愛爾蘭瘋薯 (已結業)

與朱老闆出城, 還要過小海, 眼見OR近月薯氣急升的瘋薯加上好薯朱老闆, 當然一齊瘋一下!原以為條龍不是太長, 應該很快可以一會瘋薯, 原來買票後還要等號碼, 等了十多分鐘我們點了芝士肉醬味到手了, 當試第一口起初覺得不錯肉醬香味十分吸引,芝士味也可以! 再繼續時候薯條並不香脆, 薯味亦不太足夠, 亦相當淋身. 因為薯條炸起時沒有透透氣便放入杯中, 而熱力產生了水蒸汽使薯條淋了, 同時水蒸汽與芝士肉醬更會相遇杯底, 未吃到底時已經放棄.三十多元但質數一般既薯條, 再加上一定既人龍, 沒有太多意欲再試!!吃滿意既芝士薯條都是到outback吧!不過喜歡此店既朋友注意, 此店已在旺角家樂對面開分店, 相信可以滿足九龍粉絲們!

放學跟友人到銅鑼灣逛逛看見面前有一間很熟悉的小食店抬頭看一看 原來在openrice食評看過的愛爾蘭瘋薯價錢有點貴 但為了嘗試新東西便和友人一起湊錢買一杯招牌芝士來吃賣相很好看 熱騰騰的芝士在長長的著條上 令人看到以經食指大動用附送的膠叉 取一條來吃芝士味很讚 一試難忘跟友人整杯吃完後已經飽飽的 很滿足本來$25-$30一杯的薯條 的確不是太值得但加$5可以免費續飲 是一個不錯的服務服務員的態度沒有什麼特別.曾試菜色:招牌芝士.蜂蜜芥辣好味指數-招牌芝士:8/10 蜂蜜芥辣:6/10

努力工作完畢當然要好好慰勞下自己啦~第一站, 先黎瘋薯去到竟然沒有芝士沒有sour cream!!oh no!!!!!最想試gei 2隻味都無!噢勞!!!!最後唯有選蜜糖芥末啦....等左5mins 左右就有得食啦!!脆卜卜gei 薯條好厚, 好有咬感~蜜糖芥末醬酸酸甜甜的好好味!!而且醬很多!!可以食哂成盒都仲有剩~正!好彩有朋友仔一齊分擔下~一個人食哂一盒真的會肥死加飽死的~~

今日好開心... 又好唔開心...開心係因為終於可以試到 愛爾蘭瘋薯 LA~唔開心o既係... 招牌芝士 同 招牌酸忌廉 兩隻汁都無晒lei~最後叩o左個 蜜糖芥辣 汁試薯條即叩即炸, 雖然要等, 但好脆, 好熱, 正!!個汁酸&甜味較重, 辣味欠奉, 但都OK~$25, 一大杯, 都幾抵!!下次要再試~ 招牌酸忌廉汁!!

途經這間新的小食店, 被香味吸引XD薯條有芝士、 酸忌廉、 蜜糖芥辣、肉醬四種口味選擇選擇了酸忌廉, 一試難忘酸忌廉酸甜適中, 薯條香脆可口,正正正!!!!!一定會一試再試, 不會怕要排隊, 只要是美食,哈哈哈

行過銅鑼灣, 無端端見到對面馬路有呢間o野..... 記起 Openrice o既介紹.... 即跑去試~~雖然食o左晚飯, 都飽飽地... 不過兩個人 share 一杯薯條, 都 OK la~~試o左... 酸忌廉 + 招牌芝士....薯條 ($33) : 好味呵~~~ 薯條剛整起, 熱辣辣.... 再淋上凍凍地o既酸忌廉~~ 外冷內熱, 真係好滋味~~ 而且都唔算細杯, 兩個人當宵夜食, 都 OK~~下次可再試!!!! 特別係酸忌廉~~~

相信香港很多人如我一般是薯條癡, 但是不想吃來吃去都是老麥, 去美式餐廳又不可能只吃一客薯條, 點搞呢? 呢個時候出現左這家咁偉大的連鎖店, 哈利路亞!一杯三十多元的薯條, 份量也不少的, 最適合是一同分享。 薯條有薯味, 夠脆, 加埋果d咁惹味的toppings, 哪有不好吃的道理! 我吃過的是芝士流滿瀉, 想搵條冇芝士的都難的! 真係好感動!所以, 以後要吃的話, 我要一人獨享!!!

前日去食...人好多，要排隊好正常，等左15分鐘到啦一睇，份量少，唔打緊啦試下好唔好食先，d 著條一半熱一半唔熱，面頭都炸得ok下面果半直情淋哂，好難頂同我係荷蘭食同類似的野差好遠，人地真係又香又條條都咁平均。d汁又多( 1X種 )所以我唔會再食啦。大家試一下，了左個心事就算吧啦~

我地見咁多人食, 就8掛去試下啦 叫左酸忌廉味~其實個醬我地覺得好普通....不過d薯條炸得好脆卜卜, 熱辣辣 同outback個芝士薯條差唔多, 不比outack做得好我地試過就算了 應該唔會再食~

9月27日離開銅鑼灣鬧市前欲以瘋薯作結，硬把隊友拉到此店。不遠處已見有廿多人在店外等候，立即下單點了"酸忌廉炸薯條"，加$5配unlimited refill飲品。等候時間約20分鐘，一大堆人令本已狹窄的道路更為阻塞，真不好意思！即炸起熱辣辣的薯條厚而味重(小心燙喉！)，外脆內軟，一點油膩的感覺都沒有，口感還比麥叔叔的好多了醬汁方面，香草酸忌廉醬清新不膩，與薯條很配合吃完飽肚但不覺滯，添了三次雀檸，抵番晒！下次試芥末蜜糖味～

早幾天經過謝斐道時，眼見某招牌的兩字眼 "瘋薯" 所吸引，於是又八卦又為食的心情下，探個究竟！．．．原來係售賣美式小食的小食店，主打就是"薯"，於是ｏｒｄｅｒ個酸忌廉炸薯條；薯條的質素好過大階Ｍ，即叫即炸唔過氣，薯條較粗，再加上"一陀"如糊狀酸忌廉；若天氣是悶熱點的話，我想我未必有耐性食過五口薯條．．總括來說，不算很特出，只是為薯條的口味帶來新鮮感！～

早幾日同朋友行過呢間舖友，見到有人係門口等緊，吸引咗我哋一試.. 朋友唔食芝士，所以要了芥末蜜糖味的薯條開頭見到小小的舖入面有2部微波爐，心諗d 薯條唔係番叮呀? 原來係要黎叮融d 芝士.. 等咗10分鐘左右(注意: 門口通道好窄，小心路人) 有得食啦~ 一試不錯，芥末同蜜糖好夾，芥末唔會太嗆鼻，而d薯仔好熱，相信真係即時炸的，不過食到底個d，朋友話覺得咸咗d~ 我鐘意濃味，所以都覺得好味~一客芥末蜜糖味薯條 $25

就是因為太多好評，結果被吸引而來個人喜好是芝士，但最後都是叫酸忌廉就算因為貪其討論度比芝士高而且價錢亦是最便宜(酸忌廉$25，但加芝士就$33，多成$8，緊唔制!)加多5蚊可以有一杯可樂，可任添飲，但我冇用到呢個權利.....一杯計5蚊的可樂size比7仔自由"針"細，但懶得再行去7仔買就是但啦酸忌廉作醬料我只認為OK~我認為好似冇咩味我嫌酸度不足，只有少量的香草味如果酸返少少有d味會好好多~反而薯條著實吸引，剛剛炸起，脆卜卜，而且厚而脆~薯仔味重同麥記的薯條差太遠了!!!只論薯條很值得推介份量來說，女仔黎講幾乎可以當一個餐我食到一半多少少已經飽，要honey幫我執手尾如果當街頭小食的，2個人share就差唔多啦!!價錢方面小食價黎說算貴，有d貴到去30幾近40蚊都有

我成日都行經銅鑼灣，之前見到呢間愛爾蘭瘋薯 裝修緊已經好期待，唔知會唔會似當日我係歐洲時食既咁正!!!!過左兩星期終於見佢開左張，但....勁多人......但男朋友極度想試既關係....我地都order左個招牌肉醬既薯條~男朋友落單時問左個staff，個肉醬會唔會辣既...佢話唔辣的~等左大概6-7分鐘~終於等到了~但點知.....男朋友一試，話好辣.....食左幾條已經開始出晒汗....無錯，我男朋友係一點辣都受唔到的........唉........至於我既comment係...just so so 啦~唔係好好食....又唔講得上難食....就係無乜特別囉~個肉醬既味就係似係超巿買到既Dxxxxx牌子既意粉醬咁~但的確又無當日係歐洲時食既咁正!不過又可能因為天氣熱啦，周街仲要食d咁熱既野，點都會扣d分~或者等到冬天時，我會再幫襯多次~

愛爾蘭瘋薯, 近日常駐開飯十大, 是日和她路過銅鑼灣, 特意光顧, 看看是否名實相乎到達店面, 光猛的招牌, 和門外排到捌彎的人龍, 必定是美食方能吸引雲來食客人龍十多人, 付款後又要多等5 - 10分鐘, 薯條是即叫即炸, 所以必定新鮮滾熱辣的吧我們點了個是日精選套餐, 青瓜沙律醬汁配汽水, 23元, 等了十分鐘左右, 服務員叫號碼我們取瘋薯大大的一碗, 薯條面上淋滿醬汁, 還細心地配上兩枝膠叉吃下去, 薯條香口得不得了, 配上醬汁, 惹別別致, 難怪能吸引來自四方的食客; 我們要的青瓜沙律醬汁, 趁上薯香, 吃後更是食指大動, 不難想像配上其他更香口的醬汁更是惹味不過, 我還是懷疑這股瘋薯風能維持多久? 半年? 一年? 小食熱潮大多難以持久, 大扺隨著時間流逝, 此風不再時該是瘋薯在香港消失之時, 始終二十多三十元以小食來說是過貴了下次路過銅鑼灣, 若瘋薯人龍不多, 我們應該還會再次光顧是次消費: $23