意樂餐廳 (華富(一)商場)

营业中

休息中

星期六通常都會同家人出街食晚飯，唔洗又煮又洗！今次就去左平民西餐廳 - 意樂，試下食扒！晚飯時間坐無虛席，6人以上大枱不是很多，好彩剛好有大枱食完，我地等約5分鐘就可以入內！餐牌上很多選擇，不過我地今次主要想食扒！美國豬鞍斧頭扒 （$108）賣相很靚！我地要左牛肝菌汁，附送餐湯- 菌皇忌廉湯，湯就比較淡，不是太好！豬鞍有點鞋身，味道尚算ok!白汁芝士焗巨型雞扒拼司華力腸 （$74）有2大塊雞扒，加上飯薯條，足的夠哂足料！我食牛肝菌汁，味道很白濃，雞扒鮮嫩，很不錯！慢煮咖哩雞珍珠飯 （$44）每次黎都有家人必點，抵食又好味！不過我試過就略為太辣，鐘意食辣的一定要試試！ 白汁雞扒配珍珠飯 （$48）味道香濃，很不錯！總括來說，平民西餐廳，以茶餐廳水準來說，性價比都很高！

📍平民小餐廳-安格斯牛扒 $108塊扒好厚 牛味重👍🏻😍叫左五成熟 切開血水唔算多🍽表面煎到微脆 肉質嫩滑 唔錯唔錯😋但略嫌都幾多肥膏🤔但$108 配埋湯同薯條 收貨！😼-📍。意樂餐廳。薄扶林華富邨華富(一)商場2D號舖

環境不錯的西式茶餐廳，燈光暗暗的。雜扒餐好大的一份，鐵板上，黎到好熱的，鐵板上有雞扒、豬扒、煙肉、司華力腸、芝士番茄、太陽蛋、薯條同雜菜，可選牛肝菌汁或黑椒汁，上到黎侍應會問洗唔洗幫我淋埋汁。黑松露煙肉扁意粉很好味的意粉，是忌廉汁，意粉軟硬度岩岩好。水牛城雞翼有四隻，炸得很脆，但入面仲有血紅色，有啲唔熟，水牛汁係辣嘅茄汁味，幾好味的。安格斯牛扒呢個用木板上的，木板上亦有好多野食，有牛扒、薯條、芝士薯蓉、芝士番茄同三色椒，仲放有三細碟嘅醬汁。

今日同屋企人去食飯，去咗呢間意樂意式餐廳，叫咗個龍蝦汁海鮮烏冬，仲有三文魚蛋白炒飯，覺得個賣相都幾吸引，份量都算幾多，我同屋企人一共三個人去食，食得飽。龍蝦汁海鮮烏冬有蜆、蝦，個汁唔會太鹹，味道剛剛好。三文魚蛋白炒飯有啲菇、三文魚，味道唔錯，三文魚都算多。餐廳都算歡堂，我哋一坐低店員都有俾水我哋，服務都算唔錯，餐廳嘅設計都特別，有唔同地方國家嘅時間掛喺牆上面，裝修10分特別，價錢唔會太貴。值得一試。

與朋友到意樂吃午餐，是個不錯的選擇。午飯時間人流不算多，很容易便找到座位。但座位有點窄小，二位瘦瘦的女士同坐一邊會感到不夠空間吃東西，因為桌子太小了。例湯有紅湯和白湯選擇。我叫了白湯。材料很豐富，有不同的蔬菜切粒，一直吃到底。感覺很滿足。香草烤雞野菌忌廉扁意粉的烤雞份量足，但烤得不算很長時間，沒有烤過的脆口。忌廉味很重，汁多，意粉尚算彈牙。但食物沒有驚喜，普普通通。華富邨這樣的西餐廳不多，故意樂是個不錯的選擇。

我們一家在這間屋企附近的餐廳，好方便的，但原來都好多人，可能大家都唔想星期六要煮。點了2個餐，香草雞扒，野菌滑蛋蓋飯、番茄汁豬扒白汁雞扒飯及小食：香濃芝士白汁煙肉焗西蘭花（餐湯）雜菜西湯，淡淡無乜酸味，好普通(新野：番茄汁豬扒白汁雞扒飯)個樣唔錯，鴛鴦扒飯！都幾大碟，我們2個人食都好足夠！配上茄子、南瓜及蔬菜，都幾好豬扒同雞扒都厚身又腍又大塊，2種不同醬汁都幾正（香草雞扒，野菌滑蛋蓋飯）好香好吸引的樣子，雞扒同蛋都煎得好靚滑蛋中是像奄列一樣，有洋蔥粒、菇菇等，口感都好，唔錯（香濃芝士煙肉焗西蘭花）哥哥話想食多點菜，叫了這個！好香又熱辣辣芝士好香濃，煙肉又香，西蘭花軟腍口感，連媽媽都話好味

我同個職員講要個炒飯外賣 落單時已經講左外賣 係個職員無視要求 我同佢講返佢仲怪我唔同佢講 係唔係大陸人都係鍾意咁 咩都話唔係佢問題 其實呢間野好多職員都係咁 如果係唔想聽客食咩落單 咁建議用電子方式落單 咁無咁多拗撬 又可以解決到人手不足問題 一舉兩得

難得今日早起有時間緊喺要嘆返個早餐先返工。意樂個早餐份量都幾大，每次食完之後到中午都仲好飽。今次就揀左個美式•早餐系列。千島吉列脆魚柳•腸仔•炒蛋•粟米粒•蒜香牛油多士+配熱朱古力多士嘅厚度比早一年前食的確縮左水，不過同其他餐廳比都算厚同大塊，食完塊多士都有五成飽。可惜蒜蓉同牛油揸得唔夠多，多士唔夠脆，味道真喺差左。腸仔•蛋•粟米就普普通通，蛋好嚡口，冇蛋香味。魚柳用煎嘅方法烹調，雖然冇炸咁脆口，但都幾脆。魚柳冇味，加埋個千島醬會好食好多。

點解我最近都吃五到lunch , 每日訓醒都系tea time started 🤣甘梗係即係去搵tea食，懶得去太遠，就系屋企附近間意樂餐廳買個take-away ，$28only 就買到濃湯蕃茄米粉加腥仔，流心蛋仲有杯凍檸水，好抵玩。不過有d失望，個湯一d都五濃，仲要個流心蛋其實系太陽蛋，雖然個蛋是煎得幾好，浸埋落個湯都五會穿，食起來都五錯，但其實我系想要流心蛋先pay ga , 點知pay 左之後個姐姐話系得呢隻蛋，五問都五講，我五欣賞甘既售後服務，食物包裝拎走同拆開外賣diy甘食都方便既，食物質素都叫合格，但再加service 就。。。

黎到華富無咩餐廳好選擇，就隨便入咗間叫意樂餐廳食。眼見店內地下有食物殘渣，枱面污穢之後叫服務員抹，都係隨隨便便抹一下，唔明點解要黑面。之後想要杯水，個個服務員視而不見 聽而不聞，唔多理會其實食物質素唔差，份量又多，價錢都合理，只係一入門口已經覺得服務極差。

打電話去諗住叫外賣，意樂餐廳職員接聽電後我講話想買外賣，意樂餐廳職員回覆話依家無外賣服務，我怕可能大家溝通有誤會，我表明係咪自取都無?職員馬上回覆:"你係咪馬會架?"我回答:唔係及後面職員再回覆: "依家無外賣架，因為好多巿民打完黎叫外賣後又唔要，所以依家無外賣" 我馬上追問點解馬會可以叫?馬會係咪有特權? 跟住職員就 dead air, 再慢慢每3幾秒跌粒字出黎回覆: “佢地依家都好少嗌外賣架 la"我都無謂再迫佢答d解釋唔到嘅超自然現象，忠告大家清楚自己係特權階級 ，層次去到 馬逢割 議員 或 淋天福 ceo 級數先好去幫襯

早餐時間,自己搵左個位坐,打算叫野食,舉手揮手請職員落單,舉左15分鐘都冇人理你,我好明顯係見到有職員見到我舉手,但唔會理你,好喇,叫左野食,等左半個鐘都冇野,咁問問侍應喇,佢就話早餐係要等耐d架啦,個個都等架喇, 但呢, 我見遲過我入黎既人都早過我有餐,咁我見問o者, 唉,俾人鬧,又俾人黑面.咁o者係點o者???一肚氣,. d野又唔好食 ! 侍應態度惡劣!垃圾!

一入門口已經無人得閑理你、自己搵左位座低等咗五分鐘先得到杯水、黑哂面仲要好似恩賜咁、真係多謝哂、想落單叫嘢食佢又叫你調枱、落單又落錯、廳面啲阿姐又喺度嗌交、叫叉燒拉麵嚟排骨拉麵、蘿蔔生嘅、排骨又唔熟、啲湯一啲鹽都無丶長通粉硬嘅、廚房求其煮、連樓面都話快成咁、＄100嘅食物同垃圾無分別、叫咗都食唔落、我都唔想浪費晒啲食物、但實在食唔到、冇食到就走！無心做就唔好做啦、咁大間集團都冇系統、期望佢快啲倒閉搬、換過一間肯做食物嘅餐廳

就有問題到一個點一入到去想搵位，明明就有吾少位係可以座，多就多在有好多兩人座，我三個人想搵張四人枱，點知有個人自己一個人，死都要霸住張四人枱，之後明明講咗好耐話三個人，一直係度等都無人理過。🙄🙄🙄佢地啲人手忙腳亂咁😑 真係好有問題，服務差😡😡🤬🤬🤬

第一次黎到華富都唔識搵野食唔想食快餐店 去餐廳食下漢堡都好見27蚊 價錢夠平又有位 就即刻坐低叫左個雞扒包 有薯條 加多杯凍奶茶少甜雞扒包黎到嚇親我 個口都放唔落 好！大！ 個！ 好！ 大！個！不過其實都係個包皮嚇親入面雞又唔係真係咁大塊雞扒有少少散 唔係一塊大塊既不過好似有醃過幾有味雞扒唔係太油包皮搽左人造牛油（有可能係植物油）生菜有幾塊 唔係太多薯條好特別佢唔係好粗個隻 但粗過連鎮快餐店少少炸得好脆 好似面頭有炸漿咁凍奶茶不過不失抵食