愛家素食 (淘大商場) (已結業)

星期六又同傻鬼來食lunch先....今次我就試左潛艇包(上次見人食好鬼大個又抵又大岩我)個包真係整得好正好軟不過個餡就凍左d配個暖暖地既包有點怪怪..傻鬼又係叫上次差不多既lunch set無咩特別唔使多講咪又係一樣味道...悶死人

同老闆又來此店食lunch, 今次就叫左個pizza($14)同埋一個又燒套餐包一個汽水($30)個素又燒同埋素雞配上好多椰菜及紅米飯味道唔錯; 最喜歡佢地俾好多蔬菜岩我, pizza都唔錯熱騰騰食一件都幾漏下都有少少素火腿唔錯...下次再試其他食物先.

收銀哥哥好有禮貌，他熱誠地介紹店裏出名的套餐俾我哋，一個係中式叉燒豆腐飯和一個西式珍寶潛艇包．未食個賣相己經很似，個中湯幾好飲和幾特別，用番薯煲湯幾得意．個叉燒的口感和味道真係好似食緊真的叉燒一樣，d餸唔肥夠健康，加上又係糙米飯，無白飯禁寡．個珍寶潛艇包都好大個，個包好軟，幾好味．另加$4可有一個西式濃湯．另外買了兩件蛋糕，一件意大利芝士和一件芒果蛋糕，d蛋糕較為淋身，唔同平時食開嗰d，可能無蛋的關係．飲了一樽黑麥滋，好大麥味而且有氣添，我自己就覺得d味怪怪地，我唔係禁鍾意．

尋日係十五，又係我媽媽食齋的日子喇。一行三人於是試下呢間新式的素食店。雖然天氣麻麻，但七點半的時候入面已經有好多人，要等位添。晚餐如下﹕萬如飯﹕幾香口，大概有5、6嚿，下面舖滿椰菜，幾好。冬菇滷豆付飯﹕豆付偏鹹，而且唔夠滑，一般。肉排飯﹕有幾塊似豬排的素肉，也不錯。跟餐仲有老火湯、泡菜、生果(香蕉)，都幾飽肚。另外我仲叫了一個綠茶水果蛋糕，味道唔會太甜，清清地都幾好，不過口感比較鞋少少。想食齋唔想食得太油又想有D新意，值得一試。

食過鮮茄肉醬意粉味到唔錯~ 雲吞拉麵味道較清淡~ 反而d cake 幾好~ 試了3款, 綠茶, 芒果, 玉桂。綠茶比較實左少少, 芒果& 玉桂就好食,不過最好同人分享始終甜品食得多都很漏~ cake 份量比一般蛋糕店大件~ 下次想試潛艇(長麵包)太飽冇試~

老闆無意之中見到有間新店buddba hut..其實早前我已經係報張見到介紹此店既食物..一聽到老闆搵到即刻贊成試新野啦...2個人入去睇左一陣menu就叫左一個咸魚炒飯+汽水($26)及一個漢堡包$18..個飯套餐真係唔錯炒得唔油都幾似食咸魚雞粒飯既口感; 最正都係個包真係唔似食素個包又鬆軟好好味...老闆見其他人食既食物都好吸引, 我地都決定下次再來試埋其他食品

路經此餐廳, 給人有舒服的感覺, 入去先知道原來係一間食素快餐店...青紅蘿蔔湯- 味道較淡.鮮茄磨菇燴意粉- 賣相OK! 個汁都幾好味, 入面有雜菜粒,鮮茄西芹粒及素火腿粒.

今天點了套餐... 有飯(係糙米飯,份量都唔少wor)有湯...好味!!有主菜，都有唔少選擇！仲有ｃａｋｅ都好想試，不過今日太飽啦~其實佢地仲有ｔｅａ　ｓｅｔ，無試到不過好似幾抵環境好舒服，感覺乾淨清新位置係有Ｄ吊腳，不過都有打算再來。

看見個名, 也在想是否吃素, 但是, 入到去看看個menu 又好像不是, 之後, 問下個cashier 哥哥, 原來真的. 外面看起來, 和一般快餐店沒有分別, menu 有叉燒, 有炒飯, 真是沒有想過可以這樣地吃素. 我們點了叉燒豆腐飯和青心丸湯麵, 好好味, 不會像一般的素菜館那麼多油, 豆腐有些像雞蛋, 青心丸做到好像脹爆丸, 好得意. 還有蛋糕, 也是素來的, 查問之下, 原來他們是沒有加雞蛋, 有好幾款選擇, 看起來, 好鬆軟, 下次一定會再來試下. 吃得太多味精, 有時吃下素真的不錯呀!