愛心快餐

早更收银服务差态度超差，讲野又寸。事件一，服务态度恶劣，中午12时，眼见早餐牌未收，以为还有早餐买，收银八婆说几多点呀仲有早餐卖。事件二，乱收钱，买个猪抑包+8元可加汤。收了我正价汤，之后我看到水牌可+8元换，为何收我正价，八婆收银说乱咁讲假日没餐，当我们傻，没你又唔收牌，我第二日假期去买，咪又系比到餐价我。经过这事，已同店长反映，如再见到此收银，会叫朋友不要帮衬。其实食物几好，请埋D人，真系好恶劣。…查看更多

最近你附近返工成日食呢间有质素嘅茶餐厅呀面积细细其实一啲都唔平呀贵过大家乐不过胜在有怀旧风味啰有我最钟意嘅成日怀旧茄汁牛扒饭呀𠮶个茄汁呀 真系童年回忆 仲可以㗎茄汁意粉添呀边度最出名炸鸡髀啦什扒啦同埋糖水我都钟意食晏昼再嚟食个糖水㗎喇 充满情怀嘅街坊小店食物质素ok见口撞面都系𠮶啲街坊真系街坊嘅食堂呀:)…查看更多

因为工作地方系顺天，所以成日都有机会食到顺天村嘅快餐店，不得不提顺天嘅爱心快餐。顺天爱心快餐作为一间座落系顺天村几十年嘅快餐店，相当有人情味。每个入黎嘅街坊都同同店入面嘅职员都有讲有笑，可能依个系香港依家最缺乏既社区邻里既友好关系?:((牛扒早餐|42)叫左一个牛扒早餐，牛扒足料，份量都非常足，配有香肠煎蛋同焗豆同一杯热饮，而且方包自带烘底，如果唔食方包既话可以转做薯饼，质素唔错，值得食完再食。食店评分味道⭐⭐⭐环境⭐⭐⭐服务⭐⭐⭐卫生⭐⭐⭐抵食⭐⭐⭐…查看更多

由爱群食到变爱心。顺天得果几间餐厅，以前唔系食天皇就系食爱群，依间都食左十几年。茄汁味道咁多年都无变。猪排都系咁上下，不过不失。平时会叫罗宋汤,因为好浓味好好饮。都系街坊生意，佢地又唔介意街坊叫学生餐。有时有d细路玩完，会入去斟水饮😂😂最近好小帮衬，入去见到员工无再著果件好classic既工作恤有种失落感。同埋一入门口个钟都无左好耐，但总会下意式望一望。屋邨茶餐厅价钱觉得有点贵，不过明既，要交租比领展，条邨又得一间中学，又系老人邨，有人接手仲有得食仲想点？之后有机会仲会帮衬。❤️…查看更多

由细食到大既一间怀旧快餐店，装修几十年不变，由爱群食到变爱心，名字改变但味道不变，厨师都由哥哥变左做叔叔，食到既除左好味仲有人情味。识得食一定系食下午茶炸鸡髀同埋炸薯条，啱啱炸完好新鲜，咬落去外脆内软，鸡肉嫩滑，好多汁，大大只啖啖肉，仲要唔算太油利，唔会炸到出黎干真真。虽然最近附近新开左间连所快餐店大x活，但食落就知分别起边度，食左咁附地方既炸脾，呢度都算做得出色，虽然好邪恶但成日忍唔住放假都要落去帮衬下。…查看更多