意粉屋 (新城市廣場一期)

营业中

休息中

星期六晚上七點到， 帶小朋友去完新開嘅恐龍公園玩😆，見唔使等位，但其他食肆都要等位，就入咗呢間。 我哋坐喺全個餐廳比較中間嘅位置，同隔離枱係貼住， 基本上係同隔離枱嘅食客手踭掂手踭咁樣🤐，如果同朋友要傾密計，就唔好揀呢間餐廳😂。我哋三個人，兩大一細，因為唔係好肚餓就嗌得比較少嘢食，只係點咗兒童餐、薯蓉焗田螺同埋炸海鮮餅，埋單大約三百蚊。比較好食就係個薯蓉焗田螺，海鮮餅就比較肥膩，放喺到10分鐘，成張墊底紙都係油， 齋睇都覺得膩 。💟呢度唯一可取之處就係食物cp值係比較高(相對商場內嘅其他食肆)， 食物選擇亦比較多。

今日放假，約咗親朋戚友去咗沙田一間意粉屋到聚餐，因為人多嘅關係我哋所以叫咗好多嘢食，服務唔錯，環境乾淨企理，首先頭盤叫咗個青口，啲肉全部甩晒學，不過喺個湯底度搵返啲肉，味道都幾好，然後叫咗個薄餅，味道10分出色，搞到我哋仲要幾多份去食，叫咗個墨魚汁意粉，味道稍為淡咗啲，仲有一個意大利飯，個個都食到讚不絕口，之後叫咗分豬手，非常大份，夠晒我哋咁多個人食，個皮整到脆卜卜，啲肉都非常之好食，整體而言我們都10分滿意

二次回訪都是為了這碟脆炸豬手，少有令我覺得不油膩的德國鹹豬手，豬皮香脆，肉質外脆內嫩，一咬滿口鹹香，不知不覺就吃了幾塊😋伴碟酸菜很開胃，酸味可以調控得更完美，不過這個水準我也收貨吧😂其他菜式一般般，火腿煙通粉太多芝士好膩，不過煙通粉煙煙韌韌口感好；白酒煮青口淡而無味，真是連香味都無😅超級不推薦；點了千島及夏威夷Pizza，兩者味道差不多，餅底比較厚我喜歡👍🏻；牛面頰飯味道不錯，牛肉燉爛得來保留了少許咬勁。all in all,會再回訪吃豬手😋

而家喺沙田想食個下午茶冇$100都唔可以落樓 ，有好多餐廳仲要冇下午茶可以揀啦。 成10年冇食過意粉屋，但係佢竟然最平四$50有個下午茶餐食，行到攰攰地就入去啦，又唔使等位。餐牌寫住漢堡包要等20分鐘，但係我朋友好想食，所以都照叫咗點知落咗單之後七至8分鐘就到咗了樣樣嘢都係熱辣辣，不過略嫌個薯條唔係好夠脆，另外叫咗一個炸魚薯條平平哋好似50幾蚊，都係熱辣辣嘅樣樣嘢都係中上。 如果要挑剔嘅話個漢堡包嗰塊牛肉就好多筋，不過呢個價錢已經冇乜嘢可以要求了。

同家人去咗意粉屋食下午茶，叫咗佢哋嘅蘇皮湯，海鮮意大利飯同牛肉漢堡。蘇皮湯味道好香濃，湯汁好滑，啲蘑菇同啲湯味道都好出色，好好味！海鮮意大利飯亦都好好食，啲米飯煮得好啱口，啲海鮮仲有啲蝦味，令味道更加豐富。不過啲份量唔算太多，啱啱好飽嘅人食一份可能夠啦。至於牛肉漢堡，個漢堡包煮得好啱口，唔算太硬亦都唔算太腍，啲牛肉質好嫩，仲有啲微微嘅牛肉香味。加埋啲生菜、蕃茄同埋芝士，味道更加豐富啦！啲薯條炸得好鬆脆，好好味！整體而言，意粉屋嘅蘇皮湯同海鮮意大利飯都好好味，加埋啱啱嘅牛肉漢堡，真係一個好適合下午茶同埋輕食嘅地方。價錢方面都算合理，服務方面都幾好，令人覺得好舒服。如果你鍾意食意大利麵同漢堡，就可以嚟意粉屋啦！

在這裡，品嚐了幾款經典的意大利美食，包括海鮮芝士忌廉汁意粉、芝士焗龍蝦汁•海蝦意式飯、悠閑下午茶拼盤（西班牙白毛豬風乾火腿•蒜蓉脆包 • 檸檬雞翼 •脆薯條）以及湯：酥皮周打海鮮湯。海鮮芝士忌廉汁意粉口感濃郁，芝士味濃厚，搭配上新鮮的海鮮，令人回味無窮。另外，芝士焗龍蝦汁•海蝦意式飯，則是一道色香味俱佳的佳餚。龍蝦汁與海蝦完美融合，令人陶醉其中。在悠閑下午茶拼盤中，各種小食各具特色。西班牙白毛豬風乾火腿口感鹹香，蒜蓉脆包和檸檬雞翼則是鹹鮮中帶點微辣。脆薯條外酥內軟，搭配沾醬，更顯美味。最後，酥皮周打海鮮湯濃郁濃郁的口感，酥皮的鬆脆與海鮮的鮮味完美結合，讓人不禁讚歎。

一心諗住有會員優惠嚟食個下午茶，仲用$15加埋酥皮忌廉湯。😋酥皮湯先上，揭起塊酥皮切成四份，逐一加落熱辣辣嘅湯，超邪惡但係勁好味。跟住上嘅係芝士焗菠菜魚柳扁意粉。幾乎次次嚟都係食呢個。😂先食熱辣辣嘅魚柳，今日塊魚柳成18cm咁長，仲要唔係薄嗰隻，超正。😋😋食完魚再食菠菜，最後食扁意粉，其實我估冇乜人好似我咁食法。🤣可能因為食咗成塊酥皮，所以食唔晒啲扁意粉，講真，呢度啲下午茶份量好足。個餐跟一杯嘢飲，我鍾意呢度啲熱咖啡，主要係因為佢哋會將啲奶加熱，然後連咖啡一齊上俾你自己落。咁樣，杯咖啡就唔會俾啲凍奶降咗溫，同埋自己鍾意落幾多就幾多。👍🏼食完哂找數嗰陣先知道原來自己個會籍已經過咗期，終於呢餐我連埋加一俾咗$113.3，好貴呀！😭😭

成日覺得沙田無咩好食，商場全部都係連鎖野，又唔平，星期六行開見意粉屋唔係太多人，諗返起都幾年無食，咪食吓囉～～.呢間分店都幾闊落，可能因為多家庭客啦，亦會主動問客人想要凍水/常溫水🧊值得一讚👍🏻.揀左all day breakfast, 菠菜魚柳拼薯蓉，另外加左兩個前菜：巴馬火腿配蜜瓜、煙三文魚多士（各15蚊）.✨All day breakfast✨好大份，都係平時果d配料啦✨菠菜魚柳拼薯蓉✨熱辣辣焗起，菠菜喺底部，再放上魚柳🐟魚柳質感好實，勝左大條，薯蓉最唔好食🥔因為係開粉既，唔係新鮮薯蓉，愈食個口感愈古怪，最後放棄唔食薯蓉🙈✨煙三文魚多士、巴馬火腿配蜜瓜✨兩個前菜都一般般，建議唔使加錢叫喇😂反正食主菜都夠飽咁耐無食意粉屋，覺得意粉屋好似停留左喺好多年之前咁既狀態，食來食去都係果d野咁🙈🙈味道又無乜進步🥲唯一優點就係夠晒大份！

去咗沙田新城市廣場嘅嘅Spaghetti house 食晚餐星期六都竟然唔使排隊間餐廳都好大 坐得好闊落 牛油果大蝦藜麥沙律個牛油果啱啱好 啲蝦都幾大隻 同爽 沙律菜好新鮮 炸雞薯條拼盤個炸雞係非常好食 啱啱炸出黎 雞好Juicy 同好滑脆到可以拍ASMR慢煮牛面頰南瓜意大利飯牛面頰份量幾多多 煮到好淋好香個意大利飯唔會好膩同埋好香南瓜味蕃茄海鮮手工意粉意粉有啲煙韌 唔會煮得太淋 海鮮有幾多種類同埋份量都幾多夏威夷pizza 個餅底比較薄 鍾意食薄批嘅人就啱啱好 個餅底唔會好油膩 同埋個批有好多料食物質素 水準之上 環境不錯 好闊落 又坐得舒服 份量都唔似其他Cafe咁細份

一家大小去沙田新城市行街，經過意粉屋就去食下，平時成日都會見到意粉屋，但呢間意粉屋門口感覺好舒適，有正張長梳化比客人座下等候睇下餐牌咁，好順利成卓差睇完簡好食乜野就會想入去食野先叫左個薯條(本人係好中意食薯條)薯條口感可以，芝士也是剛焗好做到拉絲效果，再叫左個蕃茄肉丸扁意粉，肉質就一般，但個蕃茄汁就做得唔錯好好食，仲食左個普通pizza , 味道都唔錯，整體而言十分比七分，員工亦有禮貌，我詢問可否比多張餐巾時，員工話有bb圍巾比我，都細心

今天和好友去了這間吃午飯，取完飛後很快就可以入座，餐廳環境也很不錯，位置很寬躺、環境很舒適。我和好友分別點了芝士卡邦拿意粉、芝士薄餅、蘑菇忌廉湯和黑糖餐包。🤩意粉硬度適中，芝士味和忌廉味也足，但感覺用料不是很多，所以很快就吃完，而感覺在一般餐廳也可以吃到的美味，所以感覺價格也是偏貴🫡黑糖餐包的質素很高，並不是一般的貨式，口感煙煙韌韌，感覺也很健康。😛餐湯味道不差，因為喝上去也有很濃的蘑菇黑松露味，很適合我的口味，湯的用料也很足，所以喝完後便感到很飽肚了。🤣👍整體而言，食物與環境質素也很好，只是價格偏貴，所以如果想吃平點又多款的，這間未必會是首選。🙏🏻

沙田新城市廣場近年開了很多不同國家的菜色，中、日、韓、星馬、泰、越、意、美、法，差不多都齊全。所以如果要吃均真的要吃幾個月。哈哈！7樓全層都是餐廳，所以連意粉屋之前在地下樓層都要搬上來開業，這裡地方較大有很多卡位。我們點了一個一人餐 和 週末二人悠閒之選 🍝西班牙白毛豬風乾火腿配蜜瓜前菜夠清新風乾火腿帶點咸香配蜜瓜吃多一點鮮甜。珍寶雜錦板板薄餅板板薄餅焗得夠香脆，批底鬆脆餡料豐富，但略嫌份量較少。石板燒美國牛肩肉(220g) 配薯條·清新沙律這個牛肩肉煎得香而肉質嫩有牛味，配粗薯條真是絕配。焗肉醬千層麵招牌菜焗肉醬千層麵，餡料豐富多汁千層麵煙煙韌韌保持到水準。自家製檸檬芝士餅又到甜品時間，清新檸檬味配濃郁芝士味的芝士餅很搭配。

真心嗰句價錢唔平，不過因為有會員優惠先嚟食份足量下午茶當午餐。每次嚟食下午茶，例牌叫忌廉芝士焗菠菜煎魚柳扁意粉，因為覺得佢夠熱又好味。😋我朋友叫咗芝士焗肉醬意粉，欣賞佢哋喺餐牌上面寫明係牛肉，我唔係幾鍾意食肉醬意粉，所以從來冇試過，不過我朋友就食得乾乾淨淨，我估應該都好味。😅呢度啲咖啡都幾好飲，本來叫咗熱檸水，到最後都係改返熱咖啡。😂折實之後人均$60，下午茶2:30開始，如果唔怕晏食午餐，咁嘅價錢同份量都唔錯。

193030092011，今日一行五人黎到沙田意粉屋，今日雖然是星期五但人流不多。好快我地坐低就點餐，石板燒美國牛肩肉(220克)配脆薯條·藜麥牛油果沙律牛肩肉有厚厚既肉質加上少許腊肪，有咬口之餘也有濃郁的肉味。脆炸洋蔥圈，外脆內軟，唯可惜太多炸粉。芝士焗牛肝菌汁·松露香菌半月雲吞，皮薄加上芝士，但芝士味太多食不出松露香。意粉屋招牌炸雞᛫脆薯條，其實炸得不錯，但炸雞還是去韓式店較好。凱撒沙律·欖油香草軟包配卡真蝦串(3串)x1，都叫好新鮮，係咁多肉類既一餐作個平衡是不二之選。即刨黑松露·雜菌蘆筍闊條麵，呢個原片黑松露，香氣撲鼻獨特，加上雜菌是最好配搭。

今次叫咗鮮忌廉芝士焗菠菜煎魚柳扁意大利麵，個芝士味好濃厚，魚柳好大舊，啖啖肉咁，個意大利麵整得好入味，份量又好多。紅豆紫薯配雲呢拿雪糕，個顏值好高，杯野飲好足料，個紫薯味好濃，加咪紅豆更正，推薦。員工服務態度良好。衛生環境方面良好。價錢方面合理。