意粉屋 (已結業)

成個新都會廣場，呢d係幾間唔駛排隊既餐廳之一。order左一個套餐，有龍蝦湯、龍蝦帶子墨魚汁天使、三式薄餅同餐飲。龍蝦湯只比白開水好少少，又希又無味，ｄ龍蝦肉梅梅爛爛咁，唯一勝在夠熱。天使又係同樣情況。還，汁還汁咁樣，兩樣野既味道都配合唔到，造唔到味道上既效果出黎。而且點解ｄ咁粗既，唔通隻天使唔記得用護髮素，搞到ｄ頭髮仲粗過條意粉？三式薄餅預設應該有芝士、香茅同車厘茄。但我地只係食到濃濃既茄醬味，呢點抵讚的，不過果三式既味道呢？食黎食去都食唔出。始終意粉屋既餅底做得唔錯既，薄而且脆，都算叫做好食。整體黎講呢間既食物退步了！

下午茶去意粉屋食就抵, 晚飯就普通啦, 每人就要150元左右! 不過就真係幾好食既...

支持多年..平均每個零2個月就要食番次...野食其實就冇咩好彈...唯一唔好就係裝修10年如一日,真係食到有d悶

6個人食lunch,叫左2個2人套餐加1個一人套餐一人套餐有: 湯+蘋果螺絲粉salad+芝士肉醬長通粉(普通啦)+餐飲2人套餐x2:湯(紅湯太酸)+菠蘿雞炒飯(普通啦)+肉醬螺絲粉(普通啦)+夏威夷pizza(ok呀,多cheese)+白汁雞皇意粉(好味,不過好似有陣怪怪地味,唔知係咪因為有新鮮菇)好飽呀,食唔晒,但食完超口渴!!!!! >_<所以我唔會成日去食

不知已實施幾耐，我今日去意粉屋先知佢個下午茶- 閒情小聚推出優惠，叫一個餐(最貴59元)後，可以用9元再叫一個餐，包一個酥皮湯同粉，仲有一杯餐飲，但加一要正價計，除開兩個人埋單80元都唔駛，以食物質素看，真係十分抵食。原本男朋友想食肉醬意粉先去，但佢竟然唔太buy意粉味道，但我食過，其實幾ok。我就叫左個芝士火腿煙斗粉，單睇得火腿好似好寡，但食落個白汁好正，好濃好香，加上形狀好似通心粉發大左的煙斗粉，好好味。全日最值得一提的，係佢個酥皮湯，我同男朋友都要龍蝦帶子湯，味道好濃，酥皮好香，湯中仲有好多龍蝦肉同帶子肉，單飲個湯都值回票價。另個場都幾好坐，招呼都唔錯，下次會再去。P.S 飲完個湯都已經好飽，食埋意粉幾乎行唔到，最好都係當返遲來的午餐會比較好是次每人消費：40元

09/01/2006同BF黎，叫左兩個餐加小食！多到食唔哂添…餐：「肉醬焗辣薯角+ 薯蓉焗意大利雲吞+ 凍檸茶」餐：「酥皮周打湯+ 意式海鮮炒飯+ 凍檸茶」小食：炸洋蔥圈薯角好味！好惹味！意大利雲吞味道有點怪~麻麻~酥皮湯、海鮮炒飯都好足料！正！\(^。^ )/炸洋蔥圈炸得幾靚，不過都係覺得PIZZA HUT o既洋蔥圈好味d…※宜家d晚餐都係50幾60幾蚊就有！真係好抵！以前感覺「意粉屋」d野食係好貴的！宜家可以成日黎食lu~ 大件夾好味！

我很喜歡吃芝士，所以意粉屋的芝士火鍋是我每年必吃的「大事」之一。往年都是聖誕前後才吃，不過今年很早就有賣，也心急地早早了結心事。純粹在葵涌廣場閒逛又想吃芝士火鍋才選這裡，一去到看到有戶外的地方，食咁多次意粉屋見第一間有戶外地方，跟男朋友二話不說要試試坐外面，一來好像浪漫一點，二來貪新鮮吧。(雖然沒什麼景緻可言，但外面比較空矌，別有一番風味。)不像往年，今回很精明地只點芝士火鍋(最平的版本~)，不試什麼黑松露或者什麼，總覺得那只是綽頭而已，事實這個選擇也是明智的。後來不夠芝士跟蒜蓉包另外點一籃蒜蓉包跟加一個芝士湯底，其實這個對份量也二人來說也是太多... 我想再大吃的人還是多點一客蒜蓉包也夠。至於味道仍舊一樣的芝味濃郁。不過沒有了西蘭花總是有點遺憾，新加的墨汁麵拼下去實在很捧(也很飽~)。不過車厘茄內裡的水份太多，跟芝士的配搭不算太好... 外面芝士入面水的感覺都幾騎呢~~~ 只要喜歡芝士的朋友一定喜歡這個。另外要贊的是服務態度呢~ 因為我們貪玩坐係出面，那晚又大風，我們那爐火總是被吹熄了，耐心的侍應姐姐一次又一次點火又換火酒精，仍然不覺得麻煩，仲要成日唔好意思前唔好意思後(其實我唔好意

失望地離開relaxing行落樓下,見到意粉屋有位就唔再搵其他地方喇,叫左酥皮湯套餐。酥皮周打蜆湯: 白湯幾香滑,蜆肉都算多,但有少少un;反而湯入面既蔬菜唔錯,切片薯仔最好吃,可以多幾片就最好。焗吞拿魚長通粉: 芝士味好香,一路飲湯一路聞到,真係夠晒開胃!!長通粉稍為淋身,一叉就會分開兩邊,稍為失敗!吞拿魚都幾多,加埋d汁,真係超正!!凍泡沫白咖啡: 即係iced cappuccino; 食完個餐見到d泡泡仍然好完整,以為水吧有料到,可以打到d泡泡咁挺身,食落口至知原來個堆泡泡其實係碎冰??!!味道真係好淡,尤其是溝埋堆"泡泡"之後,真係唔多覺自己飲緊咖啡,反而有d朱古力味,我都有懷疑係咪比左杯mocha我。服務幾好,侍應真係好快手幫你清理檯面,而且係少有會問你要凍水定暖水既餐廳。

同一段時間無見既baby約會,大家都超鐘意食pasta,意粉屋係不二之選,近近地就黎呢間飯聚。baby叫左個什麼龍蝦套餐:龍蝦湯(加酥皮);龍蝦帶子天使麵;什麼蟹螺絲粉再加香草雞胸肉什菜沙律。酥皮龍蝦湯: 上檯熱辣辣,湯好香濃,都有好幾大粒蝦肉,最好吃當然係塊酥皮,正正!!沙律:有4大片雞胸肉,仲有雞蛋、紅腰豆、小粟米、西芹、甜粟米n大量生菜,加埋千島汁,yummy!!天使麵:味道如龍蝦湯香濃,好惹味!!蝦肉同帶子都幾多,又好芝士,我鐘意呢個多d。螺絲粉:真係有隻小蟹蓋係度,但無乜肉-_-"又唔覺有什麼料....呢個其實都幾好味,但相比天使麵既惹味,呢個就會被比下去。飽餐一頓之後,甜品係提拉米蘇,好酒!!淺嘗一小角算喇...星期五全場滿座,可能人多關係,檯擺得幾密,講野絕對比隔離檯聽到,唔暢快!!呢餐又係多謝baby!

見女朋友就意粉屋會員，就去享用一吓下午茶。想起公司三文治大大份，好好味，就叫了一客，仲有一碟鮮茄雜菌闊條麪。點知-三文治真係super，super small，好瘦弱lor，仲衰過茶餐廳d公司三文治，隻碟就大大隻，極級失望。鮮茄雜菌闊條麪好d，不過份量少，幾啖就食哂，餐飲2杯凍咖啡，唔掂啊，好難飲lor，埋單70幾，都唔知食咗d乜，結果行左一陣就走左去買cakes 食，冇哂mood，唗$。

又o黎食lunch,又一次失望...因為以前好好味o既,跟餐o既香脆蒜茸飽冇左,轉左一條又硬又酸酸o地o既怪味麵包條,好難食...main dish方面,雖然pasta仍然唔錯,但唔平o既價錢不禁令人覺得pizza hut會抵食好多!

0係冇book 位既情況下想去pizza hut，當然位啦，見呢度唔使等，一於入去試0下。一行6人order 0左個2人set: 有pizza and 長通粉，再叫多個炒飯同天使麵。不過0的食物size好似細0左少少~. 天使麵每人一啖都冇~. 下次都係去番pizza hut~

返去Arrow，又係同同事去食飯~ 今次revisit spaghetti house，order左好多野食：pizza、angel hair、焗飯、炸雞、長通粉... 不過我覺得佢味道差左tim~ 首先，忌廉湯淡如水冇乜味；另外，蒜茸飽唔再係好似以前咁香；最後，我最心愛o既紅豆冰都冇以前香甜...

我第一次去食左個lunch,明明見到佢個menu個set lunch係有蒜包,但係冇俾我...到第二次去食,又係食左個set lunch佢又係冇俾蒜包,我以為佢上次唔記得俾我,但係今次又係咁,又冇左塊蒜包...點解會咁,係咪佢呢間分店係冇蒜包架,係就唔該講聲啦...去過其他幾間都有,靜係呢間冇...唔係話食少塊包會死,但係都唔講清楚俾d客知先得架麻!另外d service都係麻麻,除左一個waitress之外...

今日睇戲前同朋友兩個人黎左呢度食飯叫左一個意大利龍蝦汁海鮮窩耙餐加左每人11蚊改左餐湯為龍蝦湯之後有一個煙三文魚蘋果沙津當然唔少得個海鮮窩耙同埋兩杯飲品我叫左凍檸茶,朋友叫左朱古力咖啡另外因為朋友想食甜品叫多左個香蕉船個龍蝦湯好好味又濃又有少少海鮮o係湯入面煙三文魚都幾好食但三文魚份量少左d至於個海鮮窩耙d飯焦一點汁點知放入口即刻淋曬如果脆口d會更好但個味同龍蝦湯冇乜分別我朋友本來叫朱古力咖啡但唔知點解黎到係莫加咖啡我朋友飲左冇出聲但都唔多開心啦到最尾食香蕉船有兩支pocka朱古力杏仁百力支點d雪糕正呀不過d雪糕好似只係牛奶公司架喎食完埋單發覺都幾貴要成三百蚊呀不過service真係唔錯同埋d waiter都幾細心環境都好靚呀!唔記得話俾大家知個窩耙味道係唔錯但係一窩入面主要得兩隻蝦,一d帶子粒,切到半粒半粒咁既青口,同埋一d魷魚圏講真d料都幾少架不過食完個set真係好飽(不過可能係d龍蝦汁好滯口咋)