意粉屋 (已結業)

昨天去沙田探完祖母便到新城市廣場食lunch, 經過意粉屋, 見到有hsbc card優惠, 一行三人便入去了!點了$218二人套餐\\\, 有湯, 沙律, pizza及甜品, 3個女子都夠食, 但可惜好難食!湯我就冇飲, 給了媽及妹!沙律既菜超級唔新鮮, 煙肉好似翻炸咁, 乾到似柴皮, 如果切碎做bacon粒可能會好d, 最弊係成條煙肉咁上, 又咸又乾! 忍唔住同女經理講, 佢\\\話換個拼盤俾我地, 但全部都係炸物, 都唔係幾想食, 拼盤有雞翼, 洋蔥圈, 薯角, 春卷及好似係香腸! 薯角又係翻炸咁既款, 唉......天使麵pizza, 餅底係白色既, 一d金黃色都冇, 但係就又乾又硬既, 餡料既天使麵+龍蝦汁完全古怪!甜品係一件cake share的, 係類似sara lee既朱古力蛋糕+朱古力醬, 蛋糕既質地好鬆散, 碎濕濕咁! 成個餐\\\冇樣野係得架, 呢個故事教訓我地, 便宜莫貪呀! 其實都唔係好便宜啦, 食物好味都唔緊要嘛!我發誓唔會再去新城市意粉屋食野呀!

三文魚薄餅其實幾好食,不過佢地完全唔識焗pizza! 厚批焗到批內層唔熟,濕濕地...薄批就焗火農曬個批底!芝士吞拿魚意粉唔錯~仲食過一隻芒果汁天使麵,好一般.....雞翼係唔好食的,炸過龍三文魚沙律除非要最大啦,唔係都得好少三文魚,買過一杯差唔多40蚊上落的,居然可以孤寒得只給一塊三文魚...飲品一般,湯都ok不過個人覺得意粉屋唔抵食

又到聖誕，覺得呢間都幾有聖誕气紛，上一次，已係一年前，叫同一個人熱鍋餐$168 連加一184.8，兩個湯，兩杯飲品，一個龍蝦汁天使麵，一個煙三文魚生果沙律，都幾飽肚！但食物好像差D，可惜唔記得帶道亨咭，原來道亨咭有七折呀！

今日下午去萬佛寺拜神，並在它的附屬齋鋪食齋。原想寫食評，但找不到，所以只好在這裡搭幾句。我們四個人叫了四個齋菜，每個只需$45。特別好食的是五柳芋頭魚，又香又脆，不過就油多些。生菜齋鴨都幾好味，又是香脆的，亦都多油。其它的兩味就一般，所以不提也吧。之後我們去宜家和新城市行街，行到五點三個字就即刻來這裡了。今日我們食到下午茶哪，我們二話不說就叫了四個下午茶。所以成張卡位桌面都放滿食物和飲品等等。茶餐食物有二個酥皮忌廉蜆肉湯（這個好，湯又熱，皮又脆，蜆肉和薯肉都多）、忌廉汁蜆肉意粉（這個一般，蜆肉幾多）、焗吞拿魚長通粉（這個好味，好香芝士味，魚肉幾多，長通粉爽的）、點點心併盤（這個一定不會再叫，很少份量。只得四片薄不好味的黑椒腸，三個脆但冇味的炸洋蔥圈，二隻冇味雞翼，二條好味的脆齋春卷，幾片很苦的生菜和少量紅蘿蔔絲）、煙三文魚螺絲粉沙律（這個都是下次不會再叫的了，又是份量很少，得三片一般的煙三文魚，好味的少量鮮生果沙律，少量不好味的螺絲粉和很苦的生菜底）。四杯幾好的凍餐飲品，二杯凍檸茶，一杯凍檸水和一杯凍咖啡。今次服務幾好，可能我們飲品多，所以他們加不加水都冇所謂。經過上次教訓，所以今次用

早幾晚去沙田新城市睇戲,咁睇戲前就諗住食埋飯先,去到UA隔籬見到好多歺廳,之中見到意粉屋,門口好多人排隊,咪又走過去排吓啦..等咗十五分鐘到就有位,坐底叫咗個酥皮龍虾湯,同埋叫咗個芝士焗肉醬意粉...嘩!..個湯啲酥皮都唔脆既,淋之之一塊咁達上個湯碗上面,裡面之湯仲離譜,飲落去一大陣loan味,又鬼死咁酸,都唔知點解啲湯會酸既?個意粉就幾好,淨係啲粉淋咗少少姐.

今天下午原先想去食下午荼，點知剛過了十分鐘，但冇記錯其它有些分店的下午茶是到六點的。所以叫了一個$168的套餐和一個$39的香蒜焗帶子薯蓉。先講個餐，有兩個什菜湯，好酸，有幾多菜，都飲得過。一個忌廉汁蜆肉長通粉，這個汁幾濃，但蜆肉苦苦地，所以不好食。一個夏威夷薄餅，這個最好味，個皮很脆，味道又很好。二杯飲品，一杯凍檸茶，一杯凍檸水，這兩杯都好過昨晚在怡東一樓咖啡室的餐飲好多。到最後額外加的這個香蒜焗帶子薯蓉，這個的帶子非常差，又細粒又梅又苦，重差過雪藏的。但薯蓉就ok。所以各位不要試這個，除非你隔離的個樣好才好試。順帶一提，這裡服務很差，侍應生不會加水。食完很久都不會收碗筷，飲品用的糖水樽底重有好多糖水送。還有張單＄217，但當你付$220 後，他們連錢也不會找回給你，好似老馮咁。

之前我和男友去沙田意粉屋食,我選食芝土肉醬意粉很好味,酥龍蝦湯很ok,凍檸檬水很好,我男友選黑椒肉丸意粉, 佢鍾意黑椒~佢說很好味,下次我們會去幫襯~可惜晚上很多人爆滿~~我唔鍾意等久,有時去,下午很少人去

與大學時代的老師和師弟妹食飯，十萬個為什麼要選這間餐廳，除了食下午荼之外都好少去，不過算啦，又唔係自己約，又咁多意見好衰咁。沒什麼驚喜，食物一般，不過有來會聚一聚才是最重要。叫了一些小食、pasta、pizza、salad，但發覺pizza 好像有一點不太熟.........服務麻麻，可能我們的位置較偏，叫了很久都沒有人來take order，還有女待應很用力的放刀叉到櫃內，還有我們坐的位置經常有人出去掉垃圾.....坐近那邊的同學就受苦了.......回家還是吃了兩件昨天留下的cheess cake

前幾日男朋友生日, 咪諗住去食意粉屋個新作"南瓜芝士火鍋"點知去到有少少人, 要等下位, 咪望下人地食咩la>>>點知個個都食鍋巴, 仲食到清曬碟wo~ ~咪諗"應該好好味啦!!"轉心水食鍋巴啦~~佢有6件小鍋巴配黑白面!!個賣相都唔錯ga~~不過個鍋巴唔脆lo~ ~個汁都ok~放埋d黑白面落去煮返熱~ ~都幾唔錯!!um....個餐都抵食, 有湯, 有三文魚沙律, 鍋巴同野飲, 都係$198!!!仲可以加$11, 有cheese cake or apple pie!!!不過下次都試埋個火鍋~~間野d 人好忙~~唔好其望service 好好~ ~但都唔差~上菜都好快~ ~

個鍋巴成百幾蚊, 見倒話係龍蝦汁又有海鮮, 諗住都ok, 食得過,一黎左, 真係好失望, 鍋巴得4小塊, 意粉份量又少, 個鍋有7成都係蘑菇, 只係得超少既魷魚同蝦, 真係食到一肚氣, 我覺得我比廣告幅相欺騙左。

我都有試過呢個南瓜芝士火鍋幾好食我覺得點南瓜同麵包最正！=)另外, 都有試過個窩巴(因為好多人一齊去)個汁好濃d窩巴好脆海鮮窩都幾多料仲有我覺得有個waiter 服務幾好男仔, 瘦瘦地, 短頭髮值得讚賞

第一次食意粉屋既薄餅, 揀左煙三文魚, 要薄批, d煙三文魚幾好味又大塊, 配上蕃茄醬, 鋪滿整個pizza, 幾好味, 唔錯! 個批比pizza hut既薄批略為厚少少, 但都幾脆, 不過個邊就幾硬, 冇咩牙力既話實咬唔開! 未試過厚批, 有機會或者試下!

今日天氣涼涼地, 同家人黎試下芝士火鍋, 有芝士火鍋和南瓜芝士火鍋兩款, 兩款都係有法包粒, 香草雞肉和黑椒牛肉, 我地揀左南瓜芝士火鍋, 冇咩南瓜味, 芝士味又唔係好多, 略略食到少少芝士味, 我覺得將法包粒淹落d南瓜芝士汁係最好味, 比雞肉和牛肉好味d, 可能因為麵包能夠“索”到多d汁, 所以覺得d 芝士味比較多d ! 我未食過正宗既芝士火鍋, 不過我估意粉屋呢個芝士火鍋一定唔及正宗既芝士火鍋咁香濃, 我非常鍾意食芝士, 所以覺得呢個芝士火鍋唔夠味, 但我家人唔太鍾意食芝士, 佢地就覺得幾啱口味! 如果唔太鍾意食芝士, 但又想試下芝士火鍋既朋友, 可以考慮一下意粉屋, 都唔錯既!

聽母親說意粉屋既下午茶幾好味, 所以去試一試, 環境幾舒服, 最喜歡坐卡位, 根據母親介紹點了"酥皮湯套餐", 包括"酥皮蜆肉周打湯", "焗吞拿魚長通粉"及飲品一杯。酥皮湯一到, 看到脹卜卜既酥皮實在吸引, 用湯匙揭開酥皮, 香氣四溢, 而且材料豐富, 有好多蜆肉及薯仔, 好味^@^, 外面既酥皮沾湯食最好﹗到意粉出場, 好香既吞拿魚汁, 加上長通粉真係令人回味, 而且唔會有吞拿魚那種腥味, 烹調技巧不錯。

好似前排係意粉屋食過一個好食的飯(海鮮飯)同薄餅(鴨胸)冇幾耐就冇左啦.... 真係好奇怪, 點解成日轉菜牌？我覺得唔可以成日轉囉, 昨日去食, 冇左呢兩個, 真係有點失望有冇同感？不過昨日試過的牛尾飯真唔錯個南瓜幾別緻唔知幾時又會冇呢.... 唔通要我日日食咩！