愛民茶餐廳

营业中

休息中

人人都話愛民蛋撻正, 但係我有次去試,發覺有陣油既"益"味,菠蘿包仲好呀計我話

20050612 3pm到另一朋友M先生家訪順手陪佢食住o野等女朋友.本來食完魚一丁都幾鬼飽, 不過一場o黎到都係咁意叫o的o野食, 要o左個蛋撻同埋熱奶茶, 茶就一般, 但係蛋撻就幾得! 熱辣辣皮夠鬆化, 又唔太甜. 除o左個蛋漿個形態唔夠實之外都好得下. (睇完comment 先知原來o的撻係佢地自家製, 我仲以為係來貨添!)朋友就食扒餐($20), 有雞扒+牛油方包+煎雙蛋. 睇個樣都好似幾好味.食到咁上下, 朋友既女朋友就黎到, 打個招呼say 個hi, 而同一時間我到夠鐘閃, 搭車絕塵而去了.埋單唔知幾錢, 我果份就$12.5!

朋友買給我的。吃時,微暖。好重手證明多餡。汁0既份量剛好,而且食完唔會好溜。叉燒半肥瘦,好好食,一粒粒分明。比出面果d x燒飽好好多!!!環境/乾淨:unknown听我個frd講老闆娘好健談+記性佢會記住d客仔買乜飽。我想呢重服務態度都真係唔錯。有幾多茶餐廳做到?

之前佢地裝修, 開番後麵包改左自助形式多左好多選擇, 有我最鍾意食既唐餅同英式鬆餅媽咪話麵包軟熟左好多, 好味喎~價錢有唔貴, 菠蘿包都係$2喳佢地既酥皮蛋撻亦好掂, 新鮮熱騰騰鬆化~

茶走正，掛晒杯，麵包亦很軟熟，好多人幫襯，蛋撻蝴蝶酥都好，脆脆地，唔太甜膩。麵包有種特別味道，用手摸一摸會有點油，未知是否加入了豬油？夜晚去到無set dinner 叫，散叫又唔太化算，所以晚市好靜。

The best time to visit the Bakery of Oi Man Restaurant is 3:00 - 4:00 p.m. Because that's the time they have the most 熱辣辣fresh baked bread out.I bought 3 egg tarts, one 菠蘿包, and a hot dog for tea with my mom and bro.And as always, they all taste rili nice!!!!To be honest, I think their egg tart is even better than Kowloon City's.Apart from the egg tarts, you guys should also try the 菠蘿包, becos the bread is rili soft, with crispy paste, *plus* it's not too sweet.**By th way, whe you go to buy the

9/OCT/04 途經愛民村, 好隨意就揀左呢間餐廳(唔知原來蛋撻咁出名, 下次有機會一定要試下) 兩個人叫左個午餐-雪菜肉絲湯意+腸仔炒蛋牛油餐包+野飲; 午市飯-蕃茄豬扒飯。豬扒飯大件夾抵食，熱辣辣即整, 同街外一般整定攤凍個D午餐完全冇得比啦~ 仲要伙計落單個陣, 問埋你豬扒斬唔斬件上個下先令人感動嘛~ 不過豬扒就太重"梳打粉味" 兩個人都食唔晒以上個兩個餐，十分之抵食。撞正個日係跑馬日，全店伙計都係度睇住個電視睇馬，但係服務都唔算太差；環境係舊式茶餐廳feel，不過都算乾淨，仲有電話借俾人打添~ 好懷舊啦~

又係由細食到大﹐愛民D方飽真係有陣獨特的香味﹐可能同D面粉有關。除左蛋撻外﹐我最欣賞係熱狗﹐好似$7-$8隻。飽係用甜豬仔﹐中間切開﹐烘到微脆﹐塗牛油﹐夾一條香腸﹐兩片酸瓜(pickle)﹐兩片番茄﹐再加沙律醬﹐熱辣辣﹐酸味味﹐一流﹗﹗食一隻加杯奶茶﹐tea time 最佳選擇

呢度最出名就係蛋撻, 一定要試. 而近一兩年經濟唔好, 已經減到大約蚊左右.ps. 愛民村呢啲唔係和諧式, 係I型同埋雙塔式.

估唔到這間普通茶餐廳, 都有這麼多人欣賞.佢d包都可以架, 有一種特別的香味, 係美心同Backenheim冇的, 港式麵包的獨特味道??蛋塔是酥皮的, $2.5一個, 我就唔太喜歡酥皮蛋塔, 但我老爸話算係好吃的一類.

搬o左後都未食喎，以前細個時成日去食早餐，其實佢d茶餐就一般，我鍾意食佢d新鮮出爐的麵包，就其是腸仔包、餐包仲有蛋撻，諗起都想食。

趁星期日去屋村影定D 相存倉，選了來愛民村，貪呢度雖舊但不殘，和諧式設計有七十年代的感覺。帶齊架生八時多已經來到，要在附近食過早餐至開工，不能飲茶又不想食美心，最後來了這間街坊茶餐廳。呢度裝修好有舊式茶檔風格，直角卡位亦夠經典，幫襯的都是街坊多，星期日朝早好多仲係上左年紀的，伙記就大聲招呼熟客，所以我地未食都偷雞在這裡影左幾張相。<br />早餐食到十一點，都有好幾款選擇。我吃了最經典的西煎雙蛋加腿通跟茶走，一貫是份量不少，當做brunch都可以，茶走亦香濃，唔錯。唔好以為舊屋村茶餐廳價錢一定平，都要18蚊，涷飲再加兩蚊，貴過好多中環的早餐，但以地點及份量計都算OK，始終茶餐廳呢度選擇不多。<br />除了茶餐，呢度亦有出爐麵包供應，吃過剛出爐的椰撻，熱辣辣當然正，同事吃過其他菠蘿雞尾等都說水準不俗。<br />

我朋友話: 試下呢度D 蛋撻啦, 好食過檀島呀, 三文治D 蛋差唔多成吋厚, 搵日趁無跑馬無咁多阿伯去食囉!我係蛋撻麵包精, 聽落幾吸引.....要試.D 蛋撻好正, 三個半一件好大個好深色, 三文治都OK, 衰在麵包有幾個好深手指印, 但好多地方都係咁....環境就係典型屋村茶餐廳, 好多著拖鞋短褲o既街坊, o係度咪報紙講股票教仔女, 完全公開任你睇任你聽, 唔慌悶!