意樂餐廳 (新都城中心二期)

营业中

休息中

同朋友黎食午餐，我叫左個雞肉雜菌意粉，意粉個汁非常「杰」身，令人覺得好口渴，味道唔算濃味，雞肉同菇本身味道都可以，只係個白汁太杰，我飲曬成杯凍檸茶都食唔曬個意粉，最後食埋d雞就算！

新都城意樂，今晚同屋企人黎呢到開餐😋七點半左右黎到唔洗排隊，餐牌選擇幾多，乜都想食😆😆最後揀左：🐟黑松露三文魚撈烏冬 🦞龍蝦汁海鮮烏冬 🐥柚子蜜味芝麻烤雞翼🐟🐟🐟🐟🐟🐟落左單五分鐘左右，黑松露三文魚撈烏冬就黎啦😋賣相同張相都八九成似，以為係新鮮三文魚，原來係煙三文魚囉🤦🏻‍♀️🤦🏻‍♀️些少失望！烏冬微暖煙靭既，微微黑松露味岩岩好，好好掛汁，唔會搶晒味，粒蛋就熟左啲😂😂無咩流心效果，總體都好味既😍🐥🐥🐥🐥🐥🐥之後等左十分鐘左右先有雞翼食🤨🤨四隻熱辣辣脹卜卜雞翼，食落係硬既🤭似係番炸😳但出奇地唔會柴唔會乾，仲幾有肉汁tim 😂😂😂唔係好食到柚子味，我地覺得麻麻地！🦞🦞🦞🦞🦞🦞再等多六七分鐘，龍蝦汁海鮮撈烏冬終於黎啦😭😭有蝦蜆魷魚等，呢個乾身既，唔會好似三文魚撈烏冬咁多汁，龍蝦味同我平時食開既好似有啲唔同🤔🤔但我講唔出個分別，不過都係好味既😋總括黎講，呢間餐廳選擇多，但分量偏少，同價錢成正比，唔洗加一抵讚既😆質素都幾好，而且職員態度都幾好，一定會再黎啦😚😚

今日去左新都城食Lunch，見到意樂就入左去去啦，我地叫左芝士薯條，蛋黃煙肉鮮菌卡邦尼長通粉，慢煮秘製咖喱雞珍珠飯!-🍴主食🍴🔺蛋黃煙肉鮮菌卡邦尼長通粉🔺🌞🌞🌞🌞🌞宜個十級推介!超濃味!重要勁多菇!長通粉入邊會掛左勁多汁!但食到最尾都重有好多汁!重有勁多!多到女仔會食唔曬!🔺慢煮秘製咖喱雞珍珠飯🔺🌞🌞🌞🌞珍珠飯好好食!真係同平時食個啲米唔同!最中意就係咖喱汁撈飯!佢咖喱好濃，但我就覺得汁唔太夠啦haha!-🍴小食🍴🔺白汁芝士薯條🔺🌞🌞🌞薯條我就麻麻地白汁芝士個味都係ok嘅，薯條唔算太粗又唔係幼身個隻!

今日同老公去寶琳食下午茶，喺門口見餐牌都幾抵食就入左去，我地叫左兩個下午茶餐，仲追加左個雞翼小食！我食果個係煙鴨胸天使麵，辣辣地幾好味，煙鴨胸肉仲好香，值得返轉頭再食！一定會再幫襯！

龍蝦湯硯肉天使麵今天在坑口收工，未到六點心想仲趕得切吃個下午茶做埋晚餐。入了坑口的大商場, 被 Itamama 的龍蝦湯蜆肉天使麵下午茶餐吸引了入內。其實仲有好多選擇但都是選擇這個。龍蝦湯不是 Cream 的，淡淡龍蝦味但味道也不錯，有架香草。天使湯麵也加了有姑片，但蜆卻意外地多。整碗天使麵份量不算少，吃完後都飽足，有剛剛好的感覺。真是抵食又好味之達。

一到週末時間，新都城D餐廳就好多都取消下午茶，或者價錢會有所提高，所以一到週末就最中意去食意樂，價錢不變，變相更抵食睇完下午茶MENU，今日決定食香草烤雞茄子忌廉焗珍珠飯($37)加轉凍檸茶(+$3)等左大約10分鐘，就送到黎，以焗飯黎計上菜速度都算幾快香草烤雞茄子忌廉焗珍珠飯，佢個焗飯好有水準，面頭少少燶燶地，D芝士會有拉絲效果，味道亦水準之上，正！另外焗飯裡面都有唔少翠肉瓜、紅蘿蔔、蔬菜，所以都比較健康。題外話: 佢喺枱面貼左張貼紙，顯示佢地餐廳「意大利菜湯」比起坊間D餐湯算係低鈉，睇得出佢除左以考慮食物味道著手外，其實亦都喺飲食營養作出考慮，算係少數餐廳會咁為客人著想，值得一讚下次再食有機會試下佢D湯全日免茶，免加一

以前都黎過呢間食野，因為佢早餐好食多款式，早餐又可以到12點，點知今日發覺佢哋待應勁無禮貌！話說我飲開熱齋啡，點知佢話部機壞咗，只可以飲凍齋啡，我當然唔明點解咖啡機壞咗只有凍齋啡，但照叫，要加$3，都唔緊要，佢黎杯凍齋啡係有糖既，咁我話我要齋啡無糖既，佢即黑面話「凍齋啡係一定有糖既，你要講清楚，唗晒成杯咖啡！」然後攞走杯咖啡倒咗，然後唔理我走咗去，第二個待應過來，又怪責多次話我無要求要走糖，我話其實你哋都可以問，BTW最後都有換，但真係勁無禮貌，亦唔知會唔會係杯啡裡加料，唔知點解可以咁巴閉！

放工後入咗來新都成, 順便食埋晚飯先走.一路行街一路搵埋嘢食, 見到呢間個地板好懷舊, 好吸引!門口職員見到我哋望下望下仲諗緊, 除咗即刻SELL返兩句, 仲即時遞上優惠卷, 可以即時用.兩個人我哋叫咗個<<香草忌廉大蝦三文魚偏意粉>>分量OK, 香草汁好香, 有兩隻蝦. 幾好食. <<豬扒雞扒焗珍珠飯>>紅白二汁, 夠香夠熱, 仲有湯同嘢飲. 優惠卷送嘅係<<芝士白汁煙肉焗西蘭花>>比我心目中大份, 煙肉夠香口, 西蘭花亦焗到軟口, 唔硬! 幾好食. 

這裡環境不錯，有幾多卡位，燈光良好，不會太黑。蜜糖雞翼大約三十多元，味道不錯。由於這裡不收加一，所以原諒她們未能主動或按顧客要求給予一柸水。所以我自己出去counter, 自己取。令人失望的系我叫咗三個waiters 取水，三個都扮聽唔倒，我生平第一次去餐廳會有這個情況。不過坐倒卡位都不錯，但不會再去這間餐廳了！我想不能太怪waiters 嘅，應該係公司的理念及管理不佳！正常大快活的服務態度都好過它了!

岩岩未完旅行番黎，餐餐都咁豐富，要食番d light diet balance 番😆原來新都城都有意樂，環境都幾唔錯悠閒的cafe shop格局，侍應姐姐反應都好快，一舉手就即刻會serve 我💁🏻‍♀️今日叫左Caesar salad 🥗同杯檸檬柑桔🍊- 平時食的Caesar salad 🥗通常都會比較乾身，呢間的反而比較juicy 同fresh ，面包粒唔會烤到過硬整體都唔錯～檸檬柑桔🍊好足料，味道非常濃郁好神晨，岩我今晚要開夜車趕project 😜下次再黎試下其他野食先：）以下menu

今日放假唔使返工，可以接阿囡放學，接放學前去附近商場食個tea先😁坐底打開meun，叫左個香辣煙鴨胸炒天使麵，再加3蚊叫左杯凍奶茶炒天使麵，我預期係乾身，但呢碟比較多汁，帶少許辣，一邊食一邊撈暈，食到尾其實已索哂啲汁，岩岩好

星期六下午, 碰巧冬至, 商場擠滿人, 想食個快靚正下午茶, 意樂係首選。一坐低, 即叫兩客排長龍扒包 - 氹仔風味豬扒包, 一客跟沙律, 一客跟薯條!由於家人太肚餓了, 要加多一客粗粒花生醬厚切西多士! 再加水牛城辣汁雞翼!水牛城辣汁雞翼唔錯喎, 少少辣也香口, 肉質唔乾也很入味。豬扒包跟沙律來了, 沙律蔬菜新鮮爽脆, 唯一美中不足係塊豬扒!豬扒比以前薄身了, 好似紙咁薄, 又乾又硬又鞋, 有 D 位咬唔開的, 有 D 失望, no good no good!另一客跟薯條的, 薯條新鮮即炸的, 外脆內軟。可惜豬扒有同樣的問題, 紙咁薄, 又乾又硬又鞋!唯一叫做好一點的, 就是這客西多士, 熱騰騰的, 炸得香口, 外脆內軟, 不會油淋淋, 也不會過火!下次仍會再來的, 但以後不會再叫豬扒包了。

早前去寶琳搵朋友玩，順便係itamomo食午餐。叫左個蟹籽炒飯，跟羅宋湯。羅宋湯唔辣，甜甜地，好味，同埋都多料，好有口感。個炒飯都好好味，不過可以裝滿少少就好喇餐廳有bb凳，岩我地帶住小朋友黎食，不過bb凳係放上座位果啲，唔係high chair，有點美中不足。環境方面係舒適既，燈光偏暗，裝修唔錯。食物價錢亦合理，總括係唔錯既!

今晚本身約左朋友係新都城睇戲，但睇戲前仲有兩個鐘食個quick dinner，行過見到呢間餐廳幾開揚，座位又幾闊落，所以就揀左呢間食。九州叉燒豬骨濃湯拉麵（$54）叉燒屬於半肥瘦，肥肉唔會太膩口，瘦肉都唔會嚡十十，算幾入味。另外，比較驚喜既係果隻蛋係我最鍾意既半熟流心蛋，算係比較有誠意，而且配菜係爽口既海帶，份量唔少，亦加左大量蔥花同乾蒜，令味道更豐富。略嫌不足的是湯底偏淡，如果可以搭配上更濃郁既豬骨湯底，成個拉麵會更加好味。總體而言，呢間餐廳性價比算高，食物價錢不太貴，味道不錯，而且餐廳裝潢尚算用心，未試過既朋友仔經過不妨試下。

放工前朋友突然搵我話今晚冇飯開,叫我陪佢食餐飯,我見今日又唔洗OT,所以應承左佢,佢話帶我食間好抵食既餐廳!佢帶我來左一間西餐廳,環境開揚,餐廳外可以一眼睇哂餐廳內的位置,光線充足,位同位之間闊落,坐得舒服唔擠迫!打開menu價錢一d都唔貴,仲有好多選擇!!唔怪之得朋友話抵食啦!!諗左一輪,我地選擇左<千島菠蘿海鮮pizza>,<帆立貝海鮮意大利蕃茄濃湯扁意粉>,<慢煮秘製咖哩牛坑腩小鍋配珍珠飯>!!首先來到係<帆立貝海鮮意大利蕃茄濃湯扁意粉>,有蝦,帆立貝,青口,魷魚幾款海鮮,蕃茄湯十分濃郁,但一d都唔咸,扁意粉食落幾爽口,唔會煮到淋哂!!<千島菠蘿海鮮pizza> pizza上放左薄薄嘅千島醬,再在菠蘿洋蔥等配料上再加上芝士,烤過後香噴噴!!同埋個批做得唔硬仲幾厚身,咬落好有口感,真的不錯!!<慢煮秘製咖哩牛坑腩小鍋佩珍珠飯>咖哩味濃郁,唔覺有辣味,牛坑腩煮得好淋,一d都唔難咬開,而且煮得入味,味道幾好!!呢度食物質素幾好,價錢仲好合理!!下次有機會再來食過!!