惠隆號東莞佬涼茶

营业中

休息中

今晚放工落咗車行緊返屋企，就醒起其他食家提過呢間涼茶舖，跟住就周圍望，終於發現"它"，因為我次次都行對面垃圾站條行人路，冇留意到"它"的存在。因為未食晚飯，所以諗住買返去飲，就同阿姐講要杯大嘅銀菊露攞走，點知佢話有加大賣 7 蚊，我諗都係飲唔晒，就話要杯細，問佢幾錢，佢話 5 蚊，但仲細杯過嗰喥隻細玻璃杯，點解外賣要貴 2 蚊咁多？又冇標明價錢，我未試過買涼茶外賣要加錢！話時話杯銀菊露真係幾清甜，加蜜糖 d 味幾特別，又有清香嘅菊花味，只係甜咗少少，但不次再去要即場飲，唔會再買走！

同事H君是深水埗街坊，看了主人與奴隸獸所撰寫的銅鑼灣老涼茶店的食評後，就告訴我們在北河街還有一間歷史更悠久的涼茶舖，推介我們去試試該店的蜜糖銀菊露，當天下午我們就專程光顧。招呼我們是一位老當益壯的伯伯，（應該是老闆吧！）主人要了一杯凍蜜糖銀菊露（大杯，HK$5.0），入口冰涼，有淡淡蜜糖的甜味，又有菊花的清香，確是一杯最佳的消暑飲品。奴隸獸就要了一杯加了蜜糖的廿四味（HK$5.5）。老伯伯告訴我們這款涼茶是全港首創獨有。一入口就嚐到蜜糖濃濃的蜜味及甜味，跟著是涼茶的苦與甘。一口接一口，甜、甘、苦不停交織，就好像嚐到漫漫人生的味道。唉！！真是好觸感呀！邊飲邊與老伯伯輕鬆愉快地聊天，才知道此涼茶店原來已經營了六十多載，真是難得呀！

男朋友帶我去哩間舖之前自己試過，話個銀菊露好正，第二日我地一齊去飲，嘩~~果然係好味喎~~無介紹錯呀下！夠晒冰凍清涼~~裡面加左蜜糖，份外清甜，笨唔係個D加左鬼咁多糖gei糖水~再加上個隻咁懷舊的杯...就更加有FEEL喇!各位去開深水土步食合益泰同堅記的朋友仔，不妨去埋哩間東莞佬飲返杯蜜糖銀菊露潤下喉丫！^^ 大杯都只係５蚊雞咋！

上次試過銀菊露，說過再來的話必會一試這裡的廿四味，最終都是出閘脫腳，一來大熱天時，熱飲廿四味已經是難度，第二是廿四味的甘苦味道，還是下次吧，三來當然被這裡的第三主打五花茶吸引著，站在這兒，五花茶的銷情亦跟銀菊露相距不遠，啖下果然是正宗口味，還算是濃味的那種，不過甜更是逗人開懷，不愧的銀菊露以外的皇牌之作！

24/5(四) 2pm踏上歸途前,特意造訪此老字號.三蚊杯的銀菊露,清甜中滲出蜜糖幽香,味道沒半點人工化,酷熱天氣下冰涼透心極!三蚊雞的銀菊露實為女生而設,消暑首選!

大字標題清涼潤肺、清熱去濕一直覺得銀菊露是比起五花茶更為美味及清甜，而這裡標榜以蜜糖和之，更以古董高身冰杯盛載，怎樣都抵不住這誘惑。銀菊露盛在一個舊式的凍飲機內攪動著，只是看到凍飲機外的一層冷霜，在炎夏裡已經解了一半的暑氣，而大大杯的高身冰杯放在面前，骨碌骨碌的馬上干掉。菊花的清香配上輕宜的蜜糖甜味，冰凍又不過甜漏，這杯銀菊露真的有機會要來嚐一下。睇舖阿姐見左影右影，客客氣氣的叫馬上拍完，因老板不喜歡有傳媒採訪及客人拍攝，果然老舖性格。另外旁邊放著的廿四味涼茶更多街坊幫襯，短短五分鐘已經有二三個街坊幫襯，每每放下幾個銅板一飲而盡，似乎這廿四味比起銀菊露更受歡迎！