意樂餐廳 (幸福商場)

营业中

休息中

西西里鮮茄烤豬扒焗珍珠飯飯面舖滿芝士，焗得微焦，賣相吸引。豬扒經過精心烤製，保留肉質鮮嫩多汁，紅彤彤嘅鮮茄醬汁均勻鋪喺金黃微焦嘅豬扒上層，鮮茄醬酸甜滋味，帶清新自然嘅果味。蛋黃煙肉卡邦尼長通粉 蛋黃嘅濃郁香氣滿滿，滑順嘅醬汁包裹住每條長通粉，散發出微微奶香，口感幼滑。一口炸雞芝士撈即食麵 炸雞嘅外層香脆內裡鮮嫩多汁。即食麵再配埋芝士醬，濃郁奶香包裹住每一條麵條，細膩軟滑，仲帶有少少拉絲效果。柚子蜜味芝麻烤雞翼配薯條雞翼外皮金黃輕脆，均勻裹上咗一層清甜嘅柚子蜜，味道清新細膩，唔會過甜，正好帶出雞翼本身嘅鮮香。表面灑上黑白芝麻粒。雞翼表皮輕盈酥香，中間肉質嫩滑多汁，每一啖都帶著少許柚子蜜嘅果香

其實幸福商場都有好幾間茶餐廳 同事今次話想食意樂就同佢食一個午餐 真係冇諗過竟然係要等位等位嘅感覺真係一般般，前面啲人排緊隊店員又冇講清楚係入邊一台幾多個掃qr code落單 真係好耐冇食睇餐牌覺得真係有啲貴好多都七十幾蚊，搵咗好耐先搵到啲60左右嘅就揀咗呢個日式溫泉蛋牛肉飯算還可以嘅佢汁好多，都夠食曬全兜飯覺得佢甜咗少少鹹咗少少以前記得有人話意樂啲咖啡好飲係即磨嘅依家覺得一般般 真係冇乜香味喎說服唔到我話係即磨感覺真係同普通二合一雀巢咖啡冇分別整體覺得有啲貴真係一般般建議都係食另外嗰兩間

第一次去幸福商場意樂食早餐，香草雞火煺即食麵，配料南瓜同火腿都係凍嘅😵麵係硬未熟嘅😵應該係放嗰麵喺個器皿內然後加熱水😵只有香草雞是熱的，蒜香牛油多士都係凍嘅😵我諗為求快捷多士係預早焗定，新鮮冷榨熱檸好難飲😵同用新鮮檸檬片嘅檸水味道差別很大，服務唔錯嘅，但食物質素差所以唔會再嚟幫襯😵‍💫

一向久不久會來吃早餐或下午茶的。咖啡是他們唯一吸引我來的原因。往日感覺舒服，但現在感覺店員電腦化同埋索人員心情不太喜歡留意客人。今天再來整杯 coffee 完全是奶茶味，不論香味和味道完全喝不出在coffee 味。是因為飲了25年，突然分不到奶茶還是咖啡？加$6的火腿通粉，我見水較多。

呢間野，我係2022年嘅時候食過一次，亦都出過一個post，因為當時覺得好好食、份量又夠大件，真係好抵食。但係估唔到三年之後呢間嘢唔單止加咗價（當時賣$37，而家$39，加價都明，物價上漲），仲要cut開咗一半份豬扒 ，沙律少咗我都唔講啦（因為已經食左，冇影份量係幾少），成個餐份量減半仲要加價有冇搞錯？今時今日咁嘅時勢，食物冇質素，仲整成咁？檸檬茶冇檸檬都算，唔怪得香港人番大陸食野都唔留港消費！有圖在真相，大家自己睇…件豬扒細到離哂譜，個切口都好明顯下，擺到明就係將件豬扒一開二！

今天去了意樂tea, 見到有新menu (可能只是我好耐無去）又有特別特飲，叫了龍蝦湯煙鴨胸溫泉蛋扁意粉配蒜蓉多士，都有龍蝦湯味，但湯就比較稀，味道ok嘅，溫泉蛋半生熟口感啱啱好，鴨胸一般，反而蒜蓉多士係好食，剛焗好加蒜香，另叫了豬扒包配沙律，保持水準好食

呢間餐廳服務態度一等一本人帶住兩位小朋友去排隊吃早餐，後面亦有3位等緊，其中一位所謂嘅部長叫我們三個人坐二人位，我行去睇過坐得落係吃唔到嘢嘅，另一位服務員姐姐都話我哋坐唔到，個位部長叫我們慢慢慢慢等，即刻有3人位却叫我後面3位去坐。真係唔知原來今時今日嘅服務態度已經升級了

跟餐叫了杯紅豆冰（還要另外加$6）來到見到d紅豆只有少少的跟相中有好大出入(有否違反商品說明條例呢？）問了句，他們說是有份量set 左的下次都吾會再來大家也自己衡量吧😤

已經食過呢間好多次，但都不禁真係要寫下食評讚下，尤其係個下午茶餐，豬/雞扒配沙律，最重要係塊肉都幾大塊，又入味，真係比樓上大XX好食，只係$3X, 至少呢度係有人serve 埋你；至於個西多士就不過不失

今日剛巧要到客戶公司開會，趁未到lunch time人多時，吃個快餐，現在茶餐廳午餐最便宜也要四十幾元，環境又廹，又不好吃，所以我選擇了意樂，雖然價錢高了些，但環境和味道都可以這個鴛鴦扒煎得剛剛好，加上黑椒汁，好味跟餐即磨咖啡，奶多了，一般以$56這個價錢吃個快餐，雖然不是最便宜，但味道和環境已ok喇

拉麵都ok彈牙，餸好豐富下，汁都幾濃味下。整體黎講都唔差，作為一個$50既午餐，可以話係不二之選。餐廳環境都幾闊落，樓底高唔覺好焗促，亦唔會不斷幫你收餐具好想趕你走咁。讚

唔知幾時開始，茶餐廳和冰室喺香港開到周圍都係，就好似便利店一樣，總有一間係附近。很多時星期六的早上，都會同老公兩個撐枱腳食早餐，今天食咗一間很有水準的茶餐廳，可能上個星期食咗果間實在太差Menu 有不少選擇的早餐款式老公特登叫一個同上星期食的差不多款嘅早餐，濃湯通心粉，我就叫咗份雞扒配餐蛋。通心粉餐：蒜蓉多士是用厚方包，好香的蒜蓉味。好濃的雞湯味，如果要去澳x排隊吃濃湯通心粉，這個通心粉真是一個不錯的選擇代替。雞扒餐：淨係個賣相都氹到人啦！亦有點驚喜，有少少沙律菜加芝麻醬伴碟，雞扒下邊還有薯蓉添！美好的週末由每一份豐富的早餐開始

係意樂又叫外賣喇，食左幾次，質素有保證。今次叫和風牛肉豬骨濃湯烏東，加$1.5，由拉麵轉為讚岐烏東😀外賣會用兩個盒將豬骨湯與牛肉烏東分開上。一打開牛肉烏東盒蓋，見到蔥花芝麻及其他調味料撒上牛肉上面，望到都流口水。倒入豬骨湯，香氣撲鼻，湯仍然熱。和風牛肉好似打邊爐肥牛味道，軟身，重牛味，不錯。讚岐烏東入口彈牙，一直都很愛吃。除了牛肉，入面還有蘑菇，昆布 ，鹵水蛋 ，粟米仔，蔥花，芝麻等等，好足料，口感豐富。豬骨湯好香濃，好夠味，令成碗配料味道得以提升。

不說不知，有所不知，原來這間餐廳有這麼多分店。由於認識不深，所以也無所期待，只是今天大概五點多路過此地，份屬尷尬時間，茶市已到尾聲，晚市尚未開始，見這裡仍然有下午茶餐，當然立刻翻一翻放在門外的餐牌，見到賣相都吸引，價錢亦合理，所以就被吸引過來。除了餐牌吸引，還有一個很特別的景象，就是一條長長的人龍在門外排隊! 雖說價錢OK合理，但總不至於要排隊吃吧？認真一點看清楚，原來這些人都是來買燒雞的，大大隻四十元，也真不錯喔。雖然今次沒買來試，但下次有機會也可以一試。暫且捨棄燒雞，我選了西西里式鮮茄烤豬扒焗珍珠飯。果然是熱辣辣，卻並不迷你，份量夠大。一層厚芝士，豬扒舖滿飯面，推薦加幾滴辣椒仔享用，無敵！配合熱即磨咖啡香滑好飲。

外賣晚餐，叫了蒲燒鰻魚滑蛋蓋飯-皇牌蒜蓉汁。一打開飯盒蓋，香氣撲鼻。第一啖食落去滑蛋飯撈汁，竟然有絲絲芝士香味，事實係蒜蓉汁，汁好香濃，滑蛋好滑，味道不錯。飯量多，食到後期太約超過2/3，發覺汁唔夠，顯得飯有點乾。鰻魚肉質軟綿不乾，醬汁香甜，廷好吃。鰻魚滑蛋加飯撈汁一起食，口感好豐富。可能飯量多，所以都幾飽肚。