意粉狂熱 (皇室堡) (已結業)

旺角開張我就試 個羅勒大蝦意粉啲蝦係唔知雪咗幾耐又冇哂質感既小蝦仔 並唔係大蝦比圖片係細咗一倍仲要收98$之後今日去咗銅鑼灣分店試下會唔會好啲啦 點知仲衰 店內只有十枱客 加上啲客係差唔多走 我叫咗個pizza足足等咗34分鐘先黎之後羅勒醬烤雞什菌意粉原全冇咸味忌廉又偏多之後啲員工全冇笑容加上我同個員工講個意粉冇味姐餐廳個經理係一個好不滿既眼神望咗我地好耐講真你地有不足點解搞到我地做顧客既係一定係麻煩呀 啲員工個心諗緊唔食或者難食就唔好幫襯啦咁樣真係保證下次唔會再試

今日行行下街落起雨來，急急腳就走左入去皇室堡避雨，橫惦開始有啲肚餓咁就順便睇下有咩好野食啦，行行下比呢個menu 吸引住就入左去試下。呢到既裝飾好raw,主要都係玻璃，原木同埋金屬，我屋企都想要咁既設計。睇番餐牌呢度都好多野想食，要比啲時間諗一諗，最後揀左個法式芝士洋蔥湯，脆皮腸肉醬大啡菇披薩 1人前，鮭魚菠菜忌廉意粉，經典3式拼盤，抹茶沙冰同埋草莓桃沙冰。洋蔥湯上面加上芝士同法包做法正宗味道唔錯，暖一暖我既肚仔剛剛好。拼盤上面既三文魚包住芝士同小黃瓜條，風味獨特，放落一隻匙羹上剛好是一口既份量，岩曬我呢啲lady食,薯角炸到外脆內軟而唔似係出面食個啲咁淋，炸雞香脆，另附有檸檬用來加上炸雞減低油膩度，我見到枱上仲有一支寫著'魔粉之Holic powder' 既粉瓶，見咁得意就加落啲炸雞到一齊食，少少辣仲有啲脆脆咁令到炸雞口感同味道升華左。披薩味道好濃郁，食到啖啖既肉醬，餅皮亦唔會焗到乾真真，貼心地有得揀一人份定二人份，適合我地呢啲想試下又唔想叫得多既人。意粉煮得彈口勁入味，食到勁香濃既芝士同蒜香，三文魚每面都有煎香，唔似出面個啲同意粉一齊煮令到三文魚熟過頭，宜家仲食到三文魚既鮮味真係值

位於銅鑼灣地鐵站E 出口再步行到皇室堡（約4分鐘）商場內2樓。 地方很大適合大班朋友、寬敞。 職員很敏捷香草烤雞凱撒沙津 HKD 33 (standard size) 輕輕烤過雞肉，帶出香氣又不會太乾，跟翠綠又爽的蔬菜放進口內，有多重口感。又有番茄仔、芝士粉等芝士四重奏pizza (二人）- HKD 108 芝士控之選！ 薄餅底又脆又多芝士，沒有膩感覺。如邊位裡面也包了芝士就更正日本魷魚雜菌明太子忌廉意粉 -HKD 88平時很少點明太子。今天朋友突然想那就比多次機會吧。 意粉幼身，軟硬度適中。明太子很均勻帶有很微很微辣味。日本魷魚圈爽口彈牙很鮮甜。Strawberry peach frozen HKD 58 沙粒很碎，淡淡的很清新！Matcha latta HKD 38用了淡淡鮮奶加抺茶，很燶。經典3式拼盤HKD 98 拼盤含有雞，粗薯條，三文魚加芝士，最有驚喜的是雞部份，炸得香脆而內裡肉質非•常•嫩•口，又juicy，整舊都不鞋口！三文魚新鮮，配含芝士有多重感覺！

主打意粉的餐廳，賣的雖非正宗意國口味，而是意日Fusion 有特色之餘，更勝在價錢大眾化 餐廳裝潢頗有格調時尚型格，座位寬躺不會太迫促。 特濃南瓜粟米忌廉湯 HK$28 忌廉加上南瓜粟米非常香甜湯裡是沒有粟米，與南瓜混和打爛了，喝起來十分香濃口感香滑。法式芝士洋蔥湯 $38挺特別的麵包放在湯上，這個味道也不會太鹹而且洋蔥絲份量極多，幾乎每一口也吃到一絲絲的洋蔥。 香草烤雞凱撒沙律 $33 新鮮沙律菜外，香草烤雞醃得很入味，還有脆口的粒粒多士。 意式薄切三文魚忌廉芝士卷兩片三文魚包住忌廉芝士，口感滿足。雞肉牛油果披薩 披薩薄皮，雞肉牛油份量充足，配合濃濃的芝士，吃下去非常可口。 帶子芝士煙肉忌廉意粉 芝士粉多味道香濃，帶子口感一流 有三粒帶子比預期中多，加上煙肉和綠色蔬菜點綴，除味道佳更添賣相。跟餐橙汁朱古力茶被它的名字吸引，原以為朱古力味濃，但品嚐後發現主角是茶，當中再有一絲淡淡的朱古力香，兩者融合為一，既有茶香又有朱古力香，是個非常特別的飲品。跟餐甜品朱古力蛋糕加上草莓，賣相一絕，一口吃下去又甜又酸，多層次味覺享受。法式焦糖布甸$38外層是焦糖，非常香脆，看下去顏色深了一層，內

由今日開始放慶生及養身的悠長假期🕶🛍💃首個慶祝活動嚟到銅鑼灣皇室堡2樓"意粉狂熱"食西餐同時梗係要啤啤佢啦🍺🍻睇下今晚食咗咩啦～1)經典三式拼盤 - 炸雞香脆可口， 厚切薯仔條很夠薯仔味及鮭魚沙律卷ok👌🏻不錯2)主廚沙律 - 味道一般，沙律菜及材料尚算可以😁6)鮭魚牛油果羅勒pizza - 都算ok啦比某pizza店好食，材料新鮮，1人前分量2人食剛剛好😚😚4)雙重辣味煙肉蒜香魔鬼意粉 - 好有驚喜， 辣味三重奏，入口已經超香辣，之後辣味慢慢滲入口腔內，再直通喉嚨，keep住1分鐘後辣味即散，而且煙肉數量很大根本吃不完。不得不讚，他們的意粉彈牙煙韌， 不愧為意粉狂熱，佢哋嘅意粉相對比較出色👍🏻👍🏻超愛5)日本牛乳布甸 - 不是太甜， 牛奶味濃帶點微微的雲呢拿味，很不錯啊～飲品為Premium 啤酒🍻🍺唔該😉😉價錢方面每人都是200蚊左右，性價比算合理。佢哋嘅午市套餐都係58蚊起，都幾超值。環境舒服，服務員態度良好。如在銅鑼灣又想食意粉仲想坐得舒服可選擇“意粉狂熱”

話說皇室堡商場重建後，基本上除咗睇戲，都無係呢到食過嘢，今次陪朋友係到買嘢，順便就係到食餐飯。因為大家都想食啲香口嘢，所以今次揀左呢間Pastaholic，價錢亦幾合理，環境都幾舒服，唔係太嘈。兩丁友怕眼大肚窄，所以唔敢叫得太多嘢食。等左一陣就有嘢食到，首先係煙肉雜菇蕃茄忌廉意粉，一食落口就覺得好舒服，有輕微嘅蕃茄酸味，味道啱啱好，唔會蓋過曬其他味。再黎就係黃金四重芝士披薩，對我黎講PIZZA簡簡單單已經好好食，就咁食就有淡淡芝士味，加啲附上既蜜糖醬，就會有第二種味道，甜甜地好吸引，我比較鐘意加蜜糖醬既味道。之後就係脆炸原條白身魚配有皮薯角，魚塊炸得好好，魚肉仲好滑，薯角就無咩特別。各自點咗杯飲品，分別係鮮水果茶同西班牙白雞尾酒，雞尾酒帶少少酸味仲有微微既水果香，而鮮水果茶，茶味幾特別唔太甜帶少少幽香果味。最後朋友再叫咗杯朱古力芭菲，我只係食咗一兩啖，有幾種唔同既口感，幾過癮。總結，下次個PIZZA可以叫大啲。

意粉狂熱, 感受得到的誠意及性價比極高的優質餐廳! 這個晚上很豐富, 由前菜食到甜品共點了八樣食物都是四百元多! 先來一個法式芝士洋蔥湯 , 它放了法包在湯中, 滿滿的洋蔥及濃濃的湯, 配以法包一同飲用, 美味有咬口! 餐前小吃點了個細主廚精選沙律及焗珍寶大啡菇釀帶子, 沙律食材豐富, 當中有三文魚和雞肉為肉食, 還有雞蛋, 顏色蔬菜及美味的軟身芝士粒及香脆麵包粒, 加埋甜甜酸酸的醬汁, 超級豐富同開胃! 將三文魚及芝士同放進口裡, 更是融為一體的美味! 主食點了三款, 先是帕爾馬火腿片配牛油果冷製意粉, 冰凍意粉加yummy 律油果粒和芝士粒, 連埋火腿香和羅勒醬的清甜及檸檬的酸, 開胃醒晨又消暑! 海老忌廉芝士焗飯有多粒蝦隻, 厚厚的芝士和芝士粒, 完全是惹味! 還有鮭魚牛油果羅勒Pizza, 同樣地, 桂魚和牛肉果融化在口中的質感和味道, 配上香檻欖油, 清香而滿有口感! 最後是甜品香蕉朱古力Pizza 和雲尼拿雪糕 , 刻意多點一個雪糕球, 夾在一起吃, 甜甜的畫上豐富晚餐的句號! 除食物好吃, 環境衛生同服務都有很高水準, 高分推介此餐廳!!!!

前排去銅鑼灣睇戲前，係皇室堡試咗間唔錯嘅意式餐廳。個人覺得價錢化算之餘，而且味道上絕對唔遜色，可以話係性價比高，絕對令你意想不到地覺得「又唔錯啵」。本來店內係有Dinner Set選擇，但由於我地都想試唔同嘅小食同飲品，所以就決定散叫夾份食。沒有前菜地直入主菜：我地分別柯打咗一份細嘅黃金四重芝士披薩、煙肉雜菇蕃茄忌廉意粉同一份炸原條白身魚配薯角。最先到嘅係飲品，我地叫咗一杯細嘅西班牙白雞尾酒同草莓桃沙冰。由於杯雞尾酒份量頗細，所以後期再多叫咗杯鮮水果茶。個人特別推薦草莓桃沙冰，唔只賣相靚，味道都調配得好濃，飲得出草莓被打成沙沙嘅口感，而且草莓之中帶有桃嘅味道，鮮果甜而帶微酸且清涼透心，口味非常適合大眾，大推薦。由於水果茶無酒精，所以我都小酌咗一杯，以容器去比較價錢，唔貴而且比起飲水更Fresh。其間意粉到達，雖然視覺上個蕃茄忌廉汁好稀，但味道係喜出望外地好食！一般忌廉汁會予人食得多會溜嘅印象，但估唔到佢加入蕃茄後，會有種相輔相成嘅作用，平平淡淡中有一點酸跳出。令人有種食唔停嘅效果，再配搭去邊都夾嘅煙肉雜菇，整體非常唔錯。承接住，先泥一個細芝士披薩，估唔到都係比想像中好食！食得出新鮮出爐

銅鑼灣皇室堡2樓「意粉狂熱」，打正旗號主打意大利粉，意粉當然有返咁上下啦，今日就同個女一齊嚟試吓。Matcha Frozen, 女孩子一定喜歡，冰冰涼涼的Matcha奶昔，淡淡的甜味，剛好的綠茶香，超好喝😋新鮮雜果茶，清新可口，冰涼解熱，夏天最佳的選擇。Open kitchen可讓顧客清楚看到廚師們認真地在煮他們的意粉👍🏻意式薄切三文魚忌廉芝士卷，三文魚配上忌廉芝士更後，入口更香濃細滑，口感滿足香草雞肉凱撒沙律，新鮮的蔬菜配上雞肉，很健康的配搭，多吃也不怕肥。洋蔥渴，味濃，稍微有些鹹，跟餐包一起吃就剛好。好辣的朋友這個雙重辣味煙肉蒜蓉魔鬼意粉一定不能錯過，除了意粉爽口彈牙外，煙肉配上雙重辣椒，真是越食越過癮脆皮腸肉醬大啡菇pizza，餅底鬆軟外脆，好吃。

以下係$318 set🌽特濃南瓜粟米忌廉湯🥘法式芝士洋蔥湯呢兩個湯都幾好飲 洋蔥夠濃郁 微嗆粟米湯夠creamy但缺南瓜味 都ok😏—🥗香草雞肉凱撒沙律雞肉都有幾件 沙律汁幾開胃 唔錯😛—🍗秘製炸雞炸雞岀奇地好食 又熱又脆食落又香口又嫩滑 好食😋—🍝雙重辣味煙肉蒜香魔鬼意粉辣味都岀 煙肉同蒜加埋好香口 係幾好食😘—🍕脆皮腸肉醬大啡菇披蕯其實我本來唔係叫呢個 但見焗左就算味道係唔差既 不過料就太少一條脆皮腸同半粒菇既料😅—芒果益力多同抹茶Frozen都好飲我prefer芒果個個 酸酸地 好味😜

早兩晚行過買野，咁岩見到有間專食意粉既鋪頭，見價錢平平地就抱住一試無妨既心態去試。首先要左個南瓜湯同沙律，湯稠稠地，但係太甜，飲左兩啖就飲唔到落去沙律就用左最普通既沙律醬，不過咁既價錢就算係咁啦。主菜方面就要左個香草雞肉意粉，可能落得太多cream既關係，食幾啖就已經覺膩，而意粉亦都浸得比較淋，不過咁既價錢都算一分錢 一分貨....😅另外仲嗌左個牛油果雞肉pizza，但係失望地牛油果係切得細份之餘仲要無乜味... 基本上成個pizza就係得芝士味...雞肉亦都有d乾😔

今晚一心諗住去呢間食肆食嘢，坐低咗然後舉咗十分鐘手先有位男侍應埋嚟落單！嗌咗個二人海鮮飯加一個炸鮮魷另加一杯啤酒同埋一杯Sangrila！位男侍應仲覆咗兩次confirm冇落錯單！間嘢當時幾多客，要稍為等吓實在好正常！但係當等到20分鐘嘅時候都未有一杯嘢飲而後過我落單嘅隔離枱都食緊嘢嘅時候，我又再舉手想了解吓！五分鐘之後終於有位女侍應埋嚟理吓我嘞，我問可唔可以幫我了解吓究竟咩事連嘢飲都未上嘅？今次呢位女侍應呢就行開咗3分鐘之後，好明顯係發現咗有啲嘢嘅情況之下，呆望住部電腦又唔肯行埋嚟解釋！咁好明顯就係冇落單啦，咁我就行埋想了解下啦，而佢又唔知點同我講究竟發生咗咩事。說時遲那時快，有個疑似經理嘅男士行埋嚟了解！我問究竟發生左咗咩事，究竟係咪漏咗落單？個女侍應又唔想講，位疑似經理嘅男士又好似冇興趣想知道發生緊咩事！結果糾纏咗3、4分鐘之後，個女侍應終於肯承認佢嘅同事漏咗落單！喺呢個時候，位疑似經理嘅男士就慢慢行開咗嘞！位女侍應就好尷尬、唔知道點處理，而嗰位好精靈嘅男侍應當然就恍似事不關己、一句道歉嘅說話都冇講過啦！好明顯冇人想就呢件事作出任何回應嘅時候，小弟就唯有黯然地、一肚氣咁同女朋友離

星期一朋友約咗我去食意粉，佢喺銅鑼灣嗰邊返工，所以我就遷就佢去銅鑼灣度食，我哋約咗七點鐘。我們睇咗個餐牌，見到依個二人套餐好似好抵食咁，而且一個價錢仲有九樣食物，餐牌入邊嘅選擇都幾多，我哋可以揀到自己鍾意食嘅嘢。首先嚟咗個雞肉沙律，沙律味道酸酸甜甜，好開胃，而且雞肉肉質都好嫩，而且仲有好脆既麵包添跟住呢個就係南瓜忌廉湯，味道甜甜地，而且南瓜味道好出，忌廉同南瓜嘅味道亦都好夾我哋仲叫咗個炸雞，炸雞炸得好香脆，外脆內嫩其實pizza方面,我哋就揀咗個日式照燒雞肉pizza。Pizza亦都好大個, Pizza焗得脆，雞肉同埋紫菜味亦都好夾而意粉方面，我哋就叫咗個芝士煙肉忌廉帶子意粉，意粉整得好嘢未，芝士味好香最後我哋叫咗個甜品share，呢個係朱古力芭菲，有兩個雪糕球，中間仲有啲朱古力奶冰，味道好甜，啱晒我哋。

在假期的前一天，朋友特意相約我到銅鑼灣去逛街，我們走到皇室堡，便想到皇室堡附近吃東西。我們看見了這間餐廳，因為我們都很喜歡吃意粉，而且看見了這裏有各種不同口味的已粉，所以我們別進去吃晚餐了。我們叫了個蒜蓉包，熱辣辣的，而且蒜蓉味很香，也很脆呢！這是明太子海鮮pizza，這是一人份的，但是份量也挺多，他已經預先幫你分開了四件，只需再用那個刀輕輕一切就可以切開。Pizza也很脆，入面有八爪魚蝦及帶子等等海鮮，味道很清新呢！這是芝士溫泉蛋卡邦尼意粉，味道很奶油，而且溫泉蛋蛋味很濃，意粉煙韌度適中這是香烤安格斯一口牛柳，賣相很漂亮，而且吃之前還可以在那塊鐵板上面燒一燒，牛肉肉質很嫩，薯角也很香脆。

男朋友喺銅鑼灣收工，反正我晏晝已經出左葵涌廣場行街。就唔差在去埋銅鑼灣接佢收工，兼行埋Sogo睇下thankful week promotion~~~行完就搵間餐廳食晚飯，喺皇室堡見到呢間意粉狂熱好似幾正，就決定食佢。我地諗左陣，決定要一個二人套餐（$318）餐湯方面，我飲嘅係特濃南瓜粟米忌廉湯，個湯好香濃好稠身，正！男朋友飲嘅係法式芝士洋蔥湯，麵包吸收曬洋蔥湯嘅精華，咬落口感一流。香草雞肉凱撒沙律（半份），蔬菜夠新鮮，好開胃。前菜我地揀左意式薄切三文魚忌廉芝士卷，三文魚包住忌廉芝士，兩者好match！雙重辣味煙肉蒜香魔鬼意粉，意粉夠乾、唔會太軟，但辣味冇想像中咁勁，大家可以放心一試~脆皮腸肉醬大啡菇披薩，餅底做得夠薄夠脆，一咬d菇汁湧出黎勁惹味！一口朱古力蛋糕（2人份）香濃嘅朱古力蛋糕為呢餐做一個完美ending~另外飲品方面，男朋友叫嘅係matcha frozen，淡淡嘅抹茶香係佢嘅最愛~我叫嘅係fresh fruit tea，有士多啤梨、富士蘋果、西瓜等鮮果，飲落清新又解渴！