意粉狂熱 (屯門時代廣場北翼)

营业中

休息中

已有一大段時間沒去屯市一帶覓食，找到相連之屯門時代千色下層一間簇新之意粉店都確實算幾chill，環境適合靜靜邊食邊聊那種。時值中午，僅兩位，帶位的小哥都領我等到六人卡座。沒催促沒限時，自己也不好意思，遂點了兩個餐再追加小食甜品充撐場面。隔離飯香，見到對家份「南瓜忌廉汁香草雞肉意粉」特別食指大動，捲它一撮意粉試味，南瓜味唔算濃厚反有點像蛋黃汁，不過無損其醒胃度。香草雞肉用了上髀，但不肥膩有少許肉汁。自點的「溫泉蛋松露油蘑菇意粉」始終有隻「合格」滲到蛋汁的溫泉蛋基本不會輸，加上松露本來就是蛋之膽拖好拍檔，此組合就是令人想快些滑進喉嚨。到了「蒜味芝士雞翼配芥末醬」是接近爭食局面。鯨吞一隻後才醒起應該相機先吃，雞翼個頭不算脹滿，雞皮脆邊、蘸芥末醬之酸味剛好填充鹹甜之空缺。「意式芝士蛋糕」頗體現到存放的雪櫃有幾凍，中層的慕絲仍在冰凍狀態有點似棉花冰口感，始終沒影響味道繼續香滑。跟餐水果茶有橙有奇異果，茶底有點似蜜桃茶，奇異果沒浸淡依然有水果香。

冇諗過原來芝士pizza配蜜糖係咁夾 必食既推介！叫佐個意粉同焗飯都係普通 同出面其他西餐差唔多 不過不失！以前食開旺角雅蘭中心嗰間 。經過屯門所以就試下 水準都係差唔多。

如果想食意粉，又有酒飲，又好食，又好坐，又吾趕你走的，屯門呢間系吾錯。今日一行三人食farewell lunch, 但朋友想飲番杯慶祝下。叫咗三個午餐，仲可以免費+1.5倍，我哋兩男一女，剛剛好！如果系girl talk 就吾使加大，又或叫兩個午餐加小食，不過就爭一杯野飲。講返lunch, 一坐低有支水在枱面，我要左暖水，waiter 冇黑面，仲好有禮貌！👍🏻👍🏻叫左兩個意粉，一個水牛芝士pizza,質素都保持到, $88 each 系值的。另外，食完飯，叫咗支750 mL嘅紅酒$158，幾好飲⋯⋯（我吾識，不過純覺得易入口，吾系果味）🤣🤣⋯⋯加左小食拼盤，😎🍷🍷由1點坐到3:30，冇趕客⋯⋯👍🏻👍🏻啱晒閨蜜傾計或者好朋友相聚，貴少少絕對值得。最後，埋單$598 so far so good 本人覺得幾好嘅！唯一要講，全程得一個男waiter, 好可憐！佢哋餐廳應該增加一個半個人手啦佢直頭做到冇停手⋯⋯😅😅但係要讚佢，一直冇黑面，好好態度👍🏻👍🏻👍🏻👍🏻👍🏻👍🏻👍🏻

之前有段時間食素, 所以好多時都會去 ❥⧽意粉狂熱 ❥⧽食嘢, 亦可能因為咁而家好少去, 今日心血來潮所以就去食吓。𓊈溫泉蛋松露油蘑菇鮮製意粉𓊉鮮製意粉同普通意粉唔同, 質感同口感都比普通意粉好。溫泉蛋好流心, 配埋d 蘑菇一齊食真係好好食呀, 真心推薦。𓊈瑪格麗特披薩 ✧ 配新鮮水牛芝士𓊉Pizza 係薄批底, 燒得外脆內軟剛剛好, 蕃茄味同水牛芝士互相配合, 好好味。𓊈洋蔥湯𓊉唔係好多地方可以飲洋蔥湯, 呢度嘅洋蔥湯好香濃, 仲有一粒粒嘅洋蔥粒, 值得試吓。✧✧ 整體食物都好好食, 難怪我之前成日去, 所以係值得推介嘅一間餐廳。

本身今天和朋友相約，但被朋友甩底，自已也要吃得好的。 意粉是餐廳熱門選擇，因此要試一試。 未上意粉前 ，先上餐包和餐湯。 餐包有半個，沾上軟身牛油更為可口。包身鬆軟微暖。 湯為蘑菇湯，蘑菇頗為特岀，加上有粒粒蘑菇，味道不錯，若夠熱更好。[ 香蒜羅勒波椒蟹肉意粉 ] 蟹肉有一大堆放在意粉上，很吸引。 以香蒜羅勒炒意粉為調味， 味道香噴噴，帶點微辣感，拌上蟹肉，鮮味更特岀。 意粉較一般濃稠汁意粉清新，但有小點油，不過也頗好吃。

*美式辣肉腸披薩(small $68)辣肉腸好味🤤中間批底薄到好似無批底咁，厚返少少會滿足D*蕃茄香草雞肉天使麵($78)好多湯好多湯好多湯，好似食緊湯麵咁🤨🤨🤨味道ok不過真係太稀喇😂 雞肉好香好好味😋*香草烤雞雜菌蕃茄意粉（$68+$10)加$10會可以升級至1.5級意粉，超 級 大 碟 ！正常食量嘅朋友千其唔好加😂😂😂個汁偏酸味道麻麻哋，烤雞好味 🤤🤤食物水準一般無咩特別，勝在價錢平，環境唔錯有私隱度

不是第一次幫趁，次次點的食物都好吃。今次點了百爵茶，侍應更樂意為我們加熱水，我地可以坐好耐，狂傾都可以。我點了牛油果沙律香草雞意粉百爵茶磨菇忌廉湯。每樣都好好吃。

2人安排2人枱合理的食物ok， 磨菇湯好好味但當上完個湯及前菜，張枱面已經冇位。跟住上小食個 waitress 完全5理，就放係枱角位，我老公要拎住碟小食。再上個牛扒，完全冇位，個 waitress 仲叫我地幫忙，真係5知點幫。唯有自己拎起D 餐具比佢放，佢見呢個look 先幫我地收左食完既碟。最後上意粉 又係要我地自己諗計安置，又要就住D 位去食。真想問下點解要咁安排。5會有下次。老公叫我5好 complain, 我只好寫食評。

今日出屯市食lunch見到呢間手工意粉好似唔錯價錢又抵坐得又舒服就去左試下特製巴馬臣芝士蕃茄意粉 $58食得出個意粉真係手工製。Menu寫採用左日本小麥麵粉製成。意粉真係比普通非手工口感彈牙好多！蕃茄味濃！好食👍🏼Lunch set呢個價錢仲包埋野飲同沙律，幾抵食！牛油果沙律 $43叫左碟意粉，加$43就可追加呢個沙律，單點原價$48。沙律醬汁酸酸甜甜，非常開胃！牛油果份量都好多，口感非常滑溜，正👍🏼

有時想食下意粉，又唔想劣到好似某連鎖店，撒__ __ 咁頹？屯門呢間意粉狂熱還好芝士煙肉帶子意粉，汁唔會太濃可以接受。$78不過我比較鍾意個沙律$43，好似係叫主廚精選。啲芝士夠曬重口味同啲菜match，正常你覺得有啲流既時候，食番粒麵包幾好。至於個小食拼盤意式薄切三文魚忌廉拼炸物，炸物其實一般好少難食，三文魚我就麻麻喇，感覺煙三文魚無乜味。Pizza未有機會食，唔貴既不過我見枱枱都有點，賣相都幾好，下次有機會就試下

30.09.2021意粉狂熱 (屯門時代廣場)今晚同朋友慶祝生日，因為想近近地，見Open Rice又有不少好評，所以選擇了意粉狂熱。地方：卡位座位好濶落，幾乎可以一排已經可以坐三人，我們只有三個人，可想而知坐得多舒服。時間：任坐，無限時蛋糕：不設切餅費用食物：有二人餐三款、一款四人餐$318二人餐：餐湯：有法式芝士洋蔥湯/忌廉蘑菇湯選擇，朋友飲洋蔥湯，我另加一個南瓜湯；洋蔥湯好香洋蔥香味，但偏鹹，我的南瓜湯又不會，濃濃的南瓜味，不錯呀。香蔥雞肉凱撒沙律，另加主廚精選沙律：還可以。只是套餐是半份份量，另叫一份明明應是全份，但看起來份量同半份沒有分別。開胃菜：有五款選擇，包括脆薯角、青口、雞翼、魷魚圈、炸雞；朋友選擇了意式炸魷魚圈配他他汁，覺得炸粉多，魷魚太少。意粉：有六個選擇，白酒汁海蜆意粉，這個味道不錯，蜆肉也鮮味。Pizza: 又有六款選擇，美式辣肉腸pizza，辣肉腸很厚，少辣，這個pizza好吃。飲品：水果茶偏甜，嗜甜會喜歡。甜品：應該係Tiramisu，普普通通。一定要說，套餐另加一個湯和沙律，$427；但用Open Rice訂枱，而且用Open Rice Pay結帳，竟然減

屯門市中心隱世好味食店😋黃金四重芝士pizza，配蜜糖勁好味，必食之選👍🏻👍🏻👍🏻海蝦牛油果羅勒意粉，意粉非常出色，反而海蝦就冇鮮味，但意粉非常入味，所以十分推介反而辣味芝士雞翼很失色，不推介

星期日下晝都有lunch set 值得去食 ！！唔洗一百蚊有湯 主菜 飲品 加埋一都抵既唔係hea煮 都幾有質素蘑菇忌廉🥣食到細細粒蘑菇碎 有口感 又好濃郁 芝士煙肉帶子忌廉意粉🍝仲有幾條菠菜同煙肉碎加上芝士好夾帶子都唔係細粒嘅 有少少鮮味味道不錯熱奶茶☕️都飲到紅茶底 但一啲都唔澀口 幾滑秘製炸雞（$38/3件）🍗雞件不算太細也不太大兩口可食完炸粉也不是太厚 也沒有太大的調味另外有檸檬 🍋自己唧d汁不過 本來以為係會有其他醬汁點 當小食追加都係合理嘅明太子海鮮pizza$68🍕第一次見長方形size又係有帶子 仲有蝦 topping有芝士拉絲大概係六吋size味道都唔錯不過明太子就係融入左啲醬入邊 食唔出係一粒粒而Pizza係薄底 可能中間太多醬汁令到Pizza底林晒 反而有少少韌

星期六下午臨時約左朋友出屯門市中心下午茶，因為帶住小朋友所以想揀啲大人細路都岩食嘅餐廳菜式，唸起之前係度食過晚餐，今次提議不如再試試下午茶。當時3點30去到，估唔到仲好多人所以需要等位，大概要等兩張台終於入到餐廳，依家餐廳用手機掃瞄QR Code落單，中意食乜就大家自己落。因為大人細路都在場又想share食物，我地都叫左幾個Set，下午茶價錢比單點平少少，仲因為有甜品，我地仲加左錢要添。食物好快就上左台，大概點左黑松露pizza，蜜糖雞翼，明太子意粉，都係小朋友會中意食嘅，味道大眾化，餐廳環境整潔，分量夠大人細路分享，小朋友仲話食得好飽。至最尾上埋甜品全部掃清光值得一去～ 可以傾到計，食得飽，照顧到小朋友嘅好地方✔️

平日晚上6點幾去到，時間尚早，人流不太多叫左個二人餐$318，加一後$350有餐沙湯，沙律，小食，兩個主食，甜品同餐飲，幾豐富，擺到成檯都係野個蘑菇湯好濃好好飲！沙律都比想像中大盤 蒜味雞翼不過不失，有4隻細細隻蘑菇意粉，好香好香，唔會好乾身又唔會太膩，推介牛油果雞肉pizza 食到呢到已經好飽，雞有啲乾身，如果係配三文魚可能好味啲揀左凍水果茶，但其實入邊就係兩舊超大既橙，應該放左1/4個落去，茶底較淡，所以似橙茶多過似水果茶😂最後既甜品，細細舊岩岩好，過下口癮