症既朋友 真系要前諗吓食啲咩好🤪.💥小食拼盤(細)(美式甜辣香脆雞翼、德國腸、脆炸薯條、甜番薯角、馬蘇里拉芝士條、三角流心芝士)👩🏻‍💼店員有同我哋表明要等15-20分鐘 因為所有單都係即叫即炸大人同小朋友都一定唔會抗拒 熱氣都要食❗️薯條 雞翼 全部炸物都熱辣辣 脆卜卜🤤雖然係即炸 但係又唔會太油膩👍🏻💥慢落豬(慢煮西班牙冰花酸梅黑毛豬串燒配甜番薯角)三大串嘅黑毛豬肉 每一粒都超厚肉好大粒完全一啲都唔會鞋口 仲好腍又保持到肉汁😍🍢中間再配上紅椒黃椒食落就會比較冇咁油膩配搭甜番薯條 份量超多 黑醋沙律🥬可以中和一下油膩感💥牛油果忌廉蟹肉扁意粉賣相好吸引 📸又系好岩打卡將蟹肉搓成一個圓球 超大一球😮加埋牛肉果花🥑再撈埋底下忌廉扁意粉 🍝意粉軟硬適中 仲充滿奶油香味添

有提早預約，提早到都可以先入座，用餐時間個半鐘，由預約時間開始計。坐低就有杯靓靓蝶豆花檸檬水。睇個menu，無咩特別，價錢偏貴唔知點嗌嘢食。最後睇openrice點評，試左最高分的明太子意粉🍝同fake beer，外加一杯牛油果🥑香蕉🍌菠菜奶昔。明太子蟹肉一份：味道偏鹹，但係蟹肉用料十足，粉就偏少。雀仔胃的話兩人食啱啱好。fake beer：蘋果汁味濃，飲唔出除左蘋果之外有咩料。但係影相唔錯。牛油果奶昔：用料十足，雖然70幾但係都係落足料的。大部分職員都好細心，只要杯水唔夠滿就會過黎添水，呢個唔錯👍我地三個人，點呢三樣嘢肯定過到最低消費（最低消費人頭計100/人），但係個職員在即將夠個半鐘時候居然走黎同我地講「呢度最低消費，是否需要再落order」。我愕然，我話我地兩杯嘢飲（一個80+，一個70+），加埋意粉178，再加一，點會唔夠300？心諗個職員係唔係新黎，對自家的定價不太了解。總結就係：1. 呢間鋪頭行嘅係打卡路線；2. 因為有用餐時間限制，如果想同朋友吹水就唔建議黎；3. 幾錢偏貴，呢個價格有更多選擇。4. 呢間無有酒精的飲品，如果想chill下就要轉場。

臨急臨忙喺油麻地要搵一間餐廳坐得舒服，無意中搵到呢間餐廳，入到去佢俾咗間私人房我哋坐，首先餐具環境新淨、服務員擺餐具嘅時候都特別細心，樣樣嘢整齊乾淨，送來個杯水係蝶豆花檸檬，一啲都唔係求其，我哋嗌咗四樣嘢食四杯嘢飲，最好味嘅係嗰個慢煮黑毛豬傳銷，肉質香甜，而且亂畫味厚，個個牙尖嘴利嘅女人都讚不絕口，其餘嘅無花果沙律，用新鮮無花果同埋無花果乾互相配搭、燒春雞、正常嘅好食，不過伴碟嘅甜薯薯條就真係讚不絕口，同埋菠菜大蝦意大利粉都係中上作品。

食品：1.牛油果水牛城芝士蕃茄波波沙律配柚子黑醋汁 2.白酒忌廉煮青口 3.明太子蟹肉意粉 4.巴斯克夢遊花景結論：食物優質，不過較重味份量適中，賣相精緻，睇得出廚師好有心思。我之前已經食過幾次，仍保持水準，一定會再光臨。人數：2女 (超飽）服務：服務員非常有禮環境：面積較細，去幾次都差唔多full house用餐時間：90分鐘（過咗時間都無催促我們）地點：方便（油麻地地鐵站步行約5分鐘），留意會路經棺材舖。*我見有客人生日，佢哋送咗頂皇冠比個壽星女🥰

Wall is Eat 慢理牆城🍽 油麻地砵蘭街28號M1酒店1樓☎️ 2710 6633🕰 1200-2200星期一至日➖➖➖➖➖➖➖➖➖➖➖➖➖🍽粒粒香蕉朱古力奶昔 $72 ❤️ 3.7/5唔會太甜，香蕉味比朱古力味更加突出，奶味一般，奶昔較為幼滑🍽紅蘋果青蘋果乳酪沙冰 $72 ❤️4/5 感覺上真係好似食緊蘋果肉，好清甜好fresh，份量有誠意，但乳酪味唔係太重，再落多啲會更好🍽 黑松露芝士焗墨西哥辣椒薯條 $108 ❤️5/5❤️極推介 從來未試過見過咁有誠意嘅黑松露薯條，就嚟落晒成樽黑松露醬落去，再加上芝士嘅結合，簡直係完美！薯條仲要用錫紙包住，保持薯條嘅溫度，好細心！🍽明太子蟹肉意粉 $178 ❤️3.5/5 蟹肉同埋蟹子一啲都唔孤寒，好似雪糕球咁放咗喺意粉上面，意粉都掛汁，但整體上蟹肉味比起明太子既味較為突出🍽墨西哥香辣海鮮意粉 $198 🖤2/5 有兩隻青口同一隻大蝦， 普通蕃茄汁， 吾太岀色😩有啲失望提提大家用訂座app會再有折扣優惠😘

慢理牆城 WALL IS EAT油麻地砵蘭街28號M1酒店1樓今晚walk-in來到呢間位於廟街附近M1酒店一樓既cafe食晚飯，好彩咁岩有一張台，不用等位。小插曲：叫完野食後，店員攞咗兩杯水比我地，隔咗一陣想飲水既時候，見到其中一杯有成兩個唇印係杯邊，雖然店員即時換返杯水俾我哋，但我哋全餐都唔敢飲水……店內裝飾好岩打卡：青口，份量不多，白汁味道：辣海鮮意粉，唔太辣，味道正常：到甜品了！「在森林和原野」好靚呀！綠茶味曲奇餅碎配上creamy mousse質感既cake好味！埋單$488，食物唔算出色，性價比低；呢個價錢可以有更好嘅選擇，試一次夠了😅

餐廳面積唔算大但枱同枱之間都唔會好近，無壓迫感。成餐飯唔會聽到隔離講啲乜，好有自己嘅空間好舒適。但用餐限時1.5小時，如果要同朋友有好多水吹就要轉場職員服務態度非常好，好積極由座位、到服務質素都羽衣甘藍牛油果沙律配黑醋汁～沙律菜好新鮮，不過成碟菜配黑醋汁，食落感覺有啲dry尋日的羔羊（香煎法式澳洲法式小羊架配脆薯條）雖然order左全熟，但羊架都無柴皮薯條酥脆用來做配菜嘅沙律菜一樣都係咁新鮮墨西哥香辣海鮮扁意粉～雖然係香辣，但其實唔辣意粉好彈牙，煮得剛剛好海鮮質素正常上：come 芒，占士（三層芒果牛奶）下：帽事嘅，傻豬！（薄荷焦糖朱古力）呢兩杯野玩得又飲得，但唔算好好飲，打咭成份居多職員會教點處理杯野：用匙「不」走一匙泡泡/用飲管篤個窿，倒啲芒果汁/朱古力落啲泡泡度，啲泡泡會升高。倒完晒就將側邊嘅棉花糖放喺泡泡上面—>打咭—>仼務完成芒果牛奶～芒果味唔夠濃薄荷焦糖朱古力～呢杯較芒果牛奶好飲，但係如果比我重新揀過，我會揀其他野飲

環境用心裝飾 店內位置不多 要提早預約 所有店員好禮貌本身book2點 1點半早到左 咁岩有人no show就安排左我地提早入座 今次被安排坐vip房 係與世隔絕既房仔 大約可坐8至10人店員話假如我地入座就不會再安排其他人入vip房搭枱 好貼心同我地suggest多人揀既座位店內的水是蝶豆花檸檬水焙茶latte☕️焙茶控必試 偏甜 好濃焙茶味 有拉花 薄荷檸檬梳打水芝士黑松露焗薯條🧀🍟芝士焗到外表香脆 上面舖滿超厚芝士超厚黑松露醬仲有種酸酸地辣辣地既椒好大份好好食明太子蟹肉扁意粉🦀🍝擺盤有驚喜 意粉上面一個蟹肉波 再上面一個蟹籽波意粉醬汁好creamy 足味好食黑松露野菌扁意粉🍄🍝黑松露意粉都唔錯 正常水準 一樣好creamy 兩個人食 最尾一整碟意粉食唔落 total $600+會再想encore既餐廳

📍#油麻地 #慢理牆城 #羊羊在油麻地#羊羊在九龍之前咁啱係cafe關注群睇到，啲人話環境又靚，食物又正，就吸引我去試下佢係咪真係咁好😆呢間真係打破咗所有cafe都係難食普通嘅定律，係真心真意又靚又好食🤤門口已經好似一個森林咁，係見到好多木係到，仲有啲動物放係門口🐑入到去仲靚，有一面草牆仲有更多動物，仲會坐係到陪你食飯😙加埋有自然光透入嚟，真係好似置身森林🌳🥂白酒忌廉煮藍青口 $98本身諗住青口應該普通料，但係個汁係佢哋自己調，好creamy，但係唔膩😯原先想叫個包點個sauce食，點知佢好快咁收咗🥺🐖慢落豬(慢煮西班牙冰花酸梅黑毛豬串燒配蕃薯條) $268唔知點解個名咁奇怪，但真係好好食，同埋真大份，有成三大條串燒🍗肉係唔柴，切開仲有汁真係驚喜🤩加上出面少醜蕃薯條，真心覺得好特別又正🥹🦀明太子蟹肉扁意粉 $178舖頭招牌菜式之一，仲有另一個牛油果蟹肉risotto都出名😏👍真係成個蟹肉波放係面，仲有海量飛魚籽放係頂，視覺效果已經震撼😨仲要蟹肉波真係純蟹肉，實心的😧超足料又好味，同其他一樣難分秋色🫣🥛棗,姨媽駛乜路(自家製紅棗酸奶) $72同樣係招牌飲品，勁大杯，酸奶好足🤭見到紅棗肉，

之前食過一次 一直念念不忘🥰喺油麻地M1 Hotel入面嘅慢理牆城 係一間以熱帶雨林為主題嘅Cafe 店內以木系裝修為主 仲有好多綠色植物同埋動物公仔佈置 令人感覺好舒服好relax☘️食品選擇都幾多 而且價錢唔貴✨最令我欣賞嘅係店員嘅服務質素實在係好好好好好好好一坐低就會送上一杯藍色嘅蝶豆花檸檬水💧▪️白酒忌廉煮藍青口藍青口雖然唔大隻但份量十足🦪忌廉汁超creamy勁好味 同青口勁夾 汁入面仲有三色椒絲同洋蔥🧅令平時唔鍾意食椒嘅我都食唔停口▫️明太子蟹肉扁意粉蟹籽/蟹肉/芝士一層層疊高 放喺扁意粉上面 明太子醬同意粉混合呈粉紅色 整個賣相超靚😍味道亦唔錯 鮮味十足 口感層次豐富▪️牆城豪華早餐好鍾意呢度嘅大啡菇 夠juicy🍄中間有層薄薄嘅吞拿魚 同芝士配埋 鹹香十足🤤丹麥多士幾酥脆 可以加埋炒滑蛋同煙肉一齊食🥓德國豬肉腸幾惹味 整體都好豐富 當然唔少得早餐絕配沙律菜/煙三文魚/脆薯餅/蕃茄同茄汁焗豆🍴飲品就叫咗紅蘋果青蘋果乳酪沙冰同Hot Latte☕️另外仲有果汁/梳打/果茶可以選擇

已經唔係第一次食，每次食完都會覺得好正👍唔單止環境好，食物質素都保持一定水準特別係呢個唔記得左叫咩名既串燒，真係超級好食！！每次黎到都一定會叫佢地既意粉都好好食，不過唔記得左影相

📍慢理牆城 (油麻地)🔍油麻地砵蘭街28號M1酒店1樓-----油麻地一向不如旺角人流多，但呢間熱帶雨林風嘅餐廳就比起旺角好多餐廳人氣更為旺盛。為咗避開Peak Time，週末11點幾12點就黎walk in，大概1點左右已是全場滿座。✨牛油果忌廉蟹肉扁意粉（$188）先不說味道，顏值望落就係賞心悅目，波波狀嘅大球蟹肉加上軟滑牛油果層🥑，配搭軟硬度及醬汁份量都恰到好處嘅條條彈牙意粉，高質。✨牆城豪華早餐 （$168）好多地方都有 All day breakfast，但係做得用心嘅就真係唔多。呢度嘅All day breakfast用料明顯地比好多地方上乘，大啡菇用上芝士加吞拿魚焗製，本來唔中意食煙三文魚嘅我，都比佢地毫無腥味嘅玫瑰花狀煙三文魚吸引。德國豬肉腸濕潤多汁，滿滿肉脂香。煙肉大塊份量多，加上濃厚牛油炒滑蛋、蕃茄、香脆薯餅、茄汁焗豆，同埋邊酥內軟嘅香甜丹麥多士，再搭配上一杯清香伯爵茶拿鐵，樣樣都做到令味蕾感到滿足。-----👶🏻B仔整體評價：7.9/10個👍🏻👶🏻B仔抵食程度：7.5/10個👍🏻👶🏻B仔服務評分：8/10個👍🏻👶🏻B仔環境評分：8/10個👍🏻 👶🏻B仔味道評分：8